ཀོན་ནན་རྫོང་གིས་ནུས་ཤུགས་ཡོད་རྒུས་ཁྱད་ལྡན་ཞིང་ཕྱུགས་ཐོན་རྫས་ཉམས་ལེན་ཚོང་གཉེར་ཁང་བསྐྲུན་པ།
ཉེ་བའི་ལོ་འགའི་རིང་ལ། ཀོས་ནན་རྫོང་གིས་སྤྱི་ཁྱབ་ཧྲུའུ་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་གཏིང་ཟབ་སྒོས་སློབ་སྦྱོང་དོན་འཁྱོལ་བྱས་ཏེ།ཐོན་ལས་གནས་བཞིའི་འཛུགས་སྐྲུན་ལ་དམིགས་ནས།གྲོང་གསེབ་དར་སྤེལ་གྱི་འཐབ་ཇུས་ཁྱོན་ཡོངས་ནས་སྐུལ་སྤེལ་དང་ནོར་ནག་དང་བོད་ལུག ནས། ལོག་དཀར།གཟན་རྩྭ་བཅས་ཐོན་ལས་ལྔ་གཙོར་བཟུང་ནས།ལྷད་མེད་བཅུད་ལྡན་ཞིང་ཕྱུགས་ཐོན་རྫས་ཕྱིར་འཚོང་གནས་བསྐྲུན་པ་དང་ཐོན་རྫས་མིང་གྲགས་ཀྱིས་ཞིང་ལས་སྟོབས་ལྡན་དུ་གཏོང་བའི་འཐབ་ཇུས་ལག་བསྟར་བྱས་ནས།ཞིང་ཕྱུགས་ཐོན་ལས་ཚད་མཐོ་བའི་འཕེལ་རྒྱས་ལ་སྐུལ་འདེད་དང་།ཚོང་འགུག་དངུལ་འདྲེན་དང་ནང་རྐྱེན་བསྡུ་གཉེར།རྒྱུན་ཆད་མེད་པར་སྤུས་ལེགས་ཐོན་ཁུལ་དང་སྐྱེ་ཁམས་མིང་གྲགས་ཅན་བཏོད་པས།གྲོང་གསེབ་དར་སྤེལ་གྱིས་མང་ཚོགས་ཕྱུག་འགྱུར་གྱི་ལམ་དུ་འཁྲིད།
ད་ལོའི་ཟླ8པར་དུས་ཡུན་ཉིན་བརྒྱད་ཡིན་པའི་བོད་ལུག་ནག་པོའི་གསོལ་སྟོན་དང་ལྷད་མེད་བཅུད་ལྡན་ཞིང་ཕྱུགས་ཐོན་རྫས་སམ་རིག་གནས་ཡུལ་སྐོར་འོས་སྦྱོར་ཚོགས་འདུ་དེ།སོ་སོར་ཞིང་ཆེན་དང་ཟི་ལིང་གི་ཆེས་འདུ་འཛི་ཆེ་བའི་ཚོང་ལས་ལྟེ་གནས་བཞི་རུ་ལེགས་འགྲུབ་ངང་བསྡུས།ཀོན་ནན་རྫོང་གིས་ཁེ་ལས་གཙོ་གྲས་དང་སྐྱེ་ཀམས་ཕྱུགས་ལས་མཉམ་ལས་ཁང་།རོང་འབྲོག་ཆེད་ལས་མཉམ་ལས་ཁང་སོགས་ཚོང་གཉེར་ཁང28རྩ་འཛུགས་བྱས་ནས།ནོར་ནག་དང་བོད་ལུག་ནག་པོ།སྲན་མ།རི་དྭགས་ཤ་སོགས་ཀྱི་ཁྱད་ལྡན་སྤུས་ལེགས་ཐོན་རྫས་འགྲེམས་སྟོན་བྱས་ལ།ཡུལ་སྐོར་པ་དང་མང་ཚོགས་མི་ཐེངས་ཁྲི200ལྷག་སྣེ་ལེན་བྱས་པ་དང་ཕྱིར་འཚོང་མ་དངུལ་སྒོར་ཁྲི500ལྷག་ལ་བསླེབས།
འོས་སྦྱོར་ཚོགས་འདུ་ལེགས་འགྲུབ་ངང་བསྡུས་པས། ཅང་སའོ་དབྱང་ཀྲིག་དང་ཟི་ལིང་གྲོང་ཁྱེར། མཚོ་ལྷོ་ཁུལ་གྱི་གུང་ཧོ་རྫོང་སོགས་སུ་བསྟུད་མར་ཁྱད་ལྡན་ཞིང་ཕྱུགས་ཐོན་རྫས་ཉམས་ལེན་ཚོང་གཉེར་ཁང25བསྐྲུན་ནས།གཙོ་བོ་ནོར་ལུག་གི་ཤ་སྐམ་དང་མར། ཆུར་བ། ལོག་དཀར།ནས་ཕྱེ་སོགས་ཁྱད་ལྡན་ཐོན་རྫས་བཙོང་བཞིན་ཡོད་ལ། ད་རུང་དྲ་ཐོག་ནས་བཙོང་བ་སོགས་ཀྱི་ཐབས་ལམ་ལ་བརྒྱུད་པས། རོང་འབྲོག་མང་ཚོགས་ལ་ཡོང་སྒོ་འཕར་བའི་སྒོ་མོ་ཕྱེས།མིག་