གཟུངས་གཞུག་འབུལ་བའི་ལག་ལེན་གསལ་བྱེད་བཞུགས།

༄༅།།རྒྱལ་བའི་སྐུ་བརྙན་དང་མཆོད་རྟེན་གྱི་གཟུངས་གཞུག་འབུལ་བའི་ལག་ལེན་གསལ་བྱེད་འཕྲུལ་གྱི་ལྡེ་མིག་ཅེས་བྱ་བ་བཞུགས།

རྒྱལ་ཀུན་མཁྱེན་བརྩེའི་ཡེ་ཤེས་ཟག་མེད་བདེ་ཆེན་ལྷ་ལམ་ནས། །

གང་འདུལ་དེར་སྟོན་སྣ་ཚོགས་སྤྲུལ་པའི་འོད་སྟོང་འཕྲོ་བ་ཡིས། །

སྒྲིབ་གཉིས་མུན་སྟུག་རབ་གསལ་ཡང་དག་སྣང་བ་རྒྱས་མཛད་པ། །

འཇིག་རྟེན་མིག་གྱུར་མཉམ་མེད་བླ་མས་དུས་ཀུན་བདེ་ལེགས་སྩོལ། །

རྣམ་དག་ཞི་བའི་ངང་ཚུལ་ཀེ་ལཱ་ཤ་རིའི་སྤོར། །

སྣ་ཚོགས་ཁྲོས་པའི་རོལ་གར་གདོང་ལྔའི་ངར་དབྱངས་ཀྱིས། །

ལོག་བྱེད་བདུད་རིགས་གཉིས་འཐུང་ཚོགས་ཀྱིས་ཀླད་འགེམས་པ། །

ཡི་དམ་རྒྱལ་བ་རྒྱ་མཚོའི་ཚོགས་དེར་ཕྱག་བགྱིའོ། །

ཚད་མེད་སྙིང་རྗེའི་ཆུ་གཏེར་ལས་ཐོན་པའི། །

འདོད་དགུ་དངོས་གྲུབ་སྤྲིན་གྱི་གཟེགས་མ་ཡིས། །

དམ་ལྡན་གཤེན་གྱི་པད་ཚལ་སྐྱོང་མཛད་པ། །

གནས་གསུམ་མཁའ་འགྲོའི་རྒྱ་མཚོས་འདིར་གཟིགས་ཤིག །

ལམ་འདིར་བསྟན་སྐྱོང་རྒྱ་མཚོའི་ཚོགས་རྣམས་ཀྱིས། །

ཕྱི་ནང་བར་ཆོད་སོལ་ལ་འདོད་དགུ་བསྙིལ། །

དཀར་ཕྱོགས་སྐྱོང་བའི་ལྷ་རྣམས་གར་བྱོས་ལ། །

མེ་ཏོག་སིལ་མ་འཐོར་ཞིང་གནང་བར་སྩོལ། །

རྒྱལ་བའི་རྟེན་མཆོག་རྣམ་རྒྱལ་ཁང་བཟང་ལ། །

གཟུངས་རྫོངས་འདོད་འབྱུང་གཏེར་ཆེན་འབུལ་བའི་ཐབས། །

རྨོངས་པའི་སྒོ་བརྒྱ་ཅིག་ཆར་འབྱེད་བྱ་བའི། །

ལག་ལེན་གསལ་བྱེད་འཕྲུལ་གྱི་ལྡེ་མིག་ཅེས། །

ཚུལ་འདི་འདི་དང་གཞན་དུ་བདེ་བའི་གནས། །

གནས་ཚུལ་ཚུལ་བཞིན་རྟོགས་ནས་སྨྲས་པ་ཡིན། །

ཡིན་ལུགས་ལུགས་བཞིན་གོ་ན་བསྟན་པའི་མཆོག །

མཆོག་དེ་དེ་རིང་ངས་བཤད་དང་དུ་ལོངས། །

ཞེས་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་པར་འདོད་པ་དག་གིས་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་བཞེངས་པ་ནི། ཉམས་སུ་བླང་བར་བྱེད་པའི་མཆོག་ཡིན་ཏེ། མདོ་དྲི་མེད་ལས། སྐུ་གདུང་བརྩེགས་ཞིང་སྐུ་གཟུགས་བཞེངས་པ་དང་། །གསུང་རབ་ཡི་གེའི་རྒྱུད་བྲིས་ཐར་པ་ཐོབ། །བསྐལ་བར་བསགས་པའི་བག་ཆགས་སྒྲིབ་པ་བྱང་། །བསོད་ནམས་ཚོགས་ཆེན་རབ་ཏུ་རྫོགས་ནས་ཀྱང་། །འབྲས་བུ་སྐུ་གསུམ་སངས་རྒྱས་ཐོབ་པར་འགྱུར། །ཞེས་གསུངས་སོ། །

དེ་ལྟར་སྐུ་གསུང་ཐུགས་ཀྱི་རྟེན་གྱི་ནང་ནས། འདིར་སྐུ་གཟུགས་དང་མཆོད་རྟེན་གྱི་ནང་གི་གཟུངས་གཞུག་འབུལ་བའི་ལག་ལེན་གསལ་བྱེད་འཕྲུལ་གྱི་ལྡེ་མིག་ཅེས་བྱ་བ་བཤད་པར་བྱེད་པ་ལ། རྟེན་གྱི་འདོད་ཚུལ་སྤྱིར་བསྟན་པ་དང་། ལག་ལེན་བྱེ་བྲག་ཏུ་བཤད་པའོ། །

དང་པོ་ནི། འདུས་པ་རིན་པོ་ཆེའི་མདོ་གཟེར་མིག་དང་དྲི་མེད་རྣམས་སུ། གསུང་རབ་བོན་སྐུ། སྐུ་གདུང་མཆོད་རྟེན་རྫོགས་སྐུ། སྐུ་གཟུགས་སྤྲུལ་པའི་སྐུ་དང་སྦྱར་ཞིང་། སྐུ་གདུང་མཆོད་རྟེན་ལའང་། སྐུ་གདུང་སྐུ་ཡི་རྟེན། ཚ་ཚ་གསུང་གི་རྟེན། མཆོད་རྟེན་ཐུགས་ཀྱི་རྟེན་སོགས་གསུངས་ཀྱང་། དྲང་དོན་དགོངས་པ་ཅན་ཡིན་ལ། སྤ་གྲོ་ལ་སོགས་པའི་རྒྱུད་སྡེ་འགའ་ཞིག་ནས།མཆོད་རྟེན་བོན་གྱི་སྐུ་དང་ཐུགས་ཀྱི་རྟེན། །གསུང་རབ་རྫོགས་པའི་སྐུ་དང་གསུང་གི་རྟེན། །སྐུ་གཟུགས་སྤྲུལ་པའི་སྐུ་དང་སྐུ་ཡི་རྟེན། །ཞེས་གསུང་པ། ངེས་དོན་དགོངས་པའི་སྒྲ་ཇི་བཞིན་པར་འདོད་དགོས་སོ། །

དེ་ཡང་སྐུ་བརྙན་གསུང་རབ་མཆོད་རྟེན་གང་བཞེངས་ཀྱང་ཕྱི་ཡི་ཆག་ཚད། ནང་གི་གཟུངས་གཞུག་དང་བརྡ་དགམཐར་ཕྱིན་རབ་གནས་ལ་བདེ་བ་ངེས་པར་གྲུབ་དགོས་ཏེ།མདོ་དྲི་མེད་ལས།ཆག་ཚད་མི་ལྡན་ལྷ་རྣམས་ནི།།རྩི་ཤིང་ནགས་འདྲ་རི་མོ་འདྲ།།སངས་རྒྱས་དངོས་སུ་སྤྱན་དྲངས་ཀྱང་།།དེ་ལ་རབ་གནས་ཐོབ་མི་འགྱུར།།ཆག་ཚད་ལྡན་པའི་ལྷ་རྣམས་ནི།།བརྩམས་ནས་སངས་རྒྱས་རབ་གནས་ཞུགས།།ཞེས་དང་།མདོ་ལས།སྐུ་གཟུགས་ཆག་ཚད་མེད་པ་དང་།།གསུང་རབ་བརྡ་དག་མེད་པ་དང་།།མཆོད་རྟེན་ཐིག་རྩ་མེད་པ་རྣམས།།རྒྱུ་སོང་འབྲས་བུ་ཙམ་མ་གཏོགས།།དོན་ནི་ཡོན་ཏན་མི་མཐོང་སྟེ།།བསྟན་པ་དྲི་མས་སྦག་པ་ཡིན། །ཞེས་གསུངས་པའི་ཕྱིར།

དེ་ཡང་མཆོད་རྟེན་ཀྱི་ཐིག་རྩ་ནི། རྗེ་རིན་པོ་ཆེས་མཛད་པ་དེ་ཉིད་གཡུང་དྲུང་ལས་རྣམ་པར་དག་པའི་རྒྱུད་ལ་སོགས་པའི་ལུང་དང་། དཔྱད་གསུམ་དག་པའི་རིག་པ་གཉིས་ཀས་གྲུབ་ཕྱིར་དེ་ལྟར་ལེགས་ཤིང་། མཆོད་རྟེན་ཆ་བརྒྱད་དང་། སུམ་ཅུ་ཅིར་ཡང་སྤྲུལ་པའི་མཆོད་རྟེན་བརྒྱ་ཉི་ཤུ་ཡི་དབྱེ་བ་རྣམས་ནི། མཆོད་རྟེན་གཞུང་དང་། མདོ་དྲི་མེད་གཟི་བརྗིད་བཞིན་རིགས་འགྲེས་ཤེས་པར་བྱ། སྐུ་གཟུགས་དང་གསུང་རབ་ཀྱི་ཐིག་རྩ་ནི་མདོ་དང་སྔོན་ཀྱི་མཁས་པ་རྣམས་ཀྱིས་ཕྱག་ལེན་བཞིན་དུ་འཁྲུལ་པ་མེད་པར་མཛོད་ཅིག

    གཉིས་པ་ལག་ལེན་བྱེ་བྲག་ཏུ་བཤད་པ་ལ། སྟ་བོན་འཚམས་པར་བསགས་པ་དང་།གཟུངས་འཇུག་འབུལ་ཚུལ་དངོས་སོགས།དང་པོ་ནི།སྐུ་གཟུགས་དང་མཆོད་རྟེན་གང་བཞེངས་ཀྱང་།དེ་ཉིད་ཕྱི་ཆེ་ཆུང་དང་འཚམས་པའི་སྲོག་ཤིང་ངེས་པར་དགོས་ཤིང་།སྲོག་ཤིང་གི་རྒྱུ་ཡང་རབ་སངས་རྒྱས་ཐུགས་ཀྱི་གནས་མཆོག་བོན་རི་ཆེན་པོའི་སྐུ་ཤུག་གམ།དེ་མིན་ཙན་དན་དཀར་དམར་ལ་བྱ།ཐ་མ་ཡང་དུག་རིགས་ཆུ་ཤིང་ཁོག་སྟོང་ཁུང་རུལ་འབུ་ཟོས་གས་ཆག་སོགས་མིན་པའི།འབྲས་བུ་ཅན་གྱི་ཤིང་དྲི་བཟང་སྐྱོན་མེད་བཙལ་ཏེ།དེ་ཡང་གཟུགས་ཅན་གྱི་བདག་པོ་ཡོད་ཚེ་རིན་གྱིས་ཉོས་པར་བྱ་སྟེ་བླངས་པ་དང་།གཟུགས་མེད་ཀྱི་བདག་ཏུ་བྱས་པ་ཡིན་ན།མཆོད་གཏོར་ལ་སོགས་འདོད་ཡོན་སྣ་ཚོགས་ཕུལ་ཏེ་བླངས་ལ།གཟའ་སྐར་ཚེས་གྲངས་ཕུན་སུམ་ཚོགས་པའི་ཉིན།བདུད་རྩིའི་ཐུན་མཚམས་དུས་ཚོད་དུ།ཤིང་དེའི་ཕྱོགས་མི་ནོར་བའི་རྟགས་བྱས་ཏེ་བཅད་ལ།དབྱིབས་ནི་རབ་གནས་གཞུང་ལས།ཐར་པ་བརྒྱད་ཀྱིས་མཚོན་པའི་ཕྱིར།།སྲོག་ཤིང་ཟུར་བཞི་ལོགས་བརྒྱད་ལ།།དྲི་བཟང་སྨན་གྱིས་ལེགས་པར་བྱུགས།།ཞེས་གསུངས་པར་ལྟར།བརྒྱད་བཞོག་རྩེ་མོ་ཕྲ་ཞིང་རྩ་བ་སྦོམ་པ།རྩེ་མོ་ནོར་བུའི་ཚུལ་དུ།སྲོག་ཤིང་གི་ཞབས་གདན་སྣ་ཚོགས་རྡོ་རྗེ་ལྟ་བུར་བྱེད་པ་སྔོན་གྱི་ཕྱག་ལེན་ནོ། །

སྲོག་ཤིང་གི་རིང་ཐུང་ཡང་། སྐུ་གཟུགས་ལ་སྐྱིལ་ཀྲུང་ནས་གཙུག་ཏོར་བར་དང་། མཆོད་རྟེན་ལ་གདོང་ཆེན་ནས་ཏོག་གི་བར་བསླེབ་པའི་ཚད་ལ། ཡོ་འཁྱོག་མེད་པར་ཤིན་དུ་དྲང་པོར་བྱེད་ཅིང་། ཅུང་ཟད་སྦོམ་པ་ནི་རྟེན་འབྲེལ་གྱི་གནད་དོ། མདོག་ཀྱང་ཙན་དན་དམར་པོ་མ་གཏོགས་ཤིང་གཞན་རྣམས་ལ། གནས་ཡིག་རིན་པོ་ཆེ་གང་གིས་བྲིས་པའི་མདོག་དང་མི་ཟློས་པའི་ཚོན་གྱིས་བྱུག་ཅིང་། དཔེར་ན་སྲོག་ཤིང་རྒྱ་མཚལ་གྱིས་བྱུག་ཅིང་། གནས་ཡིག་གསེར་གྱིས་བྲིས་པ་ནི་ཤིན་ཏུ་ལེགས་སོ། །

སྐུ་བརྙན་གྱི་ཞབས་ཡན་དང་། མཆོད་རྟེན་གྱི་གདོང་ཆེན་ཡན་གྱི་ཕྱོགས་བཞིར་སྲོག་ཤིང་ཆུང་ངུ་གང་དགོས་ལ། ཤར་དུ་ཤུག་པ། བྱང་དུ་སྟག་པ། ནུབ་ཏུ་སེང་ལྡིང་། ལྷོ་རུ་སྐྱེར་པ་རྣམས་ལ་བཟོ་ཞིང་། གཞན་ཡང་བུམ་གཏེར་དང་དངོས་གཞིའི་སྐབས་སུ་བཤད་པའི་ཤིང་ཤུག་པ་ཙན་དན་དམར་པོ་སེང་ལྡིང་སྐྱེར་པ་རྣམས་ཀྱི་སྲོག་ཤིང་གང་དགོས་དང་། ཁྲི་འཕང་ལ་ཤུག་པའི་སྲོག་ཤིང་རྩ་བའི་སྲོག་ཤིང་ལས་ཅུང་ཟད་སྦོམ་པ་རྣམས་བཙལ་ལ། དབྱིབས་ཀུན་འདྲ་བར་བརྒྱད་བཞོག་ཏུ་བྱེད་དོ། །

རྩ་བའི་སྲོག་ཤིང་གི་གནད་ཡིག་ཀྱང་། སྐུ་གཟུགས་ལ།སྤྱི་བོ།མགྲིན་པ།ཐུགས་ཀལྟེ་བ།གསང་གནས་དང་ལྔ་ཡི་ཐད་དང་།མཆོད་རྟེན་གྱི་ཆར་ཁེབས།བྲེ།བུམ་དཀྱིལ།མགུལ་ཆུ།བང་རིམ་དང་ལྔ་ཡི་ཐད་དུ།ཨ་ཨཱོྃ་ཧཱུྃ་རཾ་ཛ།ཞེས་བཀོད།དེ་ཡང་རྩ་རོ་བསྐྱང་དབུ་གསུམ་གྱི་མཚོན་བྱེད་དུ་སྲོག་ཤིང་གི་གཡས་སུ་རྩྭ་དུར་པ་དང་།གཡོན་དུ་ཀུ་ཤ་ལ་ཉག་རེ་དར་སྐུད་ཀྱིས་བཅིངས་ལ་མི་དགྲོལ་བར་བྱ། 

གཟུངས་གཞུག་གི་བྲི་ཚུལ་ནི། རབ་མཐིང་ཤོག་གཙང་མ་ལ་གསེར་གྱིས་བྲིས་པའོ། །དེ་མིན་སྨན་ཤོག་མདོག་གང་འཐད་ལ། དངུལ་ལ་སོགས་རིན་པོ་ཆེ་ཡིས་བྲི་བ་དང་། དེ་མ་འབྱོར་ན་རྒྱ་མཚལ་བཟང་དྲུག་ལ་སོགས་སྨན་དྲི་བཟང་བཏབ་སྟེ་ཆེ་ཆུང་བསྟུན་པའི་གཟུངས་གཞུག་རྒྱས་འབྲིང་བསྡུས་པ་རྣམས། དགོས་འབྱུང་གཏེར་གྱི་མཛོད་ཆེན་ལྟར་བྱ་ལ། དབུ་ཅན་ཚག་མེད་དུ་བྲིས།

དེ་ཡང་འགའ་ཞིག་གིས་ཤོག་ལྡེབ་རེར་ཡིག་འཕྲེང་ཅི་ཤོང་འདོན་དཔེ་ལྟར་བྲིས་ནས་ཤོག་ལྡེབ་མཐུད་པས་ཆོག་པར་འདོད་པ་ནི་ཤིན་ཏུ་མི་འཐད་པར་སྣང་སྟེ། རང་ལུགས་ལ་གཟུངས་ཅི་ལྟར་རིང་ཡང་། དེའི་སྡེ་ཚན་མ་རྫོགས་པར་ཡིག་འཕྲེང་གཅིག་ཏུ་འབྲེལ་མ་ཆད་པར་མཐུད་དགོས་ཤིང་། །

གཟུངས་གཞུག་དྲིལ་ཚུལ་ཡང་། མཁས་པ་ལ་ལས་དབུ་དྲིལ། ལ་ལས་མཐའ་དྲིལ་དུ་བཤད་ཀྱང་། ཁོ་བོས་ནི་འཁོར་ལོ་ལ་སོགས་བསྐོར་བའི་རིགས་རྣམས་མཐའ་དྲིལ་དང་། གཟུངས་གཞུག་རིགས་རྣམས་དབུ་དྲིལ་དུ་འཐད་པར་སེམས་ཏེ།གཟུངས་གཞུག་ལ་གོང་གི་སྲོག་ཤིང་གི་གནས་ཡིག་ཨ་ཡི་ཐད་ནས། འགྱུར་མེད་སྐུའི་སྙིང་པོ་ཨ་མུ་ཁྱུང་ནས་རིམ་བཞིན་དྲིལ་དགོས་པ་ལུང་ལས་གསུང་པ་དང་། རྗེ་རིན་པོ་ཆེ་ལ་སོགས་མཁས་གྲུབ་གོང་མ་རྣམས་ཀྱི་ཕྱག་ལེན་འཁྲུལ་མེད་ཡིན་པས་ཕྱིར།

