شينحۋا اگەنتتىگىنىڭ 11 - ايدىڭ 20 - كۇنى برازيليادان بەرگەن حابارى (تىلشىلەر سۋ لياڭ، ۋاڭ جىيىڭ). جەرگىلىكتى ۋاقىت 11 - ايدىڭ 20 - كۇنى كەشتە مەملەكەت ءتوراعاسى شي جينپيڭ برازيليادا برازيليا زۇڭتۇڭى لۋلا وتكىزگەن سالتاناتتى قارسى الۋ قوناعاسىنا قاتىناستى.
شي جينپيڭ ارناۋ ءسوز سويلەپ، لۋلا زۇڭتۇڭنىڭ جانە برازيليا حالقىنىڭ ىستىق ىقىلاس، دوستىق كوڭىلمەن قارسى العاندىعىنا العىس ايتتى، برازيليانىڭ لۋلا زۇڭتۇڭنىڭ باسشىلىعىندا كورنەكتى دامۋ تابىستارىنا قول جەتكىزگەندىگىن قۇتتىقتادى. شي جينپيڭ بىلاي دەپ اتاپ كورسەتتى: جۇڭگو مەن برازيليانىڭ اراسىن تەڭىز - مۇحيت ءبولىپ تۇرعانىمەن، بۇل ولاردىڭ ءوزارا ءتۇسىنىسۋ، ءوزارا ەتەنە بولۋ اياق الىسىنا ەشقاشان بوگەت بولعان ەمەس. جۇڭگو مەن برازيليانىڭ ءارقايسىنىڭ وزىندىك ايقىن ەرەكشەلىگى بار ءارى ءوزارا جاراسىمدى توعىسقان. ەسىك اشۋ، جاڭالىق اشۋ، كوپ نەگىزدى ءبىر تۇلعالى بولۋ ءبىز ەكى ەلدىڭ ورتاق ەرەكشەلىگى جانە تالپىنىسى.
شي جينپيڭ بىلاي دەپ اتاپ كورسەتتى: لۋلا زۇڭتۇڭ ەكەۋىمىز ەكى ەل قارىم - قاتىناسىنىڭ ورنىن قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو − برازيليا تاعدىرلاس ورتاق تۇلعاسى دەڭگەيىنە كوتەرۋدى جاريالادىق ءارى ”ءبىر بەلدەۋ، ءبىر جولدى“ بىرگە قۇرۋ باستاماسىن برازيليانىڭ دامۋ ستراتەگياسىمەن ءتۇيىلىستىرۋ جونىندەگى سەلبەستىك حۇجاتىنا قول قويىلۋىنا كۋا بولدىق. ەكى ەل قارىم - قاتىناسىندا وسىدان باستاپ تىڭ سەكىرىس جۇزەگە استى، جاڭا داۋىرلىك ءمان الىپ، شەكسىز ومىرشەڭ كۇش پەن كەڭ بولاشاق ايگىلەندى. وتكەندى ەسكە الساق، ءبىز جۇڭگو − برازيليا قارىم - قاتىناسىنىڭ قول جەتكىزگەن تابىستارىن ماقتانىش ەتۋگە قاقىلىمىز. بولاشاققا كوز جىبەرسەك، ءبىز جۇڭگو − برازيليا قارىم - قاتىناسىنىڭ نۇرلى بولاشاعىنان زور ءۇمىت كۇتەمىز. جاڭا باستامادا تۇرىپ جۇڭگو جاق برازيليا جاقپەن بىرگە قۇلشىنىپ، ۇزدىكسىز قاجىماي كۇش سالىپ، قاجىماي - تالماي كۇرەس جۇرگىزىپ، جۇڭگو − برازيليا تاعدىرلاس ورتاق تۇلعاسىن قول ۇستاسا قۇرىپ، جۇڭگو − برازيليا قارىم - قاتىناسىنىڭ كەلەسى ”التىن 50 جىلىن“ باستاۋدى قالايدى.
لۋلا مىنالاردى ءبىلدىردى: ءتوراعا شي جينپيڭ ەكەۋىمىز شىعىس، باتىس جارتى شارداعى وركەندەپ كەلە جاتقان ەڭ ءىرى ەكى ەلدىڭ باسشىسىمىز. ءبىز حالىقتىڭ مۇڭ - مۇقتاجىن ابدەن بىلەمىز، حالىق تۇرمىسىن جاقسارتۋعا، كەدەيلىكتەن قۇتىلدىرۋعا كۇش سالىپ كەلەمىز. برازيليا جاق ءتوراعا شي جينپيڭنىڭ جۇڭگوعا باسشىلىق ەتىپ قول جەتكىزگەن دامۋ تابىستارىنا، اسىرەسە، 100 ميلليون ادامدى كەدەيلىكتەن ارىلتقاندىعىنا ايرىقشا سۇيىنەدى. ءتوراعا شي جينپيڭ حالىقتىڭ قۇت - ىرىسىن كوزدەپ، قوعامدىق ادىلدىك پەن تۋراشىلدىقتى قورعاپ، سوعىستى ەمەس، قايتا بەيبىتشىلىكتى، قارسىلاسۋدى ەمەس، قايتا سەلبەسۋدى، ءبۇلدىرۋدى ەمەس، قايتا جاسامپازدىق جاراتۋدى دارىپتەپ، دۇنيە جۇزىنە ۇلگى كورسەتتى. ديپلوماتيالىق قارىم - قاتىناس ورناتقان جارتى عاسىردان بەرى، برازيليا − جۇڭگو قارىم - قاتىناسى جەر شارىنىڭ وڭتۇستىگىندەگى ەلدەردىڭ ىنتىماقتاسا سەلبەسۋىنىڭ، ءوزارا پايدا جەتكىزىپ تەڭ يگىلىككە كەنەلۋىنىڭ ۇلگىسىنە اينالدى. برازيليا مەن جۇڭگونىڭ دامۋ ستراتەگياسىنىڭ ءتۇيىلىسۋى ەكى ەلدىڭ بىرگە گۇلدەنۋىنە دەم بەرىپ، دۇنيە جۇزىنە ءبىزدىڭ ءوز جولىمىز ارقىلى دامۋدى، گۇلدەنۋدى جانە ادىلدىكتى، تۋراشىلدىقتى ءساتتى جۇزەگە اسىرا الاتىندىعىمىزدى دالەلدەيدى. برازيليا مەن جۇڭگو ەكەۋى دە كوپ جاقتىلىققا تاباندى بولىپ، تالاس - تارتىستى بەيبىت جولمەن شەشۋدى دارىپتەيدى، برازيليا مەن جۇڭگو قول ۇستاسا وتىرىپ ماڭىزدى ءارى تەرەڭ دۇنيە جۇزىلىك ىقپال تۋدىرادى. برازيليا جاق جۇڭگومەن سەلبەستىكتى جيىلەتىپ، برازيليا − جۇڭگو تاعدىرلاس ورتاق تۇلعاسىن قۇرۋدى ءۇمىت ەتەدى.
ساي چي، ۋاڭ ي قاتارلىلار قاتىناستى.
