མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་གཅིག་སྡུད་ཐོག་བཅོས་སྒྲིག་བྱེད་པའི་ལས་དོན་གཏིང་ཟབ་སྤེལ་ཆེད། ལྷོ་ཁ་གྲོང་ཁྱེར་འཕྱོངས་རྒྱས་རྫོང་ཁྲོམ་ར་ལྟ་སྐུལ་དོ་དམ་ཚན་པས་དམངས་འཚོའི་ཁྱབ་ཁོངས་སུ་བློ་ཐག་ཆོད་པོའི་བྱ་སྤྱོད་སྤེལ་རྒྱུ་དམ་འཛིན་བྱ་གཞིར་བྱས་ནས། མི་དམངས་མང་ཚོགས་ཀྱི་ཚེ་སྲོག་དང་བདེ་ཐང་གི་བདེ་འཇགས་དང་འབྲེལ་བ་ཡོད་པའི་གཙོ་གནད་ཚོང་ཟོག་དང་། གཙོ་གནད་ཁྱབ་ཁོངས། གཙོ་གནད་ལས་རིགས་བཅས་ལ་དམིགས་ཏེ་ཁྲོམ་ར་ལྟ་སྐུལ་དོ་དམ་གྱི་ཕྱོགས་བསྡུས་ཁྲིམས་འཛིན་གྱི་ལེགས་ཆ་འདོན་སྤེལ་གང་ལེགས་ཀྱིས་དཔེ་མཚོན་གྱོད་དཔེ་གཅིག་སྡུད་ཐོག་ཞིབ་བཤེར་ཐག་གཅོད་བྱས་ནས། འཛད་སྤྱོད་པའི་ཁེ་དབང་སྲུང་སྐྱོང་ནུས་ལྡན་བྱས་པས་གྱོད་དཔེ་ཡོངས་བསྒྲགས་བྱ་རྒྱུ་གཤམ་གསལ།
འཕྱོངས་རྒྱས་རྫོང་ཁྲོམ་ར་ལྟ་སྐུལ་དོ་དམ་ཅུད་ཀྱིས་འཕྱོངས་རྒྱས་པའེ་ཧྲུན་སྔོ་ཚལ་དང་ཞོར་ཟས་ཕྱོགས་བསྡུས་སྡེབ་ཚོང་སྒོ་རྩིས་ཚོང་ཁང་གི་སྤུས་ཚད་འགན་ལེན་དུས་ཡུན་ལས་བརྒལ་བའི་བཟའ་བཅའ་དང་མཛེས་འཆོས་བྱུག་རྫས་ཀྱི་གྱོད་གཞི་ཞིབ་བཤེར་ཐག་གཅོད་བྱས་པ།
༢༠༢༤ལོའི་སྤྱི་ཟླ་༡༠ཚེས་༡༠ཉིན་ཁྲིམས་འཛིན་མི་སྣས་འཕྱོངས་རྒྱས་པའེ་ཧྲུན་སྔོ་ཚལ་དང་ཞོར་ཟས་ཕྱོགས་བསྡུས་སྡེབ་ཚོང་སྒོ་རྩིས་ཚོང་ཁང་ལ་ལྟ་སྐུལ་ཞིབ་བཤེར་བྱེད་སྐབས། སྒོ་རྩིས་ཚོང་ཁང་དེས་དུས་ཚོད་ཡོལ་བའི་བཟའ་བཅའ་དང་སྤྱོད་ཡུན་ལས་བརྒལ་བའི་བྱུག་རྫས་ཕྱིར་ཚོང་བྱེད་ཀྱི་ཡོད་པ་ཤེས་རྟོགས་བྱུང་བ་རེད། བརྟག་དཔྱད་བྱས་པ་བརྒྱུད། ཚོང་ཁང་ནས་ཁྱོན་དུས་ཚོད་ཡོལ་བའི་བཟའ་བཅའ་སྣ་ཁ་༡དང་། བྱུག་རྫས་སྣ་ཁ་༤ཡོད་པ་ཤེས་རྟོགས་བྱུང་བ་དང་རིན་ཐང་སྒོར་༣༣༧ཟིན་གྱི་ཡོད་པ་རེད། དོ་བདག་གིས་སྤུས་ཚད་འགན་ལེན་དུས་ཡུན་ལས་བརྒལ་བའི་བཟའ་ཆས་དང་མཛེས་འཆོས་བྱུག་རྫས་གཉེར་སྐྱོང་བྱས་པའི་བྱ་སྤྱོད་དེ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཟའ་བཅའི་བདེ་འཇགས་བཅའ་ཁྲིམས་ཀྱི་དོན་ཚན་སོ་བཞི་པ་དང་མཛེས་འཆོས་བྱུག་རྫས་ཀྱི་ལྟ་སྐུལ་དོ་དམ་སྲོལ་ཡིག་གི་དོན་ཚན་སོ་དགུ་པའི་གཏན་འབེབས་དང་འགལ་ཡོད། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཟའ་བཅའི་བདེ་འཇགས་བཅའ་ཁྲིམས་ཀྱི་དོན་ཚན་བརྒྱ་དང་ཉེར་བཞི་པར་གཞིགས་ན། འཕྱོངས་རྒྱས་རྫོང་ཁྲོམ་ར་ལྟ་སྐུལ་དོ་དམ་ཅུད་ཀྱིས་དོ་བདག་ལ་ཁྲིམས་འགལ་གྱི་བྱ་སྤྱོད་ཡོ་བསྲང་བྱ་དགོས་པའི་བཀའ་བཏང་བ་མ་ཟད། སྤུས་ཚད་འགན་ལེན་གྱི་དུས་ཚོད་ལས་བརྒལ་བའི་བཟའ་བཅའ་དང་བྱུག་རྫས་གཞུང་བཞེས་གཏོང་རྒྱུ་དང་ཁྲིམས་འགལ་གྱི་ཐོབ་ཆ་སྒོར་༣༣༧གཞུང་བཞེས་གཏོང་རྒྱུ་མ་ཟད། དངུལ་ཆད་སྒོར་༢༥༠༠སྲིད་འཛིན་གྱི་ཆད་པ་ཡང་བཅད་ཡོད་པ་རེད།
གཙོ་སྒྲིག་པ། ཁྲི་གོང་ཨོ་རྒྱན་ཚེ་རིང་།
གཙོ་སྒྲིག་གཞོན་པ། ཕུན་རྡོར། བཟང་པོ།
རྩོམ་སྒྲིག་པ། འཇིགས་མེད། དབང་མོ།
主编：吾见才让
副主编：平多 桑布
编辑：晋美 旺姆
来源：网信琼结
译文：阳光西藏