རིག་པས་ཀྱང་གྲུབ་སྟེ། སྐུ་བརྙན་དང་མཆོད་རྟེན་ནི། ཕྱི་ནང་གསང་བའི་ལྷ་རྣམས་ཀྱི་བརྟེན་ཡིན་པར་བཤད་པས། སྔགས་མགོ་ནང་དུ་བསྟན་པ་འདི་ཉིད་འཐད་དེ། མཆོད་རྟེན་གྱི་བུམ་པའི་དཀྱིལ་དུ་རྒྱུན་དང་། མཐའ་རུ་ཞི་རྒྱས་དབང་དྲག་གི་གཟུངས་ཀྱིས་དྲིལ་ཏེ་གཙོ་འཁོར་ཚུལ་དུ་བྱེད་པ་སྔོན་གྱི་ཕྱག་ལེན་རྣམས་སུ་གསལ་བ་དང་། རྣམ་རྒྱལ་ལས། གཟུངས་གཞུག་སྐབས་སུ་དབུས་སུ་རྣམ་པར་རྒྱལ་བའི་སྙིང་པོ་ལ་རྒྱན་དྲུག་གིི་སྙིང་པོས་བསྐོར་བ་སྟེ། གཙོ་འཁོར་གྱི་ཚུལ་དུ་བྱ་དགོས་པར་གསུངས་པ་གང་ཞིག སྔགས་ཀྱི་ཐུགས་སྲོག་མགོ་ལ་ཡོད་པར་ལུང་མཐའ་དག་ལས་གསུངས་པ་དང་། གཟུངས་ཀྱི་སྡེ་ཚན་རེ་རེ་ལའང་དབུ་ལ་གཙོ་བོའི་སྙིང་པོ་དང་། དེ་ནས་འཁོར་གྱི་སྙིང་པོ་ཡོད་པ་ནི། སངས་རྒྱས་བསྟན་པའི་སྤྱི་ལུགས་ཡིན་པའི་ཕྱིར། 

གཞན་ཡང་འདོད་གསོལ་འཕྲིན་ཞུའི་རིགས་རྣམས་གཟུངས་ཀྱི་ཕྱི་ལོགས་སུ་ཡོང་བར་དྲིལ་དགོས་ཏེ། སྐུ་བརྙན་དང་མཆོད་རྟེན་བཞེངས་པ་ལ། མཆོག་དང་ཐུན་མོང་གི་དངོས་གྲུབ་མ་ལུས་པ་འབྱུང་སྟེ།  རང་གི་ཞུ་བའི་རྟེན་འབྲེལ་གྱི་གནད། ཕྱིན་ཅི་མ་ལོག་པར་བྱེད་དགོས་པའི་ཕྱིར། དེ་ལྟར་གཟུངས་གཞུག་གི་བར་གྱི་མཐུད་མཚམས་དང་། མཐའི་སྣེ་རྣམས་སྦྲང་རྒོད་དང་སྨན་གྱི་སྐྱོ་མས་སྦྱར་བར་བྱའོ། །

གཟུངས་གཞུག་གི་རྫས་རྣམས་ནི། རབ་གནས་གཞུང་ལས་བཤད་པ་ལྟར་གྱིས་རྫས་རྣམས་ཚོགས་པར་བྱ་དགོས་ལ། དེ་ཡང་དབུ་ཏོག་ལ་བཞག་དགོས་པའི་ཤ་རི་རམ་ཡང་། རབ་རྫོགས་པའི་སངས་རྒྱས་ཀྱི་རིང་བསྲེལ་འཁྲུལ་མེད། དེ་མིན་ཀྱང་རྟགས་ཀྱི་སྐུ་རིང་བསྲེལ་ཞེས་པ། བླ་མ་གྲུབ་ཆེན་གོང་མ་རྣམས་ལས་བྱོན་པའི་རིང་བསྲེལ་མགར་གྱི་ཐོ་བས་མི་འཇིག་པ་ལ་སོགས། ཤ་རི་རམ་དང་སྐུ་དང་ཡིག་འབྲུ་རང་འབྱོན་བྱུང་བ་མཆོག་དང་། མ་འབྱོར་ན་ལུང་ཟིན་གྱི་སྐྱེས་བུའི་སྐུ་བལ་རིང་བསྲེལ་ཞེས་པ། གདུང་རུས། དབུ་སྐྲ། ཕྱག་སེན་དང་། བགྲང་འཕྲེང་རྣམས་ཀྱང་རུང་ངོ་། །

གཞན་ཡང་གཟུངས་རྫས་ལ་གོས་དར་སྣ་ལྔ། ཉུང་དཀར་ནགནས་འབྲས་གྲོ་མོན་སྲན་ཁྲེ་སྟེ་འབྲུ་ལྔ།ཚྭ་མར་བུ་རམ་ཏིལ་སྦྲང་རྩི་སྟེ་སྙིང་པོ་ལྔ།ཨ་རུ།བ་རུ།སྐྱུ་རུ།ཨ་འབྲས།ཤིང་འབྲས་ཏེ་འབྲས་བུ་ལྔ།ག་བུར།ཙན་དན།ཀ་ཀོ་ལ།ལི་ག་དུར།ཛྭ་ཏི་སྟེ་སྨན་ལྔ།གསེར་ཞུན་མ།ཤེལ་རྒོད་ལ་གཡུང་དྲུང་བྲིས་པ་དང་།དེར་མ་ཟད་ལུང་ཟིན་གྱི་གནས་ཆེན་རྣམས་ཀྱི་བྱིན་རྟེན་ས་སྣ་དང་།རྟེན་གསུམ་ལུང་ཟིན་རྣམས་ཀྱི་ན་བཟའ་དང་།རྟག་གཟིགས་དང་ཞང་བོད་ཀྱི་བླ་མ་མཁས་ཤིང་གྲུབ་པ་བརྙེས་པ་རྣམས་ཀྱི་ན་བཟའ་སོགས་བྱིན་རྟེན་གང་འཛོམས་བཙལ་ལོ། །

དེ་ཡང་དམ་སེལ་ཞུགས་པ་དང་རང་དང་ལྟ་གྲུབ་མི་གཅིག་པའི་བྱིན་རྟེན་ནི། བཟང་ངན་ལ་མ་ལྟོས་འཇུག་ཏུ་མི་རུང་། ན་བཟའ་སྣམ་བུའི་རིགས་རྣམས་འབུ་ཞུགས་པའི་རྒྱུ་ཡིན་པ་དང་། ཞབས་འཆག བཞུགས་གདན་དང་། ན་བཟའ་སྐྱི་ཆགས་པའི་རིགས་རྣམས་མི་འཇུག བླ་མ་གོང་མ་ཁྱད་པར་ཅན་གྱི་ན་བཟའ་ཚང་མ་འཇོག་ཚེ། གཟུངས་ཀྱི་ཕྱི་དྲིལ་དུ་དཀྲིས་ཞིང་།ན་བཟའ་དུམ་དུམ་རྣམས་ནི། སྨན་དྲི་བཟང་དང་མཉམ་དུ་དར་ཟབ་ཀྱིས་དྲིལ། ཞལ་བཞུགས་བླ་མའི་ན་བཟའ་དབུ་སེན་སོགས་དད་པའི་རྟེན་དུ་འཇུག་ཚེ། དར་ཟབ་ཀྱིས་དྲིལ་ནས་སྐུ་བརྙན་གྱི་ཐུགས་ཀ་དང་། མཆོད་རྟེན་གྱི་བུམ་པ་ཡན་ལ་བཞགདེ་ཕྱིན་དམའ་ན་མནན་པ་རུ་འགྲོ་བར་གསུངས་སོ། །

དེ་ཡང་མཁས་གྲུབ་གོང་མ་རྣམས་ཀྱི་ཕྱག་ལེན་ལས་ཀྱང་། མངོན་ཤེས་མེད་ཕྱིར་གང་ཟག་ཚོད་མི་ཟིན། །དེ་ཕྱིར་རྟེན་ན་རུས་པ་བཅུག་པ་ལ། །སྐྱོན་མེད་ཡོན་ཏན་ཅུང་ཟད་ཙམ་ཡང་མེད། །ཞེས་པ་ལྟར། རྟེན་གསུམ་ནི་ཀུན་གྱིས་ཕྱག་སྐྱབས་ཀྱི་ཡུལ་ཡིན་ལ། དེ་དག་གི་ནང་རྫོངས་སུ་གང་ཟག་དམན་པའི་རུས་པ་བཅུག་པ་ནི། རྣམ་སྨིན་ཤིན་ཏུ་ཆེ་བའི་ཕྱིར་ན་མི་རུང་ལ། ག་མེད་འདོད་པའི་དབང་གིས་བཞག་ཚེ། གསོན་རྟེན་སྐྲ་སེན་དང་། གདུང་རྟེན་ཡིན་ན་རུས་པ་ཐམས་ཅད་ཡང་ཡང་སྦྱིན་སྲེག་བྱ་སྟེ། རུས་ཆོག་ལུང་ལས་གསུང་པ་ལྟར། ལེགས་པར་བྱས་ལ་ཞིབ་པར་བཏགས་པའི་ཕྱེ་མ་སྨན་དྲི་བཟང་དང་ས་སྤྱིན་གཙང་མ་རྣམས་དང་སྦྱར་ལ་སྐུའམ་ས་ཚྭས་དཔར་བཏབ་སྟེ་བུམ་པའི་སྨད་དུ་བཞུགས་པར་བྱའོ། །

གཞན་ཡང་མཚམས་དར་དར་ཟབ་གོས་རས་སྣ་ཚོགས་དང་། གཟུངས་རྣམས་ཀྱི་བར་སྐབས་དང་།གནོད་སྦྱིན་གཏེར་བུམ་རྣམས་ཀྱི་བར་དུ་འཇུག་རྒྱུའི་རིན་པོ་ཆེའི་ཁྲོལ་བུ་དམིགས་མེད་སྣ་ཚོགས་དང་།སྨན་སྤོས་དྲི་བཟང་གི་ཕྱེ་མ་རྣམས་དར་རས་ཀྱི་ཐུམ་པོར་བླུག་པ་གང་དགོས་དང་།རི་རབ་ལ་གནོད་སྦྱིན་གཏེར་རྫས་སུ།རབ་རིན་པོ་ཆེའི་བུམ་པ།དེ་མིན་ཀྱང་ལི་དང་དཀར་ཡོལ་རྫས་སོགས་ལ་བཅས་པའི་བུམ་པ་རབ་དགུ།འབྲིང་ལྔ།ཕྱི་རུ་ཕྱོགས་མདོག་དང་མཐུན་པར་ཚོན་གྱིས་བྱུགས་ཤིང་།ཐ་ནའང་བུམ་པ་གཅིག་ལ་ཚོན་སེར་པོ་བྱུགཀུན་ལ་ཕྱོགས་བཞིར་རིགས་རྟགས་བཞི་ཡིས་བརྒྱན་པའི་ནང་དུ།རྣམ་རྒྱལ་བུམ་གཏེར་འཇུག་ཐབས་ཀྱི་ཚིག་བཅད་དང་བསྟུན་ནས་བུམ་པ་གཅིག་ཡིན་ན་གཟུངས་རྫོངས་དགོས་འབྱུང་གཏེར་མཛོད་ཀྱི་བསྡུས་པའི་སྐབས་སུ་བཤད་པའི་དཔལ་མགོན་སྙིང་པོ་བསྡུས་པ་དང་།བུམ་པ་ལྔ་ཡོད་ཚེ་གཟུངས་རྫོངས་རྒྱས་པའི་སྐབས་སུ་བཤད་པའི་དཔལ་མགོན་ནམ་གཟུངས་རྣམས་གཞུག་སྟེ།བུམ་པ་སེར་པོའི་ནང་དུ་གཅེན་ལྷ་དང་དཔལ་མགོན་ཀུན་འདུས།དཀར་པོ་ལ་ས་བདག་དང་ཡིད་བཞིན།ལྗང་ཁུ་ལ་ལྷ་དབང་དང་འདོད་འགྱུར།དམར་པོ་ལ་གཙུག་ན་དང་འཇོག་པོ།སྔོན་པོ་ལ་ཐང་བཟང་དང་འོད་འབར་གཙོ་འཁོར་གྱི་གཟུངས་རྣམས་དང་།བུམ་པ་དགུ་ཡོད་ཚེ་མགོན་ཆེན་དགུ་པོའི་གཟུངས་རྣམས་སོ་སོར་འཇོག་པ་ནི་གོ་སླ་ལ།དེ་ཡང་དབང་གི་ཤིང་ཙན་དན་དམར་པོ་དང་། ཤུག་པ་སེང་ལྡིང་གང་རིགས་ཀྱི་སྲོག་ཤིང་ཆུང་ངུ་ལ་དྲིལ་ཏེ་དར་དམར་སེར་གྱི་ན་བཟའ་གསོལ་ལ་གཞུག

གཞན་ཡང་གཏེར་བུམ་གྱི་རྫས་ལ་རག་དང་ཞ་ཉེ་མིན་པའི་རིན་པོ་ཆེ་སྣ་ཚོགས་དང་། དུག་རིགས་བཤལ་སྐྱུག་མིན་པའི་སྨན་དྲི་བཟང་སྣ་ཚོགས། ཚེར་ཅན་དང་ཐུར་ལྟས་མིན་པའི་མེ་ཏོག་སྣ་ཚོགས། བྲ་སྲན་མིན་པའི་འབྲུ་སྣ་ཚོགས། ཕུང་ཤུལ་དང་དུར་ས་མིན་པའི་ས་རྡོ་སྣ་ཚོགས། ཤ་ཆང་སྒོག་བཙོང་མིན་པའི་ཟས་སྣ་ཚོགས། བརླན་ཅན་དང་རུལ་སུམ་དུམ་མིན་པའི་ཤིང་ཏོག་སྣ་ཚོགས། དེ་ལྟར་མ་འཛོམས་ཀྱང་། ཕྱི་རྒྱུད་ལས་བཤད་པའི་བུམ་རྫས་ཉེར་ལྔ། མེ་ཏོག་རིན་པོ་ཆེའི་འབྲུ་སྤོས་ལ་སོགས། བཙན་ཕྱུག་འཕན་གསུམ་འཛོམས་པའི་གཡང་རྫས་སྣ་ཚོགས་པ་ཁྲོལ་བུར་བླུག་པའི་ཁེངས་པར་བྱའོ། །

གཞན་ཡང་རྟག་གཟིགས་ལི་མུར་གཙུག་ཕུད་ཀྱི་བཞེད་སྲོལ་བཀྲ་ཤིས་རྟགས་བརྒྱད་རིན་ཆེན་ནོར་བདུན་གྱི་འཁོར་ལོ་དང་།གནོད་སྦྱིན་ཕོ་མོའི་འཁོར་ལོ་འབྲི་ལུགས་ནི། མཁས་མཆོག་སྔ་མའི་ཕྱག་ལེན་ལ། རྟགས་བརྒྱད་འཁོར་ལོའི་ལྟེ་བར་ཨ་ལྔ།ནོར་བདུན་འཁོར་ལོའི་ལྟེ་བར་མ་ལྔ་བཅས་ཁོང་གསེང་དུ་བྲིས་པའི་ལུགས་སྲོལ་དང་། མཁས་པ་འགའ་ཞིག་གིས་དེ་མི་འཐད་དེ། ཨ་མ་ནི་ལྷ་ཡེ་ཤེས་པ་ཡབ་ཡུམ་གྱི་ས་བོན་ཡིན་ལ། དེ་འཇིག་རྟེན་དཔལ་མགོན་རྣམས་ཀྱི་འོག་ཏུ་འཇུག་པ་ནི། ཤིན་ཏུ་ལུང་རིག་དང་འགལ་བའི་ཕྱིར། ཞེས་ཁོ་བོས་ནི། འཁོར་ལོ་འདི་གཉིས་ཀྱི་དཀྱིལ་དུ་ཨ་ལྔ་མ་ལྔ་འཇོག་པ་མི་འཐད་པའི་ངེས་པ་མ་མཐོང་སྟེ། དེ་དག་ནི་མན་ངག་ལུང་གི་འཕྲེང་བ། གསང་སྔགས་གནད་ཀྱི་རྫོང་འཕྲང་གི་དགོངས་དོན་ཕྱིན་ཅི་མ་ལོག་པ་ཡིན་འདུག་གཤིས། རྟག་གཟིགས་དང་ཞང་བོད་ཀྱི་རིག་འཛིན་རྣམས་ཀྱི་དགོངས་ཕྱོགས་ཇི་ལྟར་ཡིན་པ་རང་ཅག་སོ་སོའི་སྐྱེ་བོ་རྣམས་ཀྱིས་རྟོགས་པར་མི་ནུས་པའི་ཕྱིར། དེས་ན་བྱིས་པས་ས་མཐའ་མི་ཆོད་བཞིན་སྙམ་མོ། །

དེའི་བྲི་ལུགས་དངོས་ནི། སྨན་ཤོག་གཙང་མ་ལ།སྟེང་འཁོར་མུ་ཁྱུད་རིམ་པ་གསུམ་དུ་བསྐོར་བའི་དབུས་སུ།གཡུང་དྲུང་གི་ལྟེ་བ་དང་།གྲུ་ཁུག་བཞིར་ཨ་ལྔ་ཁོང་གསེང་དུ་ཡིག་གཞུག་ནང་དུ་བསྟན་ཏེ་བྲིས།ཡང་ན་མཁས་པ་འགའ་ཞིག་གི་ཕྱག་ལེན་ལྟར།ཨ་ལྔ་དང་མ་ལྔ་སྲོག་ཤིང་གི་མར་སྣེར་འཇོག་ཚེ།མུ་ཁྱུད་གསུམ་སྐོར་གྱི་དབུས་སུ་ནོར་བུ་འབར་བའི་དཀྱིལ་དུ།ཨཱོྃ་ཨ་ཡུ་ཤེ་ཙུ་ཧྲི་ཧཱུྃ་བྲུྃ་སྭཱཧཱ།ཞེས་བརྩེགས་མར་བྲིས།དེའི་ཕྱི་རིམ་འཁོར་ལོ་རྩིབས་བརྒྱད་ལ།ཤར་དུ་བུམ་པ་དང་གསེར་ཉ།བྱང་དུ་པད་མ་དང་རྒྱལ་མཚན།ནུབ་ཏུ་དཔལ་བེའུ་དང་གདུགས།ལྷོ་རུ་དུང་དང་འཁོར་ལོ་བརྒྱད་ཀྱི་ལྟེ་བར་རིམ་བཞིན་དུ།ཨཱོྃ་མ་མ་ཏི་རོ་རིང་ནམ་འདུ་འདུ་སྭཱཧཱ།ཨཱོྃ་མ་མ་ཅེ་ཙ་འདུ་འདུ་སྭཱཧཱ།ཨཱོྃ་མ་མ་ཞི་ཞི་འདུ་འདུ་སྭཱཧཱ།ཨཱོྃ་མ་མ་ཡེ་ཡེ་འདུ་འདུ་སྭཱཧཱ།ཨཱོྃ་མ་མ་ཨ་དཀར་གཤའ་ཡ་ནི་འདུ་སྭཱཧཱ།ཨཱོྃ་མ་མ་གུ་རོ་ཤན་ཏ་ཡེ་འདུ་སྭཱཧཱ།ཨཱོྃ་མ་མ་ལྷང་ལྷང་ཡེ་འདུ་སྭཱཧཱ།ཨཱོྃ་མ་མ་ནེ་རམ་འདུ་སྭཱཧཱ།ཞེས་སྔགས་མགོ་ཕྱིར་བསྟན་ལ་བརྩེགས་མར་བྲིས།དཔལ་ཁ་བརྒྱད་ལ་རིན་ཆེན་འབར་བ་རེ་རེ།དེ་རྒྱབ་མུ་ཁྱུད་ལ་གཡུང་དྲུང་གི་ར་བས་བསྐོར་བར་བྱའོ། །

