གཟའ་འཁོར་འདིའི་གཟའ་མཇུག་ཏུ་རང་ལྗོངས་ཀྱི་ཤར་རྒྱུད་དུ་གངས་འབབ་རྒྱུ་དང་། ས་བབ་མཐོ་བའི་ལམ་དུམ་དུ་གངས་གསོག་ཐེབས་པ་དང་འཁྱགས་པ་ཆགས་སླ་བས། འགྲིམ་འགྲུལ་བདེ་འཇགས་དོ་དམ་གྱི་ལས་དོན་ཡག་པོ་སྒྲུབ་དགོས། གཟའ་འཁོར་འདིའི་ནང་། གཞིས་རྩེའི་ལྷོ་རྒྱུད་དང་ཆབ་མདོའི་ལྷོ་རྒྱུད་ཀྱི་ནགས་ཁུལ་ཁག་གཅིག་ལ་ནགས་ཚལ་གྱི་མེ་སྐྱོན་ཉེན་ཁའི་རིམ་པ་མཐོ་ཙམ་ཡོད་པས། མེ་སྤྱོད་བདེ་འཇགས་ལ་དོ་སྣང་བྱས་ཏེ་ནགས་ཚལ་གྱི་མེ་ཟོན་ལས་དོན་ལ་ཤུགས་སྣོན་རྒྱག་དགོས། ལྷགས་པ་ཆེན་པོ་དང་བྱེ་རླུང་ལྡང་བའི་གནམ་གཤིས་ཀྱིས་འགྲིམ་འགྲུལ་སྐྱེལ་འདྲེན་དང་ཞིང་འབྲོག་ཁུལ་གྱི་སྒྲིག་བཀོད་ལ་ཤུགས་རྐྱེན་ངན་པ་བཟོ་སྲིད་པས། སྒྲིག་བཀོད་ཞིང་ལས་དང་། གནས་སྐབས་སྐྲུན་དངོས། བརྡ་ཁྱབ་བྱང་བུ་སོགས་ཀྱི་རླུང་འགོག་བརྟན་གཏོང་ལས་དོན་ཡག་པོ་སྒྲུབ་དགོས།
