11-ايدىڭ 4-كۇنى قورعاس اۋداندىق حالىق سوتى مەكەمەسى ءبىر ءونىم ساتۋشىنىڭ جاۋاپكەرشىلىگى داۋ-شارى دەلوسىن كەلىستىردى.
10-ايدىڭ 1-كۇنى وۋ x قورعاس اۋدانىنداعى بەلگىلى ءبىر ەرەن بازاردا 5 يۋان اقشا جۇمساپ ءبىر دوربا شيىرشىقتاما مومى ساتىپ الادى. 10-ايدىڭ 3-كۇنى وۋ x شيىرشىقتامالى مومىنى جەمەكشى بولىپ تۇرعاندا مومىنىڭ ىشىنەن ءبىر تال شاشتى بايقاپ قالادى دا، دەرەۋ ەرەن بازاردىڭ قىزمەتكەرىنە حابارلاسىپ تولەم بەرۋدى تالاپ ەتەدى.
ەكى جاقتىڭ كەڭەسىنەن ناتيجە شىقپاعان سوڭ، وۋ x قورعاس اۋداندىق حالىق سوتى مەكەمەسىنە وسى ەرەن بازاردىڭ ۇستىنەن ارىز بەرىپ، 1000 يۋان تولەم بەرۋدى تالاپ ەتەدى.
قورعاس اۋداندىق حالىق سوتى مەكەمەسى دەلو تۇرعىزۋ سوتىنىڭ ورىنباسار باستىعى ماعيا نۇرالا وسى دەلونى قابىلداعاننان كەيىن، ەكى جاقتى جاراستىردى. ماعيا ءىستىڭ جاي-جاپسارىن انىقتاپ سۇرايدى ءارى وۋ xتىڭ بەرگەن ۋاقيعا تۋىلعان كەزدە تۇسىرىلگەن بەينەجازبانى تەكسەرىپ كورەدى. ەرەن بازاردىڭ جاۋاپتىسى شيىرشىقتامالى مومىنىڭ ىشىنەن شاش شىققانىن مويىندايدى، ايتسەدە وۋ xتىڭ تالاپ ەتكەن تولەم سوماسى وتە جوعارى بولىپ كەتتى دەپ قارايدى. ماعيانىڭ زاڭ بىلىمدەرىن مىسالعا كەلتىرە وتىرىپ ءتۇسىندىرۋىنىڭ ارقاسىندا ەرەن بازار وۋ xكە 800 يۋان تولەم بەرۋگە قوسىلدى ءارى سوت ۇستىندە تولەدى. سونىمەن بۇل دەلو اياقتالدى.
زاڭ جالعانىمدارى
«جۇڭحۋا حالىق رەسپۋبليكاسىنىڭ ازىق-تۇلىك حاۋىپسىزدىگى زاڭىنىڭ“ 148-تارماعىندا بىلاي دەپ بەلگىلەنگەن: ازىق-تۇلىك حاۋىپسىزدىگى ولشەمىنە تولمايتىن ازىق-تۇلىك وندىرسە، تۇتىنۋشى زيانىن تولەتۋدى تالاپ ەتۋدەن سىرت، ءوندىرۋشى نەمەسە ساتۋشىدان ساتىپ العان باعاسىنىڭ 10 ەسەسىندەي نەمەسە تارتقان زيانىنىڭ 3 ەسەسىندەي تولەم بەرۋىن تالاپ ەتۋىنە بولادى؛ كوبەيتىلگەن تولەم سوماسى 1000 يۋانعا تولماسا، 1000 يۋان دەپ ەسەپتەلىنەدى.
来源：新疆法治报
编辑：阿莱·赫亚克巴依
责编：叶克奋·沙布尔
监制：叶尔兰·努哈
