奋力谱写中国式现代化湖北篇章
شينحۋا اگەنتتىگىنىڭ 11 - ايدىڭ 6 - كۇنى ۋحاننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا حۋبەيدا قىزمەت تەكسەرگەندە بىلاي دەپ باسا دارىپتەدى: حۋبەي پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ءۇشىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ارناسىن قۇرۋداعى بورىشتى، مىندەتتى مىقتى يگەرىپ، وزىندىك باسىمدىعىن تولىق ساۋلەلەندىرىپ، قايراتتى تاسقىنداتىپ، ۇمتىلا العا ىلگەرىلەپ، ۇزدىكسىز قاجىماي كۇش سالىپ، ءىستى جاقسى ىستەپ، تابىستى اياقتاتىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىندا باتىلدىقپەن العا ۇمتىلىپ، ورتا بولىك ءوڭىرى ەڭسە كوتەرۋىنىڭ ماڭىزدى ستراتەگيالىق تىرەگىن جەدەل قالىپتاستىرىپ، جۇڭگو ۇلگىسىندەگى وسىزامانداندىرۋدىڭ حۋبەي تاراۋىن قۇلشىنا جازۋى كەرەك.
11 - ايدىڭ 4 - كۇنىنەن 6 - كۇنىنە دەيىن شي جينپيڭ حۋبەي ولكەلىك پارتكومنىڭ شۋجيى ۋاڭ مىڭحۇيدىڭ جانە ولكە باستىعى ۋاڭ جۇڭليننىڭ سەرىك بولۋىندا ىلگەرىندى - كەيىندى شياۋگانعا، شياننيڭگە، ۋحانعا كەلىپ، مۇراجايلاردى، اۋىل - قىستاقتاردى، عىلىم - تەحنيكادا جانە كاسىپ سالاسىندا جاڭالىق اشۋ تۇعىرلارىن ىشكەرىلەي ارالاپ قىزمەت تەكسەردى، تەكسەرۋ - زەرتتەۋ جۇرگىزدى.
11 - ايدىڭ 4 - كۇنى تۇستەن كەيىن شي جينپيڭ شياۋگان قالاسى يۇنمىڭ اۋدانى مۇراجايىنا كەلىپ، قازىپ الىنعان چين، حان پاتشالىقتارى ءداۋىرى جازۋلى تاقتايشالار كورمەسىن ەكسكۋرسيالادى. كورمەگە قويىلعان چين پاتشالىعىنىڭ 18 ءتۇرلى زاڭى سوناۋ 2200 جىلدان استام ۋاقىتتىڭ الدىندا ەلىمىزدە بايىرعى زاڭ - ءتۇزىم جۇيەسى الدەقاشان قالىپتاسقاندىعىن كورسەتەدى. شي جينپيڭ جازۋلى تاقتايشالاردىڭ مازمۇنى، تاريحي مادەنيەت قۇنى جانە قورعالۋ، زەرتتەلۋ احۋالى جونىندەگى تانىستىرۋدى ەگجەي - تەگجەيلى تىڭداعاننان كەيىن، بىلاي دەپ اتاپ كورسەتتى: ارحەولوگيالىق زەرتتەۋدى ۇزدىكسىز كۇشەيتىپ، مادەني ەسكەرتكىشتەردى قورعاۋ دەڭگەيىن جوعارىلاتىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋعا، مادەنيەت سەنىمىن كۇشەيتۋگە مىعىم تىرەك ازىرلەپ، جۇڭحۋا وركەنيەتىنىڭ جاۋھارىن ماڭگى ساقتاۋعا، كەيىنگىلەرگە پايداسىن تيگىزۋگە مۇمكىندىك جاساپ، ادامداردى ۇلتتىق ماقتانىش سەزىمىن جانە سەنىمىن ۇزدىكسىز كۇشەيتۋگە ىنتالاندىرۋ كەرەك.
