阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
作者：褚半农
沪语改写、朗读：陈全娣
文字、语音审核：丁迪蒙
编辑：王乙其
莘庄是上海西南个一个重镇，镇名勒拉《崇祯松江府志》（1630年版）第三卷当中就有得记载：“莘庄镇。一名莘溪。”迭个就是讲，明代个辰光，莘庄是以河浜个名字为镇名个，或者讲，伊有两个镇名。迭个是上海现存地方旧志当中，我看到最早记录到“莘庄镇”个志书。乐于助人个市地方志办公室杨杨博士帮我查到比“府志”早62年个资料，就是初刻于明 隆庆二年（1568年）个《江南经略》，迭本书当中也有上海镇“西南至莘庄镇华亭县界三十六里”个记载。即使从1568年算起，莘庄镇名到现在也已经有456年了，而实际出现个辰光肯定还要更加长，迭个有待于以后继续查证。
莘溪是一条市河，由西向东贯穿莘庄镇中部，老镇各色店铺、居民住宅分勒拉市河个两岸。据《莘庄镇志》记载，1960年3月15日，上海县委、县政府从闵行迁到莘庄镇莘建路。为适应市政发展需要，1964年11月起莘溪填河，一年后完工并建成一条路，就是现在个莘浜路。以后莘庄镇区里向修筑个道路，侪是“莘”字头，或者是带“莘”字个。
“莘”字读音引起关注
前段辰光，闵行区莘庄地区路名当中带“莘”字个读音，成了一个议论热点，起因是，搿些路名勒拉车载导航当中出现了两个完全勿同个读音，一是读xīn音，一是读shēn音。上海电视台新闻坊记者为此采访、制作、播放了一条专题新闻，迭个更加引起了市民们个普遍关注。
带“莘”字路名个读音问题，三四十年前就出现了，主要是勒拉新上海人、新莘庄人当中。当然咯，现在个伊拉到上海辰光长了，加浪地铁、公交日常“莘（xīn）庄”个准确报站，迭个字个读音已经勿成问题了，伊拉也勿会读错脱。只是迭一些地名现在进入导航以后，因为主事者勿了解地名读音个特殊情况，播报个辰光有个路名当中个“莘”有个读xīn，有个却读成shēn。比方“前方红绿灯路口右转进入莘（xīn）松路，左转进入莘（shēn）北路。”而在另一条语音当中，莘（shēn）北路”又读成“莘（xīn）北路。“正在前往莘（shēn）凌路莘（xīn）北路，右转进入莘（xīn）北路。”而在莘庄镇区南面，还真个有一条申北路来，搿个“申”是申请个“申”。导航使用者需要准确个信息，“莘”字读音问题就搿能样子搞起来了。
作者：褚半农
朗读：陈全娣
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“海上梦叠”公众号
我知道你在看哟~
