ཝང་ཅུན་ཀྲེང་གིས་གསུངས་དོན། ཉེ་བའི་ལོ་ཤས་རིང་། རང་སྐྱོང་ལྗོངས་ཏང་ཨུད་ཀྱིས་དུས་རབས་གསར་པའི་ཏང་གི་རྩ་འཛུགས་ཀྱི་ལམ་ཕྱོགས་ལག་བསྟར་དོན་འཁྱོལ་ནན་ཏན་བྱས་ནས། དུས་རབས་གསར་པའི་ལས་བྱེད་པ་ཡག་པོའི་ཚད་གཞི་མཐའ་འཁྱོངས་དང་། འཇོན་ཐང་ལ་གཞིགས་ནས་ལས་བྱེད་པ་བཀོལ་སྤྱོད་དང་ལས་རྗེས་ལ་གཞིགས་ནས་གདེང་འཇོག་བྱ་རྒྱུ་མཐའ་འཁྱོངས། དྲང་གཞག་དྲང་བདེན་དང་ལུགས་མཐུན་ངང་ལས་བྱེད་པ་བཀོལ་སྤྱོད་ཧུར་ཐག་བཅས་བྱས་ཏེ་མི་སྣ་འདེམས་སྤྱོད་ཀྱི་སྟོན་ཕྱོགས་གསལ་པོ་བཙུགས་ནས། བྱ་བ་སྒྲུབ་བསམ་པ་དང་། བྱ་བ་སྒྲུབ་ནུས་པ། བྱ་བ་སྒྲུབ་ཐུབ་པ་བཅས་ཀྱི་ལས་བྱེད་པ་དངོས་འབྲེལ་འདེམས་པ་དང་བཀོལ་སྤྱོད་བྱས་པས། ལྗོངས་ཡོངས་ཀྱི་གོང་འོག་ཚང་མར་སེམས་ནུས་གཅིག་མཐུན་དང་། སྟོབས་ཤུགས་གཅིག་སྒྲིལ་གྱིས་ལས་དོན་སྒྲུབ་པའི་རྣམ་པ་བཟང་པོ་ཞིག་གྲུབ་ཡོད། ལྗོངས་ཡོངས་ཀྱི་རིམ་ཁག་འགོ་ཁྲིད་ལས་བྱེད་པས་འགན་འཁྲི་འཁུར་སེམས་དང་། ལས་འགན་སྒྲུབ་སེམས། དགོས་གཏུགས་ཀྱི་བསམ་པ་བཅས་རྒྱུན་ཆད་མེད་པར་ཆེ་རུ་བཏང་ནས། སློབ་སྦྱོང་ལ་ཤུགས་སྣོན་དང་། འཇོན་ཐང་ཆེ་རུ་གཏོང་བ། བྱས་རྗེས་ཧུར་ཐག་འཇོག་པ། ནུས་པ་འདོན་སྤེལ་བཅས་བྱས་ཏེ། བྱ་སྤྱོད་དངོས་ལ་བརྟེན་ནས་རྩ་འཛུགས་ཀྱི་གསོ་སྐྱོང་དང་ཡིད་ཆེས་ལ་དྲིན་ལན་འཇལ་དགོས། 

   ཝང་ཅུན་ཀྲེང་གིས་ནན་བཤད་གནང་དོན། དར་ཆ་གསལ་སྟོན་གྱིས་ཆབ་སྲིད་ལ་སྣང་ཆེན་བྱས་ནས“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང“སྲུང་སྐྱོང་གཉིས”བློ་བརྟན་འགྱུར་མེད་ངང་ཐུབ་པར་བྱེད་དགོས། རང་འགན་གཙང་སྒྲུབ་དང་། རང་འགན་ཐེག་པ་ཁུར་ལེན་བྱས་ནས་འགན་འཁྲི་ཧ་ཅང་ཡག་པོ་འཁུར་བའི་སྙིང་སྟོབས་ལ་བརྟེན་ཏེ་རང་འཁྲིའི་ལས་དོན་ཧུར་ཐག་སྒྲུབ་དགོས།  སློབ་སྦྱོང་ནན་ཏན་བྱས་ནས་ལས་ཀའི་འཇོན་ཐང་དང་ཆུ་ཚད་རྒྱུན་ཆད་མེད་པར་མཐོ་རུ་བཏང་སྟེ་དཔལ་འབྱོར་དང་སྤྱི་ཚོགས་འཕེལ་རྒྱས་ལ་འགོ་ཁྲིད་མཁན་བྱང་ཆུབ་པ་ཞིག་ཏུ་ཧུར་ཐག་འགྱུར་བར་བྱེད་དགོས། གནས་ཚུལ་གསར་པར་ཞིབ་འཇུག་དང་གནད་དོན་གསར་པར་ཐག་གཅོད་བྱེད་མཁས་པོ་བྱས་ནས་དུས་བབ་གསར་པར་ཚན་རིག་དང་མཐུན་ལ་ནུས་ལྡན་གྱི་ལས་ཀའི་བྱེད་ཐབས་ཤིག་འཚོལ་ཞིབ་ཧུར་ཐག་བྱེད་དགོས། ཕྱོགས་ཡོངས་ནས་ཏང་ནན་པོས་སྐྱོང་རྒྱུ་མཐའ་འཁྱོངས་བྱས་ནས་སྤྱོད་གཙང་ངང་སྲིད་དོན་སྒྲུབ་པའི་མཐའ་ཚད་བརྟན་པོར་བསྲུངས་ཏེ་གཞུང་ཞེན་རྣམ་དག་གི་མིག་དཔེ་ཧུར་ཐག་འདོན་དགོས། ཏང་ནན་པོས་སྐྱོང་རྒྱུ་མཐའ་འཁྱོངས་བྱས་ནས་འགན་འཁུར་བ་ཨང་དང་པོའི་འགན་འཁྲི་དང“ལས་གནས་གཅིག་ལ་འགན་འཁྲི་གཉིས”ལག་བསྟར་ཏན་ཏིག་བྱེད་པ་དང་། ཀྲུང་དབྱང་གི་གཏན་འབེབས་དོན་ཚན་བརྒྱད་དང་། དེ་བཞིན་དེའི་ལག་བསྟར་ཞིབ་སྲོལ་གྱི་དགོངས་དོན་དང་རང་སྐྱོང་ལྗོངས་ཏང་ཨུད་ཀྱི་ལག་བསྟར་བྱ་ཐབས་ལག་ལེན་ཡག་པོ་བསྟར་བ། ཚན་ཁག་ལ་དམ་འཛིན་དང་དཔུང་ཁག་ལ་སྣེ་ཁྲིད་ཡག་པོ་བྱེད་པ། སྤྱོད་གཙང་གཞུང་དྲང་གི་ཆབ་སྲིད་ཀྱི་ཁོར་ཡུག་སྐྲུན་པ་བཅས་བྱས་ཏེ། སྣེ་ཁྲིད་དེ་ཏང་ལ་དོ་དམ་དང་ཏང་བཅོས་སྐྱོང་གི་མིག་དཔེ་ཞིག་བྱེད་དགོས། དམངས་གཙོ་གཅིག་སྡུད་ལམ་ལུགས་མཐའ་འཁྱོངས་བྱས་ནས་ཕྱོགས་ཁག་གི་བསམ་འཆར་དང་གྲོས་འགོ་རྒྱ་ཁྱབ་ངང་ཉན་ཏེ། ཐབས་ཇུས་འགོད་སྐབས་ཚན་རིག་དང་མཐུན་ལ་དམངས་གཙོ་དང་། ལག་ལེན་བསྟར་སྐབས་བློ་རྩ་བརྟན་ལ་ནུས་ལྡན། དོན་འཁྱོལ་བྱེད་སྐབས་ཁྲིམས་དང་མཐུན་ལ་ནུས་ཆེ་བཅས་དངོས་འབྲེལ་ཐུབ་པ་བྱས་ཏེ། སྣེ་ཁྲིད་དེ་མཐུན་སྒྲིལ་ལས་སྒྲུབ་ཀྱི་མིག་དཔེ་ཞིག་བྱེད་དགོས། སྤྱོད་བཟང་རང་བརྩི་མཐའ་འཁྱོངས་བྱས་ནས་ཏང་ལ་ལྷག་བསམ་རྣམ་དག་བྱེད་པའི་ཀུན་སྤྱོད་ཡག་པོ་དང་། མི་དམངས་ལ་བདེ་སྐྱིད་སྐྲུན་པའི་ཀུན་སྤྱོད་བཟང་པོ། རང་གཅུན་ནན་པོ་བྱེད་པའི་ཀུན་སྤྱོད་ལེགས་པོ་བཅས་རྒྱུན་ཆད་མེད་པར་ཞུན་བརྡར་གཏོང་བ་དང་། དུས་དང་རྣམ་པ་ཀུན་ཏུ་རང་བརྩི་རང་རྟོག་རང་གཟབ་རང་གཅུན་བཅས་བྱེད་པ། རྩ་དོན་དང་སྲིད་ཇུས་ལྟར་བྱ་བ་སྒྲུབ་རྒྱུ་མཐའ་འཁྱོངས་བྱེད་པ། ཁྱིམ་སྲོལ་དང་ཁྱིམ་ཚང་སློབ་གསོ་ནན་དུ་གཏོང་བ་བཅས་བྱས་ཏེ། སྣེ་ཁྲིད་དེ་སྤྱོད་གཙང་གཞུང་དྲང་གི་མིག་དཔེ་ཞིག་བྱེད་དགོས། ལྷག་བསམ་རྣམ་དག་དང་། སྤྱོད་གཙང་། འགན་འཁུར་ཕོད་པ་བཅས་བྱས་ནས་ཏང་དང་། རྒྱལ་ཁབ། མི་དམངས་བཅས་ལ་ལྷག་བསམ་རྣམ་དག་བྱེད་པ་དང་། ཏང་སྒྲིག་རྒྱལ་ཁྲིམས་ལ་བརྩི་སྲུང་ནན་པོ་ཞུ་བ། རང་བཞིན་བཟང་བའི་མི་དང་རང་འགན་ཇི་བཞིན་ལས་དོན་སྒྲུབ་པ། རང་འགན་གཙང་སྒྲུབ་ནན་ཏན་བྱེད་པ། རང་འགན་ཐེག་པ་ཁུར་ལེན་བཅས་བྱས་ཏེ་དངོས་ཡོད་ཀྱི་གྲུབ་འབྲས་ལ་གཞིགས་ནས་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས།