شينحۋا اگەنتتىگىنىڭ 11 - ايدىڭ 17 - كۇنى ريو - دە جانەيرودان بەرگەن حابارى. جەرگىلىكتى ۋاقىت 11 - ايدىڭ 17 - كۇنى ريو − دە جانەيروعا بارىپ 20 ەل توبى باسشىلارىنىڭ 19 - رەتكى باسشىلار ماجىلىسىنە قاتىناسۋ جانە برازيليادا مەملەكەتتىك ساپاردا بولۋ قارساڭىندا مەملەكەت ءتوراعاسى شي جينپيڭ برازيليانىڭ «سان − پاۋلو يەباۋ گازەتىندە» «ارامىز شالعاي بولسا دا دوسپىز، تاعدىرلاسپىز، قول ۇستاسا اتتانۋدىڭ ءساتى كەلدى» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:
لۋلا زۇڭتۇڭنىڭ ۇسىنىسىمەن جۋىردا برازيليا فەدەراتسيالىق رەسپۋبليكاسىندا مەملەكەتتىك ساپاردا بولامىن ءارى 20 ەل توبى باسشىلارىنىڭ ريو − دە جانەيرو باسشىلار ماجىلىسىنە قاتىناسامىن.
برازيليانىڭ جەرى كەڭ، بايلىعى مول، تابيعاتى كوركەم، مادەنيەتى كوپ نەگىزدى، جۇڭگو حالقى توتەنشە ۇناتاتىن ەل. 200 نەشە جىلدىڭ الدىندا جۇڭگونىڭ شايى، ليجىسى، حوش ءيىستى زاتتارى، فارفور ىدىستارى سياقتىلار شالقار مۇحيتتان اسىپ برازيلياعا جەتكىزىلىپ، ەكى ەلدىڭ ەكونوميكا - ساۋدا بارىس - كەلىسىنىڭ كوپىرىن سالىپ، جۇڭگو مەن برازيليا حالقىنىڭ دوستىق اۋىس - كۇيىسىنىڭ دانەكەرىنە اينالعان بولاتىن.
1974 - جىلى 8 - ايدىڭ 15 - كۇنى جۇڭگو مەن برازيليا رەسمي ديپلوماتيالىق قارىم - قاتىناس ورناتتى. 50 جىلدان بەرى، جۇڭگو − برازيليا قارىم - قاتىناسى حالىقاراداعى الماعايىپ وزگەرىستەردىڭ سىنىنان ءوتىپ، كۇن سايىن كەمەلدەنىپ جاندانىپ، ەكى ەلدىڭ ءارقايسىسىنىڭ دامۋىن پارمەندى جەبەدى ءارى دۇنيە ءجۇزىنىڭ بەيبىتشىلىگىنە، ورنىقتىلىعىنا بەلسەندى ۇلەس قوسىپ، وركەندەپ كەلە جاتقان ەكى ءىرى ەلدىڭ سەلبەسە تەڭ يگىلىككە كەنەلۋىنىڭ، تاعدىرلاس بولۋىنىڭ ۇلگىسىن ورناتتى.
ەكى جاق باستان - اياق ءبىر - بىرىنە قۇرمەت ەتۋگە، تەڭ تۇرعىدا مامىلە جاساۋعا تاباندى بولىپ، ءوز ەلى حالقىنىڭ تاڭداعان دامۋ جولىنا تۇسىنىكپەن قارادى جانە وعان قولداۋ كورسەتتى. برازيليا جۇڭگومەن ستراتەگيالىق سەرىكتەستىك قارىم - قاتىناس ورناتقان تۇڭعىش ەل ءارى جۇڭگومەن جالپى بەتتىك ستراتەگيالىق سەرىكتەستىك قارىم - قاتىناس ورناتقان لاتىن امەريكاسىنداعى تۇڭعىش ەل، ەكى ەل قارىم - قاتىناسى باستان - اياق جۇڭگونىڭ وركەندەپ كەلە جاتقان ەلدەرمەن قارىم - قاتىناسىنىڭ الدىڭعى لەگىندە كەلەدى. جۇڭگو − برازيليا ۇكىمەتتەر ارا تىلدەسۋ، سەلبەسۋ مەحانيزمى كەمەلدى، ەكى ەل جوعارى جىكتەگىلەر سايكەستىرۋ جانە سەلبەسۋ كوميتەتىنىڭ تاماشا جۇمىس جۇرگىزگەنىنە 20 جىل بولىپ، ەكى جاقتىڭ ءتۇرلى سالاداعى سەلبەستىگىن سايكەستىرۋ، جوسپارلاۋ، دامۋ جونىندە بىرگە ىزدەنۋ جاعىندا ماڭىزدى رول ساۋلەلەندىردى.
