霍尔果斯
中亚消费者看直播买中国车
قورعاس
ورتا ازيا تۇتىنۋشىلارى تىكە تاراتۋدا جۇڭگو اۆتوكولىكتەرىن ساتىپ الدى
انار بۇلت \ شينجياڭ گازەتىنىڭ ءتىلشىسى چىن چياڭۋي
10 - ايدىڭ 22 - كۇنى تاڭەرتەڭ ەرتە ءتىلشى جۇڭگو − قازاقستان قورعاس حالىقارالىق شەكارا سەلبەستىك ورتالىعىنا كىرگەندە، جۇڭگولىق، قازاقستاندىق كوپتەگەن تۇتىنۋشىنىڭ زات ساتىپ الىپ جاتقاندىعىن كوردى.
”بۇل ساۋدا بازارى سەلبەستىك ورتالىعىنداعى تۇڭعىش توپتا اشىلعان ساۋدا سارايى. قازىر شەكارا اتتاعان ەلەكتروندى ساۋدا ورايىنان پايدالانىپ، كونە ساۋدا سارايلارى تىڭ ومىرشەڭ كۇشكە يە بولدى“، - دەدى قورعاس ي - ۋ حالىقارالىق ساۋدا بازارىنىڭ (شەكتى سەرىكتەستىگى) القا باستىعى جين شيڭجۇڭ.
جين شيڭجۇڭ سەلبەستىك ورتالىعىندا شەكارا اتتاعان ەلەكتروندى ساۋدا تىكە تاراتۋدان ۇلگى كورسەتۋ بازاسىن قۇرىپ، 20 نەشە ادامدىق كوپ ءتىلدى تىكە تاراتۋ ۇجىمىن ۇيىمداستىردى، سونداي - اق ورتا ازياداعى تانىمال تىكە تاراتۋشىلارمەن كەلىسىپ، شەتەل تۇعىرلارىندا شەكارا اتتاپ تىكە تاراتۋ ارقىلى زات ساتىپ، تاماشا ونىمدىلىككە قول جەتكىزدى.
تىلشىلىك ىستەپ جاتقان كەزدە قورعاس ي - ۋ حالىقارالىق ساۋدا بازارى (شەكتى سەرىكتەستىگى) تىكە تاراتۋ اۋماعىنىڭ جاۋاپتىسى ما تيڭتيڭ قازاقستاندىق الارماننىڭ شالعان تەلەفونىن الدى.
”ول ءبىزدىڭ تىكە تاراتىلىمىمىزدى كورىپ ەلىمىزدە وندىرىلگەن ءبىر اۆتوكولىك ساتىپ العان ەدى، اۆتوكولىكتى تاپسىرىپ الۋ ۋاقىتىن سۇراپ جاتىر“، - دەدى ما تيڭتيڭ.
ءاسىلى وسى قازاقستاندىق تۇتىنۋشى 10 - ايدىڭ 20 - كۇنى تىكە تاراتۋ ارقىلى اۆتوكولىك ساتىپ الۋعا زاكاز بەرگەن ەكەن، ەرتەسى قازاقستان استانادان قورعاسقا اتتانىپتى، 10 - ايدىڭ 22 - كۇنى سەلبەستىك ورتالىعىنا كەلىپ، سول جەردەن اۆتوكولىكتى الىپ استاناعا ءوزى جۇرگىزىپ قايتپاقشى ەكەن.
”ءبىر ايدىڭ الدىندا ءبىز تىكە تاراتۋ ارقىلى اۆتوكولىك ساتۋدى سىناپ كوردىك. ورتا ازيا بازارىنىڭ ەلىمىزدە وندىرىلگەن اۆتوكولىكتەردى ۇناتۋ دارەجەسىنىڭ وسىنشاما جوعارى بولاتىنىن ويلاماعان ەكەنمىن، قازىر 30عا جۋىق اۆتوكولىك ساتىلدى“، - دەدى ما تيڭتيڭ.
ي - ۋ حالىقارالىق ساۋدا قالاشىعىندا اشىلعان جۇڭگو اۆتوكولىك (قورعاس) ەكسپورت ەركىن ساۋدا پورتىنان ءتىلشى ليشياڭ، چاڭان، چيرۇي سياقتى كوپتەگەن اۆتوكولىكتىڭ زالدا كورمەگە قويىلعاندىعىن كوردى، قازاقستاننان كەلگەن كەيبىر تۇتىنۋشىلار اۆتوكولىكتەردى قاۋمالاي تاپتەشتەي كورىپ جاتىر ەكەن.
كورمە زالىندا ءتىلشى تاقىلداعان داۋىس شىققان جەرگە بارىپ، اشىق شاعىن كورمە زالىنىڭ اشەكەيلەنىپ جاتقاندىعىن كوردى.
