شەكارا بويىنداعى بۇقارانى باقىت سەزىمىنە كەنەلتتى

وتانىمىزدىڭ باتىس سولتۇستىك شەتىندە، جۇڭگو، قازاقستان، رەسەي، موڭعۇليا سىندى 4 ەلدىڭ شەكارالاسقان وڭىرىندە عاجايىپ ءارى كوركەم جەر — جەمەنەي اۋدانى بار. بۇل جەردىڭ شەكارا سىزىعىنىڭ ۇزىندىعى 114.7 كيلومەتر، شەكارا مال شارۋاشىلىق رايونىنداعى بۇقارا بىتىراڭقى ورنالاسقان، كوشىپ-قونىپ جۇرەدى. جاقىنعى جىلداردان بەرى، جەمەنەي اۋدانى پارتيا قۇرىلىسى ارقىلى شەكارانى باسقارۋعا جەتەكشىلىك ەتىپ، شەكارانى باسقارۋ دەڭگەيىن جوعارىلاتىپ قالماستان، شەكارا بويىنداعى بۇقارانىڭ دامۋ بارىسىندا مول جەتىستىكتەن بىرگە يگىلىكتەنۋىنە مۇمكىندىك جاساپ، تابىس سەزىمى مەن باقىت سەزىمىنە كەنەلتتى.

11-ايدىڭ 6-كۇنى مال شارۋاشىلىق رايوندارىنداعى پارتيا قۇرىلىسىنىڭ وزگەشە جەلىلەس قيمىلى ساۋىر قىستاۋلىعىندا وتكىزىلدى. بۇل رەتكى قيمىلدى جەمەنەي اۋدانىنىڭ قارجاۋ قالاشىعى مەن قابا اۋدانىنىڭ كولباي قالاشىعى بىرلەسىپ وتكىزدى.

قيمىل بارىسىندا قارجاۋ قالاشىعى ورگان پارتيا ياچەيكاسى مەن قالاشىق مال شارۋاشىلىق رايونى ۋاقىتتىق پارتيا ياچەيكاسى ”ساياسي تۋعان كۇن“ جانە پارتياعا كىرۋ سەرتىن قايتا ەسكە ءتۇسىرۋ سياقتى تاسىلدەردى قولدانىپ، ەگىنشى-مالشى پارتيا مۇشەلەرىنىڭ نازاريالىق ساپاسى مەن پارتيالىلىق تاربيەلەنۋىن كۇشەيتتى. پارتيا مۇشەلەرىنىڭ ءتۇيىندى وتباسى كەنجەبەك بوتاباي ۇلى بىلاي دەدى: بۇدان كەيىن پارتيا مۇشەلەرىنىڭ ءتۇيىندى وتباسىلىق رولىمدى ويداعىداي كۇشەيتىپ، پارتيا مۇشەلەرىنىڭ اۆانگارد ۇلگىلىك رولىن ويداعىداي ساۋلەلەندىرىپ، شەكارا تۇرعىندارى شارتىن ويداعىداي قورعاپ، پارتيانى الاڭسىز ەتەمىن.

سونىمەن بىرگە، ۇيرەنۋ، وقىتۋ قيمىلى دا دابىرالى جۇرگىزىلدى. قارجاۋ قالاشىعىنان، كولباي قالاشىعىنان كەلگەن جەتەكشىلەر قاراپايىم دا ۇعىنىقتى تىلمەن مالشى پارتيا مۇشەلەرى مەن بۇقاراعا شەكارا قورعانىسى ساياساتىن، زاڭ-ەرەجەلەرىن ءتۇسىندىرىپ، قولامتالى ماسەلەلەرگە جاۋاپ بەردى. ال، قارجاۋ قالاشىعى ”ءبىلىم جەتكىزۋ شاعىن اترەتىنە“، ”كيىز ءۇي ساباقحاناسىنا“ سۇيەنىپ، ”مال شارۋاشىلىق رايونىنا ۇيرەنۋدى جەتكىزۋ“ مەن ”ناقتى كورىنىس ساباقحاناسىن“ ۇشتاستىرۋ ۇلگىسىن جاسامپازدىقپەن قولدانىپ، اقىندار ايتىسى سياقتى قىزىقتىرۋ ارقىلى تاربيەلەۋ تاسىلدەرىمەن مالشىلاردىڭ مەملەكەتتە ءبىر تۇتاس قولدانىلاتىن ءتىل-جازۋدى ۇيرەنۋ، قولدانۋ ونىمدىلىگىن ارتتىرىپ، ۇيرەنۋدىڭ ”ەڭ سوڭعى ءبىر كيلومەترىن“ قامتۋىنا كەپىلدىك ەتتى.

