习近平分别会见法国总统玻利维亚总统阿根廷总统德国总理

文摘 2024-11-21 23:48 新疆

习近平分别会见法国总统玻利维亚总统阿根廷总统德国总理

شي جينپيڭ فرانسيا زۇڭتۇڭىمەن، بوليۆيا زۇڭتۇڭىمەن، ارگەنتينا زۇڭتۇڭىمەن، گەرمانيا زۇڭليىمەن جەكە - جەكە كەزدەستى

شينحۋا اگەنتتىگىنىڭ 11 - ايدىڭ 19 - كۇنى ريو - دە جانەيرودان بەرگەن حابارى (تىلشىلەر شى شياۋمىڭ، لي زىجيان). جەرگىلىكتى ۋاقىت 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ ريو - دە جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسىپ جاتقان كەزىندە فرانسيا زۇڭتۇڭى ماكرونمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن فرانسيا ەكەۋى دە تاۋەلسىز، تولىسقان، جاۋاپكەرشىلىك ارقالايتىن ءىرى ەل، ەكى ەلدىڭ قارىم - قاتىناسى وزگەشە ستراتەگيالىق قۇنعا جانە الەمدىك مانگە يە. بيىل 5 - ايدا ءبىز جۇڭگو − فرانسيا قارىم - قاتىناسىنىڭ ”جاڭا 60 جىلىنا“ نازار سالىپ، الەمدىك سايىستار جانە قولامتالى ماسەلەلەر جونىندە ورتاق ءۇن قاتىپ، حالىقارادا كەڭ كولەمدە، بەلسەندى ىقپال تۋدىردىق. قازىر حالىقارالىق جاعدايدا كوپتەگەن جاڭا وزگەرىستەر تۋىلۋدا، حالىقارالىق قوعامدى الەمدىك سىن - سايىستارعا ىنتىماقتاسا توتەپ بەرۋگە باستاۋ − جۇڭگو مەن فرانسيا بىرگە ارقالايتىن ءىرى ەل جاۋاپكەرشىلىگى. ەكى جاق ستراتەگيالىق بايلانىستى تەرەڭدەتىپ، ءوزارا قولداۋ كورسەتۋدى كۇشەيتىپ، جۇڭگو − فرانسيا قارىم - قاتىناسىنىڭ ورنىقتى، اقاۋسىز، بەلسەندى دامۋ كۇيىن ساقتاپ، جۇڭگو − ەۆروپا وداعى قارىم - قاتىناسىنىڭ ۇتىمدى دامۋىنا جانە دۇنيە ءجۇزىنىڭ بەيبىتشىلىگىنە، ورنىقتىلىعىنا اناعۇرلىم زور ۇلەس قوسۋى كەرەك.

شي جينپيڭ بىلاي دەپ باسا دارىپتەدى: جۇڭگو جاق فرانسيا جاقپەن جوعارى جىكتەگىلەردىڭ بارىس - كەلىسىن ۇزدىكسىز جيىلەتىپ، مادەنيەت، وقۋ - اعارتۋ، جەرگىلىكتى ورىن، جاستار سياقتى گۋمانيتارلىق سالالارداعى اۋىس - كۇيىستى، سەلبەستىكتى ۇزدىكسىز تەرەڭدەتىپ، جۇڭگو − فرانسيا حالىقتارى تىلەگىنىڭ توعىسۋىن جەبەۋدى قالايدى. جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جۇڭگونىڭ جاڭا كەزەكتى رەفورما جاساۋ، ەسىك اشۋ ءۇردىسىن باستادى، ول جۇڭگو مەن فرانسيا سەلبەستىگىنە جاڭا وراي ازىرلەيدى، ەكى جاقتىڭ ناقتى ىستەر سەلبەستىگىنىڭ بولاشاعى كەڭ. ەكى جاقتىڭ جوعارى دارەجەلىلەردىڭ ەكونوميكا، قازىنا، فينانس جونىندەگى تىلدەسۋى، ەكونوميكا - ساۋدا ارالاس كوميتەتى سياقتى مەحانيزمدەردەن ويداعىداي پايدالانىپ، سەلبەستىكتىڭ كومەسكى كۇشىن تەرەڭ اشىپ، باسىمدىقتارىمەن ءوزارا تولىقتاۋدى كۇشەيتىپ، الاۋىزدىقتى ۇيلەسىمدى شەشىپ، ءوزارا پايدا جەتكىزىپ تەڭ يگىلىككە كەنەلۋدى جۇزەگە اسىرۋىن ءۇمىت ەتەمىن.