ەكى جاق باستان - اياق ءوزارا تيىمدىلىك جەتكىزىپ تەڭ يگىلىككە كەنەلۋگە، ارتىقشىلىقتارى ارقىلى ءبىرىن - ءبىرى تولىقتاۋعا تاباندى بولىپ، وزدەرىنىڭ وسىزامانداندىرۋ ءۇردىسىن قول ۇستاسا ىلگەرىلەتتى. جۇڭگو ءۇرتىس 15 جىل بويى برازيليانىڭ ءبىرىنشى ءىرى ساۋدا سەرىگى بولدى، برازيليانىڭ باستى شەتەل قارجىسى قاينارى ەلدەرىنىڭ ءبىرى سانالادى. جۇڭگو جاقتىڭ ساناعىنا نەگىزدەلگەندە، وتكەن 3 جىلدا جۇڭگونىڭ برازيليامەن جىلدىق يمپورت سوماسى تۇگەلدەي 100 ميلليارد امەريكا دوللارىنان اسقان. ەكى ەلدىڭ بىرگە قۇلشىنۋىندا ەكى جاقتىڭ ساۋدا قۇرىلىمى كۇن سايىن ساپالىلانىپ، سەلبەستىك دەڭگەيى ءۇرتىس جوعارىلاپ، ورتاق مۇددەسى ۇزدىكسىز كەڭەيىپ، اۋىل شارۋاشىلىعى، نەگىزدىك قۇرىلعىلار، ەنەرگيا بايلىعى، جاسىل دامۋ، عىلىم - تەحنيكادا جاڭالىق اشۋ، فينانس سياقتى سالالاردا ءوزارا تيىمدىلىك جەتكىزىپ سەلبەستىك جاساۋىندا جارقىن تۇيىندەر تىنباي جارىققا شىعىپ، ناتيجەسى سۇبەلى بولىپ، وزدەرىنىڭ ەكونوميكالىق، قوعامدىق دامۋىن پارمەندى جەبەدى.
ەكى جاق باستان - اياق اشىق، سيىسىمدى بولۋعا، ءوزارا ۇيرەنىپ، ءوزارا ۇلگى الۋعا تاباندى بولدى، ولاردىڭ تابيعي ەتەنەلىك سەزىمى جانە تاماشا بولمىس جونىندە ورتاق تالپىنىسى بار. برازيليانىڭ ايگىلى اقىنى جانە جازۋشىسى سيسيليا مەرەلەس، ماچادو دي اسسەستەر كەزىندە جۇڭگونىڭ تاڭ ءداۋىرى ولەڭدەرىن اۋدارىپ، ەكى جاقتىڭ رۋحاني جاقتاعى ۋاقىت پەن كەڭىستىكتى اتتاعان ۇندەستىگىن ايگىلەگەن ەدى. سوڭعى جىلدارى مۋزيكا، ءبي، ءدامدى تاعامدار، دەنە تاربيە قاتارلىلار ەكى ەل حالقىن جالعايتىن جاڭا كوپىرگە اينالىپ، ەكى جاقتىڭ ءبىرىن - ءبىرى ءتۇسىنۋى مەن دوستىق سۇيىسپەنشىلىگى ۇزدىكسىز تەرەڭدەدى. برازيليانىڭ سۇيكىمدى حايۋاناتى − سۋ دەلفينى، بوسسانوۆا مۋزيكاسى، ەرەكشەلىككە يە سامبا ءبيى جانە سايىس ءبيى جۇڭگودا كەڭىنەن قارسى الىنعان، جۇڭگونىڭ كوكتەم مەرەكەسى سياقتى ءداستۇرلى مەرەكەلەرى، جۇڭي شيپاگەرلىگى، ءدارى - دارمەكتەرى سياقتى ءداستۇرلى مادەنيەتىن ءتىپتى دە كوپ برازيليا حالقى بارعان سايىن قانىق ءبىلدى، ەكى ەل جاستارىنىڭ، تىلشىلەرىنىڭ، وقىمىستىلارىنىڭ ءوزارا ىقپالداستىعى جيىلەپ، جەرگىلىكتى ورىندارىنىڭ بارىس - كەلىسى بەلسەندى، جاندى بولدى. بيىل ەكى جاق ديپلوماتيالىق قارىم - قاتىناس ورناتقاندىقتىڭ 50 جىلدىعىن قۇتتىقتاۋ قيمىلدارىن وتكىزىپ، ەكى ەل حالقىنا ارت - ارتىنان تارتىمدى مادەنيەت سالتاناتىن ۇسىندى. وسى بىرنەشە كۇندە مەن برازيليا − جۇڭگو دوستىق قوعامى، برازيلياداعى داشۋە وقىتۋشى - وقۋشىلارى، ريو - دە - جانەيرو كوپاكابانا قامال وركەسترى، ت. ب برازيليانىڭ ءارقايسى سالاسىنداعى 100دەن استام دوس قايراتكەر جولداعان حاتتاردى ىركەس - تىركەس تاپسىرىپ الدىم، ولار ەكى ەل دوستىعىن تەرەڭدەتۋ جونىندەگى شىنايى تىلەكتەرىن ءبىلدىرىپتى، مەن مۇنان توتەنشە تەبىرەندىم.