འོག་འཁོར་ནི་མུ་ཁྱུད་རིམ་པ་གསུམ་དུ་བསྐོར་བའི་དབུས་སུ་གཡུང་དྲུང་ལ་མ་ལྔའམ། ཡང་ན་གཏེར་ཆེན་པོའི་དཀྱིལ་དུ།བྲུྃ་རད་ན་སི་ཏི་པ་ཤང་ཀུ་རུ་ཧཱུྃ།དེའི་ཕྱི་རིམ་པད་མ་འདབ་བརྒྱད་ལ།ཤར་དུ་རྒྱལ་པོ་རིན་པོ་ཆེ་དང་།བྱང་དུ་འཁོར་ལོ་རིན་པོ་ཆེ་དང་།རྟ་མཆོག་རིན་པོ་ཆེ།ནུབ་ཏུ་གླང་པོ་རིན་པོ་ཆེ་དང་།དམག་དཔོན་རིན་པོ་ཆེ།ལྷོ་རུ་བཙུན་མོ་རིན་པོ་ཆེ་དང་།བློན་པོ་རིན་པོ་ཆེ་བརྒྱད་ཀྱི་ལྟེ་བར་རིམ་བཞིན་དུ།བྲུྃ་ཝེར་རོ་རད་ན་སི་ཏི་ཧཱུྃ་ཕཌ་སྭཱཧཱ།བྲུཾ་པུ་རད་རད་ན་སི་ཏི་ཧཱུྃ་སྭཱཧཱ།བྲུཾ་ཀྱི་རི་རད་ན་སི་ཏི་ཧཱུྃ་སྭཱཧཱ།བྲུཾ་ཧྲང་ཏི་རད་ན་སི་ཏི་ཧཱུྃ་སྭཱཧཱ།བྲུཾ་ཧ་སྟི་རད་ན་སི་ཏི་ཧཱུྃ་སྭཱཧཱ།བྲུཾ་ཏུ་རུ་རད་ན་སི་ཏི་ཧཱུྃ་སྭཱཧཱ།བྲུཾ་ཙ་མེད་རད་ན་སི་ཏི་ཧཱུྃ་སྭཱཧཱ།བྲུཾ་ཧྲི་ཙ་རད་ན་སི་ཏི་ཧཱུྃ་སྭཱཧཱ།ཞེས་གོང་ལྟར་བརྩེགས་མར་བྲིས།དཔལ་ཁ་དང་། ཕྱི་རིམ་མུ་ཁྱུད་རྣམས་སྟེང་འཁོར་དང་མཚུངས་པར་བྲིས།

ཡང་ན་མུ་ཁྱུད་བར་མའི་ནང་དུ་རྟགས་བརྒྱད་ནོར་བདུན་གྱི་སྙིང་པོ་རྣམས་ཕྱོགས་མ་ནོར་བར་བྲིས། དེ་རྒྱབ་མུ་ཁྱུད་ཀྱི་སྟེང་འཁོར་འཁོར་ལོ་རྩིབས་བརྒྱད་ལ་རྟགས་བརྒྱད་དང་། འོག་འཁོར་པད་མ་འདབ་བརྒྱད་ལ་རིན་ཆེན་ནོར་བདུན་གྱི་གཟུགས་བྲིས་ཀྱང་རུང་ངོ། །དེ་ནི་རྒྱས་པའི་ལུགས་སོ། །

འབྲིང་པོ་བྱེད་ན་རྩིབས་བརྒྱད་ཀྱི་གཟུགས་རྣམས་དོར་ནས་སྙིང་པོ་རྣམས་ཕྱོགས་མ་ནོར་བར་ཡིག་མགོ་ཕྱིར་བསྟན་ལ་བརྩེགས་མའམ་ལྷོ་སྐོར་གང་བདེར་བྲི་བར་བྱའོ། །ཤིན་ཏུ་བསྡུས་ན་སྙིང་པོ་དོར་ནས་སྟེང་འཁོར་ལ་འདུ་བརྒྱད་བྲིས། འོག་འཁོར་ལ་བྲུཾ་བརྒྱད་བྲིས་པ་ཡང་སྔོན་གྱི་ཕྱག་ལེན་ནོ། །

གནོད་སྦྱིན་ཕོ་དགུ་མོ་དགུ་ཡི་འཁོར་ལོའི་བྲི་ལུགས་ནི། སྟེང་འཁོར་ལོ་མུ་ཁྱུད་རིམ་པ་གསུམ་བསྐོར་བའི་དབུས་སུ་གནོད་སྦྱིན་ཀུན་གྱི་གཙོ་བོ་འཛམ་བྷ་ལྷ་སེར་པོ།དེ་རྒྱབ་འཁོར་ལོ་རྩིབས་བརྒྱད་ལ་ཤར་དུ་གང་བ་བཟང་པོ་དཀར་པོ།བྱང་ཤར་དུ་ནོར་བུ་བཟང་པོ་དཀར་ལྗང་།བྱང་དུ་ཀུ་བེ་ར་ལྗང་ཁུ།བྱང་ནུབ་ཏུ་ཡང་དག་ཤེས་དམར་ལྗང་།ནུབ་ཏུ་འབྲོག་གནས་དམར་པོ།ལྷོ་ནུབ་ཏུའང་རྩེ་འཛིན་དམར་སྐྱ།ལྷོ་རུ་མཛོད་ལྡན་མཐིང་ཀལྷོ་ཤར་དུ་མཛོད་སྲུངས་སྔོ་སྐྱ།གཙོ་འཁོར་ཀུན་ཀྱང་ཞི་མ་ཁྲོ་ལ་འཛུམ་པའི་མདངས་དང་ལྡན།ཞལ་གཅིག་ཕྱག་གཉིས་ཞབས་གཉིས་ཕྱེད་སྐྱིལ་གྱི་ཚུལ་དུ་གཡས་བསྐྱང་བ།རིན་ཆེན་སྤུངས་པའི་གདན་ལ་བཞུགས་པ།དབུ་ལ་རིན་པོ་ཆེའི་པ་ཏྲ་དང་ནོར་བུའི་ཟེའུ་པྲོག་གིས་བརྒྱན་པ།སྐུ་ལ་དར་ཟབ་དང་རིན་པོ་ཆེའི་རྒྱན་གྱིས་ཀླུབས།ཕྱག་གཡས་ནོར་བུ་དང་།གཡོན་པ་ནེའུ་ལེའི་རྐྱལ་པའི་ཁ་ནས་རིན་པོ་ཆེའི་སྐྱུག་པ་བསྣམ་པ་རེ་རེ་བྲི་ལ།གཙོ་བོའི་ཐུགས་ཁར།ཨཱོྃ་འཛམ་བྷ་ལ་ཛ་ལེན་དྲ་ཡེ་སྭཱཧཱ།འཁོར་རྣམས་ཀྱི་ཐུགས་ཁར་ཤར་ནས་རིམ་བཞིན་དུ།ཨཱོྃ་སུ་རྣ་པ་དྲ་ཡེ་སྭཱཧཱ།བྱང་ཤར་ཏུ།ཨཱོྃ་མ་ཎི་པ་དྲ་ཡེ་སྭཱཧཱ།བྱང་དུ།ཨཱོྃ་དྷ་ན་པ་དྲ་ཡེ་སྭཱཧཱ།བྱང་ནུབ།ཨཱོྃ་བཱེ་ཤ་ར་མ་ན་ཡེ་སྭཱཧཱ།ནུབ་ཏུ།ཨཱོྃ་ཀི་ལི་མི་ལི་ཡེ་སྭཱཧཱ།ལྷོ་ནུབ་ཏུ།ཨཱོྃ་པན་ཏི་ཀ་ཡེ་སྭཱཧཱ།ལྷོ་རུ།ཨཱོྃ་ཙི་བྷི་ཀུ་དྷ་ལི་ཡེ་སྭཱཧཱ།ལྷོ་ཤར་དུ།ཨཱོྃ་མུ་ཁེན་དྲ་ཡེ་སྭཱཧཱ།ཞེས་བརྩེགས་མར་བྲི།དེ་རྒྱབ་མུ་ཁྱུད་ལ་རིན་པོ་ཆེ་ཤིང་ལོ་པ་ཏྲས་བརྒྱན་པར་བྱའོ། །

གནོད་སྦྱིན་ཕོ་འཁོར་འདི་དང་། གོང་གི་རྟགས་བརྒྱད་ཀྱི་འཁོར་ལོ་གཉིས་ལ། འོག་འཁོར་དང་ཁ་སྦྱར་ཚེ་ཕྱོགས་འདི་ལྟར་འགྲིག་དགོས་པས། འབྲི་ཚེ་རིག་པས་དཔྱད་པར་བྱའོ། །

འོག་འཁོར་ལ་མུ་ཁྱུད་གོང་ལྟར་བསྐོར་བའི་དབུས་སུ། ལྷ་མོ་ནོར་རྒྱུན་མ་སེར་མོ།དེ་རྒྱབ་པད་མ་འདབ་བརྒྱད་ཀྱི་ཤར་དུ་སྲིད་པ་ཆགས་བྱེད་མ་དཀར་མོ།བྱང་ཤར་དུ་འདོད་ཁམས་དབང་ཕྱུག་མ་དཀར་ལྗང་།བྱང་དུ་འཇིག་རྟེན་དབང་སྡུད་མ་ལྗང་ཁུ།བྱང་ནུབ་ཏུ་གླིང་བཞི་སྤྱི་ཕུད་མ་དམར་ལྗང་།ནུབ་ཏུ་སྣང་སྲིད་ཀུན་གྲགས་མ་དམར་མོ།ལྷོ་ནུབ་ཏུ་ཉི་ཟླ་ཐོད་འཕྲེང་མ་དམར་སྐྱ།ལྷོ་རུ་ཁམས་གསུམ་རྣམས་ཁྲོས་མ་སྔོན་མོ།ལྷོ་ཤར་དུ་གནོད་སྦྱིན་དཔལ་བཟང་མ་སྔོ་སྐྱ།གཙོ་འཁོར་ཀུན་ཀྱང་ལྷ་མོའི་ཆ་ལུགས་ཞི་འཛུམ་དང་ལྡན་པ་ཞལ་གཅིག་ཕྱག་གཉིས་ཞབས་གཉིས་ཕྱེད་སྐྱིལ་གཡོན་བརྐྱང་བ་རིན་ཆེན་སྤུངས་པའི་གདན་ལ་བཞུགས་པ།དར་དང་རིན་པོ་ཆེའི་རྒྱན་སྣ་ཚོགས་པས་བརྒྱན་པ།ཕྱག་གཡས་ལྕགས་ཀྱུ་དང་གཡོན་པས་སྙེ་མ་འཛིན་པ་རེ་རེ་བྲིས་ལ།གཙོ་མོའི་ཐུགས་ཁར།ཨཱོྃ་བྷ་སུ་དྷ་ར་ནི་སྭཱཧཱ།འཁོར་རྣམས་ཀྱི་ཐུགས་ཀར་ཤར་ནས་རིམ་བཞིན་དུ།ཨཱོྃ་ཙན་དྲ་གེ་ནེ་ཡེ་སྭཱཧཱ།བྱང་ཤར་དུ།ཨཱོྃ་པུ་དན་ཤ་ཡེ་སྭཱཧཱ།བྱང་དུ།ཨཱོྃ་ཨརྱ་ཡེ་སྭཱཧཱ།བྱང་ནུབ་ཏུ།ཨཱོྃ་ད་དྷི་ཡེ་སྭཱཧཱ།ནུབ་ཏུ།ཨཱོྃ་པ་ར་པ་ཏཡ་སྭཱཧཱ།ལྷོ་ནུབ་དུ།ཨཱོྃ་ད་བྱེ་བྱེ་སྭཱཧཱ།ལྷོ་རུ།ཨཱོྃ་གུ་སུ་དྲི་ཡེ་སྭཱཧཱ།ལྷོ་ཤར་དུ།ཨཱོྃ་སུ་བྷ་ཏྲ་ཡེ་སྭཱཧཱ།ཞེས་ཡིག་མགོ་ཕྱིར་བསྟན་ལ་བརྩེགས་མར་བྲིས།དེ་རྒྱབ་མུ་ཁྱུད་གོང་དང་མཚུངས་སོ།།དེ་ནི་རྒྱས་པའི་ལུགས་སོ། །

འཁོར་ལོ་དེ་ལྟར་མ་གྲུབ་ན། འབྲིང་པོ་ནི། ལྟེ་བ་དང་རྩིབས་རྣམས་ཀྱི་སྐུ་གཟུགས་མི་དགོས་ལ། སྔགས་ཕྱོགས་མ་ནོར་བརྩེགས་མའམ། ལྷོ་སྐོར་གང་རིགས་སུ་བྲི་བར་བྱའོ། །ཤིན་ཏུ་བསྡུས་ན། སྔགས་རྣམས་ཀྱང་དོར་ནས་སྟེང་འཁོར་ལ་ཏྲམ་དགུ་དང་། འོག་འཁོར་ལ་ཧྲི་དགུ་བྲི་བ་ནི་སྔོན་གྱི་ཕྱག་ལེན་ཡིན་ནོ། །

དེ་ལྟར་རྟེན་ཆེ་འབྲིང་ཆུང་གསུམ་དང་འཚམས་པར་འཁོར་ལོ་རྒྱས་འབྲིང་བསྡུས་གསུམ་གང་བྲིས་ཀྱང་། ལྷག་ཆད་ནོར་འཁྲུལ་མེད་པར་བྱས་ལ། དེ་དང་གོང་གི་གཏེར་བུམ་རྣམས་ཀྱི་ཆེད་དུ། རྣམ་པར་རྒྱལ་བའི་དཀྱིལ་འཁོར་ཞལ་ཕྱེས་ནས།དཀྱིལ་འཁོར་གྱི་མདུན་ཟུར་གང་བདེ་ཞིག་ཏུ་འཁོར་ལོ་རྣམས་བཤམས་ནས། བུམ་གཏེར་འཛུགས་ཐབས་ཀྱི་སྔོན་འགྲོ་སྟོད་ཆའི་འཕྲིན་ལས་ཀྱི་ཚིག་བཤད་དང་བསྟུན་ཏེ། བུམ་གཏེར་བླུག་ལ་གོས་དར་དམར་སེར་གྱི་རྒྱ་གྲམ་གྱི་ཚུལ་དུ་ཁ་བཅད་ལ།ཞག་བདུན་ནམ་ལྔ་གསུམ་གང་ལྕོགས་སུ་རྣམ་རྒྱལ་གཙོ་འཁོར་གྱི་བསྙེན་འཛབ་གཟུངས་དང་། ལྷག་པར་གནོད་སྦྱིན་གྱི་སྙིང་པོ་དང་བུམ་གཏེར་གྱི་སྙིང་པོ་ཅི་ནུས་བགྲང་ལ་སྒྲུབ་པར་བྱའོ། །ཐ་ནའང་ཞག་གཅིག་ཏུ་མ་བསྒྲུབ་ཚེ་མི་རུང་བར་བླ་མ་རྣམས་ཀྱིས་གསུངས་སོ། །

དེ་ལྟར་གྲུབ་ནས་འཁོར་ལོ་རྣམས་མ་ནོར་བར་མངར་གསུམ་དང་སྨན་གྱི་སྐྱོ་མས་ཁ་སྦྱར་ནས། གོས་དར་སེར་པོས་ན་བཟའ་གསོལ་ཏེ་དར་སྐུད་སྣ་ལྔས་འཁོར་ལོ་རྩིབས་བརྒྱད་དུ་བྲན་པར་བྱའོ། །འཇུག་ཚེ་སྟེང་འོག་མ་ནོར་བར་བྱེད་ལ། གཙོ་བོ་ཡབ་ཡུམ་གྱི་དབུ་རྟེན་གྱི་རྒྱབ་ཕྱོགས་སུ་ཡོང་བར་བྱེད་དགོས་སོ། །

ཡང་དག་གནད་ཀྱི་མཆོད་རྟེན་ཆེན་པོའམ། དེ་མིན་གཙུག་ལག་ཁང་གི་དབུས་ཀྱི་རྟེན་འགུལ་བསྐྱོད་མི་ཐུབ་པ་ཡིན་ཚེ།རྨེང་དུ་སངས་རྒྱས་བསྟན་པ་སྤྱི་ལ་གནོད་པའི་དགྲ་བགེགས་རྣམས་གནན་དགོས་ཏེ།དེའི་འབྲི་ལུགས་ནི།དང་པོ་གཏི་མུག་ཕག་གི་གཟུགས་བརྙན་བྲིས་པའི་ལྟེ་བར།མུ་ཁྱུད་རིམ་པ་གསུམ་དུ་བསྐོར་བའི་དཀྱིལ་དུ་བགེགས་གཟུགས་ཀྱི་སྙིང་ཁར་བྲིས་ལ།ཕུ་དྲི་རྣྲི་པྲི།བཞི་བྲི།ཟུར་གསུམ་ལ།ལྃ་ཧཱུྃ་ཕཌ༔སྤྱི་བོར།ཙན་དྷེ།ཕྲག་པ་གཡས་སུ།མུ་ལི་ལི།གཡོན་དུ།ཏིས་ཏ།ཞབས་སུ།བྷན་དྷ།དཔྲལ་བར།ཧྲིགའདོམས་སུ།ཛ།ཡན་ལག་བཞི་ལ།སྤོ་ཏ་རྦད་ནན།བཞི་བྲིས།གཟུངས་ཀྱི་ཕྱི་རིམ་དུ།ཉོན་མོངས་པ་གཏི་མུག་གི་དབང་དུ་གྱུར་པའི་གནོད་བྱེད་དགྲ་བགེགས་ཐམས་ཅད་ཨེ་ཧུར་ཐུམ་ཛ་མ་ར་ཡ་རྦད་ནན།ཞེས་བྲིས།དེ་རྒྱབ་མུ་ཁྱུད་ཀྱི་འཁོར་ལོ་རྩིབས་དྲུག་ལ།ཨཱ་ཐ་རྣྲི་སུ་པྲི་དུ།དྲུག་བྲིས།དེའི་རྩིབས་མཆན་ལ་རིམ་བཞིན་དུ།ལྷ་ལས་གྱུར་པའི་དགྲ་བགེགས་གནོད་བྱེད་ཨེ་ཧུར་ཐུམ་ཛ་མ་ར་ཡ་རྦད་ནན།དེ་བཞིན་དུ།ལྷ་མིན་ལས་གྱུར་པའི་དགྲ་བགེགས་གནོད་བྱེད་ཨེ་ཧུར་ཐུམ་ཛ་མ་ར་ཡ་རྦད་ནན།མི་ལས་གྱུར་པའི་དགྲ་བགེགས་གནོད་བྱེད་ཨེ་ཧུར་ཐུམ་ཛ་མ་ར་ཡ་རྦད་ནན།བྱོལ་སོང་ལས་གྱུར་པའི་དགྲ་བགེགས་གནོད་བྱེད་ཨེ་ཧུར་ཐུམ་ཛ་མ་ར་ཡ་རྦད་ནན།ཡི་དྭགས་ལས་གྱུར་པའི་དགྲ་བགེགས་གནོད་བྱེད་ཨེ་ཧུར་ཐུམ་ཛ་མ་ར་ཡ་རྦད་ནན།དམྱལ་བ་ལས་གྱུར་པའི་དགྲ་བགེགས་གནོད་བྱེེད་ཨཱ་ཧུར་ཐུམ་ཛ་མ་ར་ཡ་རྦད་ནན།ཞེས་བྲིས།དེ་རྒྱབ་མུ་ཁྱུད་ལ་འདུལ་གཟུངས་བཅུ་གསུམ་ནི།ཨེ་མ་ཧ་ཁྲོ་ཏ་ཀ་ར་ཨེ་ས་མ་ཡ་ནན།ཀ་ར་ཀ་ར་ཨེ་ས་མ་ཡ་ནན།ཀི་རི་ཀི་རི་ཨེ་ས་མ་ཡ་ནན།ཀུ་རུ་ཀུ་རུ་ཨེ་ས་མ་ཡ་ནན།ཙ་ར་ཙ་ར་ཨེ་ས་མ་ཡ་ནན།ཙི་རི་ཙི་རི་ཨེ་ས་མ་ཡ་ནན།ཙུ་རུ་ཙུ་རུ་ཨེ་ས་མ་ཡ་ནན།ས་ར་ས་ར་ཨེ་ས་མ་ཡ་ནན།སི་རི་སི་རི་ཨེ་ས་མ་ཡ་ནན།སུ་རུ་སུ་རུ་ཨེ་ས་མ་ཡ་ནན།ལམ་ལམ་ཨེ་ས་མ་ཡ་ནན།རམ་རམ་ཨེ་ས་མ་ཡ་ནན།མཾ་མཾ་ཨེ་ས་མ་ཡ་ནན།བྲུམ་བྲུམ་ཨེ་ས་མ་ཡ་ནན།ཞེས་སྔགས་གོང་འོག་རྣམས་དང་།གནས་ཡིག་ཀུན་ཡིག་མགོ་ཕྱིར་བསྟན་ལ་ཚག་མེད་དུ་བྲི་བར་བྱའོ། །