ماكرون مىنالاردى ءبىلدىردى: بيىل 5 - ايدا ءتوراعا شي جينپيڭ فرانسيادا ءساتتى ساپاردا بولدى، ءبىز فرانسيا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن بىرگە سالتاناتپەن قۇتتىقتادىق. قازىرگى دۇنيە ءجۇزى ءتۇرلى ورنىقسىزدىق، تۇراقسىزدىق فاكتورلارىنا تولى. فرانسيا جاق جۇڭگو جاقپەن بىرگە ەكى ەلدىڭ مەملەكەت باسشىلارى كەلىسكەن ورتاق تانىمدى مۇقيات تياناقتاندىرىپ، جوعارى جىكتەگىلەردىڭ بارىس - كەلىسىن ۇزدىكسىز جيىلەتىپ، گۋمانيتارلىق اۋىس - كۇيىستى ارتتىرىپ، ءداستۇرلى دوستىقتى جالعاستىرىپ، جاڭاشا مەملەكەت پەن مەملەكەت قارىم - قاتىناسىن تۇلعالاۋدى قالايدى. فرانسيا ستراتەگيالىق جاقتا وزىنە - ءوزى قوجايىن بولۋعا تاباندى بولىپ، ءوزارا قۇرمەت ەتۋ رۋحىن ۇستانىپ جۇڭگو جاقپەن تىلدەسىپ، سەلبەستىك جاساپ، ەكونوميكا - ساۋدا تالاس - تارتىسىن ۇيلەسىمدى ءبىر جاقتى ەتىپ، ەكى جاقتىڭ ەكونوميكا - ساۋدا قارىم - قاتىناسىنىڭ اقاۋسىز، ورنىقتى دامۋىن قورعاپ، كليمات وزگەرىسىنە توتەپ بەرۋ، جاساندى زەردە جاعىنداعى الەمدىك باسقارۋ سياقتى سالالارداعى سەلبەستىكتى كۇشەيتۋدى قالايدى.

ەكى جاق ۋكراينا داعدارىسى جونىندە كوزقاراستارىن اۋىستىردى. شي جينپيڭ بىلاي دەپ اتاپ كورسەتتى: جۇڭگو جاقتىڭ ۋكراينا داعدارىسى جونىندەگى تۇرعىسى دايەكتى، قاقتىعىس جاعدايىنىڭ باسەڭدەۋىن ءۇمىت ەتەدى، داعدارىستىڭ سىرتقا جايىلۋىن، سوعىس ءورتىنىڭ ۇدەۋىن كورۋدى قالامايدى، ءوز تاسىلىمەن ۇرىستى دوعارىپ، سوعىستى توقتاتۋدا ۇزدىكسىز سىندارلى رول اتقارادى.

ساي چي، ۋاڭ ي قاتارلىلار كەزدەسۋگە قاتىناستى.

