十届自治区党委第五轮巡视完成反馈
اۆتونوميالى رايوندىق 10 - كەزەكتى پارتكومنىڭ 5 - رەتكى شارلاۋى بويىنشا اڭىس ەتۋ اياقتادى
ءوز حابارىمىز. اۆتونوميالى رايوندىق پارتكومنىڭ ورنالاستىرۋى بويىنشا، اۆتونوميالى رايوندىق 10 - كەزەكتى پارتكومنىڭ 5 - رەتكى شارلاۋى بويىنشا اڭىس ەتۋ قىزمەتى تاياۋدا تۇگەلدەي اياقتادى. وسى رەتكى شارلاۋ بويىنشا اڭىس ەتۋ شوعىرلى اڭىس ەتۋ مەن شارلاۋ گرۋپپاسىنىڭ ”ءبىردىڭ بىرگە“ اڭىس ەتۋىن ءوزارا ۇشتاستىرۋ تاسىلىمەن جۇرگىزىلدى.
11 - ايدىڭ 2 - كۇنى اۆتونوميالى رايوندىق پارتكوم اۆتونوميالى رايوندىق 10 - كەزەكتى پارتكومنىڭ 5 - رەتكى شارلاۋى بويىنشا شوعىرلى اڭىس ەتۋ ءماجىلىسىن اشتى. ءماجىلىس شارلاۋدا بايقالعان كورنەكتى ماسەلەلەردى حابارلاپ، شارلاۋ بويىنشا رەتتەۋ - تۇزەتۋدى ويداعىداي ىستەۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى.
تاياۋدا اۆتونوميالى رايوندىق پارتكومنىڭ 14 شارلاۋ گرۋپپاسى وسى رەت داعدىلى شارلاۋ جۇرگىزىلگەن اۆتونوميالى رايونعا توتە قاراستى 23 تاراۋعا، ورىنعا، شارلاۋ بويىنشا ”قايىرىلا قاراۋ“ جۇرگىزىلگەن 8 جەرگىلىكتى ورىنعا (مەكەمەگە) ”بىرگە ءبىر“ بويىنشا اڭىس ەتتى. اۆتونوميالى رايوندىق پارتكوم مەن ۇكىمەتتەگى قاتىستى باسشى جولداستار جاۋاپتى (بايلانىس جاسايتىن) تاراۋلاردىڭ، ورىنداردىڭ جانە اۋدانداردىڭ، قالالاردىڭ جاعدايدى اڭىس ەتۋ ماجىلىسىنە قاتىناستى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ مۇشەلەرى اڭىس ەتۋ ماجىلىسىنە قاتىناستى. ءماجىلىس باس شۋجي شي جينپيڭنىڭ 20 - كەزەكتى ورتالىق كوميتەتتىڭ 3 - رەتكى شارلاۋ جاعدايى جونىندەگى مالىمەتىن تىڭداعاندا سويلەگەن ماڭىزدى ءسوزىنىڭ رۋحىن جانە لي شي جولداستىڭ 20 - كەزەكتى ورتالىق كوميتەتتىڭ 4 - رەتكى شارلاۋ قىزمەتى جونىنەن اتتانىسقا كەلتىرۋ، ورنالاستىرۋ ماجىلىسىندە سويلەگەن ءسوزىنىڭ رۋحىن جەتكىزىپ، ۇيرەنىپ، شارلانعان پارتيا ۇيىمدارىنداعى نەگىزگى جاۋاپتى جولداستاردى شارلاۋدا بايقالعان كورنەكتى ماسەلەلەردەن حابارلاندىردى ءارى باسشىلىق القالارىنا شارلاۋ جاعدايىن اڭىس ەتتى.
اڭىس ەتۋدە مىنالار اتاپ كورسەتىلدى: الدىڭعى رەت شارلاۋ جۇرگىزىلگەننەن بەرى، شارلاۋ جۇرگىزىلگەن پارتيا ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ، سونداي - اق 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ۇيرەنىپ، دايەكتىلەندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋگە شوعىرلاندىرىپ، رەفورمانى، دامۋدى، ورنىقتىلىقتى ءبىر تۇتاس جوسپارلاپ ىلگەرىلەتىپ، ءتۇرلى قىزمەتتەردە تىڭ ناتيجەلەرگە قول جەتكىزدى.
اڭىس ەتۋدە شارلاۋ جۇرگىزىلگەن پارتيا ۇيىمدارىندا ورىن تەپكەن ماسەلەلەر قاتاڭ اتاپ كورسەتىلدى. مۇندا كەيبىرەۋىنىڭ نازاريامەن قارۋلانۋدى كۇشەيتۋى تىم جۇيەلى، تەرەڭ بولماعان، ساياسي ورگان قۇرىلىسىندا ولقىلىق بار، ورنىقتىلىقتى قورعاۋدى زاڭمەن باسقارۋ وي جەلىسىن جانە زاڭمەن باسقارۋ ءتاسىلىن قولدانىپ ۇدايىلاندىرۋى جەتەرسىز، جوعارى دەڭگەيدەگى حاۋىپسىزدىك ارقىلى ەكونوميكانىڭ، قوعامنىڭ جوعارى ساپالى دامۋىن قورعاۋى، حاۋىپ - قاتەرلەردەن ساقتانۋى جانە ونى جويۋى جەتكىلىكتى بولماعان؛ كەيبىرەۋىنىڭ رەفورمانى جۇيەلى جوسپارلاپ ىلگەرىلەتۋى جەتەرلىكتەي تىڭعىلىقتى بولماعان، ءتۇيىندى مىندەتتەردىڭ تياناقتانۋىن ىلگەرىلەتۋدە پارىق بار؛ كەيبىرەۋىنىڭ يدەولوگيا قىزمەت جاۋاپكەرشىلىگى ءتۇزىمىن تياناقتاندىرۋى جەتەرلىكتەي تىڭعىلىقتى بولماعان، جۇڭحۋا ۇلتى ورتاق تۇلعا تانىمىن بەكەمدەۋدى ناقتى، جاندى، ءونىمدى ىلگەرىلەتۋى، شينجياڭدى مادەنيەتپەن نارلەندىرۋ قىزمەتىن ءبىر تۇتاس جوسپارلاپ ىلگەرىلەتۋى جەتەرلىكتەي پارمەندى بولماعان؛ كەيبىرەۋىنىڭ پارتيانى جاپپاي قاتاڭ باسقارۋداعى ”ەكى جاۋاپكەرشىلىكتى“ اتقارۋىندا پارىق بار، ءتۇيىندى سالالاردى جانە شەشۋشى جۇمىس ورىندارىن باقىلاۋ - باسقارۋىندا ءالسىز تۇستار بار، ”ءتورت ءتۇرلى بۇرىس ستيل“ سىندى قاساڭ دەرتتى ۇزدىكسىز تۇزەتۋ - جونگە سالۋى، بۇقارانىڭ جانىنداعى بۇرىس ستيلدەردىڭ جانە شىرىكتەسۋ ماسەلەلەرىنىڭ شوعىرلى جونگە سالىنۋىن ىلگەرىلەتۋى جەتەرلىكتەي پارمەندى بولماعان؛ كەيبىرەۋىنىڭ جاڭا داۋىردەگى ۇيىمدىق لۋشياندى تياناقتاندىرۋى جەتەرلىكتەي تىڭعىلىقتى بولماعان، باسشىلىق القاسى جانە كادر - دارىندىلار قوسىنى قۇرىلىسى كۇشەيتۋگە مۇقتاج، ورگان جانە نەگىزگى ساتى پارتيا قۇرىلىسىندا ءالسىز بۋىندار بار؛ كەيبىرەۋىنىڭ شارلاۋ، قازىنالىق باقىلاۋ سياقتى باقىلاۋدا بايقالعان ماسەلەلەردى رەتتەۋ - تۇزەتۋ جاۋاپكەرشىلىگىن اتقارۋىندا پارىق بار، جەتىستىكتەردىڭ قولدانىلۋىن ىلگەرىلەتۋىندە، باياندى مەحانيزمدى ورناتۋىندا، اقاۋسىزداندىرۋىندا ولقىلىقتار بار.
اڭىس ەتۋدە مىنالار تالاپ ەتىلدى: شارلاۋ جۇرگىزىلگەن پارتيا ۇيىمدارى رەتتەۋ - تۇزەتۋدەگى نەگىزگى تۇلعالىق جاۋاپكەرشىلىكتى باتىل ارقالاپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ەگجەي - تەگجەيلى ءتۇسىنىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن مۇقيات دايەكتىلەندىرىپ، مىندەت ارقالاپ، جاۋاپكەرشىلىكتى ادا ەتىپ، رەتتەۋ - تۇزەتۋدى ويداعىداي يگەرۋدەگى ءىس جۇزىندىك ارەكەت ارقىلى ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ كەرەك. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ جانە اۆتونوميالى رايوندىق 10 - كەزەكتى پارتكومنىڭ ءار كەزەكتى جالپى ماجىلىستەرىنىڭ رۋحىن ۇيرەنۋمەن، دايەكتىلەندىرۋمەن شارلاۋ بويىنشا رەتتەۋ - تۇزەتۋدى ساباقتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، قىزمەت جاۋاپكەرشىلىگىن، بورىشتى تىڭعىلىقتى اتقارىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ ءوز وڭىرلەرىندە، ءوز كاسىپتەرىندە، ءوز سالالارىندا تياناقتانىپ ونىمدىلىك كورسەتۋىن ىلگەرىلەتۋى كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن مىقتى ارقالاپ، ”ءتورت ءتۇرلى بۇرىس ستيلدى“ تىنباي قۇلشىنىپ تۇزەتىپ، پاكتىك حاۋىپ - قاتەرىنەن باتىل ساقتانىپ، بۇقارانىڭ جانىنداعى بۇرىس ستيلدەردى جانە شىرىكتەسۋ ماسەلەلەرىن شوعىرلى وڭاۋدى ىشكەرىلەي ىلگەرىلەتىپ، قاتاڭدىق اۋەنىنە، قاتاڭدىق شاراسىنا، قاتاڭدىق رايىنا ۇزاق ۋاقىت تاباندى بولىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋ كەرەك. باسشىلىق القاسى جانە كادر - دارىندىلار قوسىنى قۇرىلىسىن كۇشەيتىپ، باسشىلىق القاسىنىڭ باسشىلىق قۋاتىن، قوسىننىڭ جاۋىنگەرلىك قۋاتىن، دارىندىلاردىڭ جاسامپازدىق قۋاتىن كورىكتى شينجياڭ قۇرۋدىڭ باياندى قوزعاۋشى كۇشىنە اينالدىرۋ كەرەك.
اڭىس ەتۋدە مىنالار تالاپ ەتىلدى: ءتارتىپ تەكسەرۋ، باقىلاۋ - تەكسەرۋ ورگاندارى جانە ۇيىمداستىرۋ تاراۋلارى شارلاۋ بويىنشا رەتتەۋ - تۇزەتۋدەگى باقىلاۋ جاۋاپكەرشىلىگىن مۇقيات اتقارىپ، باقىلاۋ - تەكسەرۋ سەرپىنىن ارتتىرىپ، شىنداپ كىرىسىپ، قيىندىقتان تايسالماي، رەتتەۋ - تۇزەتۋدى قۋزاپ، ءتۇيىندى ادامداردى، ءتۇيىندى ماسەلەلەردى قاداعالاپ، ءبىر - بىردەن ەسەپكە سالىستىرىپ، تىزىمنەن ءوشىرۋ كەرەك. رەتتەۋ - تۇزەتۋ جاعدايىن باسشىلىق القاسىنىڭ جانە باسشى كادرلاردىڭ جىلدىق باعالاۋىنىڭ ماڭىزدى مازمۇنىنا ەنگىزىپ، ات ءۇستى رەتتەپ - تۇزەتكەندەردىڭ، جالعان رەتتەپ - تۇزەتكەندەردىڭ جاۋاپكەرشىلىگىن قاتاڭ قۋزاستىرۋ كەرەك. قاتىستى فۋنكتسيالىق تاراۋلار شارلاۋ جەتىستىكتەرىنەن تولىق، ويداعىداي پايدالانىپ، شارلاۋدا بايقالعان جالپىلىق سيپاتتى ماسەلەلەرگە جانە تەرەڭ قاتپارلى ماسەلەلەرگە ىشكەرىلەي ءۇڭىلىپ، بىرەۋى ارقىلى وزگەسىن تۇسپالداپ، قىزمەتتەردى جاقسارتىپ، رەفورمانىڭ تەرەڭدەۋىن ىلگەرىلەتىپ، ءتۇزىم - مەحانيزمدى كەمەلدەندىرىپ، قاينارىنان جونگە سالۋدى جەبەۋى كەرەك. شارلاۋ قۇرىلىمدارى ءبىر تۇتاس جوسپارلاپ سايكەستىرۋ مەن ىزىنە ءتۇسىپ قۋزاۋدى كۇشەيتىپ، ماڭىزدى جاعدايلاردى اۆتونوميالى رايوندىق پارتكومعا دەر كەزىندە مالىمدەۋى كەرەك.
ۇعىسۋعا قاراعاندا، اۆتونوميالى رايوندىق پارتكومنىڭ شارلاۋ گرۋپپالارى ءىشىنارا باسشى كادرلاردىڭ ماسەلەسى اڭىس ەتىلگەن دەرەكتەردى دە تاپسىرىپ الىپ، بەلگىلەمە بويىنشا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى، اۆتونوميالى رايوندىق پارتكوم ۇيىمداستىرۋ ءبولىمى سياقتى قاتىستى جاقتاردىڭ ءبىر جاقتى ەتۋىنە تاپسىرعان.