ཡང་གཅིག་ལ་དེ་བཞིན་ཞེ་སྡང་སྦྲུལ་གྱི་ལྟེ་བར་མུ་ཁྱུད་གོང་ལྟར་བསྐོར། སྔགས་ལ། གཏི་མུག་གི་དབང་དུ་གྱུར་པའི་དགྲ་བགེགས་གནོད་བྱེེད་ཨེ་ཧུར་ཐུམ་ཛ་མ་ར་ཡ་རྦད་ནན། ཞེས་པའི་དོད་དུ། ཉོན་མོངས་པ་ཞེ་སྡང་གི་དབང་དུ་གྱུར་པའི་དགྲ་བགེགས་གནོད་བྱེེད་ཨེ་ཧུར་ཐུམ་ཛ་མ་ར་ཡ་རྦད་ནན། ཞེས་ཁ་བསྒྱུར་མ་གཏོགས་སྔོན་མ་ཇི་བཞིན་བྲིས།

ཡང་གཅིག་ལ། འདོད་ཆགས་བྱའི་ལྟེ་བར། ཉོན་མོངས་འདོད་ཆགས་ཀྱི་དབང་དུ་གྱུར་པའི་དགྲ་བགེགས་གནོད་བྱེེད་ཨེ་ཧུར་ཐུམ་ཛ་མ་ར་ཡ་རྦད་ནན། ཞེས་ཁ་བསྒྱུར་ཤེས་པར་མཛོད།

དེ་ལྟར་བྲིས་གྲུབ་ནས་གཟུངས་གཞུག་ཏུ་འཇོག་ཁར་གོང་གི་བུམ་གཏེར་དང་འཁོར་ལོ་རྣམས་ཀྱི་ཆེད་དུ། རྣམ་རྒྱལ་དཀྱིལ་འཁོར་ཞལ་ཕྱེས་པའི་མཇུག་ཏུ། གསེར་སྐྱེམས་བཏང་ལ་ལིང་ཁྲུས་ལེགས་པར་བྱས་ནས། ལྷ་ཆེན་གཅེན་ལྷའི་སྒོས་བསྒྲུབས་སམ་བསྐུལ་བ་དང་། གཡུང་དྲུང་བསྟན་པ་སྐྱོང་བའི་དམ་ཅན་སྲུང་མ་རྣམས་སྤྱི་ལྟར་བསྐུལ་ལ། གཡུང་དྲུང་བསྟན་པ་སྤྱི་ལ་གནོད་པའི་དགྲ་བགེགས་ཐམས་ཅད་ལ་དམིགས་ནས་འགུག་གཞུག་ལྷ་དབྱེ་སོགས་སྟོད་ལས་སྤྱི་ལྟར་བྱས་ལ། གཅེན་ལྷའི་གཟུངས་བཟླས་ལ་ཐུན་གྱིས་བྲབ། འོག་ཏུ་གཏི་མུག་ཕག་དང་དེའི་སྟེང་ཞེ་སྡང་སྦྲུལ་དང་། འདོད་ཆགས་བྱ་རྣམས་གན་རྐྱལ་དུ་ལྟེབ་ལ་ཚོན་སྐུད་སྔོན་དམར་གྱིས་རྒྱ་གྲམ་དུ་བཅིང་ལ་བསྡོམས་སོ། །

གཞན་ཡང་ས་གནད་ཀྱི་མཆོད་རྟེན་ཆེན་པོ་ལ། དེའི་རྟེན་དུ་གནོད་བྱེད་ཀྱི་གྲི་མདུང་ལ་སོགས་མཚོན་ཆ་སྣ་ཚོགས་དང་།རི་རབ་ཏུ་བང་མཛོད་ལ་མཁོ་བའི་རིན་པོ་ཆེའི་སྣོད་ལ་སོགས་སྣོད་སྤྱད་སྣ་ཚོགས་པའི་ནང་དུ་བརླན་རིགས་མིན་པའི་ཟས་བཅུད་འབྲུ་སྣས་བཀང་བ་དང་།དར་ཟབ་གོས་དར་ཁྲབ་རྨོག་གྲི་མདུང་ལ་སོགས་པ།མདོར་ན་ཁུངས་མི་གཙང་བ་དང་གདོན་ཅན་མིན་པའི་ནོར་རྫས་ཕུན་སུམ་ཚོགས་པར་བསགས་སོ།།དེ་ལྟར་ཡོ་བྱད་རྣམས་ཚང་པར་འཛོམས་ནས།སྐུ་བརྙན་དང་།མཆོད་རྟེན་གང་ཡིན་ཡང་།ཕྱི་ནང་གཉིས་ཀར་གཙང་དག་བྱས་བདར་ལེགས་པར་བྱ།བུག་པ་དང་སྲུབ་མཚམས་གང་ཡོད་སྤྱིན་འདམ་དང་།སྤྲ་ཚིལ་སོགས་ཀྱིས་ལེགས་པར་བཀག་ལ།གཟའ་སྐར་ཚེས་གྲངས་ཕུན་སུམ་ཚོགས་པའི་ཉིན་པར་གཟུངས་གཞུག་གི་གནད་དོན་ཕྱིན་ཅི་མ་ལོག་པར་ཕྱག་ལེན་ཡོད་པའི་མཁན་པོ་དང་།དེ་ཡི་རོགས་བྱེད་དུ་རིགས་རྒྱུད་བཟང་ལ་ཤེས་རབ་དང་ལྡན་པའི་གང་ཟག་གཉིས་གསུམ་གང་ཡོད་དང་བཅས་པས།ཤ་ཆང་སྒོག་བཙོང་ལ་སོགས།འཇིག་རྟེན་དཔལ་མགོན་མི་དགྱེས་པའི་ཁ་ཟས་རྣམས་སྤངས་ནས།ཁྲུས་དང་གཙང་སྦྲ་ལེགས་པར་བྱས་ལ།བཀྲ་ཤིས་ཤིང་དགེ་བའི་སྙིང་པོ་ཅི་རིགས་ངག་ཏུ་བརྗོད་དེ་རྟེན་གྱི་ནང་དུ།བཟང་དྲུག་ལ་སོགས་སྨན་སྤོས་དྲི་བཟང་གི་ཕྱེ་མ་ཆུ་གཙང་དང་འོ་མ་སོགས་དང་སྦྱར་ཏེ།སྲབ་འཐུག་མེད་པའི་ཀོ་བ་ཙམ་ཁྱབ་པར་བྱུག་ལ།དྲི་མི་ཡལ་བའི་ཆེད་དུ་གྲིབ་སྐམ་བྱ་བ་སོགས་གནད་ཀྱི་རྫོངས་འཕྲང་ལས་གསུངས་བཞིན་ལག་ལེན་གནད་དུ་ཁེལ་བར་བྱའོ།།དེ་ནི་སྟ་བོན་གྱི་རིམ་པ་བསྟན་པའོ། །

གཉིས་པ་གཟུང་གཞུག་འབུལ་ཚུལ་དངོས་ལ། རྟེན་ཆུང་བའི་གཟུངས་གཞུག་འབུལ་ཐབས་དང་། རྟེན་འབྲིང་བའི་གཟུངས་གཞུག་འབུལ་ཐབས་དང་། རྟེན་ཆེ་བའི་གཟུངས་གཞུག་འབུལ་ཐབས་དང་། ཞར་འབྱུང་ཕྲན་ཚག་གི་གནད་དོན་དང་གཟུངས་གཞུག་འབུལ་ཚུལ་ལོ། །

དང་པོ་ནི་མཁས་པ་ལ་ལས་སྐུ་བརྙན་གྱི་གཟུངས་གཞུག་དང་། མཆོད་རྟེན་གྱི་གཟུངས་གཞུག་འབུལ་ཐབས་ལྷན་དུ་བཤད་དེ།སྐུའི་གསང་བ་ཡན་ལ་འཛབ་ཆེན་བཅུ་གཉིས་ཚང་དགོས་པའི་རིགས་འདྲེས་ནས།མཆོད་རྟེན་ལའང་མགུལ་ཆུ་ཡན་ལ་འཛབ་ཆེན་བཅུ་གཉིས་ཀྱི་རྫོགས་པར་བྱེད་པ་ནི།ཁོ་བོས་ཤིན་ཏུ་མི་འཐད་པར་བསམ་སྟེ།སྤྱིར་འཛབ་ཆེན་བཅུ་གཉིས་ནི་གཟུངས་གཞུག་གི་སྙིང་པོ་ཀུན་གྱི་གཙོ་བོ་ཡིན་པས།སྐུ་བརྙན་གྱི་གཙུག་གཏོར་ནས་སྐྱིལ་ཀྲུང་བར་དང་།མཆོད་རྟེན་གྱི་ཏོག་ནས་རྨེང་གཞིའི་བར་ཏེ།རྟེན་གྱི་ཞབས་ཚང་མར་ཁྱབ་དགོས་པ་རིག་པས་གྲུབ་པ་དང་།ལུང་གི་སྒོ་ནས་ཀྱང་གྲུབ་སྟེ།མཆོད་རྟེན་གྱི་གཞུང་ཆེན་ལས།བོན་ཉིད་ཀྱི་དབྱིངས་ལ་སྐྱེ་འགག་མེད་པ་དང་།གཉིས་སུ་མེད་པར་བྱ་བའི་ཕྱིར།ཡང་སྙིང་འདུས་པ་བརྒྱ་རྩ་བརྒྱད་བཟླས་ལ་རྨེང་གཞིར་བཞག་གོ།།ཞེས་སོགས་དོན་དང་སྦྱར་ཏེ་གསལ་བར་གསུངས་བའི་ཕྱིར།དེས་ན་ཕྱི་རབས་པ་རྣམས་ཀྱང་།ལུང་རིག་རྣམ་དག་དང་འབྲེལ་ཞིང་།སྔོན་གྱི་མཁས་མཆོག་བྲུ་ཞུ་སྤ་རྨེའུ་དང་། རྗེ་རིན་པོ་ཆེ་ལ་སོགས་པས་ཕྱག་ལེན་འཁྲུལ་མེད་མཛད་པ་དེ་ཡི་རྗེས་སུ་འབྲེང་ན་ལེགས་སམ་སྙམ།

རང་ལུགས་ལ་རྟེན་ཆུང་ངུ་ཚོན་གང་ཙམ་ལ། ཨ་ཨཱོྃ་ཧཱུྃ་རྃ་ཛ། ལྔའམ་དེ་ལས་དཔག་པའི་རྟེན་སོར་ལྔ་ཙམ་ལ་སྐུ་གསུང་ཐུགས་ཡོན་ཏན་འཕྲིན་ལས་ལྔའི་སྙིང་པོ་དང་།  རྩ་བར་གནོད་སྦྱིན་གྱིས་སྤྱི་འཛབ་དང་གཞི་བརྟན་པའི་སྙིང་པོ་རྫས་བྱིན་རྟེན་སྣ་ཚོགས་དང་།  བུམ་རྫས་ཉེར་ལྔ་སྨན་འབྲུ་མེ་ཏོག་སྣ་ཚོགས་བླུག་ལ་ཞབས་བསྡམ་མོ། །

རྟེན་དེ་ལས་དཔག་པའི་གཟུངས་གཞུག་རྒྱས་འབྲིང་བསྡུས་གསུམ་ཀུན་ལ་སྤྱི་རྒྱུག་འཛབ་ཆེན་བཅུ་གཉིས་འབུལ་དགོས་ཏེ།དེ་ཡང་སྐུ་བརྙན་དང་། མཆོད་རྟེན་དང་སྦྱར་ཏེ་བཤད་པ་ནི།དབུ་ཡི་གཙུག་གཏོར་དང་ཏོག་ལ།རྫས་དེ་བཞིན་གཤེགས་པའི་རིང་སྲེལ་དར་སྣ་ལྔས་དྲིལ་བ་དང་།ཞི་བའི་ལྷ་འཛབ་དང་།དཔྲལ་བའི་དབྱིངས་རུམ་དང་།ཆར་ཁེབས་ལ།རྫས་འཕན་དར་སྣ་ལྔ་དང་།དབང་ཆེན་སྤྱི་འཛབ།སྙན་ཀྱུས་གཡས་གཡོན་དང་།བྱ་རུ་གཡས་གཡོན་ལ།རྫས་དར་དཀར་དམར་དང་ཡབ་ཡུམ་སྦྲེལ་འཛབ།ཤངས་དང་སྟོབས་འཁོར་ལ།རྫས་ཉུངས་དཀར་དང་ཁྲོ་བོའི་བསྭོ་འཛབ།མགུལ་དང་སྲོག་ཤིང་ལ།རྫས་འབྲུ་ལྔ་དང་ཐར་པ་བརྒྱད་འཛབ།མགྲིན་པའི་སྨད་དང་བྲེ་ལ།རྫས་ཉུངས་ནག་དང་ངན་སོང་སྒོ་གཅོད་ཀྱི་འཛབ།ཐུགས་ཀའི་དང་གོང་དང་བུམ་པའི་དཀྱིལ་དུ།རྫས་རིན་ཆེན་སྣ་ལྔ་དང་།ཨ་འཛབ་དྲུག་འགྱུར།ཐུགས་ཁ་དང་མགུལ་ཆུ་ལ།རྫས་སྙིང་པོ་ལྔ་དང་ཨཱོྃ་འཛབ་དགུ་བསྐོར།ཐུགས་ཁའི་ཞབས་དང་བང་རིམ་ལ།རྫས་འབྲས་བུ་ལྔ་དང་གསལ་བ་དགུ་འཛབ།ལྟེ་བ་དང་བང་རིམ་ལ།རྫས་གསེར་ཞུན་མ་དང་བསྐྱེད་པ་ཀུན་འབྱུང་གི་འཛབ།ལྟེ་འོག་དང་ཁྲི་འཕང་བཞི་པ་ལ།རྫས་སྨན་ལྔ་དང་སྨན་འཛབ་ཁོར་བུ་ཆུང་།སྐྱིལ་ཀྲུང་རྨེང་གཞི་ཡི་སྟེང་དུ།རྫས་ཤེལ་ལ་གཡུང་དྲུང་བྲིས་པ་དང་ཡང་སྙིང་འདུས་པའི་འཛབ་དེ་རྣམས་གཞུག་གོ། །

རྟེན་མཐོ་གང་ནས་ཁྲུ་གང་བར་ལ་གཟུངས་འཇུག་བསྡུས་པ་འབུལ་ཚུལ་ནི། སྐུ་གསུང་ཐུགས་ཡོན་ཏན་འཕྲིན་ལས་ལྔ་ཡི་སྙིང་པོ་འཇུག་ལུགས་ནི།སྙིང་པོ་གཞན་རྣམས་ཀྱི་དབུ་རུ་འཛབ་ཆེན་འབུལ་ལུགས་གོང་ལྟར་ལ།རྫས་དང་བཅས་པ་འཛོམས་པར་བྱ་ཞིང་།གཞན་རྣམས་རིམ་བཞིན་འབུལ་ཚུལ་ནི།གཙུག་གཏོར་དང་ཏོག་ལ་དབྱིངས་དང་ཡེ་ཤེས་རྩེར་ཆིབས་པའི་སྙིང་པོ།འབྲས་བུ་བོན་ཉིད་དུ་བྱིན་གྱིས་བརླབས་པའི་སྙིང་པོ།བོན་སྐུར་བྱིན་གྱིས་བརླབས་པའི་སྙིང་པོ།བླ་མེད་ཡུམ་གྱི་སྙིང་པོ་རྣམས་དང་།དཔྲལ་བའི་དབྱིངས་རུམ་དང་ཆར་ཁེབས་ལ།འགྱུར་མེད་སྐུའི་སྙིང་པོ་དང་།ཐུགས་རྗེ་ཆེན་པོ་བྱིན་གྱིས་བརླབས་པའི་སྙིང་པོ།སྙན་དཀྱུས་དང་བྱ་རུ་ལ་ཐབས་ཤེས་སུ་རབ་ཏུ་བྱིན་གྱིས་བརླབས་པའི་སྙིང་པོ།ཐོགས་མེད་ཡེ་ཤེས་སུ་བྱིན་གྱིས་བརླབས་པའི་སྙིང་པོ།ཤངས་ནས་ཞལ་གྱི་བར་དང་།སྟོབས་འཁོར་ལ།སྟོབས་བཅུ་གསུམ་བྱིན་གྱིས་བརླབས་པའི་སྙིང་པོ།སྐུ་བརྙན་སྤྲུལ་པའི་སྐུ་ཡིན་ན་འདུལ་བ་བརྒྱུད་ཕྱག་ལྟར་དང་།རྫོགས་སྐུ་ཡིན་ན་སྤྱི་སྤུངས་ཀྱི་བརྒྱུད་པ་དང་།བོན་སྐུ་ལ་བླ་མེད་སྙན་རྒྱུད་ཀྱི་བརྒྱུད་པ་རྣམས།གཟུངས་གཞུག་འབྲིང་པོའི་སྐབས་སུ་བཤད་པ་ལྟར་རམ།ཡང་ན་སྐུ་བརྙན་གང་ཡིན་དེའི་སྒྲུབ་ཐབས་ཀྱི་བརྒྱུད་པ་གཞུག་ཀྱང་རུང་ངོ་། །