شينحۋا اگەنتتىگىنىڭ 11 - ايدىڭ 19 - كۇنى ريو - دە جانەيرودان بەرگەن حابارى (تىلشىلەر شاڭ ياڭ، جياڭ بياۋ). جەرگىلىكتى ۋاقىت 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ ريو - دە جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسىپ جاتقان كەزىندە بوليۆيا زۇڭتۇڭى ارسەمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن بوليۆيا جاقسى دوستار، جاقسى باۋىرلاستار. جاقىنعى جىلداردان بەرى ەكى ەل قارىم - قاتىناسى تاماشا دامۋ ارىنىن ساقتاپ كەلەدى، ەكى ەل ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى تاباندىلىقپەن قولداپ، ”ءبىر بەلدەۋ، ءبىر جولدى“ بىرگە قۇرۋدا سۇبەلى جەتىستىكتەرگە قول جەتكىزىپ، ەكى ەل حالقىنا ناقتى يگىلىكتەر اكەلدى. جۇڭگو جاق بوليۆيا جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولى جونىندە دەربەس، وزىنە - ءوزى قوجايىن بولا وتىرىپ ىزدەنىس جاساۋىن قولدايدى، كەلەر جىلى جۇڭگو مەن بوليۆيانىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن وراي ەتىپ، بوليۆيا جاقپەن ءداستۇرلى دوستىقتى اسقاقتاتىپ، ستراتەگيالىق ءوزارا سەنىمدىلىكتى تەرەڭدەتىپ، ءوزارا پايدا جەتكىزۋ سەلبەستىگى اياسىن كەڭەيتىپ، جۇڭگو − بوليۆيا ستراتەگيالىق سەرىكتەستىك قارىم - قاتىناسىنىڭ تاعى دا تىڭ ساتىعا كوتەرىلۋىنە جەتەكشىلىك ەتۋدى قالايدى.

شي جينپيڭ بىلاي دەپ باسا دارىپتەدى: ەكى جاق ۇكىمەتتەردىڭ، زاڭ شىعارۋ قۇرىلىمدارىنىڭ، ساياسي پارتيالاردىڭ، جەرگىلىكتى ورىنداردىڭ بارىس - كەلىسىن كۇشەيتىپ، ەل باسقارۋ جاعىندا تاجىريبە اۋىسۋدى ىشكەرىلەي ورىستەتىپ، ”ءبىر بەلدەۋ، ءبىر جولدى“ بىرگە قۇرۋ باستاماسىن بوليۆيانىڭ 2025 - جىلعى دامۋ جوباسىمەن ءتۇيىلىستىرىپ، نەگىزدىك قۇرىلعىلار قۇرىلىسى، ءۇستىرت اۋىل شارۋاشىلىعى، جاسىل دامۋ، سيفرلى ەكونوميكا سياقتى سالالارداعى سەلبەستىك اياسىن كەڭەيتىپ، بىرلەسكەن مەملەكەتتەر ۇيىمى، بريكس ەلدەرى سياقتى كوپ جاقتى مەحانيزمدەگى ىستەستىكتى تەرەڭدەتىپ، جەر شارىنىڭ وڭتۇستىگىندەگى ەلدەردىڭ ىنتىماقتاسىپ، ءوزىن الۋەتتەندىرۋىن جانە بىرگە دامۋىن ىلگەرىلەتۋى كەرەك. جۇڭگو جاق لاتىن امەريكاسى ءوڭىرىنىڭ ءبىر تۇلعالاندىرۋ قۇرىلىسىن قولدايدى، بوليۆيا جاقپەن بىرگە جۇڭگو − لاتىن امەريكاسى تالقى مىنبەرى مەحانيزمى قۇرىلىسىن كۇشەيتۋدى قالايدى.

ارسە مىنالاردى ءبىلدىردى: بوليۆيا مەن جۇڭگو ەكى ەلدىڭ باۋىرلاس دوستىق سۇيىسپەنشىلىگى تەرەڭ، جۇڭگو جاقتىڭ بوليۆيانىڭ جاڭا تيپتى ايدارشا ۆيرۋس ىندەتىن جەڭۋىنە كومەكتەسكەندىگىنە، بوليۆيانىڭ ەكونوميكالىق، قوعامدىق دامۋىن جەبەگەندىگىنە العىس ايتامىز. ءتوراعا شي جينپيڭنىڭ باسشىلىعىندا جۇڭگو ۇلگىسىندەگى وسىزامانداندىرۋ اسا زور تابىستارعا قول جەتكىزىپ، بوليۆيا قاتارلى ەلدەردىڭ دامۋىن ماڭىزدى ۇلگىمەن جانە جەتەكشىلىكپەن قامدادى. ءتوراعا شي جينپيڭنىڭ جۋىقتا پەرۋدىڭ چيانكاي پورتىن اشىسقانىن قۇتتىقتايمىز. بوليۆيا جاق جۇڭگو جاقپەن كەلەر جىلى ديپلوماتيالىق قارىم - قاتىناس ورناتقاندىقتىڭ 40 جىلدىعىن بىرگە قۇتتىقتاپ، ستراتەگيالىق سەرىكتەستىك قارىم - قاتىناستى ونان ارى تەرەڭدەتىپ، نەگىزدىك قۇرىلعىلاردى ۇلاستىرۋ - تۇتاستىرۋ سياقتى سالالارداعى سەلبەستىكتى كۇشەيتىپ، بوليۆيا مەملەكەتىنىڭ دامۋىنا دەم بەرىپ، حالىقتىڭ قۇت - ىرىسىن ارتتىرۋدى قالايدى. بوليۆيا جاق جۇڭگو جاقپەن بريكس ەلدەرى، جۇڭگو − لاتىن امەريكاسى تالقى مىنبەرى سياقتى كوپ جاقتى مەحانيزم اياسىنداعى سەلبەستىكتى كۇشەيتۋدى قالايدى.

