母告子，要求变成姨妈法院：支持
تاياۋدا فۋجيان ولكەسى فۋجوۋ قالاسى تايجياڭ رايوندىق حالىق سوتى مەكەمەسى تۋىستىققا ساياتىن ءبىر ەرەكشە دەلونى قارادى. ”انا مەن ۇلى“ ارالارىنداعى شەشە-بالا قاتىناسىن تەرىسكە شىعارۋدى تالاپ ەتۋ جونىندە سوتتاسادى. سوڭىندا سوت مەكەمەسى ولاردىڭ تالابىن قولداپ، قاتە تۋىستىق قاتىناسىن تۇزەتەدى.
جاڭ x فاڭ مەن شياۋكاي ەكەۋى انالى-بالالى، 2021-جىلى شياۋكاي ءوزىنىڭ جاڭ x فاڭنىڭ تۋعان ۇلى ەمەس ەكەنىن توسىننان بىلەدى. 2022-جىلى شياۋكايدىڭ تۋعان اكە-شەشەسى جانە جاڭ x فاڭ ويلانىپ-تولعانعاننان كەيىن، شياۋكايعا ءىستىڭ ءمان-جايىن ايتادى ءارى قانداستىق قاتىناسىن ساراپتايدى. اسىلىندە جاڭ x فاڭنىڭ ءسىڭلىسى جاڭ x يا شياۋكايدىڭ تۋعان شەشەسى ەكەن.
2005-جىلى جاڭ x يا ءبىر قىزى بار جاعدايدا تاعى دا جۇكتى بولعان، سونىمەن شياۋكاي دۇنيەگە كەلگەننەن كەيىن، ونى جاڭ x فاڭ باۋىرىنا سالىپ باعىپ الادى. جاڭ x فاڭ شياۋكايدىڭ شەشەسى بولادى ءارى وعان بۇكىل مەيىرىن بەرىپ باعادى. ءبىراق شياۋكايدىڭ 7 جاسىندا جاڭ x يا بالانىڭ وقۋ قولايلىلىعىن سىلتاۋراتىپ ۇيىنە اكەلىپ الادى. سۋديا شياۋكايدىڭ ءوسىپ-جەتىلۋ بارىسىندا جاڭ x فاڭ مەن جاڭ x يا ەكەۋىنىڭ دە شەشەسى رولىن اتقارىپ، وعان قامقور بولعانىن بىلەدى.
بيىل 8-ايدا ازامات جاسىنا تولعان شياۋكاي سىرت جەرگە داشۋە وقۋعا بارماقشى بولادى، سول ارالىقتا ول ۇيلەسىمدى بولعان زاڭدى جولمەن تەگىن انىقتاۋ ارقىلى شىنايى سالاۋاتىمەن اكە-شەشەسىن اتاۋ ويىن بىلدىرەدى. سونىمەن وتباسىنداعىلار جاڭ x فاڭدى تالاپكەر، شياۋكايدى جاۋاپكەر رەتىندە، سوت مەكەمەسىنە ارىز بەرىپ، ولاردىڭ انا-بالا قاتىناسىن تەرىسكە شىعارۋدى تالاپ ەتەدى.
بۇل تەك اتاۋ جايلى وزگەرىس بولعانىمەن، ءىس جۇزىندە سالاۋاتتىڭ وزگەرۋى بولىپ سانالماق، جاس وسپىرىمدەر جونىنەن العاندا، جاڭا سالاۋاتتى قابىلداۋعا ءبىر بارىس كەتۋى مۇمكىن. سونىمەن ەكى جاقتىڭ ماقۇلدىعىن العاننان كەيىن، سوت مەكەمەسى پسيحولوگيالىق كەڭەس بەرۋ تولىمدىلىعىنا يە قوعامدىق قىزمەتكەرلەرمەن حابارلاسىپ، ولاردى شياۋكاي، جاڭ x فاڭ جانە جاڭ x ياعا پسيحيكالىق جاقتان جەتەكشىلىك ەتۋگە مىندەتتەيدى. سونىمەن قاتار، سوت مەكەمەسى جاڭ x فاڭ مەن جاڭ x ياعا «جاس وسپىرىمدەرگە كوڭىل ءبولۋ ەسكەرتۋ كارتچكاسىن» بەرىپ، اتا-اناسىنا شياۋكايدىڭ كوڭىل كۇي وزگەرىسىنە ءمان بەرۋدى ءارى بەلسەندى تۇردە بالاعا كومەك بەرۋدى ەسكەرتەدى.
سوڭىندا سوت مەكەمەسى تەكسەرۋ ارقىلى بىلاي دەپ قارايدى: «تۋىلۋ مەديتسينالىق ىسپاتى» جاڭ x فاڭنىڭ شياۋكايدىڭ شەشەسى ەكەنىن كورسەتكەنىمەن، ءبىراق ساراپتاۋ ناتيجەسىندە شياۋكايدىڭ بيولوگيالىق شەشەسى جاڭ x يا بولىپ شىعادى. وسىعان ساي، سوت مەكەمەسى جاڭ x فاڭ مەن شياۋكاي اراسىندا قانداستىق قاتىناس جوق دەپ ۇكىم شىعارادى.
زاڭ تارماقتارى جالعانىمدارى:
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1073-تارماعىندا بىلاي دەلىنگەن: قانداستىق قاتىناسى جونىندە باسقاشا پىكىرى بولسا ءارى ورىندى سەبەبى بولسا، اكەسىنىڭ نەمەسە شەشەسىنىڭ حالىق سوتى مەكەمەسىنە ارىز-شاعىم بەرىپ، قانداستىق قاتىناسىن تۇراقتاندىرۋدى نەمەسە تەرىسكە شىعارۋدى تالاپ ەتۋىنە بولادى.
قانداستىق قاتىناسى جونىندە باسقاشا پىكىرى بولسا ٴارى ورىندى سەبەبى بولسا، ەرەسەك بالانىڭ حالىق سوتى مەكەمەسىنە ارىز-شاعىم بەرىپ، قانداستىق قاتىناسىن تۇراقتاندىرۋدى تالاپ ەتۋىنە بولادى.
来源：新疆法治报
翻译：唐努尔·赛力克
编辑：阿莱·赫亚克巴依
责编：叶克奋·沙布尔
监制：叶尔兰·努哈
