ཉེ་སྔོན། ཁུལ་ཨུའི་ཧྲུའུ་ཅི་ལིས་ཀང་གིས་གྲོས་ཚོགས་བསྡུས་ཏེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཀྲུང་དབྱང་གི་འབྲེལ་ཡོད་ཡིག་ཆའི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་ཤིང་། རྗེས་མའི་བྱ་བར་ཞིབ་འཇུག་དང་བཀོད་སྒྲིག་བྱས།
གྲོས་ཚོགས་སྟེང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཞིང་ཆེན་གྱི་པུའུ་རིམ་པའི་མགོ་ཁྲིད་ལས་བྱེད་པ་གཙོ་བོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལ་སློབ་སྦྱོང་དང་ལག་བསྟར་དོན་འཁྱོལ་བྱེད་པའི་ཆེད་དོན་ཞིབ་འཇུག་གྲོས་བསྡུར་འཛིན་གྲྭའི་མགོ་ཚུགས་མཛད་སྒོའི་སྟེང་གི་གསུང་བཤད་གལ་ཆེན་དང་ཧྥུའུ་ཅན་དང་ཨན་ཧུའེ། ཧུའུ་པེ་བཅས་སུ་རྟོག་ཞིབ་བྱེད་སྐབས་ཀྱི་གསུང་བཤད་གལ་ཆེན། ཀྲུང་དབྱང་ཆབ་སྲིད་ཅུའུ་ཡི་གྲོས་ཚོགས་དང་ཐུན་མོང་གིས་སློབ་སྦྱོང་བྱེད་སྐབས་ཀྱི་གསུང་བཤད་གལ་ཆེན་གྱི་དགོངས་དོན། དེ་བཞིན་དམངས་སྲིད་བྱ་བ་དང་སྤྱི་ཚོགས་བྱ་བ།ཀོང་ཏུང་གི་ཀྲུའུ་ཧའེ་གྲོང་ཁྱེར་གྱི་འགྲུལ་སྐྱེལ་རླངས་འཁོར་གྱི་གྱོད་དོན་བཅས་ལ་མཛུབ་སྟོན་གལ་ཆེན་གནང་བ་དང་།ང་ཚོས་མིག་སྔའི་བྱ་བ་སོ་སོ་ལེགས་པར་བསྒྲུབ་རྒྱུར་རྩ་བའི་གཞི་འཛིན་ས་དང་མདུན་སྐྱོད་ཀྱི་ཁ་ཕྱོགས་གསལ་སྟོན་གནང་ཡོད།
ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་སློབ་སྦྱོང་དང་ལག་བསྟར་གཏིང་ཟབ་བྱས་ནས་ཆབ་སྲིད་ཀྱི་ལངས་ཕྱོགས་བརྟན་པ་དང་ཆབ་སྲིད་ཀྱི་འགན་འཁྲི་འཁུར་ཤུགས་ཆེར་བཏང་དགོས།སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་ཞིང་ཆེན་ཏང་ཨུ་དང་ཁུལ་ཨུའི་ཐབས་ཇུས་དང་བཀོད་སྒྲིག་སོ་སོ་ལག་བསྟར་དོན་འཁྱོལ་བྱས་ཏེ་ཁུལ་ཡོངས་ཀྱི་གཙོ་གནད་བྱ་བ་སོ་སོ་གཅིག་གྱུར་གྱིས་བཅོས་སྒྱུར་ནན་མོ་བྱས་ཏེ། ལོ་ཧྲིལ་པོའི་དམིགས་འབེན་དང་ལས་འགན་དོན་ཐོག་ཏུ་འཁྱོལ་བར་སྐུལ་འདེད་གཏོང་དགོས། ཨན་ཧུའེ་ཡི་སྲང་ལམ་དྲུག་གི་ཕུལ་བྱུང་གཏམ་རྒྱུད་དང་ཧྥུ་ཅན་གྱི་མུ་འབྲེལ་གྲུ་བ་ཚོ་རྒྱལ་ཁའི་ངང་མཚོ་ངོགས་སུ་ཐོན་པ།ཐུན་ཏེ་ཡི3·30གྱོད་གཞིའི་ཉམས་མྱོང་བཅས་དཔྱད་གཞིར་བཟུང་ནས།ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་དར་སྤེལ་བཏང་སྟེ་འགལ་བ་དང་རྩོད་གཞི་སྣ་ཚོགས་ཐག་གཅོད་འོས་འཚམ་བྱེད་པ།གཞི་རིམ་རྩ་འཛུགས་འཛུགས་སྐྱོང་ལ་ཤུགས་བརྒྱབ་ནས་དཀའ་ངལ་ཡོད་པའི་མང་ཚོགས་ལ་ཐུགས་ཁུར་དང་དམངས་སེམས་ལ་དྲོ་སྐྱིད་ལྡན་པའི་བྱ་བ་མང་ཙམ་སྒྲུབ་པ་དང་། འགན་སྲུང་སྲིད་ཇུས་སོ་སོ་དོན་ཐོག་ཏུ་འཁྱོལ་བར་བྱ་དགོས་ཤིང་།གྱོད་གཞིའི་བསླབ་བྱ་བསྡུ་ལེན་ནན་མོ་བྱས་ཏེ་ཞན་ཆ་གསབ་པ་དང་ཞན་ཆ་འགོག་པ།འབྱུང་རྩ་འགོག་པ།མི་དམངས་ལྟེ་བར་འཛིན་པ་བཅས་བྱ་དགོས་ལ། ཕན་འབྲས་ལྡན་པའི་སྲིད་ཇུས་གཏན་འབེབས་བྱས་ཏེ་བརྩེ་བ་ཡོད་པའི་སྒོ་ནས་མཚོ་ལྷོའི་བྱ་བ་ལེགས་པར་བསྒྲུབ་པ་དང་ཐལ་དྲགས་པའི་དོན་རྐྱེན་འབྱུང་བར་སྔོན་འགོག་བྱ་དགོས་ཞེས་བསྟན།
གྲོས་ཚོགས་ལས་ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཀྲུང་དབྱང་གཞུང་ལས་ཐིན་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིན་གྱིས་གཞི་རིམ་གྱི་དཔྱད་ཞིབ་ཉིང་བསྡུས་དང་ལེགས་འགྱུར་བྱ་རྒྱུའི་སྐོར་གྱི་བརྡ་ཐོའི་བླང་བྱར་ཡང་དག་ཁོང་དུ་ཆུད་པར་བྱས་ནས། ཕྱི་ཚུལ་རིང་ལུགས་ལེགས་བཅོས་བྱ་རྒྱུ་དེ་ནི་གཞི་རིམ་གྱི་ཁུར་པོ་ཇེ་ཡང་དུ་གཏོང་རྒྱུར་དམིགས་པ་ཡིན་པས།ལྟ་སྟངས་ལྔ་ཡི་རྩ་དོན་དང་གནད་དོན་དྲུག་གི་ཚད་གཞིར་ནན་མོར་གཞིགས་ཏེ་ཆེད་དོན་བྱ་བ་ཚད་ལྡན་དུ་གཏོང་བའི་བྱ་འགུལ་སྤེལ་ཏེ།དམིགས་ཚད་ཀྱི་སྤྱི་འབོར2023ལོའི་རྨང་གཞིའི་ཐོག20%ཡན་ཕྱོགས་བསྡུས་བྱ་དགོས་པ་དང་། སྐྱེ་ཁམས་ལ་བརྟེན་ནས་ཁུལ་འཛུགས་པ་དང་། ནུས་ཁུངས་གཙང་མར་བརྟེན་ནས་ཁུལ་སྟོབས་ཆེར་གཏོང་བ།ཞིང་ཕྱུགས་ལས་ལ་བརྟེན་ནས་ཁུལ་བརྟན་པོར་གཏོང་བའི་ཐབ་ཇུས་ལག་བསྟར་ནན་མོ་བྱས་ཏེ།དཔྱད་ཞིབ་ཀྱི་ལམ་སྲོལ་འཐུས་ཚང་དུ་གཏོང་བ་དང་ཚད་གཞི་མཐོར་གཏོང་བ། མཇུག་འབྲས་ལེགས་པར་སྤྱོད་པ་བཅས་བྱ་དགོས་ཤིང་།དཔྱད་ཞིབ་ཀྱི་འཆར་གཞིའི་དོ་དམ་ལ་ཤུགས་སྣོན་བརྒྱབ་ནས་དཔྱད་ཞིབ་