انار بۇلت \ شينجياڭ گازەتىنىڭ حابارى (حابارىن جازىپ، سۋرەتىن تۇسىرگەن جوۋ پىڭ). جۋىقتا 2024—2025-جىلعى شينجياڭ الاڭدا وتكىزىلگەن موتوتسيكل دالالىق بىرلەسكەن جارىسىندا شينجياڭ حاۋيۋان فيتيە راللي موتوتسيكل اترەتىندەگى ما جيڭياۋ 14 مينۋت 7 سەكۋند 32 تاقىلدىق ناتيجەمەن الاڭدا وتكىزىلگەن موتوتسيكل دالالىق جارىسى ورەندەر گرۋپپاسىنىڭ اعا جۇلدەگەرى بولدى.
ءۇرىمجى قالالىق 76-ورتا مەكتەپتىڭ باستاۋىش مەكتەپ بولىمىندە وقيتىن ما جيڭياۋ بيىل 9 جاستا عانا بولعانىمەن، جارىستا كورسەتكەن جۇرگىزۋ شەبەرلىگى مەن شۇعىل توتەپ بەرۋ قابىلەتى، سونداي-اق جارىستان كەيىنگى جايبىراقات كوڭىل كۇيى تۇگەل ونىڭ جاس شاماسىمەن توتەنشە پارىقتى كورىندى.
ما جيڭياۋدىڭ موتوتسيكل ءمىنىپ جاتتىققانىنا 4 جىلعا تاياپتى. اكە-شەشەسى ونىڭ 4-5 جاس كەزىندە ونى باسكەتبول، فۋتبول، تايكۋاندو، سوقپا بارابان، گيتار سياقتى ءار الۋان ويىن-ساۋىق جانە دەنە تاربيە تۇرلەرىن ۇيرەتۋگە اپارادى، ءبىراق ول تەك قانا موتوتسيكلگە قاتتى قىزىعادى ءارى بولاشاقتا كاسىپتىك جارىس موتوتسيكل شەبەرى بولۋعا بەل بايلايدى.
جۋىقتاعى 3 جىلدان بەرى ما جيڭياۋ ەل ىشىندەگى كاسىپتىك جارىستارعا قاتىناسىپ 6 تۇردە اعا جۇلدەگەر جانە 3 تۇردە جۇلدەگەر (جاستار مەن ورەندەر گرۋپپاسى بويىنشا) بولدى. ”مەن سول ءبىر زىمىراپ وتە شىققان سەزىمدى ۇناتامىن“،-دەدى ما جيڭياۋ قۋانىشپەن سيلىق ساۋىتىن الىپ تۇرىپ.