ەكى جاق باستان - اياق بەيبىت دامۋعا، ءادىل، ادىلەتتى بولۋعا تاباندى بولدى، كوپتەگەن حالىقارالىق جانە وڭىرلىك ماسەلەلەردە ۇقساس نەمەسە قارايلاس كوزقاراسقا يە. ەكى ەل بىردەي حالىقارالىق قارىم - قاتىناس نەگىزگى ولشەمى مەن كوپ جاقتىلىقتى تاباندىلىقپەن قورعاۋشى رەتىندە ۇزاق ۋاقىت بىرلەسكەن مەملەكەتتەر ۇيىمى، 20 ەل توبى، بريكس ەلدەرى سياقتى حالىقارالىق ۇيىمداردا جانە كوپ جاقتى مەحانيزمدەردە جەر شارىندىق جونگە سالۋ، كليمات وزگەرىسى سياقتى كەلەلى كەڭەستىك تاقىرىپتاردا تىعىز سايكەسۋدەن جازبادى. جۋىقتا جۇڭگو مەن برازيليا ۋكراينا داعدارىسىن ساياسي جولمەن شەشۋدى ىلگەرىلەتۋ جونىندەگى ”6 ورتاق تانىمدى“ بىرگە جاريالاپ، حالىقارالىق قوعامنىڭ بەلسەندى اڭىسىنا يە بولدى. جۇڭگو مەن برازيليا جاۋاپكەرشىلىك ارقالايتىن ءىرى ەلدەردىڭ رولى مەن جاۋاپكەرشىلىگىن قول ۇستاسا ساۋلەلەندىرىپ، دۇنيە ءجۇزىنىڭ كوپ ۇيەكتەنۋى مەن حالىقارالىق قارىم - قاتىناستىڭ دەموكراتيالانۋىن جەبەپ، دۇنيە ءجۇزىنىڭ بەيبىتشىلىگىنە، ورنىقتىلىعىنا وڭ ەنەرگيا ۇستەدى.
قازىر دۇنيە جۇزىندە 100 جىلدا بولماعان وزگەرىس جەدەل قۇبىلىپ، جاڭا سىن - سايىستار، جاڭا وزگەرىستەر تىنباي جارىققا شىعۋدا. ”اعىلسا تايتالاسا جۇزدەپ كەمە، العا شىعار جۇرە كەلە قۇلشىنعانى؛ باسەكەمەن جەلكەن جايسا مىڭداپ كەمە، وزىپ شىعار ەرلىكپەن ۇمتىلعانى“. شىعىس جانە باتىس جارتى شارداعى وركەندەپ كەلە جاتقان ەكى ءىرى ەل جانە بريكس ەلدەرىنىڭ ماڭىزدى مۇشەلەرى رەتىندە جۇڭگو مەن برازيليا ەكى ەل اناعۇرلىم تىعىز ىنتىماقتاسىپ، باتىلدىقپەن ”جەلگە قارسى ءجۇرۋشى“ جانە ”تولقىن قۋۋشى“ بولىپ، تىزە قوسا جاڭا جول اشىپ، ەكى ەل حالقىنا جانە ادامزاتقا ءتان اناعۇرلىم جارقىن بولاشاقتى بەتكە الىپ قول ۇستاسا العا تارتۋى كەرەك.
