习近平复信巴西友好人士
شي جينپيڭ برازيلياداعى دوس قايراتكەرلەرگە جاۋاپ حات جازدى
شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى. جۋىقتا مەملەكەت ءتوراعاسى شي جينپيڭ برازيليانىڭ ءار سالاسىنداعى دوس قايراتكەرلەرگە جاۋاپ حات جازىپ، ولاردى جۇڭگو مەن برازيليانىڭ دوستىق ىستەرىنە ۇزدىكسىز كۇش قوسۋعا شابىتتاندىردى.
شي جينپيڭ بىلاي دەپ اتاپ كورسەتتى: جۇڭگو مەن برازيليا ەكى ەلدىڭ دوستىق ىستەرىنىڭ ۇرپاقتان - ۇرپاققا جالعاسىپ كەلە جاتقاندىعىن، ءىزباسارلارىنىڭ بار ەكەندىگىن كورىپ توتەنشە قۋاندىم. ديپلوماتيالىق قارىم - قاتىناس ورناتقان 50 جىلدان بەرى، جۇڭگو مەن برازيليا ەكى ەل قول ۇستاسا بىرگە ىلگەرىلەپ، بەينەت پەن زەينەتتى بىرگە وتكەرىپ، تاۋ - تەڭىزدەردەن اتتاعان جاقسى دوستارعا اينالدى. جۇڭگو جاق برازيليا جاقپەن بىرگە ەكى ەلدىڭ دوستىعىنىڭ داۋىرلىك ءمانىن ۇزدىكسىز بايىتىپ، جۇڭگو − برازيليا قارىم - قاتىناسىن وركەندەپ كەلە جاتقان ءىرى ەلدەردىڭ ىنتىماقتاسا سەلبەسۋىنىڭ، بىرگە دامۋىنىڭ، ءوزارا تيىمدىلىك جەتكىزىپ تەڭ يگىلىككە كەنەلۋىنىڭ ۇلگىسىنە اينالدىرىپ، ادامزاتتىڭ بەيبىتشىلىك جانە العا باسۋ ىستەرىنە اناعۇرلىم زور ۇلەس قوسۋدى قالايدى. برازيلياداعى دوستاردىڭ جۇڭگوعا كوبىرەك كەلىپ ارالاپ، كورىپ، جۇڭگو ۇلگىسىندەگى وسىزامانداندىرۋدىڭ سان الۋان بەينەسىن شىنايى سەزىنۋىن قارسى الامىز. ەكى ەلدىڭ ءار سالاسىنداعى قايراتكەرلەردىڭ جۇڭگو − برازيليا قارىم - قاتىناسىنىڭ ۇزدىكسىز دامۋىن ىلگەرىلەتۋدە بەلسەندى رول ساۋلەلەندىرىپ، جۇڭگو − برازيليا دوستىعىنىڭ چاڭجياڭ جانە امازونكا وزەنى سياقتى توقتاۋسىز جوڭكىلە اعۋىنا مۇمكىندىك جاساۋىن ءۇمىت ەتەمىز.
جۋىقتا برازيليانىڭ سان − پاۋلو شتاتى كامبيناس قالاسىنىڭ بۇرىنعى ورىنباسار باستىعى ىنريك تەيشەيرا، برازيليا − جۇڭگو دوستىق قوعامىنان، برازيليا سان − پاۋلو داشۋەسىنەن جانە سان − پاۋلو شتاتتىق داشۋەسىنىڭ وقىتۋشى - وقۋشىلارىنان، ريو كوپاكابانا قامال وركەسترى، ت . ب دان 100دەن استام برازيليالىق دوس قايراتكەر جەكە - جەكە ءتوراعا شي جينپيڭگە حات جولداپ، جۇڭگو ۇكىمەتىنىڭ، كاسىپورىندارىنىڭ جانە جوعارى مەكتەپتەرىنىڭ برازيليا مەن جۇڭگونىڭ دوستىق اۋىس - كۇيىسىنە جانە جەرگىلىكتى ورىننىڭ حالىق تۇرمىسىن جاقسارتۋىنا قوسقان ۇلەسىنە العىس ايتتى.