11 - ايدىڭ 5 - كۇنى تۇستەن بۇرىن شي جينپيڭ شياننيڭ قالاسى جيايۇي اۋدانىنا بارىپ، الدىمەن پانجياۋان قالاشىعىنىڭ ون شاقىرىمدىق كوكونىس دالىزىندە قىزمەت تەكسەردى. قوڭىر كۇز بولسا دا بۇل جەر ءالى دە جاسىل جەلەك جامىلىپ، تىرشىلىك تىنىسى جالىنداپ تۇر. شي جينپيڭ اتىزدى ارالاپ، كوكونىستەردىڭ ءوسۋ جاعدايىن تەكسەرىپ كورىپ، كوكونىستىڭ سورتى، ەگىمشىلىك تەحنيكاسى، ساتىلۋى سياقتى احۋالداردى ەگجەي - تەگجەيلى سۇراستىردى. ول: اۋىل - قىستاقتىڭ ءورىسى كەڭ، اۋىل شارۋاشىلىعىنىڭ بولاشاعى زور. وسى زامانعى اۋىل شارۋاشىلىعىن دامىتىپ، اۋىل شارۋاشىلىعىندا قۋاتتى ەل قۇرۋ ءۇشىن، ءسوز جوق، عىلىم - تەحنيكانىڭ العا باسۋىنا سۇيەنىپ، عىلىم - تەحنيكا ارقىلى اۋىل شارۋاشىلىعىنىڭ ۇشقان قۇستاي وسىزاماندانۋىنا قانات ءبىتىرۋ كەرەك، - دەپ باسا دارىپتەدى. ول جەرگىلىكتى كادر - بۇقارانى عىلىم - تەحنيكا جولىمەن، ساپا جولىمەن، ماركا جولىمەن ءجۇرىپ، كوكونىس ەگىمشىلىگى سىندى حالىقتى بايىتۋ كاسىپ سالاسىن ونان ارى ويداعىداي ىستەپ، اناعۇرلىم كوپ بۇقارانىڭ كىرىستەرىن ارتتىرىپ بايۋىنا مۇمكىندىك جاساۋعا ىنتالاندىردى.
وسىدان كەيىن، شي جينپيڭ پانجياۋان قالاشىعى سى - ي قىستاعىنا كەلىپ، ىلگەرىندى - كەيىندى قىستاق زەينەتكەرلىك قىزمەت وتەۋ پۋنكتىنە، پارتيا مۇشەلەرى مەن بۇقاراعا قىزمەت وتەۋ ورتالىعىنا بارىپ، قارتتاردى كۇتىمدەۋ قۇرىلعىلارىن جانە حالىققا قولايلىلىق جاساۋ، حالىققا تيىمدىلىك جەتكىزۋ بويىنشا قىزمەت وتەۋ احۋالىن تەكسەرىپ كورىپ، قىستاق دارەجەلى ۇيىمنىڭ جۇمىس جۇرگىزۋى جانە فورماشىلىدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ سياقتى قىزمەتتەردى ۇعىستى. ول بىلاي دەپ اتاپ كورسەتتى: پارتيا قۇرىلىسى ارقىلى جەتەكشىلىك ەتۋدى ونان ارى كۇشەيتىپ، قارتتار مەن بالالار سىندى ءتۇيىندى مىقتى يگەرىپ، بۇقارانى اناعۇرلىم دالمە - ءدال ءونىمدى تۇردە ۋايىمنان ارىلتىپ، قيىنشىلىعىن شەشۋ كەرەك. نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىتىن جانە زەيىن - زەردەسىن بۇقاراعا قىزمەت وتەۋگە جۇمساۋىنا مۇمكىندىك جاساۋ كەرەك.
قىستاق تۇرعىنى شيۇڭ چىڭلۇڭنىڭ ۇيىندە شي جينپيڭ ولاردىڭ وتباسى تۇرمىسىن ەگجەي - تەگجەيلى كورىپ، ءبىر ءۇيلى جانمەن بىرگە قورالانا وتىرىپ، ءوندىرىس، بالالاردىڭ جۇمىستانۋى، شارۋاشىلىق قۇرۋى، وتباسى كىرىسى، زەينەتكەرلىك، ەمدەلۋ سياقتى احۋالداردى ۇعىستى. وسى جىلداردا قالا مەن اۋىلدىڭ نەگىزگى الەۋمەتتىك قىزمەت وتەۋ جۇيەسىنىڭ ۇزدىكسىز اقاۋسىزدانىپ، شارۋالاردىڭ ماتەريالدىق، مادەني تۇرمىسىنىڭ بارعان سايىن قامتاماسىزدىققا يە بولعاندىعىن ەستىگەندە، شي جينپيڭ قاباعات قۋاندى. ول ءبىر ءۇيلى جاننىڭ ۇزدىكسىز قۇلشىنىپ، ءوندىرىستى، تۇرمىستى ونان ارى جاقسارتىپ، بالالاردى جاقسى تاربيەلەپ، تۇرمىستارىن شالقىتا ءتۇسۋىن ءۇمىت ەتتى.
