中哈免签一年来
乌鲁木齐航空口岸中哈进出境旅客增长近三倍
جۇڭگو مەن قازاقستان ۆيزاسىز ءوتۋدى اتقارعان ءبىر جىلدان بەرى
ءۇرىمجى اۆياتسيا شەكارا وتكەلى ارقىلى
شەكارادان كىرىپ - شىققان جۇڭگولىق، قازاقستاندىق جولاۋشىلار 3 ەسەگە جۋىق ارتتى
انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 10 - كۇنى ۇرىمجىدەن حابارلايدى. ءۇرىمجى ديوپۋ اۋەجايى كەدەنىنەن ۇعىسۋىمىزشا، 2023 - جىلى 11 - ايدىڭ 10 - كۇنى جۇڭگو مەن قازاقستاننىڭ ءوزارا ۆيزاسىز ءوتۋ كەلىسىمى رەسمي كۇشكە يە بولعان. ءبىر جىلدان بەرى ءۇرىمجى اۆياتسيا شەكارا وتكەلىنەن قازاقستاننىڭ الماتى، استانا قالالارىنا قاتىنايتىن جولاۋشى تاسىمال ۇشاقتارى 1600 كەزەكتەن اسىپ، شەكارادان كىرىپ - شىققان جولاۋشى 190 مىڭ ادامنان (رەت) اسىپ، سايكەس مەزگىلدەگىدەن جەكە - جەكە ％5. 318 جانە ％298 ارتقان.
”مەن جۇڭگو مەن قازاقستان اراسىندا ۆيزاسىز قاتىناۋ اتقارىلعاننان كەيىنگى شەكارادان كىرگەن العاشقى توپتاعى جولاۋشىمىن“. قازاقستاندىق جولاۋشى ابىلاحات وركەن بىلاي دەدى: قىزمەت سەبەبىمەن ۇنەمى الماتى مەن ۇرىمجىگە بارىپ - كەلىپ تۇرامىن، ۆيزاسىز بارىپ - كەلۋ مەنىڭ ساپارىما وتە قولايلى بولدى.
ءبىر جىلدان بەرى جۇڭگو مەن قازاقستان ەكى ەل ازاماتتارىنىڭ ساۋدا قيمىلى، ساياحات سياقتى جاقتارداعى اۋىس - كۇيىسى ونان ارى تەرەڭدەپ، شەكارادان كىرىپ - شىعۋشىلار اعىنى زور مولشەردە ارتتى. ءۇرىمجى قالاسىنان قازاقستاننىڭ الماتى، استانا قالالارىنا قاتىنايتىن حالىقارالىق جولاۋشى تاسىمال لەنياسى كورنەكتى ارتىپ، ءار اپتادا بارىپ - كەلەتىن كەزەكشى ۇشاق 10نان (رەت) 35كە (رەت) كوبەيدى.
ءۇرىمجى ديوپۋ اۋەجاي كەدەنى جولاۋشىلار اعىنىنىڭ وزگەرىسىنە بەلسەنە توتەپ بەردى، جولاۋشىلاردىڭ كەدەننەن تەز، قولايلى وتۋىنە كەپىلدىك ەتۋ ءۇشىن، اۋەجاي كەدەنى اۋەجايداعى باسقا ورىندارمەن سەلبەستىكتى كۇشەيتىپ، ادام كۇشىن ۇيلەسىمدى ورنالاستىرىپ، اشىق ۇستالاتىن تەكسەرۋ ارناسىن كوبەيتىپ، قاۋىرت مەزگىلدەگى جولاۋشىلاردىڭ كەدەننەن ءوتۋ قاجەتىن قاناعاتتاندىردى.
