༢༠༢༥ལོའི་ལོ་སར་རིག་རྩལ་སྤྲོ་ཚོགས་ཆེན་མོ་སྔར་ལས་སྣ་མང་ཕུན་སུམ་ཚོགས་པ་དང་། སྤྲོ་ཚོགས་ཀྱི་རྣམ་པ་དུས་རབས་ཀྱི་དགོངས་དོན་དང་མཐུན་ཞིང་མི་རིགས་ཀྱི་ཁྱད་ཆོས་འབུར་དུ་ཐོན་པ། རྒྱ་ཆེའི་ལྟད་མོ་བའི་འདོད་བློ་ལེགས་པར་བསྐང་ཆེད། ངེད་ཨ་མདོ་བརྙན་འཕྲིན་གྱིས་སྤྱི་ཚོགས་ཡོངས་ལ་ཁ་ཕྱོགས་ཏེ་ལོ་སར་སྤྲོ་ཚོགས་ཀྱི་མཚོན་རྟགས་རི་མོའི་བརྩམས་ཆོས་བསྡུ་རྒྱུ་ཡིན་ཏེ།བརྩམས་ཆོས་ཀྱི་མ་མཐའི་ཆ་རྐྱེན་ནི། རྣམ་པ་སྟབས་བདེ་ཞིང་མི་རིགས་ཀྱི་ཁྱད་ཆོས་ལྡན་པ། མིག་ལ་མཛེས་ཤིང་སྣང་ངོར་འབབ་པའི་ཇུས་འགོད་གསར་རྩོམ་ཡིན་དགོས། འདི་གར་འབྱོར་བའི་བརྩམས་ཆོས་དག་འདེམ་ཤོག་གི་རྣམ་པས་གདམ་རྒྱུ་ཡིན། མཐའ་མཇུག་བདམས་ཐོན་བྱུང་བའི་བརྩམས་ཆོས་གསུམ་ལ་ཆེད་མཁས་པས་ཐག་གཅོད་ལྟར་གཅིག་གདམ་རྒྱུ་དང་།དྲ་ལམ་ནས་སྤྱི་བསྒྲགས་བྱས་ཏེ་ཐེངས་འདིའི་ལོ་གསར་སྤྲོ་ཚོགས་ཀྱི་མཚོན་རྟགས་རི་མོར (LOGO) གཏན་ཁེལ་བྱ་རྒྱུ་ཡིན།མཇུག་མཐའི་བདམས་ཐོན་བྱུང་མཁན་ལ་གཟེངས་རྟགས་དཔང་ཡིག་དང་བྱ་དགའི་དངུལ་སྟེར་རྒྱུ་ཡིན་པར་མ་ཟད།ཐེངས་འདིའི་ལོ་སར་སྤྲོ་ཚོགས་ཀྱི་ཡུལ་དངོས་སུ་གདན་འདྲེན་བྱ་རྒྱུ་ཡིན།
ཡོང་ཁུངས། ཨ་མདོ་བརྙན་འཕྲིན།
