阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
作者：郑自华
沪语改写：丁一军
讲述：沈珊明
文字审核、推荐：丁迪蒙
编辑：王乙其
前两天读到陈冲个自传《猫鱼》，讲到了外婆。陈冲个外婆留过洋，伊让留洋回来个陈冲带四只礼物，其中一只就是一顶有波浪个假发套。
讲到假发套，大家就会得想到豫园商城个永青假发店，埃个辰光，假发店老少个，但是消费者个需求是老旺盛个，永青假发店常庄是门庭若市，甚至有大量个外地朋友来买假发。
由于种种原因，有个人一头老嗲个头发落光了，也呒没了生活个勇气。假发套个应运而生，解决了搿些人个困难。本来认为，除脱刚刚讲个特殊人群以外，演员是买假发套个主力，啥人晓得现在老多喜欢时髦个女士侪欢喜假发套了。
一个朋友搭我讲，伊有好几顶假发，有短头发、长头发、直头发、大波浪等各种款式，有黑颜色、咖啡色、金黄色、银灰色等各种色系，根据季节变化、服装款式颜色个勿同而调换假发，有种百变女郎个感觉。朋友讲，现在假头发价钿便宜，款式新颖，过脱一段辰光就更新换代。由于省脱了烫头发个钞票，所以总个讲起来还是老佮算个。想必陈冲个外婆要假发套，也是迎合了时髦个需要。
假发套个“假”归根结底是“助人为乐”，仔细想想，生活当中老多地方离勿开“假”：上海人记忆深刻个“节约领”，又叫假领头，前头后头两块布头，接好领头，套好外套，搭真个衬衫呒没区别，勒勒市场供应缺少个年代，搿种假领头仍旧有市场。病理性个缺少牙齿，勿仅影响美观，生活个质量也大打折扣，老多美食只好敬而远之。装了假牙齿，仍旧可以大快朵颐。而假肢个发明，让病人重新燃起了生活个希望，融入了社会大家庭当中。
搿种“假”，受到了大家个普遍欢迎。随牢仔技术个提高，品种越来越多，质量越来越好，逼真个程度越来越高。由于有了搿些替代品，受益个人会得重新扬起生活个风帆，拿日脚过得老有味道个。
作者：郑自华
讲述：沈珊明
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：启迪心田沪语
我知道你在看哟~
