གསར་འགོད་པས་ལྷ་ས་གྲོང་ཁྱེར་སྤྱི་བདེ་ཅུད་འགྲིམ་འགྲུལ་ཉེན་རྟོག་ཉིང་ལག་རུ་ཁག་ནས་ཤེས་རྟོགས་བྱུང་གཞིགས་ན། དམངས་ཕན་ཞབས་ཞུའི་ཆུ་ཚད་སྔར་བས་མཐོ་རུ་གཏང་ཆེད་དང་། སྤྱི་བདེ་འགྲིམ་འགྲུལ་དོ་དམ་ཕྱོགས་བསྡུས་བེད་སྤྱོད་སྟེགས་བུ་རྒྱལ་ཡོངས་ཀྱི་གཅིག་གྱུར་ཨང་རྟགས་འདེམས་པའི་མ་ལག་གི་སྒྲིག་སྲོལ་གཞིར་བཟུང་སྟེ། ལྷ་སའི་དངོས་ཡོད་ཀྱི་ཨང་རྟགས་འདེམས་གསེས་བྱེད་པའི་དགོས་མཁོ་དང་ཟུང་འབྲེལ་བྱས་ནས། ལྷ་ས་གྲོང་ཁྱེར་སྤྱི་བདེ་ཅུད་འགྲིམ་འགྲུལ་ཉེན་རྟོག་ཉིང་ལག་རུ་ཁག་རླངས་འཁོར་དོ་དམ་སོའོ་ཡིས་༢༠༢༤ལོའི་ཟླ་༡༡པའི་ཚེས་༢༡ཉིན་ནས་བཟུང་། སྤྱི་བདེ་འགྲིམ་འགྲུལ་དོ་དམ་ཕྱོགས་བསྡུས་བེད་སྤྱོད་སྟེགས་བུའི་མ་ལག་ཏུ་སྐྱེལ་འདྲེན་མིན་པའི་རླངས་འཁོར་ཆུང་གྲས་ཀྱི་ཨང་རྟགས་ཕྱིར་བཀྲམ་རྒྱུ་རེད་འདུག
གཅིག སྤྱི་བདེ་འགྲིམ་འགྲུལ་དོ་དམ་གྱི་ཕྱོགས་བསྡུས་བེད་སྤྱོད་སྟེགས་བུ༼སྤྱི་བདེ་དྲ་བ༽སྟེང་སྐྱེལ་འདྲེན་མིན་པའི་རླངས་འཁོར་ཆུང་གྲས་ཀྱི་ཨང་རྟགས་ཕྱིར་བཀྲམ་བྱེད་གྲབས་ཡོད་པའི་ཨང་རྟགས་གཤམ་གསལ།
བོད་A༠༠Q༠༠ནས་བོད་A༩༩Q༩༩བར་ཡིན།
རླངས་འཁོར་ཨང་རྟགས་འདེམས་སྟངས།
ཁ་ལོ་བ་རྣམས་ཀྱིས་ལྷ་ས་གྲོང་ཁྱེར་སྤྱི་བདེ་ཅུད་འགྲིམ་འགྲུལ་ཉེན་རྟོག་ཉིང་ལག་རུ་ཁག་འཁོར་རིགས་དོ་དམ་སོའོ་ཡི་ཨང་རྟགས་འདེམས་སའི་སྟེགས་བུ་དང་། རྫོང་རིམ་པའི་འཁོར་རིགས་དོ་དམ་སོའོ་ཡི་ཨང་རྟགས་འདེམས་ས། ཞབས་ཞུའི་ས་ཚིགས་ཁག་གི་ཨང་རྟགས་འདེམས་ས། རླངས་འཁོར་རྙིང་པ་ཉོ་ཚོང་བྱེད་སའི་ཨང་རྟགས་འདེམས་ས་བཅས་སུ་བསྐྱོད་ནས་སྐྱེལ་འདྲེན་མིན་པའི་རླངས་འཁོར་རིགས་ཀྱི་ཨང་རྟགས་གདམ་ཆོག་པ་དང་། ཨང་རྟགས་༥༠ནང་ནས་༡གདམ་ཆོག
གཙོ་སྒྲིག་པ། ཁྲི་གོང་ཨོ་རྒྱན་ཚེ་རིང་།
གཙོ་སྒྲིག་གཞོན་པ། ཕུན་རྡོར། བཟང་པོ།
རྩོམ་སྒྲིག་པ། བྱམས་པ། ནོར་བུ་དོན་གྲུབ། པ་སངས་སྐྱིད་པ།
主编 | 吾见才让
副主编 | 平多 桑布
编辑 | 先巴 罗布顿珠 巴桑吉巴
来源 | 西藏商报
译文 | 阳光西藏
