11 - ايدىڭ 20 - كۇنى مەملەكەت ءتوراعاسى شي جينپيڭ 2024 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلعاندىعىن بەينە ەكراندا قۇتتىقتادى. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 20 - كۇنى بەيجيڭنەن بەرگەن حابارى. 11 - ايدىڭ 20 - كۇنى مەملەكەت ءتوراعاسى شي جينپيڭ 2024 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلعاندىعىن بەينە ەكراندا قۇتتىقتادى.
شي جينپيڭ بىلاي دەپ اتاپ كورسەتتى: كەزەكتە جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى قارىشتاپ دامۋدا، جاساندى زەردە سياقتى جاڭا تەحنيكالار ۇزدىكسىز قانات جايىپ، ادامزاتتىڭ دۇنيە ءجۇزىن تانۋى مەن دۇنيە ءجۇزىن وزگەرتۋ قابىلەتىن بارىنشا جوعارىلاتتى، سونىمەن بىرگە الدىن الا بولجاۋ قيىن ءبىر قىدىرۋ حاۋىپ - قاتەرلەر مەن سىن - سايىستاردى دا اكەلدى. سيفرلانۋ، توراپتانۋ، زەردەلىلەنۋ سىندى دامۋ اۋقىمىن يگەرىپ، جاڭالىق اشۋدى ءبىرىنشى قوزعاۋشى كۇش، حاۋىپسىزدىكتى تومەنگى شەك تالابى، جالپىعا ءتيىمدى بولۋدى قۇن تالپىنىسى ەتىپ، ينتەرنەت كەڭىستىگىنىڭ جاڭالىق اشا دامۋىن، حاۋىپسىز دامۋىن، جالپىعا ءتيىمدى دامۋىن جەدەل ىلگەرىلەتىپ، اناعۇرلىم كوركەم ”سيفرلى بولاشاققا“ قول ۇستاسا قادام تاستاۋىمىز كەرەك. جۇڭگو دۇنيە جۇزىندەگى ءارقايسى ەلمەن بىرگە ينفورماتسيا توڭكەرىسى دامۋىنىڭ تاريحي ىرىقتىلىعىن يگەرىپ، توراپ كەڭىستىگى تاعدىرلاس ورتاق تۇلعاسىن قول ۇستاسا قۇرىپ، ينتەرنەتتىڭ ادامزاتتى ءتىپتى جاقسى باقىتقا كەنەلتۋىنە، دۇنيە ءجۇزىن ءتىپتى جاقسى باقىتقا كەنەلتۋىنە مۇمكىندىك جاساۋدى قالايدى.
2024 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسى سول كۇنى جىجياڭ ولكەسى تۇڭشياڭ قالاسىنىڭ ۋجىن قالاشىعىندا اشىلدى، نەگىزگى تاقىرىبى ”ادامدى نەگىز ەتكەن، زەردەلىلەنگەن ىزگىلىككە تالپىنعان سيفرلى بولاشاققا قۇشاق جايۋ − توراپ كەڭىستىگى تاعدىرلاس ورتاق تۇلعاسىن قول ۇستاسا قۇرۋ“. باسشىلار ءماجىلىسىن دۇنيە جۇزىلىك ينتەرنەت جينالىسى ۇيىمداستىرىپ وتكىزدى، جىجياڭ ولكەلىك حالىق ۇكىمەتى جاۋاپتى بولىپ وتكىزدى.