སྔར་ཀོན་ནན་རྫོང་གི་ཞིང་ཕྱུགས་ཐོན་རྫས་ཉམས་ལེན་ཁང་གིས་རྫོང་ཡོངས་ཀྱི་རོང་འབྲོག་པའི་ཆེད་ལས་མཉམ་ལས་ཁང200ལྷག་བསྡུ་ལེན་བྱས་། དེའི་དམིགས་ཡུལ་ནི་ཀོས་ནན་རྫོང་གི་ཁྱད་ལྡན་ཞིང་ཕྱུགས་ཐོན་རྫས་འགྲེམས་སྟོན་དང་ཕྱིར་འཚོང་གི་སྒོ་མོ་ཕྱེས་པ། གོམ་གང་མདུན་སྤོས་སྒོས་ཀོས་ནན་རྫོང་གི་ཞིང་ཕྱུགས་ཐོན་རྫས་ཀྱི་ཁྱད་ཆོས་མངོན་པ། དུས་མཚུངས་སུ་ཁྱད་ལྡན་ཞིང་ཕྱུགས་ཐོན་རྫས་ཐད་ཀྱི་འབྲེལ་ཡོད་རྒྱུ་ཆ་དང་ཞབས་ཕྱི་སྟེགས་བུ་མཁོ་འདོན་བྱ་རྒྱུ་དང་། རྫོང་ཞིང་ཕྱུགས་ཆུ་བེད་ཅུའུ་དང་ཚན་རྩལ་ཅུས་སྤུས་ཚད་མཐོ་དགོས་པའི་རེ་བ་བཏོན་ནས།ཞིང་ཕྱུགས་ཐོན་རྫས་ཕྱིར་འཚོང་གི་བདེ་འཇགས་འགན་སྲུང་ལ་ཁག་ཐེག་དང་ཀོན་ནན་རྫོང་གི་ཞིང་ཕྱུགས་ཐོན་རྫས་མིང་གྲགས་ཅན་དུ་འགྱུར་བར་འབད་པ་བྱས།
ཀན་སུའུ་ནས་ཡོང་བའི་ཡུལ་སྐོར་པ་ཀྲང་རོས་ཏུང་གིས་བཤད་རྒྱུར། ང་ཚོ་སྐོར་ཞིག་ཀན་སུའུ་ནས་ཡོང་བ་ཡིན།ཀོན་ནན་གྱི་ཤ་སྐམ་ཧ་ཅང་ཡག་པོ་འདུག སྤུས་ལེགས་ཤ་སྐམ་བདམས་ནས་ཚ་ཁུ་དང་གཡེར་མ་ལས་རྒྱུ་ཆ་གཞན་མེད་པས།བྲོ་བ་ཧ་ཅང་མངར་མོ་རེད།ངས་ཤ་སྐམ་ཅུང་ཙམ་ཉོས་ནས་ཕ་ཡུལ་གྱི་ཉེ་མི་དག་ལ་བཟའ་རུ་འཇུག་རྒྱུ་ཡིན་ཟེར།
མཚོ་སྔོན་ཉི་ཟླ་ཕྱུགས་ལས་ཚད་ཡོད་འགན་འཁྲི་ཀུང་ཟིའི་སྤྱི་གཉེར་པ་དཀོན་མཆོག་སྐྱབས་ཀྱིས་བཤད་རྒྱུར།རྫོང་ཨུ་དང་རྫོང་གིས་རྒྱབ་རོགས་ཆེན་པོས་འོག 2016ལོའི་ཟླ6པར།མཚོ་སྔོན་ཉི་ཟླ་ཕྱུགས་ལས་ཚད་ཡོད་འགན་འཁྲི་ཀུང་ཟི་དངོས་སུ་གཉེར་མགོ་བརྩམས་པ་དང་།གཙོ་བོ་ནོར་ལུག་གི་ཤ་སྐམ་སོགས་ལས་སྣོན་བྱེད་བཞིན་ཡོད་ལ།ཀོས་ནན་རྫོང་གི་མགོ་མང་གཞུང་ནས་ཞིང་ཕྱུགས་ཁྱད་ལྡན་ཐོན་རྫས་ཉམས་ལེན་ཁང་གཉེར།ཐོན་རྫས་ཐམས་ཅད་ཕྱོགས་གཅིག་ཏུ་བསྡུས་ནས་བཅོང་བཞིན་ཡོད།དེ་ལྟར་བྱས་ཚེ་ས་གནས་དེ་གའི་ན་གཞོན་ལས་ཞུགས་བྱེད་ཐུབ་པར་མ་ཟད།མང་ཚོགས་ཀྱི་ཡོང་སྒོའང་འཕར་སྣོན་བྱེད་ཐུབ་ཟེར།
རྗེས་ཕྱོགས་ཀོན་ནན་རྫོང་གིས་ཁྱད་ལྡན་ཞིང་ཕྱུགས་ཐོན་རྫས་ཀྱི་ཐོན་ཁུངས་ལ་གཞི་བཅོལ་ནས།ས་བབ་དང་བསྟུན་ནས་ཐོན་རྫས་སྣ་མང་སྔོག་འདོན་བྱས་ནས་གྲོང་གསེབ་ཐོན་ལས་ཀྱི་མུ་འབྲེལ་ཐོན་ལས་རིམ་སྤར་དང་ཚོང་རའི་འགྲན་ཤུགས་དང་རྒྱུན་མཐུད་འཕེལ་རྒྱས་ཀྱི་ནུས་ཤུགས་ཇེ་དྲག་ཏུ་བཏང་སྟེ།གྲོང་གསེབ་དར་སྤེལ་ལ་སྒུལ་ཤུགས་བསྩོལ་ངེས་རེད།།