མཆོད་རྟེན་ཡིན་ན་ཕྱི་ནང་གསང་བའི་བརྒྱུད་རིམ་ཉུང་བསྡུས་དང་། གཞན་ཡང་སྐྱབས་གནས་ཀུན་འདུས་པའི་ངོ་བོ་བླ་མ་རིག་འཛིན་འདུས་པའི་སྙིང་པོ་བཅས།མ་ཤོང་ན་མདུང་དྲིལ་བྱས་ཀྱང་རུང་ངོ།།མགུར་དང་སྲོག་ཤིང་ལ་ཐར་པའི་ལམ་བརྒྱད་དུ་བྱིན་གྱིས་བརླབས་པའི་སྙིང་པོ།མགྲིན་པ་དང་བྲེ་ལ་འགག་མེད་གསུང་གི་སྙིང་པོ་དང་།གཤེན་རབ་ལམ་བཞིར་བྱིན་གྱིས་བརླབས་པའི་སྙིང་པོ།ཐུགས་ཀའི་དང་གོང་དང་བུམ་སྟོད་ལ།རྣམ་དག་རྩ་བའི་སྙིང་པོ་དང་།བདེ་བར་གཤེགས་པ་སྟོང་རྩ་བརྒྱད་ཀྱི་འཛབ།ཐུགས་ཀ་དང་བུམ་པའི་དཀྱིལ་དུ་མི་འཁྲུལ་ཐུགས་ཀྱི་སྙིང་པོ།བོན་ཉིད་ཀྱི་དབྱིངས་ཆེན་པོར་བྱིན་གྱིས་བརླབས་པའི་སྙིང་པོ་དང་།རྣམ་རྒྱལ་རྩ་བའི་བསྙེན་འཛབ་གཟུངས་གསུམ་དང་།སྐུ་བརྙན་ཡིན་ན་ལྷ་གང་ཡིན་དེའི་སྒྲུབ་ཐབས་ཀྱི་སྙིང་པོ་དང་།མཆོད་རྟེན་ལ་རང་གི་ཡི་དམ་ལྷག་པའི་ལྷ་མཆོག་གང་ཡིན་དེའི་སྙིང་པོ་རྣམས་དང་།ཞི་རྒྱས་དབང་དྲག་མཐར་ཕྱིན་རྒྱུན་དང་བཅས་པའི་སྤྱི་འཛབ་དང་།དེའི་འཇུག་ཏུ་གསོན་གཤིན་གང་ལ་དམིགས་པའི་མིང་དང་འཕྲིན་ཞུ་སྨོན་ཚིག་རྣམས་དང་།གོང་དུ་བཤད་པའི་ཚ་ཚ་རྣམས་འདིར་གཞུགལྟེ་བ་དང་།བུམ་གཤམ་ནས་མགུལ་ཆུའི་བར་དུ།ལེགས་འབྱུང་ཡོན་ཏན་གྱི་སྙིང་པོ།ཏིང་འཛིན་ཡན་ལག་ཏུ་བྱིན་གྱིས་བརླབས་པའི་སྙིང་པོ།རྒྱུ་འབྲས་གཉིས་སུ་མེད་པར་བྱིན་གྱིས་བརླབས་པའི་སྙིང་པོ།འཆི་མེད་ཕྱྭ་ཚེའི་སྙིང་པོ་རྣམས་གཞུགགསང་གནས་དང་བང་རིམ་ལ་ལྷུན་གྲུབ་འཕྲིན་ལས་ཀྱི་སྙིང་པོ།ངན་སོང་དོང་སྤྲུག་གི་སྙིང་པོ།འགྲོ་དྲུག་སྒྲིབ་སྦྱོང་གི་སྙིང་པོ་དང་།བང་རིམ་བཞི་བར་ཤེས་བཅུར་བྱིན་གྱིས་བརླབས་པའི་སྙིང་པོ།གསུམ་པར་རྫུལ་འཕྲུལ་རྐང་པ་བཞིར་བྱིན་གྱིས་བརླབས་པའི་སྙིང་པོ།གཉིས་པར་དྲན་པར་ཉེ་བར་བཞག་པ་བཞིར་བྱིན་གྱིས་བརླབས་པའི་སྙིང་པོ།དང་པོར་དགེ་བཅུར་བྱིན་གྱིས་བརླབས་པའི་སྙིང་པོ་རྣམས་གཞུགདེ་འོག་སྐུ་བརྙན་ལ་ཞབས་བསྡོམ་དང་།མཆོད་རྟེན་གྱི་གདོང་ཆེན་གྱི་ཐད་ནས།མཚམས་དར་གྱིས་བཀག་ལ་གོང་འོག་མི་འདྲེས་པར་བྱའོ།།པད་གདན་གྱི་སྟོད་དང་རི་རབ་ཀྱི་སྟོད་ཆར།སྐུ་ལྔར་བྱིན་གྱིས་བརླབས་པའི་སྙིང་པོ་དང་།བོན་སྐྱོང་གཙོ་བོ་མ་བདུད་བཙན་གསུམ་རྒྱལ་པོ་བཅས་སོགས་དང་།ཁྱད་པར་སྐུ་བརྙན་ལ་ལྷ་སྒོ་དེའི་སྲུང་མ་དང་བཅས་པའི་སྙིང་པོའམ།འབོད་སྔགས་གང་རིགས་དང་།གཅེན་ལྷ་གཙོ་འཁོར་ལྔའི་གཟུངས་དང་འདོད་གསོལ་སྨོན་ཚིག་རྣམས་དང་།དེའི་ཤར་དུ་ལྷ་ཆེན་ཚངས་པ་འབུམ་ཁྲི་དང་ས་བདག་གཙང་ཀུན་ཁྱབ་པ་གཙོ་འཁོར་གྱི་གཟུངས།བྱང་དུ་འདོད་པ་དགུ་འགྱུར་དང་མ་ཧ་ཀ་ར་ལ་གཙོ་འཁོར།ནུབ་ཏུ་གཙུག་ན་རིན་ཆེན་དང་འོད་འབར་རྒྱལ་མོ་གཙོ་འཁོར།ལྷོ་རུ་ཐང་བཟང་རིང་སྐྱེས་དང་ཀླུ་དབང་འཇོག་པོ་གཙོ་འཁོར་བཅས་པའི་སྙིང་པོ་རྣམས་དང་།དེའི་འོག་ཏུ་བཀྲ་ཤིས་རྟགས་བརྒྱད་དང་།རིན་ཆེན་ནོར་བདུན་གྱི་འཁོར་ལོ་བསྡུས་པ་དང་།དེའི་ཞབས་སུ་གནོད་སྦྱིན་གྱི་གཏེར་རྫས་གོང་དུ་བཤད་པ་རྣམས་གོས་དར་རམ།རས་ཀྱི་ཐུམ་ལ་བླུག་པ་དང་།དེའི་འོག་ཏུ་གནོད་སྦྱིན་གྱི་འཁོར་ལོ་བསྡུས་པ་སྟེང་འོག་མ་འཛོལ་བར་གཞུགཁྲི་འཕང་བཞི་པའི་སྟོད་ཆར་ཡུམ་བཞིར།བྱིན་གྱིས་བརླབས་པའི་སྙིང་པོ་དང་།གཞི་བརྟན་པའི་སྙིང་པོ་བཀྲ་ཤིས་ཚིག་བཤད་གཅིག་ཙམ་དང་།དེའི་སྨད་ཆ་ལ་ས་ཡི་དཀྱིལ་འཁོར་གྱི་སྙིང་པོ་དང་།ལྷ་དང་ལྷ་མིན་མི་གསུམ་སྦྱོང་འདྲེན་ཀྱི་སྙིང་པོ།ཁྲི་འཕང་གསུམ་པ་ལ་ཆུ་ཡི་དཀྱིལ་འཁོར་གྱི་སྙིང་པོ་དང་།བྱོལ་སོང་སྦྱོང་འདྲེན་གྱི་སྙིང་པོ།ཁྲི་འཕང་གཉིས་པ་ལ་མེ་ཡི་དཀྱིལ་འཁོར་གྱི་སྙིང་པོ་དང་།ཡི་དྭགས་སྦྱོང་འདྲེན་གྱི་སྙིང་པོ།ཁྲི་འཕང་དང་པོ་ལ་རླུང་གི་དཀྱིལ་འཁོར་གྱི་སྙིང་པོ་དང་།དམྱལ་བ་སྦྱོང་འདྲེན་གྱི་སྙིང་པོ།རྨེང་གཞིའི་སྟོད་དུ་གཞི་བོན་ཉིད་དུ་བྱིན་གྱིས་བརླབས་པའི་སྙིང་པོ་དང་།ནམ་མཁའི་དཀྱིལ་འཁོར་གྱི་སྙིང་པོ་རྣམས་གཞུག་སྟེ་ཞབས་བསྡམས་ཀྱིས་ལེགས་པར་བཅད་ལ།སྲུབ་མཚམས་སུ་བླུག་མ་ཡིན་ན་ལ་ཆའམ་འབེར་གང་རིགས་དང་།ཤིང་ལ་བཅོས་པ་ཡིན་ན།སྤང་ཐལ་དང་གར་སྤྱིན་བསྲེས་པ་དང་།རྡོ་ཞོ་ལ་སོགས་པས་སྲུབ་བཙང་ལ་ལེགས་པར་བསྡམ་མོ།།དེ་ནི་གཟུངས་གཞུག་བསྡུས་པ་འབུལ་བའི་ཚུལ་བསྟན་པའོ། །

གཉིས་པ་ནི། རྟེན་ཁྲུ་དོ་ནས་ཕྱེད་བཞིའི་བར་མཚམས་ལ་གཟུངས་གཞུག་འབྲིང་པོ་འབུལ་དགོས་ཏེ།དེ་ཡང་སྐུ་གསུང་ཐུགས་ཡོན་ཏན་འཕྲིན་ལས་ལྔའི་སྙིང་པོ་ནི།གོང་དུ་བཤད་པ་ལྟར།སྐུ་བརྙན་གྱི་གནས་ལྔ་དང་།མཆོད་རྟེན་ཀྱི་ཆར་ཁེབས་བྲེ་བུམ་དཀྱིལ་མགུལ་ཆུ་བང་རིམ་རྣམས་ཀྱི་ཐད་དུ་དྲིལ་བ་དང་།འཛབ་ཆེན་བཅུ་གཉིས་རྫས་དང་བཅས་པ་ཡང་སྔར་བཤད་པ་བཞིན་དུ།སྐུ་བརྙན་གྱི་གསང་གནས་ཡན་དང་།མཆོད་རྟེན་གྱི་རྨེང་གཞི་ཡན་ལ་ཁྱབ་པར་འཇོག་པ་ནི།ལུང་དང་བླ་མའི་ཕྱག་ལེན་གྱིས་ཟིན་པས་དེ་ལྟར་བྱ་ཞིང་།དེའི་སྟེང་དུ་བསྣན་རྒྱུ་ནི།བྱ་ཁྲི་ལ་དབྱིངས་དང་ཡེ་ཤེས་རྩེར་ཆིབས་པའི་སྙིང་པོ་དང་།ཐེག་པ་ཆེན་པོ་ཡབ་ཀྱི་སྙིང་པོ་རྣམས་དར་དཀར་པོས་དྲིལ་ལ་གཞུགགཙུག་གཏོར་ཏོག་ལ་བོན་སྐུར་བྱིན་གྱིས་བརླབས་པའི་སྙིང་པོ།ཨུད་དུ་འབར་བ་ཏོག་གི་གཟུངས།འབྲས་བུ་བོན་ཉིད་དུ་བྱིན་གྱིས་བརླབས་པའི་སྙིང་པོ་རྣམས་དར་དཀར་པོས་དྲིལ།དཔྲལ་བའི་དབྱིངས་རུམ་དང་ཆར་ཁེབ་ལ།འགྱུར་མེད་སྐུ་ཡི་སྙིང་པོ་དང་།ཐུགས་རྗེ་ཆེན་པོ་བཞིར་བྱིན་གྱིས་བརླབས་པའི་སྙིང་པོ་དང་།ཁྱུང་གསས་སངས་རྒྱས་ཀྱི་གཟུངས་དང་།དེའི་བཀྲ་ཤིས་རྣམས་དར་དཀར་པོས་དྲིལ།སྙན་དཀྱུས་དང་བྱ་རུ་གཡས་གཡོན་ལ།ཐབས་ཤེས་རབ་ཏུ་བྱིན་གྱིས་བརླབས་པའི་སྙིང་པོ་དར་དཀར་གྱིས་དྲིལ།སྙན་ཤལ་དང་དར་དཔྱང་གཡས་གཡོན་ལ་ཐོགས་པ་མེད་པའི་ཡེ་ཤེས་ལྔར་བྱིན་གྱིས་བརླབས་པའི་སྙིང་པོ་དར་དཀར་པོས་དྲིལ།སྙན་དང་དར་དཔྱང་རྣམས་ལ་གཟུངས་མ་ཤོང་ཚེ།དབུ་དང་ཆར་ཁེབས་ལ་བཞག་ཀྱང་རུང་ངོ།།སྨིན་མཚམས་ནས་ཞལ་གྱི་བར་དང་།སྟོབས་འཁོར་ལ་སྟོབས་བཅུ་གསུམ་དུ་བྱིན་གྱིས་བརླབས་པའི་སྙིང་པོ་དང་།བླ་མེད་རྫོགས་པ་ཆེན་པོའི་བརྒྱུད་པ་དང་།བླ་མ་རིག་འཛིན་འདུས་པའི་གཟུངས།སྲོག་ཤིང་མགུར་ལ་ཐར་པའི་ལམ་བརྒྱད་དུ་བྱིན་གྱིས་བརླབས་པའི་སྙིང་པོ་དེ་རྣམས་དར་སེར་པོས་དྲིལ།མགྲིན་པ་དང་བྲེ་ལ་འགག་མེད་གསུང་གི་སྙིང་པོ་དང་།གཤེན་རབ་ལམ་བཞིར་བྱིན་གྱིས་བརླབས་པའི་སྙིང་པོ།ཨ་ལི་ཀ་ལི།འབྲུག་གསས་རྣམ་གཉིས་ཀྱི་གཟུངས་དང་།དེའི་བཀྲ་ཤིས་རྣམས་དར་དམར་པོས་དྲིལ།ཐུགས་ཀའི་དང་གོང་དང་བུམ་སྟོད་ལ་མངོན་པར་མཛོད་ཀྱི་བརྒྱུད་པ་དང་།རྣམ་དག་མདོ་འབུམ་གྱི་གཟུངས་དང་།བདེ་བར་གཤེགས་པ་སྟོང་རྩ་བརྒྱད་ཀྱི་སྙིང་པོ་རྣམས་སྨན་ཅེས་མན་རྩིས་དྲིལ་།ཐུགས་ཀ་དང་བུམ་པའི་དཀྱིལ་དུ་འཁྲུལ་མེད་ཐུགས་ཀྱི་སྙིང་པོ་དང་།དབྱིངས་ཆེན་པོར་བྱིན་གྱིས་བརླབས་པའི་སྙིང་པོ་དང་།རྣམ་རྒྱལ་རྩ་བའི་བསྙེན་འཛབ་གཟུངས་གསུམ་དང་།སྐུ་བརྙན་ལ་ལྷ་གང་བཞེངས་པ་དེའི་སྒྲུབ་ཐབས་ཀྱི་བརྒྱུད་རིམ་དང་བསྙེན་འཛབ་རྣམས་དང་།མཆོད་རྟེན་ལ་རང་གི་ཡི་དམ་ལྷག་པའི་ལྷ་མཆོག་གང་ཡིན་གྱི་བརྒྱུད་རིམ་དང་སྙིང་པོ།གཞན་ཡང་མཐར་ཕྱིན་རྒྱུན་གྱི་གཟུངས་དང་།རྣམ་རྒྱལ་གཙོ་བོའི་བཀྲ་ཤིས་བཅས།སྐུ་བརྙན་ལ་ལྷ་གང་ཡིན་དེའི་སྐུ་མདོག་དང་།མཆོད་རྟེན་ལ་ལྷག་པའི་ལྷ་ཡི་སྐུ་མདོག་དང་མཐུན་པའི་དར་རམ།ཡང་ན་དར་སྣ་ལྔས་དྲིལ།དེའི་ཤར་དུ་ཕྱི་རྒྱུད་རྣམ་དག་འདུལ་ཁྲིམས་ཀྱི་བརྒྱུད་པ་དང་།ཐུགས་ཉིད་ཞི་བའི་གཟུངས་དར་དཀར་པོས་དྲིལ།བྱང་དུ་ཕྱི་རྒྱུད་རྒྱས་པ་འབུམ་ལྔའི་བརྒྱུད་པ་དང་།ངོ་མཚར་རྒྱས་པའི་གཟུངས་དར་ལྗང་ཁུས་དྲིལ།ནུབ་ཏུ་ཞང་ཞུང་བོན་སྐོར་གྱི་གཙོ་བོ་སྤྱི་སྤུངས་བསྒྲགས་པ་སྐོར་གསུམ་གྱི་བརྒྱུད་པ་དང་།བྱིན་བརླབས་དབང་གི་གཟུངས་དར་དམར་པོས་དྲིལ།ལྷོ་རུ་རྒྱ་གར་བོན་སྐོར་གྱི་གཙོ་བོ་དབལ་ཕུར་སྡེ་སྐོར་དོན་གསུམ་གྱི་བརྒྱུད་པ་དང་།མཐུ་སྟོབས་དྲག་པོའི་གཟུངས་དར་སྔོན་པོས་དྲིལ།འདི་རྣམས་ཀྱི་ཤམ་བུར་གསོན་གཤིན་གང་ལ་དམིགས་པའི་མིང་དང་ཞི་རྒྱས་དབང་དྲག་གི་འདོད་གསོལ་སྨོན་ཚིག་རྣམས་གཞུག་གོ།།གོང་དུ་བཤད་པའི་ཚ་ཚ་རྣམས་འདིར་བཞག་དགོས་སོ། །

ཐུགས་ཁའི་འོག་དང་བུམ་གཤམ་ལ། དབུས་སུ་ཤེས་རབ་བློ་གྲོས་འཕེལ་བའི་གཟུངས་དར་སེར་པོས་དྲིལ།དེའི་ཤར་དུ་གཡུང་དྲུང་གཙང་མའི་གཟུངས་དང་།བྱང་དུ་འཆི་མེད་ཚེ་ཡི་གཟུངས།ནུབ་ཏུ་མ་རྒྱུད་མཁའ་འགྲོའི་གཟུངས་དང་།ལྷོ་རུ་བདུད་བརྩི་སྨན་གྱི་གཟུངས་རྣམས་དར་ཕྱོགས་མདོག་གིས་དྲིལ།ལྟེ་བ་དང་མགུལ་ཆུ་ལ་ལེགས་འབྱུང་ཡོན་ཏན་ཀྱི་སྙིང་པོ་དང་།ཏིང་འཛིན་ཡན་ལག་ཏུ་བྱིན་གྱིས་བརླབས་པའི་སྙིང་པོ།རྒྱུ་འབྲས་གཉིས་སུ་མེད་པར་བྱིན་གྱིས་བརླབས་པའི་སྙིང་པོ།མཐར་ཕྱིན་རྒྱུན་གྱི་གཟུངས་ལས་བྱུང་བའི་དཔལ་བཞི་ཡོན་ཏན་རྒྱ་མཚོ་ཡི་གཟུངས་དང་།སྐུ་བརྙན་གྱི་བརླ་གཉིས་དང་།མཆོད་རྟེན་མགུལ་ཆུའི་གཡས་གཡོན་ལ།སེང་གསས་རྣམ་གཉིས་ཀྱི་གཟུངས་དང་།དེའི་བཀྲ་ཤིས་རྣམས་དར་སེར་པོས་དྲིལ།གསང་གནས་དང་བང་རིམ་བཞི་པ་ལ་ལྷུན་གྲུབ་འཕྲིན་ལས་ཀྱི་སྙིང་པོ་དང་།ཤེས་བཅུར་བྱིན་གྱིས་བརླབས་པའི་སྙིང་པོ་དང་།དེ་འོག་བང་རིམ་གསུམ་པར་རྫུ་འཕྲུལ་གྱི་རྐང་པ་བཞིར་བྱིན་གྱིས་བརླབས་པའི་སྙིང་པོ་དང་།དེ་འོག་བང་རིམ་གཉིས་པར་དྲན་པ་ཉེ་བར་བཞག་པ་བཞིར་བྱིན་གྱིས་བརླབས་པའི་སྙིང་པོ་དང་།དེ་འོག་བང་རིམ་དང་པོར་དགེ་བཅུར་བྱིན་གྱིས་བརླབས་པའི་སྙིང་པོ་དང་།བཟླས་ཆོག་རིན་ཆེན་སྒྲོན་མའི་སྙིང་པོ་སྒྲིབ་སྦྱོང་གི་ཤམ་བུ་དང་བཅས་པ་དང་།ངན་སོང་དོང་སྤྲུག་གི་སྙིང་པོ་སྒྲིབ་སྦྱོང་ཤམ་བུར་བཅས་པའི་གཟུངས་དང་།འཁོར་བ་དོང་སྤྲུག་རིགས་དྲུག་སྒྲིབ་སྦྱོང་གི་གཟུངས།སྐུ་བརྙན་གྱི་སྐྱིལ་ཀྲུང་དང་མཆོད་རྟེན་གྱི་བང་རིམ་གྱི།ཤར་དུ་ཕོ་སྦྱོང་རིན་ཆེན་འཕྲེང་བ།བྱང་དུ་ཀུན་རིག་སྒྲོན་མའི་མདོ་ཆོགནུབ་ཏུ་མོ་སྦྱོང་པད་མ་མུན་སེལ།ལྷོ་རུ་བཟླས་ཆོག་རིན་ཆེན་སྒྲོན་མ།དབུས་སུ་གཡུང་དྲུང་ཀློང་རྒྱས་ཀྱི་ཆོ་གའམ།བདེར་གཤེགས་སྟོང་གི་མཚན་ཕྱག་སྟེ།སྦྱོང་རྒྱུད་ཀྱི་གཙོ་བོ་ལྔའི་དཀྱིལ་འཁོར་ཆོ་གའམ། མཚན་ཕྱག་གང་རིགས་ཀྱི་གླེགས་བམ་རྣམས་ཕྱི་ནས་ཀླག་པའི་ཚུལ་དུ་གཞུག

