وتباسى ايەلى اجىراسىپ 50 مىڭ يۋان تولەم اقى الدى![]()
تۇرمىسقا شىعىپ 10 نەشە جىلدان بەرى وتباسى ايەلى بولدى، ال اجىراسقان كەزدە ەرلى-زايىپتىلاردىڭ اتىندا مال-مۇلىك جوق بولسا، ايەل جاق ۇيدەن ءبىر تيىن الماي شىعىپ كەتە مە؟ جۋىقتا بيڭتۋان 4-شى قورعاس تىڭ يگەرۋ رايوندىق حالىق سوتى مەكەمەسى اجىراسۋ دەلوسىن قاراپ اياقتاتىپ، ەر جاق ايەل جاققا ءبىر جولدا 50 مىڭ يۋان ەكونوميكالىق تولەم بەرەدى دەپ ۇكىم شىعاردى.
2008-جىلى 9-ايدىڭ 24-كۇنى ما x ۋي مەن ما x حۇڭ ۇيلەنۋگە تىزىمدەلەدى. ۇيلەنگەننەن كەيىن ەكەۋى 2 قىز بالالى بولادى. 2008-جىلى 10-ايدان 2020-جىلى 9-ايعا دەيىنگى ارالىقتا ما x حۇڭ قىزمەتتەن بوساپ، ۇيدەگى قارتايعان اتا-ەنەسى مەن بالالارىنا قارايلاسۋ سىندى اۋىر مىندەتتى وتەي باستايدى. ![]()
2023-جىلى ەرلى-زايىپتى ەكەۋىنىڭ اراسىنداعى سۇيىسپەنشىلىك سەتىنەپ، ەكى جاق قورعاس تىڭ يگەرۋ رايوندىق حالىق سوتى مەكەمەسىنە بارىپ اجىراسۋ جونىندە ارىز بەرەدى، ارتىنان سۋديانىڭ جاراستىرۋى ارقىلى تاتۋلاسادى. بيىل 3-ايدا ما x حۇڭ حالىق سوتى مەكەمەسىنە بارىپ تاعى دا اجىراسۋ جونىندى ارىز بەرەدى، بالانى باعۋ، مال-مۇلىكتى ءبولۋ سياقتى تالاپ-تىلەكتەرىن ورتاعا قويۋدان سىرت، ما x ۋيدىڭ ءۇي شارۋالارى ءۇشىن وزىنە 200 مىڭ يۋان تولەم بەرۋىن تالاپ ەتەدى. وسى جولى سوت مەكەمەسى ما x حۇڭنىڭ اجىراسۋ تالابىن قولدايدى، الايدا ەرلى-زايىپتىلاردىڭ ورتاق مال-مۇلكىن بولەتىن كەزدە ما x ۋي ءوز اتىندا ءبولىپ بەرەتىندەي مال-مۇلىك جوقتىعىن ايتتى. سوت مەكەمەسى تەكسەرۋ ارقىلى ەكەۋىنىڭ اتىندا، شىنىندا، ەشقانداي مال-مۇلىك جوق ەكەنىن تۇراقتاندىرادى، ولاردىڭ تۇرعان ءۇيى، ما x ۋيدىڭ تيجارات ءۇشىن پايدالاناتىن اۆتوكولىگى تۇگەلدەي اكە-شەشەسىنىڭ اتىندا ەكەن، ءتىپتى، ەرلى-زايىپتى ەكەۋىنىڭ كۇندەلىكتى شىعىمدارى دا ەر جاقتىڭ اكە-شەشەسىنىڭ ”رۇقساتىمەن“ جۇمسالادى ەكەن. ![]()
ما x حۇڭنىڭ ۇيلەنگەننەن بەرى وسى ۇيگە بەرگەن بوداۋى مەن ما x ۋيدىڭ ەكونوميكالىق جاعدايىن ەسكەرە وتىرىپ، سوت مەكەمەسى زاڭ بويىنشا ەكى جاقتىڭ ءارقايسىسى ءبىر بالانى باعۋ ءارى ما x ۋي ما x حۇڭعا ءبىر جولدا 50 مىڭ يۋان ەكونوميكالىق تولەم بەرۋ جونىندە ۇكىم شىعاردى. قازىر بۇل ۇكىم كۇشكە يە. بۇل وسى سوت مەكەمەسىنىڭ تۇڭعىش رەت ۇكىم شىعارۋ فورماسى ارقىلى جىگىت جاقتان ايەل جاققا ءۇي شارۋاسى تولەمىن بەرۋدى تالاپ ەتۋى ەدى. اتقارۋشى سۋديا بىلاي دەدى: ۇيلەنگەن وتباسىندا ەرلى-زايىپتىلاردىڭ ءبىر جاعىنىڭ وتباسىنداعىلارعا قارايلاسۋ ءۇشىن ارناعان قىرۋار ۋاقىتى مەن زەيىن-زەردەسى ونىڭ وزىندىك دامۋ ورايىن شەكتەيدى ءارى قۇربان ەتەدى، ال بۇدان قارسى جاق يگىلىكتەنەدى. ۇقىق پەن بورىش تەڭ بولۋ پرينسيبىنە ساي، كوبىرەك بوداۋ بەرگەن جاق ەكونوميكالىق تولەم الۋ ۇقىعىنان يگىلىكتەنۋى كەرەك. ![]()
”الايدا مۇنداي تولەمدى ءۇي شارۋاسى ەڭبەگىنىڭ بازار قۇنى بويىنشا جاي عانا ەسەپتەۋگە بولمايدى، ەرلى-زايىپتىلاردىڭ ورتاق مال-مۇلكىن ءبولۋ نەگىزىندە، ءۇي شارۋالارى ءۇشىن ەڭبەك ەتكەن ۋاقىتى، ارناعان زەيىن-زەردەسى، وتباسى ەكونوميكاسى، جەرگىلىكتى ورىننىڭ تۇرمىس ورەسى سياقتى كوپ ءتۇرلى فاكتورلاردى جان-جاقتى ويلاستىرۋ كەرەك“،- دەدى اتقارۋشى سۋديا. «جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1088-تارماعىندا بىلاي دەلىنگەن: ەرلى-زايىپتىلاردىڭ ءبىر جاعىنىڭ بالانى باعىپ-قاعۋ، تاربيەلەۋ، قارتتارعا قارايلاسۋ، ەكىنشى جاقتىڭ قىزمەتىنە سەلبەسۋ قاتارلى بورىشتارى ءبىرشاما كوپ بولسا، اجىراسقان كەزدە ەكىنشى جاقتان تولىقتاپ تولەم بەرۋدى تالاپ ەتۋگە ۇقىقتى، ەكىنشى جاق تولىقتاپ تولەم بەرۋ كەرەك. ونىڭ ناقتىلى ٴادىسىن ەكى جاق كەلىسەدى؛ كەلىسىمگە كەلە الماسا، حالىق سوتى مەكەمەسى ۇكىم شىعارادى.![]()
![]()
来源：新疆法治报
翻译：唐努尔·赛力克
编辑：阿莱·赫亚克巴依
责编：库娜依·胡阿泰
监制：叶尔兰·努哈
![]()
新疆霍城县某超市为一根头发赔了800元
来了！2025年放假日历→
产前检查不算病假
母告子，要求变成姨妈
房屋被查封，离婚时不能分割
外卖骑手撞伤人平台不一定担责
债权人免除债务人债务担保人同样免责
![]()