قىستاقتان اتتاناردا قىستاق تۇرعىندارى باس شۋجيدى قىزۋ مەرەيمەن اتتاندىردى. شي جينپيڭ كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن، ءسوز جوق، اۋىل - قىستاقتىڭ گۇلدەنۋىن جەدەل ىلگەرىلەتۋ، ەڭ الدىمەن حالىقتى اۋقاتتاندىراتىن كاسىپ سالالارىن دامىتۋ كەرەك. اۋىلداستاردىڭ پارتيا ۇيىمىنىڭ باستاۋىندا، ءبىر نيەتپەن كۇش قوسىپ، ىنتىماقتاسا كۇرەس جۇرگىزىپ، ەڭبەكشىل قوس قولدارىمەن ەرەكشەلىككە يە كاسىپ سالالارىن اناعۇرلىم ءونىمدى دامىتىپ، قىستاقتى اناعۇرلىم كورىكتى ەتىپ قۇرىپ، باقىتتى دا تاماشا تۇرمىستى بىرگە جاراتۋىن ءۇمىت ەتەمىن!
11 - ايدىڭ 5 - كۇنى تۇستەن كەيىن شي جينپيڭ ۋحان كاسىپ سالاسىندا جاڭالىق اشىپ دامۋدى زەرتتەۋ ورنىنا بارىپ قىزمەت تەكسەرىپ، عىلىم - تەحنيكادا جاڭالىق اشۋ قامداۋ تىزبەگى تۇعىرىنىڭ تابىستى مىسالدارى كورمەسىن جانە عىلىم - تەحنيكادا جاڭالىق اشۋ جەتىستىكتەرىن كورىپ، عىلىم - تەحنيكادا جاڭالىق اشۋدى ىلگەرىلەتۋ شارالارىن ۇعىسىپ، عىلمي زەرتتەۋ قىزمەتكەرلەرىمەن جانە كاسىپورىن جاۋاپتىلارىمەن ىشكەرىلەي تالقى وتكىزىپ، پىكىر اۋىستىردى. ول بىلاي دەپ باسا دارىپتەدى: جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى، جاڭاشا وندىرگىش كۇشتەردى دامىتۋدى جۇزەگە اسىرۋ عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى توعىستىرۋعا اناعۇرلىم كوكەي تەستى سۇرانىس قويدى. قالىڭ عىلىم - تەحنيكا قىزمەتكەرلەرى مەن كاسىپورىنشىلار سەنىمدى كۇشەيتىپ، اسقاق ارمان ارقالاپ، سەلبەسىپ كۇش سالىپ، جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتۋ، وسىزاماندانعان كاسىپ سالاسى جۇيەسىن قۇرۋ بارىسىندا ۇزدىكسىز ەسە قوسىپ، ەڭبەك ءسىڭىرۋى كەرەك.
11 - ايدىڭ 6 - كۇنى تۇستەن بۇرىن شي جينپيڭ حۋبەي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حۋبەيدىڭ ءتۇرلى قىزمەتتەردە قول جەتكىزگەن ناتيجەسىن تۇراقتاندىرىپ، كەلەسى ساتىداعى قىزمەتتەر جونىندە ايقىن تالاپتار قويدى.
شي جينپيڭ بىلاي دەپ اتاپ كورسەتتى: حۋبەيدىڭ عىلىم - تەحنيكا، وقۋ - اعارتۋ دارىندىلار باسىمدىعى كورنەكتى، عىلىم - تەحنيكادا جاڭالىق اشۋ قابىلەتى ءبىرشاما كۇشتى، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى ىلگەرىلەتۋدە ءورىس اشا العا ىلگەرىلەۋ كەرەك. بۇكىل ەلدىڭ جاڭالىق اشۋ تىزبەگىمەن ىرىقتى تۇردە توعىسىپ، بۇكىل ەل بويىنشا ىقپال قۋاتىنا يە عىلىم - تەحنيكادا جاڭالىق اشۋ بيىگىن قۇلشىنا تۇلعالاپ، عىلىم - تەحنيكادا جاڭالىق اشۋدىڭ قاينار كوزى فۋنكتسياسىن اناعۇرلىم ويداعىداي ساۋلەلەندىرۋ كەرەك. ءتۇيىندى كاسىپ سالالارىن ارقاۋ ەتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ توعىسۋىن كۇشەيتىپ، شەشۋشى، وزەكتى تەحنيكالاردى