ལུག་རྫི་རྙེད་པ་མ་ཟད་ལུག་600ཡང་ཚང་མ་རྙེད་འདུག

政务 2024-12-26 19:25 西藏

ཉེ་ཆར། ནག་ཆུ་གྲོང་ཁྱེར་མཚོ་གཉིས་རྫོང་སྤྱི་བདེ་ཅུས་དཀར་མཚོ་ཤང་མངགས་གཏོང་ཁང་གི་མི་དམངས་ཉེན་རྟོག་པ་དང་ལས་རོགས་ཉེན་རྟོག་པས་ནུས་ཤུགས་ཡོད་རྒུས་འབྲེལ་བ་ཆད་པའི་ལུག་རྫི་དང་ལུག་600བཙལ་བས་བདེ་བླག་ངང་རྙེད་པ་རེད།

ཉིན་དེའི་ཆུ་ཚོད་22ཙམ་ལ། དཀར་མཚོ་ཤང་མངགས་གཏོང་ཁང་ལ་ཁོངས་གཏོགས་ཁུལ་གྱི་མང་ཚོགས་ལྷག་ཆེ་གེ་མོའི་རེ་ཞུའི་ཁ་པར་འབྱོར་ཏེ། གྲོང་མི་བསོད་ཆེ་གེ་མོ་ལུག་འཚོ་བའི་སྐབས་སུ་ལྷགས་པ་ཆེན་པོ་བརྒྱབ་པའི་རྐྱེན་གྱིས་ལུག་ཁྱུ་ཁ་ཐོར་ནས། ཁོང་གཅིག་པུ་རི་སྟེང་དུ་ལུག་ཁྱུ་འཚོལ་བར་ཕྱིན་ཞིང་། མཚན་གུང་ལ་སླེབས་ཀྱང་ཁྱིམ་དུ་འབྱོར་མ་སོང་བས་འཚོལ་རོགས་ཞེས་ཞུས།

ཁ་པར་འབྱོར་རྗེས། མི་དམངས་ཉེན་རྟོག་པ་དང་ལས་རོགས་ཉེན་རྟོག་པས་འཕྲལ་མར་ཡུལ་དངོས་སུ་བསྐྱོད་དེ། བརྟག་དཔྱད་བྱས་པ་བརྒྱུད། བསོད་ཆེ་གེ་མོའི་ལུག་འཚོ་ས་ནི་ས་བབ་མཐོ་ཚད་སྨི་5600ཡོད་པའི་ཤེལ་གཡེར་གངས་རིའི་ཉེ་འདབས་སུ་ཡིན་པ་དང་། ཉེ་ཆར་ཁོངས་གཏོགས་ཁུལ་གྱི་གནམ་གཤིས་འགྱུར་ལྡོག་ཆེ་བས། དགོང་མོར་དྲོད་ཚད་ཀླད་ཀོར་འོག་གི་ཧྲེ་ཧྲི་ཏུའུ་ཉི་ཤུ་ལྷག་ཙམ་ལ་སླེབས་ཀྱི་ཡོད། གལ་ཏེ་བསོད་ཆེ་མོ་དུས་ཐོག་ཏུ་མ་རྙེད་ན་ཚེ་སྲོག་ལ་ཉེན་ཁ་འཕྲད་སྲིད། དེར་བརྟེན་མི་དམངས་ཉེན་རྟོག་པ་དང་ལས་རོགས་ཉེན་རྟོག་པས་འཕྲལ་མར་ས་གནས་དེ་གའི་ཏང་ཨུད་དང་སྲིད་གཞུང་ལ་སྙན་སེང་ཞུས་པ་དང་འབྲེལ། གྲོང་ཚོའི་ལས་བྱེད་ལས་བཟོ་དང“གཉིས་ལྡན་དུད་སྦྲེལ”གྱི་སྤྱི་མི་དང་མཉམ་དུ་འཚོལ་བར་ཕྱིན་པ་རེད། ཁོང་ཚོས་ལམ་བར་དུ་བསོད་ཆེ་གེ་མོའི་མིང་འབོད་ཞོར་དུ་གློག་བཞུས་གློག་བརྡ་བཏང་ནས་ནུས་ཤུགས་ཡོད་རྒུས་དཀའ་ངལ་ཁྱད་བསད་ཀྱིས་འབྲེལ་བ་ཆད་པའི་བསོད་ཆེ་གེ་མོ་རྙེད་ཐབས་བྱས་པ་རེད།

མཐར་མཚན་གུང་གི་ཆུ་ཚོད་དང་པོ་ཙམ་ལ་ཤེལ་གཡེར་གངས་རིའི་འདབས་ནས་བསོད་ཆེ་གེ་མོ་རྙེད་པས་བདེ་འཇགས་ངང་ཁྱིམ་དུ་བསྐྱལ་བ་རེད། ཉིན་གཉིས་པའི་ཞོགས་པར་མི་དམངས་ཉེན་རྟོག་པ་དང་ལས་རོགས་ཉེན་རྟོག་པའི་རོགས་རམ་འོག་བསོད་ཆེ་མོའི་ཁ་ཐོར་དུ་སོང་བའི་ལུག་ཁྱུ་ཡང་རྙེད་པ་རེད།

ཁ་ས། ལྗོངས་ཡོངས་ཀྱི་སློབ་གསོའི་ཚོགས་ཆེན་ལྷ་སར་འཚོགས་འདུག

ལྷ་སར་དཔྱིད་གསར་དགོང་ཚོགས་ཀྱི་ཡན་ལག་ཚོགས་ར་འཛུགས་རྒྱུ་རེད་འདུག

2025ལོའི་རྒྱལ་ཡོངས་ཀྱི་ཚོགས་འདུ་གཉིས་ཀྱི་དུས་ཚོད་གཏན་འཁེལ་འདུག

རྩོམ་སྒྲིག་པ་གཙོ་བོ། བསྟན་འཛིན་རྒན་པ།

འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།

ལག་བསྟར་རྩོམ་སྒྲིག་པ། ཤེས་རབ་རྡོ་རྗེ། ཉི་མ་བཀྲ་ཤིས།

རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།

xzrbzwmt@163.com