شينحۋا اگەنتتىگىنىڭ 11 - ايدىڭ 20 - كۇنى برازيليادان بەرگەن حابارى. جەرگىلىكتى ۋاقىت 11 - ايدىڭ 20 - كۇنى جۇڭگو ورتالىق راديو - تەلەۆيزيا باس ستانسياسى جاساعان «كوكەيگە قونىمدى ”سوزدەر“ −− شي جينپيڭ ۇناتاتىن قاناتتى سوزدەر» ءۇشىنشى بولىگىن (پورتۋگال تىلىندەگى نۇسقاسى) تاراتۋ سالتى برازيليانىڭ استاناسى برازيليادا وتكىزىلدى. باعدارلاما وسى كۇننەن باستاپ برازيليا مەملەكەتتىك مەديا سەرىكتەستىگى، برازيليا تۋ ۇستاۋشىلار مەديا توبى، SBT تەلەۆيزياسى، برازيليا بوكس مەديا توبى، برازيليا جاڭا شىعىس سولتۇستىك تەلەۆيزياسى سياقتىلاردا تاراتىلدى.
«كوكەيگە قونىمدى ”سوزدەر“ −− شي جينپيڭ ۇناتاتىن قاناتتى سوزدەر» ءۇشىنشى بولىگى (پورتۋگال تىلىندەگى نۇسقاسى) ءتوراعا شي جينپيڭنىڭ ماڭىزدى سوزدەرىندە، ماقالالارىندا جانە سۇحباتتارىندا پايدالانىلعان جۇڭگو ولەڭ - جىرلارىن، قاناتتى سوزدەرىن كىرىسۋ ءتۇيىنى ەتىپ، نازاردى ادامزاتتىڭ تاعدىرلاس ورتاق تۇلعاسى، مادەنيەتتى جالعاستىرىپ، جاڭالىق اشۋ، ورگانيزمدەردىڭ الۋان تۇرلىلىگىن قورعاۋ، وركەنيەتتەردىڭ اۋىس - كۇيىسى، ءوزارا ۇلگى الۋى سياقتى نەگىزگى تاقىرىپتارعا شوعىرلاندىرىپ، ءتوراعا شي جينپيڭنىڭ ەرەن ساياسي پاراساتىن، تەرەڭ گۋمانيتارلىق سۇيىسپەنشىلىگىن، سونداي - اق ۇشان - تەڭىز ۇلكەن تاريحي كوزقاراسى مەن دۇنيەگە كوزقاراسىن تارتىمدى ايگىلەپ، وقىرماندارعا جۇڭگو ۇلگىسىندەگى وسىزامانداندىرۋدىڭ مادەنيەت نەگىزىن ايگىلەگەن.