དེ་ལྟར་མ་འགྲུབ་ན་གོང་གི་སྒྲིབ་སྦྱོང་ཤམ་དུ་བཻཌཱུརྱ་འོད་དམ་པའི་གཟུངས་ལས་བྱུང་བའི་བདེ་བར་གཤེགས་པའི་ཐུགས་འཛབ་སྟོང་རྩ་གཅིག་པ་དར་དཀར་པོས་དྲིལ། སྐུ་བརྙན་གྱི་རྗེ་ངར་གཡས་དང་།མཆོད་རྟེན་གྱི་བང་རིམ་ཤར་དུ་ཟོ་བོ་དབུ་དགུ།རྗེ་ངར་གཡོན་དང་།བང་རིམ་བྱང་དུ་གཟེ་མ་དབུ་དགུ།ཕྱག་ངར་གཡོན་དང་།བང་རིམ་ནུབ་ཏུ་རུ་ཅོ་དབུ་དགུ།ཕྱག་ངར་གཡས་དང་།བང་རིམ་ལྷོ་རུ་རོམ་པོ་དབུ་དགུ་བཞིའི་གཟུངས་དང་བཀྲ་ཤིས་རྣམས་དར་ཕྱོགས་མདོག་གིས་དྲིལ།དེ་འོག་སྐུ་བརྙན་གྱི་ཞབས་སམ།མཆོད་རྟེན་གྱི་གདོང་ཆེན་ཐད་ནས་ཞབས་བསྡམ་མམ།མཚམས་དར་གྱིས་བཀགདེ་འོག་སྐུ་བརྙན་གྱི་པད་གདན་དང་།རི་རབ་སྟོད་ཆར་ཙན་དན་ནམ་ཤུག་པའི་སྲོག་ཤིང་ཐུང་ངུ་ཞིག་གི་སྟོད་དུ།སྐུ་ལྔར་བྱིན་གྱིས་བརླབས་པའི་སྙིང་པོ་དང་།གཡུང་དྲུང་བོན་བསྟན་སྐྱོང་པའི་སྲུང་མ་རྣམས་ཀྱི་སྙིང་པོ།འབོད་སྔགས་སྤྱི་དང་།ཁྱད་པར་སྐུ་བརྙན་ལ་ལྷ་སྒོ་གང་ཡིན་གྱི་སྒེར་གྱི་སྲུང་མ་རྣམས་དར་མཐིང་ཁས་དྲིལ།དེའི་སྨད་དུ་ཕྱི་རྒྱུད་དཔལ་མགོན་བདུན་ཅུ་རྩ་གཉིས་ཀྱི་སྙིང་པོ་དར་དཀར་པོས་དྲིལ།དེའི་ཞབས་སུ་རྟགས་བརྒྱད་ནོར་བདུན་གྱི་ཀྱི་རི་རྒྱས་འབྲིང་གང་ཤོང་གི་འོག་ཏུ་རྣམ་རྒྱལ་དཔལ་མགོན་གྱི་བུམ་པ་གཅིག་གམ་ལྔ་གང་ཡོད་ཕྱོགས་མདོག་དང་མཐུན་པར་མ་ནོར་བར་བཀོད།དེའི་ཞབས་སུ་གནོད་སྦྱིན་ཕོ་མོའི་འཁོར་ལོ་རྒྱས་འབྲིང་གང་ཤོང་སྟེང་འོག་མ་འཛོལ་བར་གཞུགགཏེར་བུམ་གྱི་བར་སྟོང་པ་རྣམས་སུ་གནོད་སྦྱིན་གྱི་གཏེར་རྫས་དར་རས་ཀྱི་ཐུམས་པོར་བླུགས་པ་རྣམས་ཀྱིས་ཁེངས་པར་བཀང་བའི་ཞབས་སུ་ནས་མཚམས་དར་གྱིས་བཅད།དེའི་འོག་ཁྲི་འཕང་བཞི་པའི་སྟོད་ཆར་འབྱུང་བའི་ཡུམ་བཞིར་བྱིན་གྱིས་བརླབས་པའི་སྙིང་པོ་དང་།སྨོན་ལམ་ཐམས་ཅད་འགྲུབ་པའི་གཟུངས་དང་།གཞི་བརྟན་པའི་སྙིང་པོ་དང་།བཀྲ་ཤིས་ཚིག་འཕྲེང་གང་ལྕོགས་རྣམས་དཀར་པོའམ་མན་རྩིས་དྲིལ།སྨད་དུ་ས་ཡི་དཀྱིལ་འཁོར་གྱི་སྙིང་པོ་དང་།རྫོགས་པ་ཆེན་པོ་ཡང་རྩེ་ཀློང་ཆེན་ལས་བྱུང་བའི་ལྷ་ལྷ་མིན་མི་གསུམ་སྦྱོང་འདྲེན་གྱི་སྙིང་པོ་དང་ཚིག་བཤད་དར་སེར་པོས་དྲིལ།དེ་འོག་ཁྲི་འཕང་གསུམ་པར་ཆུའི་དཀྱིལ་འཁོར་གྱི་སྙིང་པོ་དང་།བྱོལ་སོང་སྦྱོང་འདྲེན་གྱི་སྙིང་པོ་དང་ཚིག་བཤད་དར་སྔོན་པོས་དྲིལ།དེ་འོག་ཁྲི་འཕང་གཉིས་པར་མེའི་དཀྱིལ་འཁོར་གྱི་སྙིང་པོ་དང་།ཡི་དྭགས་སྦྱོང་འདྲེན་ཀྱི་སྙིང་པོ་དང་ཚིག་བཤད་དར་སེར་པོས་དྲིལ།དེ་འོག་ཁྲི་འཕང་དང་པོར་རླུང་གི་དཀྱིལ་འཁོར་གྱི་སྙིང་པོ་དང་།དམྱལ་བ་སྦྱོང་འདྲེན་གྱི་སྙིང་པོ་དང་ཚིག་བཤད་དར་ལྗང་ཁུས་དྲིལ།དེ་འོག་རྨེང་གཞི་ཡི་སྟོད་དུ་ནམ་མཁའི་དཀྱིལ་འཁོར་གྱི་སྙིང་པོ་དང་།གཞི་བོན་ཉིད་དུ་བྱིན་གྱི་བརླབས་པའི་སྙིང་པོ་རྣམས་དར་དཀར་པོས་དྲིལ།དེ་ལྟར་སྨད་ཀྱི་གཟུངས་གཞུག་རྣམས་ཕྱི་རིམ་ཤུག་ཤུན་དང་སྨན་སྤོས་ཀྱི་ཕྱེ་མ་རྣམས་བཀང་ལ་ཞབས་བསྡམ་ལེགས་པར་བཅད།དེ་ནི་གཟུངས་གཞུག་འབྲིང་པོ་འབུལ་བའི་ཚུལ་ལོ། །

གསུམ་པ་གཙུག་ལག་ཁང་གི་དབུས་ཀྱི་རྟེན་ཁྲུ་ལྔ་ཡན་བསྒུལ་བསྐྱོད་མེད་པའི་ས་གནད་ཀྱི་མཆོད་རྟེན་ཆེན་པོ་ལ་གཟུངས་གཞུག་མས་ནས་ཡས་རིམ་དུ་འབུལ་དགོས་ཏེ། དང་པོ་ཞབས་བསྡམ་གཞི་རྨེང་གི་སྨད་དུ།སྔོན་འགྲོའི་སྐབས་སུ་བཤད་པ་ལྟར་གྱིས་དུག་གསུམ་རང་གཟུགས་ཀྱི་ལིང་ག་གན་རྐྱལ་དུ་བསྒྱེལ་བའི་སྟེང་དུ་མཚོན་ཆ་སྣ་ཚོགས་རྒྱ་གྲམ་དུ་མནན་ལ།རྣམ་པར་རྒྱལ་བའི་གཟུངས་སྡེ་ནས་བྱུང་བའི་གནན་སྔགས་གང་མང་དང་།ཡི་དམ་གཞུང་ཆེན་ཁྲོ་ཕུར་ཞང་གསུམ་གང་རིགས་ཀྱི་བྲོ་བརྡུངས་བྱ།རྨེང་གཞི་ཡི་སྟོད་དུ་ནམ་མཁའི་དཀྱིལ་འཁོར་གྱི་སྙིང་པོ་དང་།གཞི་བོན་ཉིད་དུ་བྱིན་གྱིས་བརླབས་པའི་སྙིང་པོ་དར་དཀར་པོས་དྲིལ།དེ་སྟེང་ཁྲི་འཕང་བཞི་ལ་རིམ་བཞིན་འབྱུང་བ་བཞི་ཡི་སྙིང་པོ་དང་།རིགས་དྲུག་སྦྱོང་འདྲེན་གྱི་སྙིང་པོ་དང་ཚིག་བཤད་རྣམས་འབྲིང་པོ་ལྟར་བྱ་ཞིང་།ཁྲི་འཕང་བཞི་པའི་སྟོད་ཆར་འབྱུང་བའི་ཡུམ་བཞིར་བྱིན་གྱིས་བརླབས་པ་དང་།གཡུང་དྲུང་མཐའ་ཡས་ཀྱི་གཟུངས་དང་འདོད་གསོལ།བསྟན་པ་རབ་ཏུ་བརྟན་པའི་གཟུངས་དང་འདོད་གསོལ།སྨོན་ལམ་ཐམས་ཅད་འགྲུབ་པའི་གཟུངས་དང་།བཀྲ་ཤིས་ཚིག་འཕྲེང་རྒྱས་པ་རྣམས་དར་མེན་ཙིའམ་དཀར་པོས་དྲིལ།དེ་རྣམས་ཀྱི་ཕྱི་རུ་ཤུག་ཤུན་བཟང་ཤིང་དྲི་བཟང་གི་ཕྱེ་མ་རྣམས་ཀྱིས་ལེགས་པར་བཀང་བའི་སྟེང་དུ།མཚམས་དར་གྱིས་བཅད་པའི་ཐོག་ཏུ་པད་གདན་དང་།སྨད་ཆར་གནོད་སྦྱིན་འཁོར་ལོ་རྒྱས་པ་ཁ་སྦྱོར་བའི་སྟེང་དུ།རྣམ་རྒྱལ་མགོན་ཆེན་རྣམ་དགུ་འཁོར་དང་བཅས་པའི་བུམ་གཏེར་འཇོག་སྟེ།དེ་ཡང་དབུས་སུ་བསྟན་སྲུང་ལྷ་ལྔའི་བུམ་པ།ཤར་དུ་གསང་བ་ལག་ཆེན་གཙོ་འཁོར།བྱང་ཤར་དུ་ཡིད་བཞིན་རྒྱལ་བ་གཙོ་འཁོར།བྱང་དུ་ལྷ་དབང་བརྒྱ་བྱིན་གཙོ་འཁོར།བྱང་ནུབ་ཏུ་འདོད་པ་དགུ་འགྱུར་གཙོ་འཁོར།ནུབ་ཏུ་གཙུག་ན་རིན་ཆེན་གཙོ་འཁོར།ལྷོ་ནུབ་ཏུ་ཀླུ་རྒྱལ་འཇོག་པོ་གཙོ་འཁོར།ལྷོ་རུ་ཐང་བཟང་རིང་སྐྱེས་གཙོ་འཁོར།ལྷོ་ཤར་དུ་ཁ་ལ་འོད་འབར་གཙོ་འཁོར་བརྒྱད་ཀྱི་བུམ་པ་ཕྱོགས་མ་ནོར་བར་བཞག་པའི་སྟེང་དུ།  བཀྲ་ཤིས་རྟགས་བརྒྱད་དང་རིན་ཆེན་ནོར་བདུན་གྱི་ཀྱི་རི་རྒྱས་པ་ཁ་སྦྱོར་སྟེང་འོག་མ་འཛོལ་བར་བཞག

གཏེར་བུམ་དེ་རྣམས་ཀྱི་ཕྱི་རོལ་ཕྱོགས་བཞིར་གསང་བ་ཐུགས་ཀྱི་བརྣག་པའི་ཟློག་གཟུངས་ཆ་རེ་རེ་ཤིང་སྐྱེར་པའི་སྲོག་ཤིང་ལ་དྲིལ་ནས་དར་མཐིང་ནག་གི་ན་བཟའ་གསོལ་ལ་གཞུག པད་གདན་དང་རི་རབ་ཀྱི་སྟོད་ཆར་གདོང་ཆེན་ལ།ཙན་དན་ནམ་ཤུག་པའི་སྲོག་ཤིང་ལ་སྟོད་དུ་སྐུ་ལྔར་བྱིན་གྱིས་རླབས་པའི་སྙིང་པོ་དང་།སངས་རྒྱས་ཀྱི་སྤྱན་སྔར་གཡུང་དྲུང་བསྟན་པ་སྐྱོང་བར་ཞལ་གྱིས་བཞེས་པའི་སྲུང་མ་དམ་ཅན་རྣམས་ཀྱི་སྙིང་པོའམ་འབོད་སྔགས་དར་མཐིང་ནག་གིས་དྲིལ་ཞིང་།སྨད་དུ་གཙང་རིགས་དཔལ་མགོན་བདུན་ཅུའི་གཟུངས་དར་དཀར་པོས་དྲིལ་ལ་གཞུགཤར་དུ་གསལ་བའི་མར་མེ།བྱང་དུ་དྲི་ཞིམ་སྤོས་དྲི།ནུབ་ཏུ་བདུད་རྩི་ཚན་ཆབ།ལྷོ་རུ་རོ་ལྡན་ཞལ་ཟས།དབུས་སུ་མཛེས་པའི་མེ་ཏོག་རྣམས།དག་པ་རྣམ་དྲུག་གིས་བྱིན་གྱིས་བརླབས་ལ་བཤམས།དེ་ལྟར་གནོད་སྦྱིན་བང་མཛོད་དུ་གཏེར་རྫས་སྣ་ཚོགས་དང་འབྲུ་སྣ་རྩི་ཤིང་དར་རས་ཀྱི་ཐུམ་པོར་བླུགས་པས་ཁེངས་པར་བཀང་བའི་སྟེང་།སྐུ་བརྙན་གྱི་ཞབས་སམ་མཆོད་རྟེན་གྱི་གདོང་ཆེན་ཐད་ནས་ཞབས་བསྡམ་མམ།མཚམས་དར་གྱིས་བཀག་དགོས་ཏེ།མཆོད་རྟེན་གཞུང་ཆེན་གྱི་སྨོན་ལམ་ལས།འདི་མན་ཆད་ཕུང་པོ་ལྔ་སོགས་འཁོར་བའི་བོན་དང་།འདི་ཡན་དགེ་བཅུ་སོགས་རྣམ་བྱང་གི་བོན་དང་སྦྱར་ཏེ།གསུངས་པའི་ཕྱིར་ལག་ལེན་དེ་ལྟར་བྱའོ། །

དེ་སྟེང་སྐྱིལ་ཀྲུང་དང་བང་རིམ་དང་པོར། དགེ་བཅུར་བྱིན་གྱིས་བརླབས་པའི་སྙིང་པོ་དང་།བཟླས་ཆོག་མུན་སེལ་སྒྲོན་མའི་སྙིང་པོ་སྒྲིབ་སྦྱང་སྔགས་ཤམ་དང་བཅས་པ།ངན་སོང་དོང་སྤྲུག་སྒྲིབ་སྦྱོང་གི་སྔགས་ཤམ་དང་བཅས་པ།འཁོར་བ་ངན་སོང་དོང་སྤྲུག་རིགས་དྲུག་སྒྲིབ་སྦྱོང་གི་གཟུངས་དང་།བདེ་བར་གཤེགས་པའི་ཐུགས་འཛབ་སྟོང་རྩ་གཅིག་པ་རྣམས་དར་དཀར་པོས་དྲིལ།གཞན་ཡང་སྐྱིལ་ཀྲུང་དང་བང་རིམ་དང་པོ་ནས་བཟུང་སྟེ་གཟུངས་རྣམས་ཀྱི་ཕྱི་རུ་མཐོ་བརྩེགས་སུ།སྦྱོང་རྒྱུད་དཀྱིལ་འཁོར་ལྔ་ལ་སོགས་པ་མདོ་འབུམ་རྒྱུད་གཟུངས་སྒྲུབ་ཐབས་མངོན་རྟོགས་དགོངས་འགྲེལ་ཏེ།མདོར་ན་བཟློག་བསད་མ་གཏོགས་པའི་བཀའ་རྟེན་གང་འཛོམས་རྣམས་ལ།སྨན་སྤོས་དྲི་བཟང་གི་ཕྱེ་མའི་འཕྲད་བསྩལ།བཀླག་པའི་ཚུལ་དུ་དབུ་ཤོག་ཡར་སློག་ལ་གོས་དར་སེར་པོའི་ན་བཟའ་གསོལ་ནས།ཡིག་མཐའ་ཕྱི་རུ་ཡོང་བར་བྱས་ཏེ་གཞུགགལ་སྲིད་སྦྱོང་རྒྱུད་དཀྱིལ་འཁོར་ལྔའི་གླེགས་བམ་མ་གྲུབ་ན།དབུས་སུ་གཡུང་དྲུང་ལྟུང་བཤགས་དང་།ཕྱོགས་བཞི་བཻཌཱུརྱ་འོད་དུ་གཟུངས་ལས་བྱུང་བའི་འགྲོ་དྲུག་སྒྲིབ་སྦྱོང་གི་གཟུངས་ཕྱོགས་བཞི་རེ་རེ་དར་དཀར་པོས་དྲིལ་ལ་གཞུགབང་རིམ་གཉིས་པར་དྲན་པ་ཉེ་བར་བཞག་པ་བཞི་དང་།གསུམ་པར་རྫུ་འཕྲུལ་རྐང་པ་བཞིར་བྱིན་གྱིས་བརླབས་པའི་སྙིང་པོ་དར་དཀར་པོས་དྲིལ་ལ་གཞུགགསང་གནས་དང་བང་རིམ་བཞི་པར་ལྷུན་གྲུབ་འཕྲིན་ལས་ཀྱི་སྙིང་པོ་དང་།ཤེས་བཅུར་བྱིན་གྱིས་བརླབས་པའི་སྙིང་པོ་དར་དཀར་པོས་དྲིལ།གཞན་ཡང་སྦྱོང་རྒྱུད་གླེགས་བམ་རྣམས་ཀྱི་ཕྱི་རིམ་དུ་ཁྲོ་བཞིའི་གཟུངས་གཞུག་དགོས་ཏེ།དེ་ཡང་རྗེ་ངར་གཡས་དང་བང་རིམ་ཤར་དུ་ཟོ་བོ་དབུ་དགུ།གཡོན་དང་བང་རིམ་བྱང་དུ་གཟེ་མ་དབུ་དགུ།ཕྱག་ངར་གཡོན་དང་བང་རིམ་ནུབ་ཏུ་རུ་ཅོ་དབུ་དགུ།གཡས་དང་བང་རིམ་ལྷོ་རུ་རོམ་པོ་དབུ་དགུ་དང་བཞིའི་གཟུངས་དང་བཀྲ་ཤིས་རྣམས་དར་ཕྱོགས་མདོག་གིས་དྲིལ།ལྟེ་བ་མགུལ་ཆུ་ལ་ལེགས་འབྱུང་ཡོན་ཏན་གྱི་སྙིང་པོ་དང་།ཏིང་འཛིན་ཡན་ལག་ཏུ་བྱིན་གྱིས་བརླབས་པའི་སྙིང་པོ་དང་།རྒྱུ་འབྲས་གཉིས་མེད་དུ་བྱིན་གྱིས་བརླབས་པའི་སྙིང་པོ་དང་།དཔལ་བཞི་ཡོན་ཏན་རྒྱ་མཚོའི་གཟུངས་རྣམས་དར་སེར་པོས་དྲིལ།དེའི་གཡས་གཡོན་དུ་སེང་གསས་རྣམ་གཉིས་ཀྱི་གཟུངས་དང་།དེའི་བཀྲ་ཤིས་བཅས་དར་སེར་པོས་དྲིལ་ལ་གཞུགསྐུ་བརྙན་ཡིན་ན་བརླ་གཉིས་ལ་བཞག་དགོས་སོ། །