زەرتتەۋدەن، اشۋدان قامال الۋدى كۇشەيتىپ، ءىرى، ورتا، شاعىن كاسىپورىنداردىڭ سايكەسە جاڭالىق اشۋ مەحانيزمىن ورناتىپ، عىلىم - تەحنيكا جەتىستىكتەرىن كادەگە جاراتۋ دەڭگەيىن جوعارىلاتۋ كەرەك. ءداستۇرلى كاسىپ سالالارىنىڭ تيبىن وزگەرتىپ، دارەجەسىن جوعارىلاتۋعا جانە جاڭادان گۇلدەنگەن كاسىپ سالالارىن جەتىلدىرۋگە، زورايتۋعا، بولاشاق كاسىپ سالالارىن قاتار ىلگەرىلەتۋگە تاباندى بولىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، اناعۇرلىم كوپ تانىمالى ماركالاردى تۇلعالاۋ كەرەك. چاڭجياڭنىڭ ەكولوگيالىق ورتاسىن قالپىنا كەلتىرۋدى ۇستەم ورىنعا قويىپ، حاۋىپسىز، بەرىك وسى زامانعى سۋ تورىن كۇش سالا قۇرىپ، وزەن الابىن جان - جاقتى وڭاۋدى جاپپاي ىلگەرىلەتىپ، چاڭجياڭ وزەنىندە بالىق اۋلاۋعا 10 جىل تيىم سالۋدى تاباندىلىقپەن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: حۋبەي رەفورمانى جاپپاي تەرەڭدەتۋدە جانە جوعارى دەڭگەيدە سىرتقا ەسىك اشۋدى كەڭەيتۋدە باتىلدىقپەن ىزدەنىس جاساۋى كەرەك. ءتۇيىندى سالالار مەن شەشۋشى بۋىندار رەفورماسىن ويداعىداي يگەرىپ، بۇكىل ەلدىڭ ءبىر تۇتاس ءىرى بازار قۇرىلىسىمەن جاپپاي توعىسىپ، اناعۇرلىم ءادىل، اناعۇرلىم جاندى بازار ورتاسىن قالىپتاستىرۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ جانە ونى تياناقتاندىرىپ، كوپ ءتۇرلى مەنشىكتەگى شارۋاشىلىقتىڭ ءوزارا جەبەۋىن، بىرگە دامۋىن ىلگەرىلەتۋ كەرەك. ىشكە ەسىك اشۋ مەن سىرتقا ەسىك اشۋعا بىردەي ءمان بەرۋگە، ىشكى قۇرلىقتىق ەسىك اشۋ بيىگىن تۇلعالاۋعا تاباندى بولىپ، وڭىرلىك سەلبەستىكتى تەرەڭدەتىپ، كاسىپ سالاسى ورنالاسىمىن تارتىپپەن ساپالىلاندىرۋ كەرەك. ىشكى - سىرتقى ساۋدانى ءبىر تۇلعالاندىرۋ رەفورماسىن تەرەڭدەتىپ، ”ءبىر بەلدەۋ، ءبىر جولدى“ جوعارى ساپالى بىرگە قۇرۋعا بەلسەنە ات سالىسىپ، ەسىك اشۋ تورابى فۋنكتسياسىن جۇيەلى جوعارىلاتۋ كەرەك.
شي جينپيڭ بىلاي دەپ اتاپ كورسەتتى: حۋبەي قالا مەن اۋىلدى توعىستىرا دامىتۋ جانە اۋىل - قىستاقتى جاپپاي گۇلدەندىرۋ جاعىندا قايراتتانا ءىس تىندىرۋى كەرەك. ۋحان قالا شەڭبەرىن سەنتر ەتىپ، چاڭجياڭ وزەنىنىڭ ورتا اعارى قالا شوعىرىنىڭ ىقپالداسا دامۋىن ىلگەرىلەتۋ كەرەك. اۋدان ورتالىعىن ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتىپ، ءارقايسىسىنىڭ ءوز ەرەكشەلىگى بار اۋدان ءوڭىرى ەكونوميكاسىن دامىتۋ كەرەك. استىق ءوندىرىسى جاۋاپكەرشىلىگىن مىقتاپ ارقالاپ، ماڭىزدى اۋىل شارۋاشىلىعى ونىمدەرى ءوندىرىسىن ورنىقتىرۋدى، قامداۋمەن قامتاماسىز ەتۋدى ناقتى يگەرۋ كەرەك. ەرەكشەلىككە يە كاسىپ سالالارى مەن كوپ ءتۇرلى شارۋاشىلىق جۇرگىزۋ كومەسكى كۇشىن اشىپ، اۋىل شارۋاشىلىعى دامۋىنىڭ ساپاسى مەن