马兴瑞深入调研宗教工作时强调
坚持我国宗教中国化方向
推动新疆多种宗教和谐并存健康发展
ما شيڭرۇي ءدىن قىزمەتىنە ىشكەرىلەي تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، شينجياڭدا كوپ ءتۇرلى ءدىننىڭ جاراسىمدى قاتار ءومىر ءسۇرۋىن، اقاۋسىز دامۋىن ىلگەرىلەتۋ كەرەك
11 - ايدىڭ 13 - كۇنى اۆتونوميالى رايوندىق پارتكومنىڭ شۋجيى ما شيڭرۇي شينجياڭ ءىسلام ءدىنى شۋەيۋانى جانە قاتىستى ءدىني قيمىل ورىندارى سياقتى جەرلەردە تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينجياڭ ءىسلام ءدىنى شۋەيۋانىنا بارىپ، كلاسقا كىرىپ وقىتۋ جاعدايىن تەكسەرىپ كوردى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 - ايدىڭ 13 - كۇنى ءىسلام ءدىنى شۋەيۋانى جانە قاتىستى ءدىني قيمىل ورىندارى سياقتى جەرلەردى ىشكەرىلەي ارالاپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ءدىن قىزمەتىن ويداعىداي ىستەۋدىڭ شينجياڭ قىزمەتىن ىلگەرىلەتۋدەگى ماڭىزدىلىعىن جەتە تانىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىمەن تىعىز بايلانىستىرىپ، ”ءۇش قوسىندى“ كۇشەيتىپ قۇرۋعا كۇش سالىپ، ءدىن ىستەرىن باسقارۋدىڭ زاڭمەن باسقارىلۋ دەڭگەيىن جوعارىلاتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، كوپ ءتۇرلى ءدىننىڭ جاراسىمدى قاتار ءومىر ءسۇرۋىن، اقاۋسىز دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا بەلسەندى رولىن اناعۇرلىم ويداعىداي ساۋلەلەندىرۋ كەرەك.
ما شيڭرۇي شينجياڭ ءىسلام ءدىنى شۋەيۋانىنا بارىپ، دەنە تاربيە سارايى، وقۋشىلار جاتاعى، ناماز وقۋ زالى، وقىتۋ عيماراتى سياقتى جەرلەردى ءبىر - بىردەن تەكسەرىپ كورىپ، مەكتەپتىڭ قاتتى بولشەك قۇرىلعى قۇرىلىسىن جانە وقىتۋ جۇرگىزۋ قىزمەتىن ۇعىستى. ما شيڭرۇي مەكتەپتەگى وقىتۋشىلارمەن، باسقارۋ قىزمەتكەرلەرىمەن جان - جاقتى پىكىر اۋىستىردى ءارى كلاسقا كىرىپ وقىتۋ جاعدايىن تەكسەرىپ كوردى. ول بىلاي دەدى: جوعارى دەڭگەيدەگى وقىتۋشىلار قوسىنى بولماسا، جاڭا داۋىردەگى ءدىن قىزمەتى تالابىنا ۇيلەسەتىن ءدىن دارىندىلارىن تاربيەلەپ شىعۋعا بولمايدى. تاڭداۋلى، تىرەكتى وقىتۋشىلاردى باۋلۋدى جانە دايىنداۋدى شىنايى كۇشەيتىپ، ءىس جۇزىندىكپەن تىعىز بايلانىستىرا وتىرىپ وقىتۋ قىزمەتىن ساپالىلاندىرىپ، وقىتۋ ورەسىن جوعارىلاتىپ، وقۋشىلاردىڭ ءبىلىم دەڭگەيى مەن ءدىني ماعلۇماتىن وسىرۋگە كۇش سالىپ، شينجياڭعا ساياسي جاقتا سەنىمدى، ءدىني جاقتا بىلىكتى، مىنەز - قۇلىق جاعىندا جۇرتتى يلاندىرا الاتىن، شەشۋشى ساتتە رول اتقاراتىن ءدىن سالاسىنداعى ۋاكىلدىك قايراتكەرلەر قوسىنىن باۋلۋ كەرەك.
چيڭ داۋىرىندە سالىنعان ءۇرىمجى شانشي ۇلكەن مەشىتىندە ءداستۇرلى جۇڭگوشا قۇرىلىس ستيلى قولدانىلعان، قويۋ جۇڭگو ەرەكشەلىگى ايگىلەنگەن، ءىسلام ءدىنىن جۇڭگوشالاندىرۋدىڭ ايعاعى سانالادى. ما شيڭرۇي قاتىستى كورمەنى تەكسەرىپ كورىپ، قىزمەت تانىستىرۋىن تىڭداپ، بۇقارانىڭ ءدىني قيمىل ورىستەتۋ جاعدايىن ۇعىستى.
