འཚབ་འཚུབ་བྱས་ན་མཇུག་འབྲས་འདི་འདྲ་རེད།

政务 2024-12-19 09:55 西藏

འཚབ་འཚུབ་ཀྱི་མཇུག་འབྲས།

གནའ་སྔ་མོ་ཞིག་ལ་རིན་ཐང་ཧ་ཅང་ཆེ་བའི་རྫའི་དམ་བི་ཞིག་ཡོད་ཅིང་། བདག་པོས་ཉིན་ལྟར་དགོང་མོ་དམ་བི་དེ་རང་གི་སྔས་མགོའི་འགྲམ་དུ་འཇོག་གི་ཡོད།

དགོང་མོ་ཞིག་ཁོ་པས་གཟབ་གཟབ་མ་བྱས་སྟབས། དམ་བིའི་ཁེབས་གཅོད་ལག་པ་ནས་ཤོར་ཏེ། རྡོ་གཡམ་ཐོག་ལྷུང་བས་ཁོ་པ་ཁོང་ཁྲོ་ཆེན་པོ་ལངས་ཤིང་། ཁེབས་གཅོད་མེད་པར་དམ་བི་འདི་ཉར་ནས་ཕན་ཐོགས་གང་ཡོད་སྙམ་སྟེ། དམ་བི་དེ་སྒེའུ་ཁུང་གི་ཕྱིར་གཡུགས་པ་རེད།

ནམ་ལངས་དུས་དམ་བིའི་ཁེབས་གཅོད་ལྷམ་ཟོམ་གྱི་སྟེང་དུ་ཟགས་ནས། ཆག་མེད་པ་མཐོང་སྐབས་ཁོང་ཁྲོ་དེ་བས་ཆེན་པོ་ལངས་ཏེ་དེ་མུར་བུམ་པའི་ཁེབས་གཅོད་ལ་རྡོག་རྫི་བཏང་ནས་བཅག

ཞོགས་ཟས་བཟས་རྗེས། འཆམ་འཆམ་དུ་འགྲོ་དུས་མདང་ནུབ་ཕྱིར་གཡུགས་པའི་བུམ་པ་དེ་ས་སྟེང་དུ་ལྷུང་མེད་པར་ལྕང་མའི་ཡལ་གར་འཁོན་ནས་སྐྱོན་ཆག་ཕྲ་མོ་ཙམ་ཡང་བྱུང་མེད་པ་མཐོང་སྐབས་གནོང་འགྱོད་ཚད་མེད་སྐྱེས།

དོན་དངོས་ཐོག གནས་ཚུལ་མང་པོ་ཞིག་ཁྱེད་རང་གི་སེམས་ལ་བསམས་པ་དང་ཡོངས་སུ་ཐ་དད་ཡིན་པས། སྐབས་འགར། ཁོང་ཁྲོ་དང་། བྲེལ་འཚུབ། དངངས་སྐྲག་བཅས་མ་གནང་བར་རང་སེམས་རྣལ་ལ་ཕབ་ཏེ་ངང་རྒྱུད་རིང་པོས་སྒུག་ཙམ་གནང་ནས་ཞིབ་མོའི་བློ་ཡིས་བརྟག་ཅིང་དཔྱད་ན་མཇུག་འབྲས་ངན་པ་དེ་འདྲ་ཡོང་མི་སྲིད་དོ།

ཀློག་པ་པོ་ལགས། ཁྱེད་ཀྱིས་མཁྱེན་ནམ། བྱ་བ་བཟང་ངན་ཅི་ཞིག་འཕྲད་རུང་། ཁོང་ཁྲོ་དང་འཚབ་འཚུབ་བྱེད་པ་ནི་གདོན་ཞུགས་པ་དང་དབྱེར་མེད་པས། སེམས་རྣལ་དུ་ཕབ་རྒྱུ་ཤིན་ཏུ་ནས་གལ་ཆེའོ།

མང་ཚོགས་ཀྱི་ཡིག་འབུལ་ཞུ་བཅར་གནད་དོན་ཐག་གཅོད་འདི་ལྟར་བྱེད་དགོས།

དེ་འདྲའི་བློ་ཁོག་ལ་ཨང་། ཉེན་རྟོག་པས་ཞིབ་བཤེར་བྱེད་སྐབས……

དེ་རིང་ནས་བཟུང་ལྷ་ས་ནས་ལྷོ་ཁ་བར་ཆུ་ཚོད་གཅིག་ལས་འགོར་གྱི་མི་འདུག

རྩོམ་སྒྲིག་པ་གཙོ་བོ། བསྟན་འཛིན་རྒན་པ།

འགན་འཁུར་རྩོམ་སྒྲིག་པ། བསྟན་འཛིན་གཡུ་སྒྲོན།

ལག་བསྟར་རྩོམ་སྒྲིག་པ། ཤེས་རབ་རྡོ་རྗེ།

རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།

xzrbzwmt@163.com