11-ايدىڭ 11-كۇنى جەمەنەي اۋدانىنىڭ ”جۇڭگو— قازاقستان شەكاراسىنداعى ءبىرىنشى قىستاق“ — جەمەنەي قالاشىعى سارولەڭ قىستاعىنىڭ تۇرعىنى تولەۋقان كوكەن ۇلى ءۇيىن جيناپ، ساياحاتشىلاردى قارسى الۋمەن قاربالاستاندى. ول بىلاي دەدى: ءار جولى ساياحاتشىلار ۇيگە كەلگەندە مەنىڭ شەكارانى قورعاۋ جونىندەگى قىزىل حيكايامدى تىڭداپ، ءبىزدىڭ ءدامدى تاعامىمىزدان ءدام تاتادى. ساياحات كاسىبىنىڭ دامۋىنا بايلانىستى، ءبىز دە مول يگىلىككە كەنەلدىك.

تولەۋقان جەمەنەي اۋدانىنىڭ شەكارانى گۇلدەندىرىپ، حالىقتى اۋقاتتاندىرۋ ارەكەتىنەن يگىلىكتەنۋشىلەردىڭ ءبىرى. بيىل بۇل اۋدان ”پارتيا قۇرىلىسى + شەكارانى قورعاۋ مادەنيەتى + مال شارۋاشىلىق ءوڭىرى ساياحاتى“ سىندى دامۋ ۇلگىسىن قولدانىپ، قويتاس، جۇڭگو — قازاقستان شەكاراسىنداعى ءبىرىنشى قىستاق، شەكارانى قورعاۋ مادەنيەت سارايى، 100 جىلدىق مەملەكەت قاقپاسى سياقتى بايلىقتى تۇتاستىرىپ، قىزىل ساياحات سارا جولىن قالىپتاستىردى. سونىمەن بىرگە، مالشىلاردى ەرەكشە ”شاعىن قوناقجاي“، ەرەكشە ءدامدى تاعامداردى جاساۋ ورنى، ەرەكشە قولونەر بۇيىمدارى دۇكەنى سياقتىلاردى دامىتۋعا جۇمىلدىرىپ، كىرىستى ارتتىرىپ، اۋقاتتانۋعا جەتەلەدى.

جەمەنەي اۋداندىق پارتكوم ۇيىمداستىرۋ ءبولىمى دارىندىلار قىزمەت وتەۋ ورتالىعىنىڭ مەڭگەرۋشىسى ما يان بىلاي دەدى: قازىر كوپتەگەن ساياحاتشى كەڭ ساحاراعا كەلىپ، مال شارۋاشىلىق رايونىنىڭ تۇرمىسىن سەزىنۋدە. ءبىز ”پارتيا قۇرىلىسى + مال شارۋاشىلىق ءوڭىرى ساياحاتى“ ارتىقشىلىعىن تولىق ساۋلەلەندىرىپ، تۇتاس وڭىرلىك ساياحات ءىرى ورتاسىنا سۇيەنىپ، شەكاراداعى مال شارۋاشىلىق وڭىرلەرىنىڭ ابزال بايلىعىن بەلسەنە بىرىكتىرىپ، شەكارانى گۇلدەندىرىپ، حالىقتى اۋقاتتاندىرۋدىڭ كوپ نەگىزدى جاعدايىن قالىپتاستىرىپ، ەرەكشە كاسىپتەردى دامىتۋ ارقىلى مال شارۋاشىلىق وڭىرلەرىندەگى بۇقارانىڭ كىرىسىن ارتتىرىپ، اۋقاتتانۋىنا جەتەكشىلىك ەتتىك.

الداعى جەردە بۇل اۋدان پارتيا قۇرىلىسى ارقىلى جەتەكشىلىك ەتۋدى ۇزدىكسىز تەرەڭدەتىپ، ءتۇرلى ىستەردىڭ قارىشتاپ دامۋىن ىلگەرىلەتىپ، شەكاراسى ورنىقتى دا كوركەم، شەكارا حالقى باي كوركەم كارتينانى سىزادى.