ཐུགས་ཀའི་འོག་ཏུ། བུམ་གཤམ་ལ་དབུས་སུ་ཤེས་རབ་བློ་གྲོས་འཕེལ་བའི་གཟུངས་དར་སེར་པོས་དྲིལ།དེའི་ཤར་དུ་གཡུང་དྲུང་གཙང་མའི་གཟུངས་དང་།བྱང་དུ་འཆི་མེད་ཚེ་ཡི་གཟུངས་།ནུབ་ཏུ་མ་རྒྱུད་མཁའ་འགྲོའི་གཟུངས།ལྷོ་རུ་བདུད་རྩི་སྨན་གྱི་གཟུངས་དང་བཞིའི་ཕྱི་རུ།བཻཌཱུརྱ་གཟུངས་རྫོང་རྒྱས་པའི་ནང་གཟུངས་ལས་བྱུང་བའི་བསྲུངས་པའི་བསྙེན་པ་ཆ་བཞིར་བྲིས་པ་རེ་རེ་དྲིལ་ལ་དར་ཕྱོགས་མདོག་གི་ན་བཟའ་གསོལ།ཐུགས་ཁ་དང་བུམ་པའི་དཀྱིལ་དུ་འཁྲུལ་མེད་ཐུགས་ཀྱི་སྙིང་པོ་དང་།དབྱིངས་ཆེན་པོར་བྱིན་གྱིས་བརློབས་པའི་སྙིང་པོ་དང་།ཁྱད་པར་དུ་སྐུ་བརྙན་ལ་ལྷ་གང་བཞེངས་དེའི་སྒྲུབ་ཐབས་ཀྱི་བརྒྱུད་རིམ་རྒྱས་པ་དང་།དེའི་སྙིང་པོ་དང་།མཆོད་རྟེན་ལ་རང་གི་ལྷག་པའི་ལྷ་མཆོག་དེའི་སྒྲུབ་ཐབས་ཀྱི་བརྒྱུད་རིམ་རྒྱས་པར་སྤེལ་བ་དང་།དེའི་སྙིང་པོ་རྣམས་སྐབས་དང་སྦྱར་བ་དང་།གཞན་ཡང་རྣམ་པར་རྒྱལ་བ་རྩ་བའི་བསྙེན་འཛབ་གཟུངས་གསུམ་དང་མཐར་ཕྱིན་རྒྱུན་གྱི་གཟུངས་དང་།རྣམ་རྒྱལ་གཙོ་བོའི་བཀྲ་ཤིས་བཅས།དར་ལྷ་ཡི་སྐུ་མདོག་གམ་སྣ་ལྔས་དྲིལ།དེའི་ཤར་དུ་རྣམ་དག་འདུལ་ཁྲིམས་ཀྱི་བརྒྱུད་པ་རྒྱས་པར་སྤེལ་བ་དང་།ཐུགས་ཉིད་ཞི་བའི་གཟུངས།བྱང་དུ་རྒྱས་པ་འབུམ་ལྔའི་བརྒྱུད་པ་རྒྱས་པར་སྤེལ་བ་དང་།ངོ་མཚར་རྒྱས་པའི་གཟུངས།ནུབ་ཏུ་སྤྱི་སྤུངས་སྐོར་གསུམ་གྱི་བརྒྱུད་པ་རྒྱས་པ་དང་།བྱིན་བརླབས་དབང་གི་གཟུངས།ལྷོ་རུ་སྡེ་སྐོར་དོན་གསུམ་གྱི་བརྒྱུད་པ་རྒྱས་པ་སྤེལ་བ་དང་།མཐུ་སྟོབས་དྲག་པོའི་གཟུངས་རྣམས་དར་ཕྱོགས་མདོག་གིས་དྲིལ།སྐབས་འདིར་གསོན་གཤིན་གང་ལ་དམིགས་པའི་མིང་དང་།ཞི་རྒྱས་དབང་དྲག་གི་འདོད་གསོལ་སྨོན་ཚིག་དང་།གདུང་རྟེན་སོགས་ཀྱི་ཚ་ཚ་ཡོད་པ་རྣམས་བུམ་གཤམ་ཡན་དུ་འཇུག་པར་བྱའོ། །

ཐུགས་ཀའི་དང་གོང་དང་། བུམ་སྟོད་ལ་མཐོ་ཐོག་སྤྱི་རྒྱུག་མཛོད་ཀྱི་བརྒྱུད་པ་རྒྱས་པར་སྤེལ་བ་དང་། རྣམ་དག་མདོ་འབུམ་གྱི་གཟུངས་དང་། བདེར་བར་གཤེགས་པ་སྟོང་རྩ་བརྒྱད་ཀྱི་སྙིང་པོ་རྣམས་མན་ཙེས་དྲིལ། མགྲིན་པ་དང་བྲེ་ལ་འགག་མེད་གསུང་གི་སྙིང་པོ་དང་། གཤེན་རབ་ལམ་བཞིར་བྱིན་གྱིས་བརླབས་པའི་སྙིང་པོ་དང་། ཨ་ལི་ཀ་ལི་དང་། ཡི་གེ་སྒྲའི་གཟུངས་རྫོངས་རྒྱས་པའི་ནང་འཛབ་རིང་རྣམས་དར་དམར་པོས་དྲིལ། འབྲུག་གསས་རྣམ་གཉིས་ཀྱི་གཟུངས་དང་བཀྲ་ཤིས་ནི། སྐུ་བརྙན་གྱི་ཕྱག་དཔུང་གཉིས་ལ་འཇོག་ཅིང་། མཆོད་རྟེན་ལ་བྲེའི་གཡས་གཡོན་གཉིས་སུ་འཇོག་པར་མཁས་དབང་གོང་མ་རྣམས་ཀྱིས་གསུངས་སོ། །

མགུར་གྱི་སྟོད་དང་། སྲོག་ཤིང་ལ་ཐར་པའི་ལམ་བརྒྱད་དུ་བྱིན་གྱིས་བརླབས་པའི་སྙིང་པོ་དང་།བསྐལ་བཟང་གཟུངས་རྫོངས་རྒྱས་པའི་ནང་སངས་རྒྱས་སྟོང་གིས་གསུངས་པའི་ཡང་སྙིང་གི་འཛབ་དང་སྒྲིབ་སྦྱོང་།མངོན་སངས་རྒྱས་པའི་ཤམ་བསྒྱུར་རྣམས་དར་སེར་པོས་དྲིལ།ཤངས་ནས་ཞལ་གྱི་བར་སྟོབས་འཁོར་ལ།སྟོབས་བཅུ་གསུམ་དུ་བྱིན་གྱིས་བརླབས་པའི་སྙིང་པོ་དང་།བླ་མེད་རྫོགས་པ་ཆེན་པོའི་བརྒྱུད་པ་རྒྱས་པར་སྤེལ་བ་དང་།བླ་མ་རིག་འཛིན་འདུས་པའི་གཟུངས་རྣམས་དར་སེར་པོས་དྲིལ།དཔྲལ་བའི་དབྱིངས་རུམ་དང་།ཆར་ཁེབས་ཀྱི་སྟོད་དུ།འགྱུར་མེད་སྐུའི་སྙིང་པོ་དང་།ཐུགས་རྗེ་ཆེན་པོ་བཞིར་བྱིན་གྱིས་བརླབས་པའི་སྙིང་པོ་དང་།ཁྱུང་གསས་སངས་རྒྱས་རྒྱལ་པོའི་གཟུངས་དང་།དེའི་བཀྲ་ཤིས་རྣམས་དར་དཀར་པོས་དྲིལ།སྙན་ཤལ་གཉིས་དང་དར་དཔྱང་གཉིས་ལ།ཐོགས་པ་མེད་པའི་ཡེ་ཤེས་སུ་བྱིན་གྱིས་བརླབས་པའི་སྙིང་པོ་དང་།སྙན་དཀྱུས་གཡས་གཡོན་དང་།བྱ་རུ་གཡོན་ལ་ཐབས་དང་ཤེས་རབ་ཏུ་བྱིན་གྱིས་བརླབས་པའི་སྙིང་པོ་དང་།གཡས་ལ་ཐབས་མཆོག་སྲིད་པའི་སྙིང་པོ་དང་།གཡོན་ལ་ཤེས་རབ་གཤེན་གྱི་གཟུངས་རྣམས་དར་གཡས་དཀར་གཡོན་དམར་གྱིས་དྲིལ།གཙུག་གཏོར་ཏོག་ལ།བོན་གྱི་སྐུར་བྱིན་གྱིས་བརླབས་པའི་སྙིང་པོ་དང་།ཨུད་དུ་འབར་བ་ཏོག་གི་གཟུངས་དང་།འབྲས་བུ་བོན་ཉིད་དུ་བྱིན་གྱིས་བརླབས་པའི་སྙིང་པོ་དང་།བྱ་གྲི་ལ་དབྱིངས་ཡེ་ཤེས་རྩེར་ཆིབས་པའི་སྙིང་པོ་དང་།ཐེག་པ་ཆེན་པོ་ཡུམ་གྱི་སྙིང་པོ་དང་།ཤོང་ན་རྣམ་དག་པད་མ་ཡུམ་གྱི་སྙིང་པོའམ།དེ་མིན་དབྱིངས་ཀྱི་ཡུམ་ནི་ཡང་སྙིང་རྣམས་དར་དཀར་པོས་དྲིལ།དེ་ནི་གཟུངས་གཞུག་རྒྱས་པ་འབུལ་བའི་ཚུལ་བསྟན་པའོ།། །།

བཞི་པ་ལ་རྟེན་གསུམ་གཟུངས་གཞུག་གི་གནད་དོན་འཕྲོ་རྣམས་བཤད་པ་དང་། ཕྲན་ཚག་གི་གཟུངས་གཞུག་འབུལ་ཚུལ་མདོ་ཙམ་བསྟན་པའོ། །དང་པོ་ནི། དེ་ལྟར་གཟུངས་གཞུག་རྒྱས་འབྲིང་བསྡུས་གསུམ་ཀུན་ལ་སྤྱི་རྒྱུགས་འཛབ་ཆེན་བཅུ་གཉིས་ཀྱི་འབུལ་ཐབས། སྐུ་བརྙན་དང་མཆོད་རྟེན་གྱི་གཟུངས་གཞུག་གཞན་རྣམསདང་ལྷན་དུ་བཤད་མ་བདེ་བས་གཟུངས་གཞུག་བསྡུས་པའི་དབུ་རུ་བཀོད་ཡོད་པ་ལྟར། སྐུ་གསུང་ཐུགས་ཡོན་ཏན་འཕྲིན་ལས་ལྔའི་སྙིང་པོའི་ཕྱི་དང་། གཟུངས་གཞུག་གཞན་རྣམས་གྱི་མགོ་རུ་འཇོག་དགོས་པ་རིག་པས་དཔྱད་ལ་མ་ནོར་བར་བྱའོ། །

གཞན་གཟུངས་གཞུག་རྒྱས་འབྲིང་སྐབས་རྒྱན་བཅུ་གསུམ་མེད་པའི་སྐུ་བརྙན་ཡིན་ན། དབུ་ལ་སྐུ་གཟུགས་རབ་གནས་ཀྱི་གཟུངས་དང་། མགྲིན་པར་གསུང་རབ་འཛབ་རིང་། ཐུགས་ཁར་མཆོད་རྟེན་གྱི་གཟུངས་རྣམས་གཞུག་ཅིང་། རྫོགས་སྐུ་ཡིན་ན་སྐུ་གཟུགས་ཀྱི་གཟུངས་རྒྱན་སོ་སོར་ལ་འཇོག གཞན་གཉིས་གོང་དང་མཚུངས། མཆོད་རྟེན་ཆེན་པོ་ཡིན་ན། ཆར་ཁེབས་དང་སྟོབས་འཁོར་ལ་སྐུ་གཟུགས་ཀྱི་གཟུངས་དང་། བྲེ་ལ་ཡི་གེ་འཛབ་རིང་གོང་ལྟར་དང་། མཆོད་རྟེན་གྱི་སྙིང་པོ་རྣམས་གནས་སོ་སོར་འཇོག་པ་ནི་ལུང་དང་མཁས་གྲུབ་གོང་གི་ཕྱག་ལེན་གཉིས་ཀས་ཟིན་པའོ། །

དེ་ཡང་རྫོགས་པའི་སྐུ་ཞི་ཁྲོ་སྤྱི་ལ་རྒྱུགས་པའི་རྒྱན་གྱི་གཟུངས་སྐུ་གཟུགས་རབ་ཏུ་གནས་པའི་འཕྲིན་ལས་ནས་བྱུང་བ་ནི།དབུ་རྒྱན་ལ། ཨཱོྃ་པུ་ཏ་ར་མར་ལ་གུ་དུན་ཉི་རི་བྷ་ར་དྲང་འདུ།རྒྱབ་ཡོལ་ལ།ཨཱོྃ་མུན་ཏ་ར་ཕམ་ལིང་ཉི་རི་བྷ་ར་ཏྲང་འདུ།དབུ་གདུགས་ལ།ཨཱོྃ་པུ་ཧ་ར་དུ་ཕང་ཉི་རི་བྷ་ར་ཏྲང་འདུ།སྙན་ཆ་ལ།ཨཱོྃ་ར་ཙེ་ཙཀྲ་ཏིང་ཤོ་ཉི་རི་བྷ་ར་ཏྲང་འདུ།མགུལ་ཆུ་ལ།ཨཱོྃ་དྲི་ཁང་དྲུང་མུ་ཉི་རི་བྷ་ར་ཏྲང་འདུ།དོ་ཤལ་ལ།ཨཱོྃ་ཏིང་ཀ་མར་སང་སྣ་ཚིལ་ཉི་རི་བྷ་ར་ཏྲང་འདུ།དཔུང་རྒྱན་ལ།ཨཱོྃ་དུར་བེ་ཚང་སླ་རི་མ་ར་ཉི་རི་བྷ་ར་ཏྲང་འདུ།ཕྱག་གདུབ་ལ།ཨཱོྃ་ཁྲི་ཙ་ར་མར་ཏིང་དྲུང་མུ་ཨ་ཉི་རི་བྷ་ར་ཏྲང་འདུ།ཕྱག་མཚན་ལ།ཨཱོྃ་ཁྲི་ཙེ་ར་མོ་ལྗི་ཆིམ་བྲུམ་གྲ་གྷི་ཉི་རི་བྷ་ར་ཏྲང་འདུ།ཤམ་ཐབས་ལ།ཨཱོྃ་ཧྲིབ་ཏ་ལ་ཨཱེ་ཕེ་རལ་ཤིན་ཤོན་ནི་ཉི་རི་བྷ་ར་ཏྲང་འདུ།ཆུན་འཕྱང་ལ།ཨཱོྃ་སྐྱེལ་མིན་སད་མུར་ཏིང་ཤོན་མར་ཤོག་ནི་ཉི་རི་བྷ་ར་ཏྲང་འདུ།ཞབས་གདུབ་ལ།ཨཱོྃ་ཏ་ར་མི་ཏྲ་ཤི་ཤོན་ཉི་རི་བྷ་ར་ཏྲང་འདུ།གདན་ཁྲི་ལ།ཨཱོྃ་ཚར་ཚང་སང་ཁོད་དེ་ཤོ་ཧ་སྟི་ཀུ་ཧྲང་ནི་ཉི་རི་བྷ་ར་ཏྲང་འདུ། ཞེས་གཞུག་གོ།།

དབང་པོའི་སྒོ་སོ་སོར་གཞུག་པའི་གཟུངས་ནི། དབུ་སྐྲ་ལ། ཨཱོྃ་སད་དོ་ཀྲ་ཅོན་ཨུན་སིག་སྤུངས་སོ་ཐད་དོ་ས་ལེ་སང་ངེ་སྭཱཧཱ།སྤྱན་ལ། ཨཱོྃ་སད་དོ་ཡེ་མིག་མར་གྲ་གེན་ནེ་ས་ལེ་སང་ངེ་ཡེ་སྭཱཧཱ། སྙན་ལ། ཨཱོྃ་སད་དོ་ར་ཙེ་ཏིང་ཞི་ས་ལེ་སང་ངེ་ཡེ་སྭཱཧཱ།ཤངས་ལ། ཨཱོྃ་སད་དོ་བི་ལགྱུམ་ཧེ་ཟང་ས་ལེ་སང་ངེ་ཡེ་སྭཱཧཱ། ཚེམས་ལ། ཨཱོྃ་སད་དོ་ཨུན་སྒོས་མར་ཟངས་ཧོ་ས་ལེ་སང་ངེ་སྭཱཧཱ། ལྗགས་ལ། ཨཱོྃ་སད་དོ་ལེན་ལྐེ་ཤི་ཤོན་དར་རས་ཅི་ས་ལེ་སང་ངེ་སྭཱཧཱ། ཞེས་སོ་སོར་གཞུག་གོ། །སྐུ་བརྙན་ཤིན་ཏུ་ཆེ་བ་ལ་རྒྱན་བཅུ་གསུམ་དང་། དབང་པོ་སྒོ་གསལ་རྣམས་ཀྱི་སྔགས་རེ་རེ་ལ་ཚིག་རེས་བརྒྱན་ནས་འབུལ་དགོས་ཏེ། ཚིག་བཤད་ཟུར་དུ་བཀོད་པ་ལྟར་རོ། །

གཞན་ཡང་གཟུངས་གཞུག་རྒྱས་འབྲིང་གི་སྐབས་སུ། སྐུ་བརྙན་ཤིན་ཏུ་ཆེ་བ་ལ་བཟའ་དྲུག་གམ་ན་དྲུག་གི་རྒྱན་གྱིས་བརྒྱན་ཚེ་གཟུངས་གཞུག་རེ་རེ་བཞིན་སྲོག་ཤིང་ཆུང་ངུ་ལ། ཨ་ཨཱོྃ་ཧཱུྃ། གསུམ་ལ་རང་རང་གི་སྙིང་པོ་དྲིལ་ཏེ། དེ་སྟེང་བཟའ་དྲུག་གི་ཁྱུང་འབྲུག་སེང་གེ་རྣམས་ཐུགས་ཀྱི་ས་བོན་གྱི་གཤམ་དུ་རང་རང་གི་བསྙེན་འཛབ་གཟུངས་དང་། རྒྱན་དྲུག་ཁྲོས་པའི་དྲག་སྔགས་གཟུངས་དང་བཀྲ་ཤིས་རྣམས་དར་སེར་པོས་དྲིལ་ལ་གཞུག་པའོ། །

