晚上十点嘅花都，仲系街上游荡嘅除咗果d夜生活丰富多彩嘅后生仔之外，剩低嘅大概就系好似加班到夜深嘅上班族了…
啱啱开完OT嘅，此时此刻只系想食翻一碗热辣辣嘅粥补充一下能量！
深夜嘅街道，行人都拖住忙碌咗一日嘅疲惫身躯，唯独系金花街呢家美食店给充满住疲惫嘅深夜增添咗一丝温暖的烟火气。
呢间店就系位于建设北路金花街嘅“行记猪杂粥”啦！
行记系花都不知不觉已经开咗10年啦。老板娘系一个靓阿姨，佢好热情咁同我哋倾计~
阿姨话：“不知不觉，我呢间店已经开咗10年啦！一开始我系其他地方开打煲店嘅，就系鸡煲啊，连州狗肉煲果d。10年前就搬左过来呢度做猪杂粥啦。”
阿姨话档口呢块招牌都好多年了，店铺开张到依家一直无换过，呢块小小嘅招牌系充满住岁月嘅痕迹。
阿姨讲，本来个铺面净系得挂住招牌呢边，后来因为生意越来越好，干脆就要埋隔离个铺位打通咗。
虽然店铺无华丽嘅包装同装饰，亦都无铺天盖地嘅宣传，店内只系简单咁摆几张折叠台同普通嘅红胶凳。
唯独吸引嘅就系呢度嘅招牌猪杂粥同牛腩捞面！
行记嘅猪杂粥用料新鲜，佢地每日新鲜采购猪肉。系店厨房做嘢嘅靓姨一边切紧猪肉一边同撑家姐讲，佢地每日要用到40至50斤猪肉。
阿姨切猪肉嘅动作超快，睇到眼定定。😂
阿姨话，店度最受欢迎嘅就系猪杂粥啦，所以佢地每日都要提前煲好粥底，唔米会做唔切。
每日店入边可以卖到6、7大煲嘅粥，阿姨们要不停咁煲粥底，每煲粥底最少要煲两个钟。
猪杂要提前用油、生粉、盐、姜等腌10分钟，再放进火候十足嘅白粥中滚熟，煲滚之后香味四溢，闻到都流嗮口水~
粥底里的稠滑的米胶会立刻把鲜嫩的猪杂包裹住。
白粥同猪杂嘅鲜甜夹杂埋一齐，系食盐嘅提点下，形成咗另一种鲜甜，特别系果种鲜味，不断刺激住撑家姐嘅味蕾，系一种从未有过嘅味觉体验。
阿姨话，呢度嘅粥之前大碗嘅只要13蚊！从今年1月份开始，因为物价上升，所以价钱上调咗2蚊鸡。
但系一碗例牌嘅粥，已经够晒撑家姐同撑妹两个人食了。
食过呢度嘅牛腩捞先知道点解呢个会系招牌之一。
行记嘅面用嘅系粗面。爽滑弹牙，有弹性，唔会话一夹就断。
浓郁嘅牛腩味嚼起来Q弹爽口，卤汁嘅浓郁丝毫不掩盖牛腩嘅香气，成旧牛肉嘅转化只在入口嘅一瞬间，绵而不烂，爽脆而有韧性。
面条牢牢裹住酱汁，非常入味~搭配一支维他奶，超正！
撑家姐要强烈推荐一下行记嘅辣椒酱！用嚟配面食超级正~（有d辣，撑家姐建议唔系好食得辣嘅撑友们谨慎尝试😂）
台面樽辣椒酱已经空晒樽，就知道呢个辣酱有几受欢迎了喂！
呢个辣椒酱系老板自己整嘅，原材料就系用红辣椒，老板娘话，一次要整好多，用玻璃樽装住放冰箱，因为有好多客人嚟试过都要买一樽返屋企。
花都人都中意将细嘅嘢叫做“仔”，煲仔饭，顾名思义系用细嘅煲仔煮嘅饭。
煲仔饭系即点即煲嘅，所以如果点煲仔饭嘅撑友们就要耐心等待20分钟左右啦。
一落单，厨房即刻落米煲饭，等生米煮成熟饭之后，就可以将煮熟嘅猪杂铺系饭面，热辣辣嘅猪杂煲仔饭就可以上台啦！
揭开锅盖嘅过程就好似拆快递咁，明知道自己买嘅系乜嘢，但是内心仲係抑制唔住小兴奋。
特别系咁样一煲热辣辣，仲滋滋声嘅猪杂煲仔饭简直就系致命诱惑！
猪杂嘅分量真系足到爆，铺到满晒！
捞匀之后，撑家姐再都控制唔住大啖咁食啦！米的柔韧度适中，包裹住猪杂汁嘅香，粒粒晶莹油亮，越嚼越香口！
行记除咗做午市和晚市之外，仲做埋宵夜嘅。宵夜最受欢迎嘅当然就系蚬啦！老板娘话每晚d蚬都唔够卖。
店入边d阿姨话，宵夜时间比饭市仲火爆，做到踢晒脚。
行记除咗上面介绍嘅嘢食之外，仲有好多其他好正嘅嘢嘎！撑友们如果想试下行记其他正嘢，就要早d到啦~係度解决咗晚饭，坐夜d宵夜直落都仲得！
无论每日点样为咗自己嘅梦想而奔波忙碌，都希望大家结束咗一日嘅忙碌之后，要记得好好地食一餐饭。
中意就Mark低个地址，落班夜咗就去行记食个热辣辣嘅猪杂粥啦！
行记猪杂粥
地址：花都区建设北路88-14号
电话：18520222093 13711696038
营业时间：周一至周日10：00-14：00
18:00-02:00
地图：
【花琪国际】中轴线上品质商业项目
火热招商中！！！
▼ 戳这里，详细了解
▼点击进入小程序，领取粉丝福利！