ཀྱི་རིགས་གཅིག་གྱུར་གྱིས་སྡེབ་སྒྲིག་དང་།དཔྱད་ཞིབ་ཀྱི་དམིགས་ཚད་ཕྱོགས་བསྡུས་དང་ལེགས་འགྱུར་བྱས་ནས་གཞི་རིམ་ལས་ཁུངས་ཀྱི་ལྟ་སྐུལ་ཞིབ་བཤེར་ཇེ་ཉུང་དུ་བཏང་སྟེ་གཞི་རིམ་གྱི་ཁུར་པོ་ལྕི་དྲགས་པ་སོགས་ཀྱི་གནད་དོན་མངོན་གསལ་ཅན་ཐག་གཅོད་གང་ཐུབ་བྱ་དགོས་པ་ནན་གྱིས་བསྟན།
ཚོགས་འདུ་ལས་གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ནི་ཀྲུང་གོའི་ལུགས་ཀྱི་དེང་རབས་ཅན་གྱི་ལྡོག་ཏུ་མེད་པའི་བླང་བྱ་གལ་ཆེན་ཞིན་ཡིན་པས། ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ཀྱི་དོན་སྙིང་གལ་ཆེན་དང་ཕུན་སུམ་ཚོགས་པའི་ནང་དོན་ལ་ངོས་འཛིན་གཏིང་ཟབ་བྱེད་པ་དང་། གནད་དོན་གྱི་ཕྱོགས་སྟོན་མཐའ་འཁྱོངས་བྱེད་པ།གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ཀྱི་སྒྲིག་སྲོལ་ལམ་སྲོལ་འཐུས་ཚང་དུ་གཏོང་རྒྱུར་དམ་འཛིན་བྱེད་པ།གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ལག་བསྟར་དང་།ཞིང་ལས་དང་གྲོང་གསེབ་དེང་རབས་ཅན་ལ་སྐུལ་འདེད་གཏོང་རྒྱུ་དམིགས་ཚད་དུ་བྱ་རྒྱུ་མཐའ་འཁྱོངས་བྱེད་པ།རྫོང་སྟོབས་ཆེར་བཏང་སྟེ་ཤང་ལ་སྣེ་ཁྲིད་ནས་གྲོང་ཚོར་སྐུལ་འདེད་གཏོང་རྒྱུ་དེ་རྩ་བའི་ཐབས་ལམ་དུ་བཟུང་ནས།རྫོང་ཁོངས་དཔལ་འབྱོར་སྟོབས་ཆེར་གཏོང་བ་དང་རྫོང་ཁོངས་གཅིག་སྡུད་ནུས་པ་ཆེ་རུ་གཏོང་རྒྱུ་གཙོ་གནད་དུ་འཛིན་པ།ཞིང་ཕྱུགས་ལས་ས་ཁུལ་གྱི་མི་འདྲ་སར་གཞིགས་ནས་མཛེས་པའི་ཤང་གྲོང་དང་ཁྱད་ལྡན་གྲོང་ཚོའི་དཔེ་སྟོན་འཛུགས་སྐྲུན་བྱེད་པར་ཚོད་ལྟ་བྱེད་པ།གྲོང་ཁྱེར་དང་གྲོང་གསེབ་བར་གྱི་བར་ཁྱད་མེད་པར་བཟོས་ཏེ་གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ལ་རྣམ་པ་གསར་པ་ཆགས་པ་བཅས་བྱས་ནས། གྲོང་ཁྱེར་དང་གྲོང་གསེབ་ཐུན་མོང་ཐོག་དར་རྒྱས་གོང་འཕེལ་ཡོང་བར་སྐུལ་འདེད་གཏོང་དགོས་ཞེས་བསྟན།