ساي چي، ۋاڭ ي قاتارلىلار كەزدەسۋگە قاتىناستى.

شينحۋا اگەنتتىگىنىڭ 11 - ايدىڭ 19 - كۇنى ريو - دە جانەيرودان بەرگەن حابارى (تىلشىلەر سۇن حاۋ، جۋ ۋانجۇن). جەرگىلىكتى ۋاقىت 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ ريو - دە جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسىپ جاتقان كەزىندە ارگەنتينا زۇڭتۇڭى ميلەيمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن ارگەنتينا ديپلوماتيالىق قارىم - قاتىناس ورناتقان جارتى عاسىردان استام ۋاقىتتان بەرى، ەكى جاق ءوزارا قۇرمەت ەتۋگە، تەڭ تۇرعىدا مامىلە جاساۋعا، ءوزارا پايدا جەتكىزىپ تەڭ يگىلىككە كەنەلۋگە تاباندى بولدى. جۇڭگونىڭ ارگەنتيناعا قاراتقان ساياساتى باستان - اياق ارگەنتينانىڭ بۇكىل حالقىنا باعىتتالدى، جۇڭگو مەن ارگەنتينا سەلبەستىگى دە بۇكىل حالىقتى باقىتقا كەنەلتەدى. بيىل جۇڭگو مەن ارگەنتينانىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىنىڭ 10 جىلدىعى، ەكى ەلدىڭ قارىم - قاتىناسى بۇرىنعىعا مۇراگەر بولىپ كەيىنگىگە جول اشاتىن، الدىڭعىلاردىڭ ءىزىن باسىپ بولاشاققا بەتتەيتىن ماڭىزدى تۇيىندە تۇر. جۇڭگو جاق ەكى ەل حالقىنىڭ ءداستۇرلى دوستىعىن قاستەرلەيدى، ارگەنتينا جاقتىڭ رەفورما جاساۋ ارقىلى ءوز ەلىنىڭ مەملەكەت جاعدايىنا ۇيلەسەتىن دامۋ جولى جونىندە ىزدەنىس جاساۋىنا قولداۋ كورسەتەدى، ارگەنتينا جاقپەن بىرگە جۇڭگو − ارگەنتينا جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزاق ۋاقىت ورنىقتى دامۋىن ىلگەرىلەتىپ، ءوز ەلدەرىنىڭ دامۋىنا اناعۇرلىم ويداعىداي كۇش قوسۋدى قالايدى.

شي جينپيڭ بىلاي دەپ باسا دارىپتەدى: قازىر دۇنيە ءجۇزى جاعدايىندا تەرەڭ وزگەرىستەر تۋىلۋدا، جۇڭگو مەن ارگەنتينا ەكى جاق ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەردە ءوزارا ۇزدىكسىز تاباندىلىقپەن قولداۋ كورسەتىپ، ءارقايسى جىكتىڭ، ءارقايسى سالانىڭ بارىس - كەلىسىن جيىلەتىپ، گۋمانيتارلىق اۋىس - كۇيىستى، سەلبەستىكتى جەبەپ، جۇڭگو مەن ارگەنتينا دوستىعىن جۇرت جۇرەگىنە ونان ارى تەرەڭ ۇيالاتۋعا ءتيىس. جۇڭگو مەن ارگەنتينانىڭ ەكونوميكا - ساۋدا قۇرىلىمى جوعارى دەڭگەيدە ءبىر - ءبىرىن تولىقتايدى، سەلبەستىك جاساۋ بولاشاعى كەڭ، ارگەنتينا جاقتىڭ جۇڭگونىڭ جوعارى دەڭگەيدە سىرتقا ەسىك اشۋىنان كەلگەن ماڭىزدى ورايدى يگەرىپ، جۇڭگوداعى بازار ۇلەسىن ونان ارى كەڭەيتۋىن قارسى الامىز. جۇڭگو جاق ارگەنتينا جاقپەن بىرگە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ۇزدىكسىز ىلگەرىلەتىپ، ەنەرگيا، كەن شارۋاشىلىعى، نەگىزدىك قۇرىلعى، اۋىل شارۋاشىلىعى، عىلىم - تەحنيكادا جاڭالىق اشۋ، سيفرلى ەكونوميكا سياقتى سالالارداعى سەلبەستىكتى تەرەڭدەتۋدى قالايدى. جۇڭگو جاق فينانس سەلبەستىگىن ۇزدىكسىز ورىستەتىپ، ارگەنتينا جاقتىڭ ەكونوميكا، فينانس ورنىقتىلىعىن قورعاۋىنا دەم بەرۋدى دە قالايدى.

ميلەي مىنالاردى ءبىلدىردى: ءتوراعا شي جينپيڭمەن تانىسىپ - بىلىسكەنىمە وتە قۋانىشتىمىن. جۇڭگو جاقتىڭ ارگەنتينانىڭ ەل ءىشى ەكونوميكا، فينانس جاعدايىن ورنىقتىرۋعا بەرگەن قۇندى كومەگىنە العىس ايتامىز. ارگەنتينا مەن جۇڭگونىڭ ءداستۇرلى دوستىعى تەرەڭ. ارگەنتينا جۇڭگونىڭ سەنىمدى دە ورنىقتى سەلبەستىك سەرىگى بولۋدى ءۇمىت ەتەدى. ارگەنتينا جاق جۇڭگو جاقتىڭ تايۋان ماسەلەسىندەگى تۇرعىسىن تاباندىلىقپەن قولدايدى، ءبىر جۇڭگو پرينسيبىنە تاباندىلىقپەن بويسۇنادى. ارگەنتينا جاق جۇڭگومەن ەكونوميكا، ساۋدا، ەنەرگيا، كەن ونىمدەرى، فينانس سياقتى سالالارداعى سەلبەستىكتى ونان ارى جيىلەتۋدى ءۇمىت ەتەدى، جۇڭگونىڭ اناعۇرلىم كوپ كاسىپورىندارىنىڭ ارگەنتيناعا كەلىپ قارجى قوسىپ، سەلبەستىك جاساۋىن قارسى الادى، ارگەنتينادا قارجى قوسقان كاسىپورىندارعا تاماشا شارۋاشىلىق - ساۋدا ورتاسىن ازىرلەپ، كاسىپورىنداردىڭ ورىندى ۇقىق - مۇددەسىن زاڭ بويىنشا قامتاماسىز ەتۋدى قالايدى. ارگەنتينا جاق ءتوراعا شي جينپيڭنىڭ 20 ەل توبى باسشىلارىنىڭ باسشىلار ماجىلىسىندە الەمدىك باسقارۋ جونىندە بايىمداعان سىندارلى دارىپتەمەسىن ايرىقشا القايدى، جۇڭگو جاقپەن تىلدەسۋدى، ىستەستىك جاساۋدى كۇشەيتۋدى قالايدى. ارگەنتينا جاق جۇڭگو − لاتىن امەريكاسى تالقى مىنبەرىن اناعۇرلىم ويداعىداي وتكىزۋگە قولداۋ كورسەتەدى، لاتىن امەريكاسى − جۇڭگو قارىم - قاتىناسىن جەبەۋدە بەلسەندى رول اتقارۋدى قالايدى.

