ꇬ ꂾ ꉉ ꀽ ꅇ
ꉘꁮꅐꇁꁧꄩꌸ，ꈧꑭꒉꐂꃪꅂꄉꈞꆈꃹ，ꌋꐓꆧꁨꇂꃹꄇꈜꁤꇅꀕ，ꀋꉬꀐꇰꃅꒉꉬꄉꆈꋧꋪꇇꎇꇇꀋꂿ。ꀋꃷꎵꌠꊿꋅꁮꅉꌋꆀꊨꏦꐥꐨꐥꄸꈍꑋꇁꉘꁮꆧꁨꌡꄉꐥ，ꄚꉜꅉꇉꆎ，ꀋꋓꀋꉪꃅꑞꑌꒊꃀꒈꌺꐊꄉꑍ，ꃅꆳꇱꁏꌋꁧꉈꈴꌐꀐꌠꃅꐙ。ꉢꆹꉙꇐꁱꇐꑠꁱꊿꂷꐛꄉꑭꅑꆀꇁꉷꃅꐰ，ꃅꃤꑟꇁꄮꉌꃀꉪꇐꃅꆳꐊꄉꐙꃰꏿ，ꆧꁨꑭꇂꃴꑋꄉꀑꇬꌋꆀꐥꐨꃆꂮꉪꈾꏽꇬꎷ。ꑳꉎꇭꋓꀿꃀꐗꃛꇬꉇꈌꁬꌺꃅꋆꃅꑌꐊꃴꏸꃴꆧꁏꌦꅪꁧꀕꌦꃅ，ꈎꃅꆪꎔꑍꇁꉖꌒꄮꌺꇖꆺꑳꇤꈏꃆꄔꊷꆣꀕꃅꏦꄉꄎꄏꂯ。
ꌋꐓꃅꏸꇂꃴꉌꂵꎭꃤꑌꌠꃰꊿꇆ，ꅳꀧꍔꄉꇉꅶꂾꃚꊼꇅꅲ，ꃅꆳꐛꒌꊼꇆꉜ。ꋋꃀꉌꃀꄂꈐꉪꇐꌋꆀꐥꐨꁮꅉꈂꀸꌋꉉꇁꐱꁍꀋꄐꑲꆏꁱꇁꄯꒉꂷꋶꐛ，ꁱꌐꈤꀋꉆꌠꋍꊱꊛꇈꋍꊱꃅꌠꉙꇐꁱꇐꐛꐥꀕ。ꉂꏣꎴꑳꀕꌠꊖꆈꎺꏣꈐꏮꀀ，ꍀꆿꉌꊋꑌꄉꂷꇭꄔꌊꊨꏦꀑꇬꈜꃀꀺ。
ꁱ ꇐ ꀐ ꐱ
ꁱ ꊿ ꀐ ꐱ
ꃀꇉ·ꐙꏂꆿꅪ，ꄮꈉ20ꃅꋊ90ꈎꊭꌠꍏꇭꆺꃅꏪꐦꊾꒆꌺ。
