9-ايدىڭ 10-كۇنى جىڭ اۋدانىنىڭ تۇرعىنى جاڭ x ۇيىندە قوناق كۇتپەكشى بولىپ، كورشىسى لي x پەن ۋاڭ xتى كومەككە شاقىرادى. وسى ارالىقتا ۋاڭ x توقتاتىلىپ قويىلعان ەلەكترلى ءۇش دوڭگەلەكتى كولىكتى بايقاۋسىزدا وتالدىرىپ قالادى، سول ساتتە كولىكتىڭ الدىندا تۇرعان لي x ءوزىن شەتكە الا بەرگەن كەزىندە جارالانىپ قالادى، جاڭ x پەن ۋاڭ x ونى شيپاحاناعا جەتكىزەدى.
تەكسەرۋ ارقىلى لي xتىڭ بىلەگى مەن اياعىنىڭ تۇرلىشە دارەجەدە جارالانعانى انىقتالىپ، اۋرۋحاناعا جاتىپ 7 كۇن ەمدەلەدى. اۋرۋحانادان شىققاننان كەيىن، لي x شيپاگەردىڭ ايتۋى بويىنشا 2 اپتا دەمالادى. جاراقاتى تاۋىرلەنىپ قالعان سوڭ، لي x ۋاڭ x پەن جاڭ xتەن ەمدەلۋ قاراجاتى، تاماق قاراجاتى، جۇمىس اقساتۋ قاراجاتى سياقتى بولىپ جيىنى 13 مىڭ يۋان سۇرايدى. جاڭ x: لي xتىڭ جارالانۋىن ۋاڭ x تۋدىرعان، ۋاڭ x تولەم بەرۋى كەرەك،- دەيدى. ال ۋاڭ x: وسى توسىن جاعداي جاڭ xتىڭ جۇمىستارىنا مىندەتتى تۇردە كومەكتەسۋ بارىسىندا تۋىلعان، جاڭ x تولەم بەرۋى كەرەك،- دەيدى. 3 ادام تولەم بەرۋ ءىسى جونىندە ءبىر اۋىزدىلىققا كەلە الماي، 10-ايدىڭ 8-كۇنى لي x ۋاڭ x پەن جاڭ xتىڭ ۇستىنەن جىڭ اۋداندىق حالىق سوتى مەكەمەسىنە ارىز بەرەدى.
سوت مەكەمەسى بىلاي دەپ قارادى: «ەڭ جوعارى حالىق سوتى مەكەمەسىنىڭ باس اماندىققا زيان جەتكىزۋ تولەمى دەلوسىن قاراۋدا زاڭ قولدانۋعا قاتىستى ءبىرقانشا ماسەلە جونىندەگى تۇسىندىرمەسىنە» نەگىزدەلگەندە، اقىسىز ەڭبەڭ ۇسىنۋشى جاق ەڭبەك سەبەبىنەن باسقالارعا زالال جەتكىزسە، ەڭبەك قابىلداعان جاق تولەم جاۋاپكەرشىلىگىن ارقالاۋى كەرەك، ەڭبەك قابىلداعان جاق تولەم جاۋاپكەرشىلىگىن ارقالاعاننان كەيىن، قاساقانا نەمەسە اۋىر اعاتتىق وتكىزگەن ەڭبەك ۇسىنۋشى جاقتان تولەم قۋزاسا، حالىق سوتى مەكەمەسى ونى قولدايدى، ەڭبەك قابىلداۋشى جاقتىڭ كومەكتەن باس تارتقانى انىق بولسا، تولەم جاۋاپكەرشىلىگىن ارقالامايدى.
جاراستىرۋ ارقىلى ۋاڭ xتىڭ مىندەتتى تۇردە كومەكتەسكەنىن ەسكەرە كەلە، لي x ۋاڭ xتىڭ جاۋاپكەرشىلىگىن قۋزاستىرماۋدى شەشەدى، جاڭ x لي xكە 10 مىڭ يۋان تولەم بەرەدى، ءسويتىپ، داۋ-شار ءساتتى شەشىلەدى.
来源：新疆法治报
翻译：汤努尔·阿扎提
编辑：阿莱·赫亚克巴依
责编：叶克奋·沙布尔
监制：叶尔兰·努哈