ساي چي، ۋاڭ ي قاتارلىلار كەزدەسۋگە قاتىناستى.

شينحۋا اگەنتتىگىنىڭ 11 - ايدىڭ 19 - كۇنى ريو - دە جانەيرودان بەرگەن حابارى (تىلشىلەر ياڭ يجۇن، ما جويان). جەرگىلىكتى ۋاقىت 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ ريو - دە - جانەيرودا 20 ەل توبى باسشىلارىنىڭ باسشىلار ماجىلىسىنە قاتىناسىپ جاتقان كەزىندە گەرمانيا زۇڭليى شولتسپەن كەزدەستى.

شي جينپيڭ بىلاي دەپ اتاپ كورسەتتى: ءسىز بيىل 4 - ايدا جۇڭگودا ساپاردا بولدىڭىز، ءبىز بۇكپەسىز، ىشكەرىلەي، اسا ناتيجەلى اڭگىمەلەستىك. جارتى جىلدان استام ۋاقىتتان بەرى، ەكى ەل جاسىل دامۋ، باياندى قاتىناس، افريكاعا باعىتتالعان اۋىل شارۋاشىلىق سەلبەستىگى سياقتى سالالارداعى سەلبەستىكتە ماڭىزدى جەتىستىكتەرگە قول جەتكىزدى، جۇڭگو − گەرمانيا قارىم - قاتىناسى تىڭ تىرشىلىك تىنىسى مەن ومىرشەڭ كۇشىن ۇزدىكسىز تاسقىنداتتى. قازىر دۇنيە ءجۇزىنىڭ 100 جىلدىق وزگەرىسى جەدەل دامىپ، جەر شارىنىڭ دامۋى شەشۋشى جول ايىرىعىندا تۇر. جۇڭگو مەن گەرمانيا دۇنيە جۇزىندەگى 2 -، 3 - ءىرى ەكونوميكالىق تۇلعا جانە ماڭىزدى ىقپالعا يە ءىرى ەل رەتىندە، جۇڭگو − گەرمانيا جان - جاقتى ستراتەگيالىق سەرىكتەستىك قارىم - قاتىناسىن ۇزاق بولاشاقتىق جانە ستراتەگيالىق تۇرعىدان بەكەمدەۋگە تاباندى بولىپ، ءوزارا تابىسقا جەتكىزەتىن سەلبەستىك حيكايالارىن ۇزدىكسىز جازۋى كەرەك.

شي جينپيڭ بىلاي دەپ باسا دارىپتەدى: جۇڭگو جاق گەرمانيا جونىندەگى ساياساتىنىڭ ايرىقشا ورنىقتىلىعى مەن ۇلاسپالىلىعىن ساقتايدى، گەرمانيا جاقپەن بىرگە ءبىر - ءبىرىنىڭ وزەكتى مۇددەسىنە قۇرمەت ەتۋگە جانە ءجىتى قاداعالاپ وتىرعان كەلەلى ىستەرىنە قۇرمەت ەتۋگە تاباندى بولىپ، پارىقتاردى ساقتاپ ورتاقتىققا ۇمتىلۋعا، اۋىس - كۇيىس جاساپ ءوزارا ۇلگى الۋعا تاباندى بولۋدى قالايدى. جۇڭگو مەن گەرمانيانىڭ ەكونوميكالىق مۇددەسى جوعارى دارەجەدە ءوزارا توعىسقان، جۇڭگو − گەرمانيا سەلبەستىگى − دامۋدى بىرگە جەبەۋدىڭ، بولاشاقتى بىرگە اشۋدىڭ ورايى. جۇڭگو جاق گەرمانيانى جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى سەلبەستىك سەرىگى سانايدى، گەرمانيا كاسىپورىندارىنا ۇزدىكسىز كەڭ بازار ورايىن ازىرلەيدى. ەكى جاق سيفرلاندىرۋدى، زەردەلىلەندىرۋدى، تومەن كومىر قىشقىل گازدى بولۋدى ارقاۋ ەتىپ، سەلبەستىكتىڭ ساپاسىن ءوسىرىپ، دارەجەسىن جوعارىلاتۋدى ىلگەرىلەتىپ، ءۇشىنشى جاق بازارىن قول ۇستاسا اشىپ، سەلبەسىپ تەڭ يگىلىككە كەنەلۋدى جۇزەگە اسىرۋى كەرەك. جۇڭگو جاق ەۆروپانى كوپ ۇيەكتەنگەن دۇنيە ءجۇزىنىڭ ماڭىزدى ءبىر ۇيەگى دەپ قاراپ، ەۆروپامەن سەلبەستىك ورىستەتۋگە كۇش سالىپ، سايىستارعا قول ۇستاسا توتەپ بەرىپ، جۇڭگو − ەۆروپا وداعى قارىم - قاتىناسىنىڭ باياندى، ورنىقتى، اقاۋسىز دامۋىن ىلگەرىلەتەدى. ەۆروپا وداعىنىڭ جۇڭگونىڭ ەلەكترلى اۆتوكولىگىنەن كەدەن باجىسىن ۇستەمەلەپ الۋى بۇكىل دۇنيە ءجۇزىنىڭ نازارىن اۋداردى. جۇڭگو جاق الاۋىزدىقتاردى تىلدەسۋ، كەڭەسۋ ارقىلى شەشۋگە باستان - اياق تاباندى بولادى، گەرمانيا جاقتىڭ وسى ءۇشىن ۇزدىكسىز ماڭىزدى رول اتقارۋىن ءۇمىت ەتەدى.