”قازىر ءبىز شەتەلدىڭ اۆتوكولىك ساتاتىن ءبىر كاسىپورنى مەن ەل ىشىندەگى بىرنەشە اۆتوكولىك ساتۋشى ساۋداگەردى ىرگە تەبۋگە باۋرادىق“. جين شيڭجۇڭ ي - ۋ حالىقارالىق ساۋدا قالاشىعىنىڭ جانىنداعى بوس جەردى نۇسقاپ تۇرىپ: ”وسى جەردەن اۆتوكولىك ساتۋدان كەيىنگى قىزمەت وتەۋ پۋنكتىن سالۋدى جوسپارلاپ وتىرمىز، مەجەمەن كەلەر جىلى سالىنىپ بولىپ ىسكە قوسىلادى“، - دەدى.
جين شيڭجۇڭ مىنالاردى ءبىلدىردى: ەلىمىزدە وندىرىلگەن اۆتوكولىكتەردىڭ ەكسپورت مولشەرىنىڭ ارتۋىنا بايلانىستى، الدا اۆتوكولىكتەردى جوندەۋ، وزگەرتىپ قۇراستىرۋ قاجەتى دە ارتادى. بولاشاقتا سەلبەستىك ورتالىعىنىڭ اۆتوكولىك كورمەلەۋ، ساتۋ، جوندەۋ سياقتى سالالارىنىڭ بولاشاعى زور بولادى.
جين شيڭجۇڭنىڭ بولاشاق دامۋعا سەنىمى تەك جۇڭگونىڭ اۆتوكولىك كاسىپ سالاسىنىڭ قارىشتاپ دامۋىنان عانا ەمەس، جۇڭگو (شينجياڭ) ەركىن ساۋدا سىناق رايونى قورعاس اۋماعىنىڭ ۇزدىكسىز ساپالىلانعان شارۋاشىلىق - ساۋدا ورتاسىنان دا كەلگەن.
بيىل 3 - ايدا تاۋار اۆتوكولىك كورمەلەۋ، ساتۋ جاڭا كاسىپ كۇيى سەلبەستىك ورتالىعىندا رەسمي تياناقتاندى. وسى ۇلگى بويىنشا ەلىمىزدە وندىرىلگەن تاۋار اۆتوكولىكتەر سەلبەستىك ورتالىعىنىڭ جۇڭگو جاق وڭىرىندە كورمەگە قويىلىپ، ساتىلىپ، سەلبەستىك ورتالىعىنىڭ ۆيزاسىز، پاسپورتسىز كىرۋ ساياساتتىق باسىمدىعى تولىق ساۋلەلەندىرىلدى، جۇڭگو مەن قازاقستان ەكى جاق قىزمەتكەرلەرىنىڭ سەلبەستىك ورتالىعى اۋماعىندا ساۋدا كەڭەسىن ەركىن جۇرگىزۋىنە بولادى.
جاڭا كاسىپ كۇيىنەن سىرت، ”5034“ باقىلاۋ - باسقارۋ ۇلگىسى دە سەلبەستىك ورتالىعىنىڭ تاۋار اۆتوكولىك ەكسپورت ەتۋىنە اناعۇرلىم قولايلىلىق تۋدىردى. ”5034“ − كەدەننىڭ باقىلاۋ - باسقارۋ تاسىلىندەگى شارتتى ءنومىر، ول ”رايون ىشىندەگى اينالىمعا تۇسەتىن زاتتاردى“ باقىلاۋ - باسقارۋ ۇلگىسىن، كەدەننىڭ ەرەكشە باقىلاۋ - باسقارۋ اۋماعى مەن شەكارا سىرتى اراسىنداعى اينالىمعا تۇسەتىن زاتتاردى مەڭزەيدى. بۇل ۇلگى سەلبەستىك ورتالىعى مەن قورعاس جالپىلىق قورعامالى باجى اۋماعىنىڭ ”الدى دۇكەن، ارتى قامبا“ سىندى بىرلەسىپ دامۋ جاعدايىن قالىپتاستىرۋىن جەبەدى.
”ءبىز قىزمەت ارناۋلى القاسىن قۇرىپ، تاۋار اۆتوكولىكتىڭ ’5034‘ۇلگىسى ارقىلى سەلبەستىك ورتالىعىندا كورمەلەنىپ، بولشەك ساتىلۋىن باقىلاۋ - باسقارۋدىڭ جالپى بارىسىن تالقىلاپ، سالالاپ شىقتىق“. قورعاس حالىقارالىق شەكارا سەلبەستىك ورتالىعى كەدەنىنىڭ ورىنباسار باستىعى جارقىن داۋلەت بىلاي دەدى: كەدەن تاۋار اۆتوكولىكتەردىڭ سەلبەستىك ورتالىعىنداعى ناقتى كورمەلەنۋ، بولشەك ساتىلۋ جاعدايىنا نەگىزدەلىپ، باقىلاۋ - باسقارۋ ۇلگىسىن اناعۇرلىم ساپالىلاندىرىپ، جاڭالاپ، تاۋار اۆتوكولىكتىڭ شەتەلدە ءوتىمدى بولۋىنا دەم بەرەدى.
来源：新疆日报
编辑：热依扎·卡玛力别克
监制：叶尔兰·努哈