གྲོས་ཚོགས་ལས་ས་གནས་སོ་སོ་དང་སྡེ་ཚན་སོ་སོས་དཔལ་འབྱོར་བྱ་བའི་འགན་འཁྲི་དམ་པོར་འཛིན་དགོས་པ་དང་ཁྲེན་ཀང་ཧྲུའུ་ཅི་ཡི་འཕེལ་རྒྱས་ལ་བྱས་རྗེས་མེད་ན་ནོར་འཁྲུལ་ཡིན་པའི་བླང་བྱ་གཞིར་བཟུང་ནས།དཔལ་འབྱོར་འཁོར་རྒྱུགས་ཀྱི་ལྟ་ཞིབ་ཚད་ལེན་དང་དབྱེ་ཞིབ་བཀོད་གཏོང་ལ་ཤུགས་སྣོན་པ།དཔལ་འབྱོར་འཁོར་རྒྱུགས་ཁྲོད་ཀྱི་དཀའ་ངལ་དང་གནད་དོན་སེལ་ཏེ་གྲུབ་འབྲས་བཟང་པོ་ཞིག་ལེན་པར་འབད་དགོས་ལ། དཔལ་འབྱོར་བྱ་བའི་དམིགས་ཚད་སོ་སོ་ཞིང་ཆེན་ཡོངས་ཀྱི་སྔོན་དུ་བསྐྱོད་དགོས་པའི་སྔོན་འགྲོའི་ཆ་རྐྱེན་འོགདུས་ཡུན་འོས་འཚམ་གྱིས་རིང་དུ་བཏང་ནས་ཟླ་འཁོར་དང་དུས་ཚིགས།ཐ་ན་ལོ་འཁོར་སྐབས་ཀྱི་དཔལ་འབྱོར་འཕར་ཚད་བཅོས་སྒྱུར་བྱས་ཏེ། ཁུལ་ཡོངས་ཀྱི་དཔལ་འབྱོར་མགྱོགས་མྱུར་སྒོས་འཕེལ་རྒྱས་སུ་འགྲོ་བར་ཆ་རྐྱེན་བཟང་པོ་བསྐྲུན་དགོས།དཔལ་འབྱོར་བྱ་བར་སློབ་སྦྱོང་དང་ཞིབ་འཇུག་བྱས་ཏེ་སྐྱེ་ཁམས་སྲུང་སྐྱོང་དང་མི་རིགས་མཐུན་སྒྲིལ། དཔལ་འབྱོར་འཕེལ་རྒྱས་བར་གྱི་འབྲེལ་བ་དམ་པོར་འཛིན་དགོས།འཕེལ་རྒྱས་ཀྱིས་སྐྱེ་ཁམས་སྲུང་སྐྱོང་དང་ལྗང་མདོག་འཕེལ་རྒྱས་མངོན་འགྱུར་བྱེད་པར་ནུས་པ་གལ་ཆེན་ཐོན་གྱི་ཡོད་ལ།འཕེལ་རྒྱས་ཀྱིས་མི་རིགས་མཐུན་སྒྲིལ་ཡར་ཐོན་དང་ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པར་ཡང་དོན་སྙིང་གལ་ཆེན་ཐོན་གྱིན་ཡོད་པས།ཐག་རིང་ལ་རྒྱང་ལྟ་དང་ཏན་ཏིག་གིས་རང་ཉིད་ཀྱི་ལས་བགོས་བྱ་བ་ལེགས་པོར་བསྒྲུབ་པ།སྤྱི་ཡོངས་ལ་བསམ་བློ་གཏོང་བ་དང་ཆབ་སྲིད་ཀྱི་ལངས་ཕྱོགས་བརྟན་པ། སེམས་ན་གདེང་ཚོད་ཡོད་པ།ཕྲག་ཏུ་འགན་འཁྲི་ཡོད་པ།བློ་རིག་གསལ་བ།ལས་ལ་བརྩོན་པ།གནས་ས་བརྟན་པ་བཅས་བྱ་དགོས་ཞེས་ནན་གྱིས་བསྟན།
གྲོས་ཚོགས་སྟེང་ཁུལ་ཡོངས་ཀྱི་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་རྒྱུ་དེ་གྲོང་གསེབ་དར་སྤེལ་གཏོང་བར་འབྲེལ་བ་དམ་པོར་འཛིན་པ་དང་།ཤེས་ལྡན་མི་སྣའི་བྱ་བ།མང་ཚོགས་ཀྱི་ཉེ་འགྲམ་གྱི་ཚུལ་མིན་སྤྱོད་ཚུལ།རུལ་སུངས་གནད་དོན་བཅས་གཅིག་བསྡུས་བཅོས་སྐྱོང་། རྨོ་ཞིང་སྲུང་སྐྱོང་དང་འབྲུ་རིགས་བདེ་འཇགས་འགན་འཁྲིའི་ལམ་ལུགས་དོན་འཁྱོལ་སོགས་ཀྱི་གནས་ཚུལ་སྙན་ཞུ་བྱས་ནས་འབྲེལ་ཡོད་ཡིག་ཆར་གྲོས་ཞིབ་བྱས་པ་རེད།