شولتس مىنالاردى ءبىلدىردى: مەن الدىڭعى جولى جۇڭگودا ساپاردا بولعاننان بەرى، گەرمانيا − جۇڭگو قارىم - قاتىناسى بەلسەندى دامۋعا قول جەتكىزدى. قازىرگى كۇردەلى حالىقارالىق جاعدايدا، گەرمانيا مەن جۇڭگونىڭ بايلانىستى، سەلبەستىكتى كۇشەيتۋى توتەنشە ماڭىزدى. گەرمانيا جاق جۇڭگو جاقپەن جان - جاقتى ستراتەگيالىق سەرىكتەستىك قارىم - قاتىناستى ونان ارى دامىتىپ، تەڭدىك، ادالدىق جانە ءوزارا قۇرمەت ەتۋ رۋحى بويىنشا ەكى جاقتى، كوپ جاقتى تىلدەسۋدى، سەلبەستىكتى كۇشەيتىپ، الاۋىزدىقتاردى ۇيلەسىمدى شەشىپ، ءوزارا پايدا جەتكىزىپ تەڭ يگىلىككە كەنەلۋدى جۇزەگە اسىرىپ، دۇنيە ءجۇزى ەكونوميكاسىنىڭ قالپىنا كەلۋىنە، ارتۋىنا جانە بىرگە گۇلدەنۋىنە ۇلەس قوسۋدى ءۇمىت ەتەدى. ەۆروپا وداعى مەن جۇڭگونىڭ تىلدەسۋ، كەلىسسوز وتكىزۋ ارقىلى ەلەكترلى اۆتوكولىك ماسەلەسىن تەز ارادا شەشۋىن ءۇمىت ەتەمىن، گەرمانيا جاق وسى جونىندە بەلسەندى قۇلشىنىس جاساۋدى قالايدى.

ەكى جاق تاعى ۋكراينا داعدارىسى، ورتا شىعىس جاعدايى سياقتى قولامتالى ماسەلەلەر جونىندە پىكىر اۋىستىردى.

ساي چي، ۋاڭ ي قاتارلىلار كەزدەسۋگە قاتىناستى.

来源：新疆日报

编辑：博塔·阿达

责编：叶克奋·沙布尔

监制：叶尔兰·努哈

http://mp.weixin.qq.com/s?__biz=MzkyMjU5NTkxMg==&mid=2247504131&idx=3&sn=339f5f097e17bfb2e49a179b1272d845

新疆日报哈萨克文

شينجياڭ گازەتشىلىك مەديا توبى: ەڭ ماڭىزدى، ەڭ قاجەتتى جاڭالىقتار وسىندا.