དེ་ལྟར་རྒྱན་དྲུག་སྤྲུལ་པའི་དྲག་གཟུངས་ནི། ཁྱུང་ལ།ཨཱ་མུ་ཁྱུང་པྲ་ཕུད་གྷ་རུ་ར།ཞུང་ནེ་ཞུང་ནེ།ཀ་ར་ཀ་ར།ཧབ་བྱ་ཧབ་བྱ།ཧེབ་བྱོ་ཧེབ་བྱོ།ཆུམ་ཡ་ཆུམ་ཡ།དྲག་ཐུར་ཤེ་ཐུན་ཧུར་ཐུམ།ཛ་ལེ་ཛ་ལེ་ཧཱུྃ་ཕཊ༔འབྲུག་གཉིས་ལ།ཨཱོྃ་མུ་ཡེ་གླང་ཆེན་ཨུན་འུར་ཡ།རི་དོ་རི་དོ།བི་ར་བི་ར།གྷུ་ར་གྷུ་ར།ཨུ་ཡོ་ཨུ་ཡོ།ཆོམ་ཏི་ཆོམ་ཏི།མུ་ཡེ་མུ་ནི་མུ་ཨུན།འུར་ཆུམ་འུར་ཆུམ་ཧཱུྃ་ཕཊ༔སེང་གེ་གཉིས་ལ།ཧཱུྃ་མུ་ནི་ཤེ་ཐུན་ཨོད་རྒྱུང་སྤུངས།རུ་ཏྲ་རུ་ཏྲ་།སྤུ་ཏ་སྤུ་ཏ།ཛྭོ་ལ་ཛྭོ་ལ།སྟམ་བྷ་སྟམ་བྷ།ཆོམ་ནི་ཆོམ་ནི།ཨ་གྱུ་དྲག་ཤན་རྦད་ཐུན།ལམ་ཤར་ལམ་ཤར་ཧཱུྃ་ཕཌ༔ཞེས་སོ།།གདུལ་བྱ་སྡེ་གསུམ་གྱི་ཆུ་སྲིན་གཉིས་ལ།ཨཱོྃ་ཏིང་རག་དུ་ཏྲི་ཝེར་རོ།ཨ་པར་ཤེ་ཐུན་ཛ་ཛ།སྩལ་སྩལ་ཧྲིང་ཧྲིང་།པུ་རད་ཁུ་ཡེ་རད་ན་བྲུྃ་འདུ།ཞེས་སོ།།གཡུ་འབྲུག་ཞལ་གྱི་ཀླུ་གཉིས་ལ།ཨཱོྃ་མུར་ཟང་མུ་ན་ཝེར་རོ།ཕུ་ཙེ་ཕུ་ཤད་ཏེ་ཙོ་ཀུ་རུ་འུབ་འུབ་འདུས་འདུས་བྲུྃ་བྲུྃ།ཞེས་དང་།སེང་གེའི་ཞལ་གྱི་བྲམ་ཟེ་གཉིས་ལ།ཨེ་ཡག་ཤ་པ་ཏྲ་ཝེར་རོ།ཙ་ར་ཙ་ར།ཙི་རི་ཙི་རི།ཙུ་རུ་ཙུ་རུ་པི་ཏི་པྲ་མོ་ཏི་ཙ་ཡེ་སྭཱཧཱ།ཞེས་རང་རང་གི་ཐུགས་ཁར་བཞག་གོ། །

དེ་ལྟར་རྒྱན་སོ་སོར་གཟུངས་གཞུག་འཇོག་ཚེ་སྐུ་བརྙན་གཙོ་བོའི་ཕྱག་ཞབས་ཀྱི་མཐིལ་བཞི་ལ། ཁྲོ་བཞིའི་དྲག་སྔགས་གཟུངས་ཆེན་གྱི་ལེའུ་དང་པོ་ནས་བྱུང་བ་ལྟར་གཞུག་དགོས་ཏེ།ཞབས་མཐིལ་གཡས་སུ་ཟོ་བོ་དབུ་དགུ་ཡི་དྲག་གཟུངས་ནི།བསྭོ་གར་ཤེལ་ཤམ་ལམ་ཁམ་རམ་ཧེ་སད།ཀྲ་རམ་ཀྲ་རམ་།ཀྲི་རམ་ཀྲི་རམ།ཀྲུ་རམ་ཀྲུ་རམ།ཀྲ་ཏྲ་ཀྲ་ཏྲ།ཀྲི་ཏྲི་ཀྲི་ཏྲི།ཀྲུ་ཏྲུ་ཀྲུ་ཏྲུ།ཀྲ་ཧྲ་ཀྲ་ཧྲ།ཀྲི་ཧྲི་ཀྲི་ཧྲི།ཀྲུ་ཧྲུ་ཀྲུ་ཧྲུ།ཉེ་ལོ་ཡོ་ནི།གྱེར་ཞི་ཏོ་ནོ།དྲུང་མུ་ལྭང་ངོ་།རག་ཤ་ཝེར་རོ།ཝེར་དྲི།སུ་ཏྲི་སུ་ཏྲི།ཀྲོ་ཏ་ཀྲོ་ཏ།དྷ་རུ་དྷ་རུ།བྷིན་དྷ་བྷིན་དྷ།ཧཾ་ཤམ་དུ་ན།ས་མ་ཡ།ཧྲི་ཧྲི་ཧྲིམ།ཏྲི་ཏྲི་དྲིག་དྲིགལཾ་ལཾ་ཧཱུྃ་ཧཱུྃ་ཕཌ་ཕཌ༔ཞབས་མཐིལ་གཡོན་དུ་གཟེ་མ་དབུ་དགུའི་དྲག་གཟུངས་ནི།བསྭོ་རྒྱུང་ཤེལ་དྲུང་དུམ་གྱེར་ཡང་ལི་སད།ཁྲ་རམ་ཁྲ་རམ།ཁྲི་རམ་ཁྲི་རམ།ཁྲུ་རམ་ཁྲུ་རམ།ཁྲ་ཏྲ་ཁྲ་ཏྲ།ཁྲི་ཏྲི་ཁྲི་ཏྲི།ཁྲུ་ཏྲུ་ཁྲུ་ཏྲུ།ཁྲ་ཧྲ་ཁྲ་ཧྲ།ཁྲི་ཧྲི་ཁྲི་ཧྲི།ཁྲུ་ཧྲུ་ཁྲུ་ཧྲུ།སྤུངས་སོ་ཤེལ་ནི།ཁ་རི་གླང་ངོ།ཀྱི་རི་སེག་རི།ཙ་ར་ཡགཤ་ཡགཤ་་པ་ཤང་པ་ཤང་།ཧ་རི་ཧ་རི།ཏི་ལི་ཏི་ལི།ཧབ་སོ་ཧབ་སོ།འབུ་ཏོ་ཐ་ཚན་མ་ར་ཡ།རྦད་རྦད་རི་རི།ཡཾ་ཡཾ་ཤག་ཤག་དུམ་དུམ་ཧཱུྃ་ཧཱུྃ་ཕཌ་ཕཌ༔ཕྱག་མཐིལ་གཡོན་དུ་རུ་ཅོ་དབུ་དགུའི་དྲག་གཟུངས་ནི།བསྭོ་ཐོ་ཤེལ་ཡ་ཧེ་ནུར་ལཾ་ཚངས་སད།ཏར་ར་ཏར་ར།ཏིར་རི་ཏིར་རི།ཏུར་རུ་ཏུར་རུ།ཏར་ཡ་ཏར་ཡ།ཏིར་ཡ་ཏིར་ཡ།ཏུར་ཡ་ཏུར་ཡ།ཏ་ཊ་ཏ་ཊ།ཏི་ཊི་ཏི་ཊི།ཏུ་ཊུ་ཏུ་ཊུ།ཧ་ལ་རམ་ནི་ཀུན་ཏི་འུས་སོ།ཚང་རཾ་ནེ་རི།ན་ཤ་མུར་ན་མུར་ཕེ།ཕུ་ལི་ཕུ་ལི།ཙ་ལི་ཙ་ལི།ཧེ་ཏ་ཧེ་ཏ།ཀཾ་ཀ་ཀཾ་ཀ།པྲ་ཤ་ཀ་རུ་དུཾ་པ་ལེ།ཤན་ཤན་ལི་ལི།རྃ་རྃ་དུམ་དུམ།སྤུ་སྤུ་ཧཱུྃ་ཧཱུྃ་ཕཌ་ཕཌ༔ཕྱག་མཐིལ་གཡས་སུ་རོམ་པོ་དབུ་དགུའི་དྲག་གཟུངས་ནི།བསྭོ་གྱེར་ཤེལ་ཁྲི་རམ་ཕེ་མ་ཧོ་སད།དར་ར་དར་ར།དིར་རི་དིར་རི།དུར་རུ་དུར་རུ།ད་ཧ་ད་ཧ།དི་ཧི་དི་ཧི།དུ་ཧུ་དུ་ཧུ།དར་ཛ་དར་ཛ།དིར་ཛ་དིར་ཛ།དུར་ཛུ་དུར་ཛུ།ཆ་ལ་འདར་ཤགཞུང་འུར་རྃ་མོ།པུ་རད་ཁཾ་བམ།ཨེ་ཤིན་ཡ་མ་ཡ་ནི།དུ་ཡ་དུ་ཡ།པ་ཙ་པ་ཙ།ཁོད་དོ་ཁོད་དོ།ཤེལ་ལོ་ཤེལ་ལོ།རགཤ་་ཧུར་ཐུམ་རི་ལི་ཡ།ཨེ་ཨེ་ཞི་ཞི་ཛ་ཛ་ཡ་ཡ།བྷྱོ་བྷྱོ་ཧཱུྃ་ཧཱུྃ་ཕཌ་ཕཌ༔ཞེས་གཞུག་གོ། །

དྲུག་གིས་བརྒྱན་ཚེ། གཟུངས་གཞུག་ལ།སྙིང་པོ་དང་གཟུངས་གཉིས་རེ་ཡོད་པའི་སྤྱི་རྒྱུག་གི་སྙིང་པོ་ནི།ཨཱོྃ་མུ་ཡེ་ཁྲི་ཏན་ཁྱུང་ཡེ་ལམ་སྤྲོས།པ་ཤང་ཁྲི་ཀར་ཤ་ར་ན་ཏྲ།སད་དོ་ཧ་སྟི་ས་མ་ཡ་བ་ཧོ།ཞེས་ཀུན་ལ་འགྲེས་ཤིང་གཟུངས་སོ་སོར་ཡོད་པ།གཡས་ཀྱི་གླང་ཆེན་ཁྱབ་པ་དབང་ཆེན་ཡིན་ཏེ།གཟུངས་ནི།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།སསྦ་ས་སྟི་སྐྱེ་སླས་ཝེར་རོ་གུ་ཡ་ཙི་ཏ་ས་མ་རད་ན་སི་ཏི་བྲུྃ་འདུ་སྭཱཧཱ།གཡོན་གྱི་གླང་ཆེན་ལྷ་མོ་བརྟན་མ་ཡིན་ཏེ།གཟུངས་ནི།ཨཱོྃ་ན་མ་བྷུད་དྷ་ས་མུན་ཏ་གྱེར་སྤུངས་སོ་ཧྲུན་ནོ།ལོ་ཀ་པ་ཏྲི་པ་དྲ་ནི།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡས་ཀྱི་ལྷ་སྲས་མ་ཧ་དེ་བ་ཡིན་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།སད་དོ་ན་མ་ཝེར་རོ་ཡེ།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡོན་གྱི་ལྷ་སྲས་དཔའ་འབར་ཆེན་པོ་ཡིན་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།མ་ཧ་སད་དོ།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡས་ཀྱི་ཤ་ར་ན་རླུང་ལྷ་རི་དྭགས་འཛིན་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།ན་ཡི་ར་ཛ་པ་དྲ་ནི།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡོན་གྱི་ཤ་ར་ན་མེ་ལྷ་དྲང་སྲོང་ཆེན་པོ་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།ཨ་ནེ་ར་ཛ་པ་དྲ་ནི།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡས་ཀྱི་མི་ཆུང་བསྐོས་རྗེ་དྲང་དཀར་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།ཨ་པ་མ་ར།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡོན་ཀྱི་མི་ཆུང་ཕྱྭ་རྗེ་རིང་དཀར་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།ཨ་ཏྲི་ཨུ་དྲ།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡས་ཀྱི་ཤང་ཤང་ཚང་པ་ཆེན་པོ་སྟེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།སད་ཝེར་ལོ་སྔ་ཝེར་རོ།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།གཡོན་གྱི་ཚང་པ་མི་མགོན་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།སད་ལ་ན་མ་ལྭི་ཅུ་ཡེ།འགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།དབུའི་ཁྱུང་ནི་སྲིད་རྗེ་འབྲང་དཀར་ཏེ།ཨཱོྃ་ན་མ་བྷུད་དྷ་ས་མུན་ཏ་སད་གྱེར་སྤུངས་སོ་ཧྲུན་ནོ།བ་རི་ཏ་ཀའགུ་ཡ་ཙིརྟ་ས་མ་ཡ་ཧཱུྃ་ཛ།རད་ན་སི་ཏི་བྲུྃ་འདུ་སྭཱཧཱ།ཞེས་ཐུགས་ཀྱི་སྙིང་པོའི་ཡི་ཤམ་དུ་དྲིལ་ལ་དར་སེར་པོའི་ན་བཟའ་གསོལ་ཏེ་རང་རང་གི་ཐུགས་ཁར་འཇུག་གོ། །

སྐུ་བརྙན་དྲག་པོའི་སྐུ་བརྒྱན་གྱི་གཟུངས་གཞུག་ནི། སྤྱི་སྤུངས་རབ་གནས་ཀྱི་རྩ་སྡོམ་ལས་གསུངས་པ་ལྟར་བྱ་སྟེ། ཁྲོ་བོའི་རྒྱན་དྲུག་ནི། ཐོད་སྐམ་རིན་ཆེན་དབུ་རྒྱན་ལ། བསྭོ་ཨཱོྃ་སད་དོ་ཨུ་སིད་ཅིང་ཏིང་ཤོ་ཉི་རི་བྷ་ར་དྲང་འདུ། ཞིང་ཆེན་བདུད་ཀྱི་གཡང་གཞི་ལ། བསྭོ་ཨཱོྃ་གེ་དུ་ཞི་ཞི་ཕམ་ལིང་ཉི་རི་བྷ་ར་ཏྲང་འདུ། སྐུ་སྨད་སྟག་གི་ཤམ་ཐབས་ལ། བསྭོ་ཨཱོྃ་མར་མར་ཤོག་ལ་ཧེ་ཕམ་རལ་ཉི་རི་བྷ་ར་ཏྲང་འདུ།

སྦྲུལ་གྱི་མགུལ་ཆུ་སྐེ་རགས་ལ། བསྭོ་ཨཱོྃ་མུར་པ་སྐེད་ཅོག་རལ་ཤེ་ཤི་ཤོན་ཉི་རི་བྷ་ར་ཏྲང་འདུ།ཐོད་རློན་དོ་ཤལ་ལ།བསྭོ་ཨཱོྃ་ནེ་པུ་ཧེ་ནེ་པུ་ཅིང་ཉི་རི་བྷ་ར་ཏྲང་འདུ།ཐལ་ཆེན་ཚོམ་བུ་ལ།བསྭོ་ཨཱོྃ་ཏིང་ཚོས་སགས་སེ་ཉི་རི་བྷ་ར་ཏྲང་འདུ།གླང་ཆེན་ཀོ་རློན་དང་ཁྲོ་མོའི་དར་དཀར་སྟོད་གཡོག་ལ།བསྭོ་ཨཱོྃ་རྐོ་རློང་ཤིམ་རེ་ཚར་གྱོན་ནི་ཉི་རི་བྷ་ར་ཏྲང་འདུ།རིན་ཆེན་རུས་པའི་རྒྱན་རྣམས་ལ།བསྭོ་ཨཱོྃ་དྲུང་མུ་ར་ནི་པད་མ་ཁིར་ཉི་རི་བྷ་ར་ཏྲང་འདུ།གཟའ་ཆེན་ཉི་ཟླའི་སྙན་ཆ་ལ།བསྭོ་ཨཱོྃ་ཉི་སླི་ཛེ་ལྭེག་དུ་མུན་ཉི་རི་བྷ་ར་ཏྲང་འདུ།ཕྱག་མཚན་གཡས་གཡོན་ལ།བསྭོ་ཨཱོྃ་ཝེར་ནེ་ཙཀྲ་ཤ་འབལ་ཉི་རི་བྷ་ར་ཏྲང་འདུ།བསྭོ་ཨཱོྃ་ཝེར་ཧྲིམ་མུར་ཞག་ཏལ་ཟང་སྣི་རྩེ་ཉི་རི་བྷ་ར་ཏྲང་འདུ།གཞན་ཡང་རྒྱབ་ཡོལ་མེ་རི་ལ།སྤྲུལ་པའི་འོད་ཟེར་མདུན་དུ་བྱིན་གྱིས་བརླབས་པ།བསྭོ་ཨཱོྃ་ཨ་ཧ་ར་མུ་ཡེ་ཨཱོྃ་ཨ་ཉི་རི་བྷ་ར་ཏྲང་འདུ།གདན་ཁྲི་ཉི་ཟླ་པད་མ་དང་།དུག་ལྔ་བདུད་རྩི་ལྔར་བྱིན་གྱིས་བརླབས་པ་ནི།ནེ་ར་མང་མང་ནི་ཧཱུྃ་འདུ།གྱ་ནོམ་ཨུ་དུག་ཧཱུྃ་འདུ།ཏིང་ཞུང་དྲུང་རྦད་ཧཱུྃ་འདུ། 

དེ་ནས་རྔམ་པའི་གར་དགུ་དང་ལྡན་པར་བྱིན་གྱིས་བརླབས་པ་ལ། ཞལ་གདངས་པར་བྱིན་གྱིས་རློབ་པ།བསྭོ་ཨཱོྃ་ཨེ་གྱད་མུ་ཡེ་ཉི་རི་བྷ་ར་ཏྲང་འདུ།ཚེམས་གཙིགས་པ་ལ།བསྭོ་ཨཱོྃ་ཨུན་རྒོད་མར་ཟངས་ཧྲོང་ཉི་རི་བྷ་ར་ཏྲང་འདུ།ལྗགས་འདྲེལ་བར།བསྭོ་ཨཱོྃ་ལེན་སྐྱེ་ད་ར་ཅི་ཉི་རི་བྷ་ར་ཏྲང་འདུ།སྙན་ཀྲོང་བར།བསྭོ་ཨཱོྃ་ར་ཙེ་སྡིང་ཧོ་ཉི་རི་བྷ་ར་ཏྲང་འདུ།ཤངས་གཉེར་བར།བསྭོ་ཨཱོྃ་ལགྱུམ་རི་ཧྲོ་ཟང་ནི་ཉི་རི་བྷ་རཏྲང་འདུ།སྤྱན་བཟློག་པར།བསྭོ་ཨཱོྃ་ཡེ་མིག་དམར་གྲ་ལེན་ཉི་རི་བྷ་ར་ཏྲང་འདུ།ཕྱག་གདེང་བར།བསྭོ་ཨཱོྃ་ཧྲུན་ཤེན་ཤེ་ཐུན་ར་ནི་ཉི་རི་བྷ་ར་ཏྲང་འདུ།དབུ་ཡིད་ཙམ་གཡོ་བར།བསྭོ་ཨཱོྃ་སད་ཨ་སྤུངས་སོ་ཐད་དོ་ཉི་རི་བྷ་ར་ཏྲང་འདུ།ཞབས་སྐྱང་བསྐུམ་དུ།བསྭོ་ཨཱོྃ་ཞོང་ངར་གཡས་སྟབ་རད་ན་ཁིར་ཉི་རི་བྷ་ར་དྲང་འདུ། ཞེས་སོ་སོར་མ་ནོར་བར་གཞུག་པར་གསུངས་པའི་ལུང་ཁུངས་ཐུབ་དེ་རྣམས་ཀྱི་རྗེས་སུ་འབྲིང་ན་ལེགས་པ།

གཞན་ཡང་ཡི་དམ་དྲག་པོའི་སྐུ་བརྙན་ཤིན་དུ་ཆེ་བ་ཡིན་ན། གཟུངས་གཞུག་རྒྱས་པ་ལྟར་ལ། ལྷག་པར་སྐུའི་གནས་སོ་སོར་གཟུངས་གཞུག་འབུལ་དགོས་ཏེ། དེ་ཡང་གསང་བ་སྔགས་ཀྱི་བོན་ཐམས་ཅད་མདོར་བསྡུས་ན། གསས་མཁར་གསང་བ་སྒོ་དགུ་ལ་མ་འདུས་པ་གཅིག་ཀྱང་མེད་ལ། དེ་དག་ཀུན་གྱི་གཙོ་བོ་རིན་ཆེན་སྤྱི་ལས་སྤུངས་པའི་གསས་མཁར་ཡིན་པ་མདོ་ལས་གསུངས་པ་དང་། གསང་སྔགས་གནད།