ونىمدىلىگىن جوعارىلاتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، توڭكەرىستىك بايىرعى رايونداردى جەدەل گۇلدەندىرۋ، دامىتۋ كەرەك. نەگىزگى الەۋمەتتىك قىزمەت وتەۋ جۇيەسى قۇرىلىسى مەن نەگىزگى ساتىنى باسقارۋدى ءبىر تۇتاس جوسپارلاپ ىلگەرىلەتىپ، حالىق تۇرمىسىن قامتاماسىزداندىرۋ قىزمەتتەرىن تىڭعىلىقتى تۇردە ويداعىداي ىستەۋ كەرەك. قالا، اۋىل رۋحاني وركەنيەت قۇرىلىسىن تەرەڭدەتىپ، ەسكى سالت - سانانى وزگەرتۋدى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: حۋبەيدىڭ تاريحي مادەنيەت مايەگى قالىڭ، قىزىل بايلىعى مول، مادەنيەت بايلىعىن قورعاۋدى كۇشەيتۋدە جانە مادەنيەتتى جاڭالىق اشا دامىتۋدى ىلگەرىلەتۋدە بورىش ارقالاۋى كەرەك. تاريحي مادەنيەت مۇرالارىن قورعاۋدى، جالعاستىرۋدى جانە جاندى پايدالانۋدى جۇيەلى ىلگەرىلەتىپ، چاڭجياڭ وركەنيەتىنىڭ تەگىن زەرتتەۋدى جانە تاراتۋدى، ايگىلەۋدى كۇشەيتۋ كەرەك. دابيەشان رۋحىن، تاسقىنعا قارسى اتتانۋ رۋحىن، ىندەتكە قارسى اتتانۋ رۋحىن زور كۇشپەن اسقاقتاتىپ، سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەۋ كەرەك. مادەنيەتتە حالىققا تيىمدىلىك جەتكىزۋ ينجەنەرياسىن اتقارىپ، جاڭاشا مادەنيەت كاسىپ كۇيىن بەلسەنە دامىتىپ، اناعۇرلىم كوپ ساپالى مادەنيەت ونىمدەرىن جانە قىزمەت وتەۋىن بۇقاراعا جەتكىزۋ كەرەك. سارا مادەنيەت - ساياحات ماركاسىن جانە جەلىسىن تۇلعالاپ، مادەنيەت - ساياحات كاسىبىن تىرەكتى كاسىپ سالاسى ەتىپ جەتىلدىرۋ كەرەك.
شي جينپيڭ بىلاي دەپ اتاپ كورسەتتى: رەفورمانى يگەرۋدى، دامۋدى جەبەۋدى مىقتاپ توڭىرەكتەي وتىرىپ پارتيا قۇرىلىسىن كۇشەيتىپ، پارتيا مۇشەلەرىنىڭ، كادرلاردىڭ ءىس تىندىرىپ ناتيجە شىعارۋ جىگەرىن جانىپ، باتىلدىقپەن ءورىس اشا جاڭالىق جاراتىپ ءارى تياناقتاندىرۋدى تاباندىلىقپەن ويداعىداي يگەرىپ، باتىلدىقپەن بەلدەسىپ، باتىلدىقپەن اتويلاپ، ءارى شەبەرلىكپەن ىنتىماقتاسا سەلبەسىپ، تاريحتىڭ، امالياتتىڭ جانە حالىقتىڭ سىنىنان وتەتىن ناتيجە جاراتۋعا قۇلشىنۋ كەرەك. نەگىزگى ساتى پارتيا ۇيىمى قۇرىلىسىن كۇشەيتىپ، پارمەندى جاۋىنگەر قامال تۇلعالاۋ كەرەك. پارتيا ءتارتىبىن ۇيرەنۋ تاربيەسىنىڭ ۇدايىلانۋىن، ۇزاق ءونىمدى بولۋىن ىلگەرىلەتىپ، تىنباي ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ستيلى پاك، سالتى دۇرىس ساياسي ەكولوگيانى ۇزدىكسىز بەكەمدەۋ، دامىتۋ كەرەك.
شي جينپيڭ بىلاي دەپ باسا دارىپتەدى: بيىلعى جىلدىڭ اياقتاۋىنا 2 ايعا جەتپەيتىن ۋاقىت قالدى، قىزمەتتەردى، اسىرەسە، ەكونوميكالىق قىزمەتتى ونان ارى مىقتى، ناقتى يگەرىپ، تۇتاس جىلدىق ەكونوميكالىق، قوعامدىق دامۋ نىساناسىن قۇلشىنا جۇزەگە اسىرۋ كەرەك.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
