2023-جىلى 9-ايدىڭ 26-كۇنى 15 جاستاعى شياۋ-ي (وزگەرتىلگەن ەسىم) ەلەكتروندى ويىن ويناۋ ءۇشىن ۇيىندەگى ناق اقشانى ۇرلاپ الىپ شىعىپ، بەلگىلى قول تەلەفون تيجارات دۇكەنىنەن قۇنى 1999 يۋان كەلەتىن ءبىر قول تەلەفون ساتىپ الادى. مۇنى شياۋ-يدىڭ اكەسى بايقاپ قالىپ قول تەلەفوندى الىپ الادى.
سول جىلى 10-ايدىڭ 2-كۇنى شياۋ-ي كونە سۇردەككە قايتا باسىپ، وسى قول تەلەفون تيجارات دۇكەنىنەن تاعى دا ۇقساس ماركاداعى، تيپتەگى قول تەلەفون ساتىپ الادى، ءبىراق اكەسى تاعى دا بايقاپ قالىپ، ونى دا الىپ الادى.
شياۋ-يدىڭ اكەسى 12315 تۇتىنۋشىلار ارىز-شاعىم جانە كەڭەس بەرۋ قىزمەت وتەۋ تۇعىرىنا وسى قول تەلەفون تيجارات دۇكەنىنىڭ ۇستىنەن ارىز بەرەدى. تۇعىرداعى قىزمەتكەرلەردىڭ جاراستىرۋىنان ناتيجە شىقپاعان سوڭ، بيىل 3 ـ ايدىڭ 7 ـ كۇنى شياۋ-يدىڭ اكەسى قارامايلى قالاسى قارامايلى رايوندىق حالىق سوتى مەكەمەسىنە قول تەلەفون تيجارات دۇكەنىنىڭ ۇستىنەن ارىز بەرىپ، زاتتى قايتارىپ اقشانى قايتارىپ بەرۋىن تالاپ ەتەدى.
سوت مەكەمەسى تەكسەرۋ ارقىلى بىلاي دەپ قارايدى: شياۋ-يدىڭ 3998 يۋان قارجى جۇمساپ 2 قول تەلەفون ساتىپ الۋ ارەكەتى ونىڭ تانىم قابىلەتىنەن اسىپ كەتكەن بولىپ، جاسىنا جانە اقىل-ويىنا لايىق كەلمەيدى، ونىڭ ۇستىنە شياۋ-يدىڭ اكەسى قول تەلەفون ساۋدالاسۋ ارەكەتىن مويىنداۋدان اشىق باس تارتقان، سوندىقتان قول تەلەفون ساتۋ ارەكەتى كۇشكە يە بولمايدى.
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» قاتىستى بەلگىلەمەلەرىنە ساي، ازاماتتىق ىستەر زاڭدىق ارەكەتى كۇشكە يە بولماعاننان، كۇشىنەن قالدىرىلعاننان نەمەسە كۇشكە يە بولمايتىنى انىق بولعاننان كەيىن، ارەكەت وتكىزۋشى سول ارەكەتكە بايلانىستى يە بولعان مال-مۇلىكتى قايتارىپ بەرۋى كەرەك؛ قايتارىپ بەرۋى مۇمكىن بولماسا نەمەسە قايتارىپ بەرۋى قاجەتسىز بولسا، باعاعا سىندىرىپ تولەۋى كەرەك. قاتەلىك جىبەرگەن جاق قارسى جاققا سول قاتەلىكتەن تۋعان زياندى تولەۋى كەرەك؛ تاراپتاردىڭ ءبارى قاتەلىك جىبەرسە، اركىم ءوزى ارقالاۋعا ءتيىستى جاۋاپكەرشىلىكتى ارقالاۋى كەرەك.
بۇل دەلودا شياۋ-يدىڭ اكەسى ازامات جاسىنا تولماعان ۇلىن باقىلاپ-باسقارۋ ىسىنە نەمقۇرايدى قاراپ كوڭىل بولمەگەن. ال قول تەلەفون تيجارات دۇكەنى قول تەلەفون ساتۋ بارىسىندا نەگىزگى كوڭىل ءبولۋ بورىشىن وتەمەگەن. سوندىقتان ەكى جاقتا دا اعاتتىق ساقتالعان. سوڭىندا سوت مەكەمەسى: ەكى جاقتىڭ قول تەلەفون ساۋدا ارەكەتى كۇشكە يە ەمەس، شياۋ-ي قول تەلەفوندى قايتارىپ بەرەدى، ال قول تەلەفون تيجارات دۇكەنى قول تەلەفون ساتىپ العان 3100 يۋان اقشانى قايتارىپ بەرەدى،-دەپ ۇكىم شىعاردى . اكەسى بۇل ۇكىمگە مويىنسال بولماي، قارامايلى قالالىق ورتا دارەجەلى حالىق سوتى مەكەمەسىنە ارىز بەرەدى. 8-ايدىڭ 8-كۇنى قارامايلى قالالىق ورتا دارەجەلى حالىق سوتى مەكەمەسى ارىزدى تويتارىپ، بۇرىنعى ۇكىمدى ساقتادى.
来源：新疆法治报
翻译：唐努尔·赛力克
编辑：阿莱·赫亚克巴依
责编：库娜依·胡阿泰
监制：叶尔兰·努哈