ول بىلاي دەپ باسا دارىپتەدى: شينجياڭدا ءىسلام ءدىنىن جۇڭگوشالاندىرۋ بەتالىسىنا اۋىتقىماي تاباندى بولىپ، شانشي ۇلكەن مەشىتىن جۇڭحۋا ۇلتى ورتاق تۇلعا تانىمىن بەكەمدەۋدىڭ، ۇلتتاردىڭ ارالاسۋىن، ىشتەسۋىن، توعىسۋىن جەبەۋدىڭ ماڭىزدى دانەكەرى ەتىپ، ەلىمىزدە ءدىندى جۇڭگوشالاندىرۋدى ىلگەرىلەتۋدىڭ تاريحي سوزسىزدىگى مەن رەال قاجەتتىلىگىن ىشكەرىلەي ويداعىداي بايانداپ جانە ءتۇسىندىرىپ، دىنگە سەنەتىن بۇقارانى ۇيىستىرۋ، ۇلتتار ىنتىماعىن جەبەۋ سياقتى جاقتاردا اناعۇرلىم زور رول اتقارۋ كەرەك.
ءۇرىمجىنىڭ شيشانىنداعى لاۋجۇنمياۋ −− داۋجياۋ عيباداتحاناسىنىڭ ەسكى جۇرتى. ما شيڭرۇي وسى اراعا كەلىپ، داۋجياۋ ءدىنىنىڭ شينجياڭداعى تاريحي جالعاستىرىلۋ جاعدايىن ىشكەرىلەي ۇعىسىپ، قاتىستى جاۋاپتىلاردان باسقارۋ جاعدايىن سۇرادى. ول بىلاي دەپ باسا دارىپتەدى: وسى تاريحي مادەنيەت بايلىعىن ويداعىداي قورعاپ، ويداعىداي باسقارىپ، ويداعىداي پايدالانىپ، اناعۇرلىم باياندى دامۋ ۇلگىسىن قالىپتاستىرۋ جونىندە ىزدەنىس جاساۋ كەرەك. ونىڭ مادەنيەت ءمانىن تەرەڭ اشىپ، جۇڭحۋانىڭ تاڭداۋلى ءداستۇرلى مادەنيەتىمەن جۇرت جۇرەگىن نارلەندىرۋگە باسا ءمان بەرىپ، مادەنيەت پەن ساياحاتتىڭ تەرەڭ توعىسا دامۋىن جەبەۋ كەرەك.
ما شيڭرۇي تاعى ۇرىمجىدەگى چيڭچۋان چانسى بۇتحاناسىنا بارىپ، بۇتحانانى باسقارۋ جانە بۇقارانىڭ ءدىني قيمىل ورىستەتۋ جاعدايىن ۇعىستى. ول بىلاي دەپ باسا دارىپتەدى: بۇددا ءدىنىنىڭ اقاۋسىز دامۋىن جەبەۋ بارىسىندا جۇڭحۋا ۇلتى ورتاق تۇلعا تانىمىن بەكەمدەۋدى دارىپتەۋگە، ۇلتتاردىڭ ۇلى ىنتىماعىن دارىپتەۋگە، جۇڭحۋا مادەنيەتىن جالعاستىرۋدى، اسقاقتاتۋدى دارىپتەۋگە اناعۇرلىم باسا ءمان بەرىپ، ءدىننىڭ قوعامعا اناعۇرلىم ويداعىداي ۇيلەسۋىن، قوعامعا قىزمەت وتەۋىن، قوعامدىق جاۋاپكەرشىلىگىن وتەۋىن جەبەۋ كەرەك.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: ءدىن قىزمەتىن ويداعىداي ىستەۋدى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىردىڭ ماڭىزدى مازمۇنى ەتۋگە تاباندى بولىپ، جاڭا جورىقتا شينجياڭدا دىندەردىڭ اقاۋسىز دامۋىن ىلگەرىلەتۋدەگى بورىش - مىندەتتەردى دالمە - ءدال يگەرىپ، ءتۇرلى ءتۇيىندى قىزمەتتەردى تىڭعىلىقتى ويداعىداي ىستەپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا تاربيەلەۋ، جەتەكتەۋ كەرەك. شينجياڭنىڭ ەجەلدەن كوپ ءتۇرلى ءدىن قاتار ءومىر سۇرگەن ءوڭىر ەكەندىگىنىڭ تاريحي فاكتى جانە مادەنيەت مۇرالارى سياقتىلاردى تەرەڭ اشىپ، ۇگىتتەۋ، بايانداۋ جانە ءتۇسىندىرۋ قىزمەتىن ويداعىداي ىستەپ، ءبىر ءدىن نەمەسە ەكى ءدىن نەگىزگى ورىندا تۇرۋ، كوپ ءتۇرلى ءدىن قاتار ءومىر ءسۇرۋ −− شينجياڭنىڭ ءدىن جاعدايىنىڭ تاريحي ەرەكشەلىگى، توعىسىپ بىرگە ءومىر ءسۇرۋ −− شينجياڭداعى دىندەر قاتىناسىنىڭ نەگىزگى اعىمى ەكەندىگى سياقتى ماڭىزدى ماسەلەلەردى ايقىن بايانداپ، ءار ۇلت بۇقاراسىن تاريحي مادەنيەت تانىمىن ۇزدىكسىز دۇرىستاۋعا جەتەكتەۋ كەرەك. ءدىن قىزمەتىن زاڭمەن باسقارۋ قۇرىلىسىن جاپپاي ىلگەرىلەتىپ، شينجياڭدا ءدىن ىستەرىن باسقارۋدىڭ زاڭمەن باسقارىلۋ دەڭگەيىن جوعارىلاتۋ كەرەك. زاڭمەن باسقارۋ ارناسىندا ءدىن قىزمەتىن ويداعىداي ىستەۋگە تاباندى بولىپ، ”مەملەكەت تانىمى، ازاماتتىق تانىم، زاڭمەن باسقارۋ تانىمى“ ۇگىت تاربيەسىن ىشكەرىلەي ورىستەتىپ، ءدىن ىستەرىن باسقارۋدى، اسىرەسە، ءدىني قيمىل ورىندارىن باسقارۋدى زاڭ بويىنشا كۇشەيتىپ، ءدىن سالاسىنىڭ ەرەجەگە قۇرمەت ەتىپ، زاڭعا بويسۇنۋىنا، ءدىندى جاپپاي قاتاڭ باسقارۋىنا قولداۋ كورسەتىپ، جەتەكشىلىك ەتىپ، ەلىمىزدە ءدىندى جۇڭگوشالاندىرۋدى بۇلجىماي ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، دىنگە سەنەتىن قالىڭ بۇقارانى پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋ كەرەك. پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ءدىني قاجەتىن قامتاماسىز ەتىپ، دىنگە سەنەتىن بۇقاراعا يدەيالىق - ساياسي جاقتان جەتەكشىلىك ەتۋ جانە ولاردى تاربيەلەۋ، جەتەكتەۋ قىزمەتىن بايىپتى، تىڭعىلىقتى تۇردە ويداعىداي ىستەپ، ءدىن سالاسىنداعى قايراتكەرلەردىڭ جانە دىنگە سەنەتىن بۇقارانىڭ ”بەستى شىنايى مويىنداۋىن“ ۇزدىكسىز كۇشەيتىپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەكەمدەۋ كەرەك. شينجياڭنىڭ ءدىن قىزمەتى جاعدايىنا، مىندەتىنە ۇيلەسەتىن پارتيا، ۇكىمەت كادرلارى قوسىنىن، ءدىن سالاسىنداعى ۋاكىلدىك قايراتكەرلەر قوسىنىن، ءدىن ءىلىمى زەرتتەۋ قوسىنىن باۋلۋدى اناعۇرلىم ماڭىزدى ورىنعا قويۋ كەرەك. ءدىن قىزمەتى ءتۇزىلىس - مەحانيزمىن ءۇرتىس اقاۋسىزداندىرىپ، جاۋاپتى تاراۋلار مەن باسشى كادرلاردىڭ ”جەتەكشىلىك ەتۋ“ قابىلەتىن ۇزدىكسىز جوعارىلاتىپ، جوعارى دەڭگەيدەگى ءدىني وقىتۋشى - قىزمەتكەرلەردى تاربيەلەۋدى، باۋلۋدى كۇشەيتىپ، ماركسيزمدىك ءدىن ءىلىمى ءپان قۇرىلىسىن كۇشەيتىپ، شينجياڭنىڭ ءدىن قىزمەتى تۇتاس تۇلعالىق دەڭگەيىنىڭ ۇزدىكسىز جوعارىلاۋىن ىلگەرىلەتۋ كەرەك.
ەلزات احمەتجان، قادەن كابەن، ابدۇرىقىپ ءتومۇرنياز تەكسەرۋ - زەرتتەۋگە قاتىناستى.
来源：新疆日报
编辑：热依扎·卡玛力别克
监制：叶尔兰·努哈