ءبىز جۇڭگو − برازيليا دوستىعىنىڭ ۇلكەن بەتالىسىن بەرىك يگەرۋىمىز كەرەك. ەكى جاق باستان - اياق ءوزارا قۇرمەت ەتۋگە، ءوزارا سەنىم ارتۋعا، ءوزارا ۇيرەنىپ، ءوزارا ۇلگى الۋعا تاباندى بولىپ، ۇكىمەت، ساياسي پارتيا، زاڭ شىعارۋ ورگانى سياقتى ءار جىكتىڭ، ءار سالانىڭ بارىس - كەلىسىن ونان ارى جيىلەتىپ، ەل باسقارۋ جانە دامۋ جونىنەن تاجىريبە اۋىستىرۋدى كۇشەيتىپ، ستراتەگيالىق ءوزارا سەنىمدىلىكتى ۇزدىكسىز بەكەمدەپ، ەكى ەل قارىم - قاتىناسىنىڭ ساياسي نەگىزىن بەكەمدەۋى كەرەك. ەكى ەل جوعارى جىكتەگىلەر سايكەستىرۋ جانە سەلبەسۋ كوميتەتىنىڭ، جالپى بەتتىك ستراتەگيالىق تىلدەسۋ سياقتى سەلبەستىك مەحانيزمدەرىنىڭ رولىن ۇزدىكسىز تولىق ساۋلەلەندىرىپ، ورنىقتى، تولىسقان ءىرى ەلدەر قارىم - قاتىناسىن بەلسەنە ورناتىپ، ەكى ەل قارىم - قاتىناسىنىڭ نىق قاداممەن الىسقا جەتۋىن ىلگەرىلەتۋى كەرەك.
ءبىز جۇڭگو مەن برازيليانىڭ ءوزارا پايدا جەتكىزۋ سەلبەستىگىنىڭ جاڭا قوزعالىس قۋاتىن جەتىلدىرۋىمىز كەرەك. جۇڭگو مەن برازيليا ەكەۋى دە ەكونوميكانىڭ دامۋىن جەدەلدەتۋدى، حالىقتىڭ قۇت - ىرىسىن جاقسارتۋدى ماڭىزدى نىسانا ەتىپ، وسىزامانداندىرۋدى جۇزەگە اسىرۋ جولىندا ەكپىندەي العا باسىپ كەلەدى. قازىر جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى جەدەل كوتەرىلۋدە، ەكى جاق ءداۋىر ورايىن مىقتاپ يگەرىپ، ”ءبىر بەلدەۋ، ءبىر جولدى“ بىرگە قۇرۋ باستاماسىن برازيليانىڭ دامۋ ستراتەگياسىمەن ءتۇيىلىستىرۋدى ۇزدىكسىز ىلگەرىلەتىپ، ەكى ەلدىڭ ءوزارا ءتيىمدى سەلبەستىگىنىڭ ستراتەگيالىق، جالپى بەتتىك، جاسامپازدىق سيپاتىن ۇزدىكسىز جوعارىلاتىپ، ءداۋىر اعىمىنا ۇيلەسەتىن، حالىققا باياندى تيىمدىلىك جەتكىزەتىن اناعۇرلىم كوپ ۇلگىلىك نىسانداردى تۇلعالاپ، ءوز ەلدەرىنىڭ جانە ءوڭىردىڭ بىرگە دامۋىن جەبەۋگە ءتيىس.
ءبىز جۇڭگو مەن برازيليا حالقىنىڭ دوستىق نەگىزىن بەكەمدەۋىمىز كەرەك. جۇڭگو مەن برازيليانىڭ مادەنيەتى باي مازمۇندى، باۋرامدىلىعى وزگەشە، ءبىر - بىرىنە ءار بەرىپ، ءبىرىن - ءبىرى باۋرايدى. ەكى جاق اشىق، سيىسىمدى بولۋداي تاڭداۋلى ءداستۇردى ۇزدىكسىز ساۋلەلەندىرىپ، مادەنيەت، وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە، ساياحات، جەرگىلىكتى ورىندار سياقتى سالالارداعى اۋىس - كۇيىستى، سەلبەستىكتى تەرەڭدەتىپ، ەكى ەلدىڭ قارسى جاق حالقىنىڭ جۇرەگىنەن اناعۇرلىم شىنايى، ستەرەولدى، جاندى ورىن الۋىنا مۇمكىندىك جاساپ، جۇڭگو مەن برازيليانىڭ ءداستۇرلى دوستىعىن جالعاستىرۋ ءۇشىن اناعۇرلىم كوپ حالىقتىق ەلشىلەردى جەتىلدىرىپ، ەكى ەل وركەنيەتىنىڭ دوستىق بارىس - كەلىس بارىسىندا جاراسىمدى قاتار ءومىر سۇرۋىنە، ءبارىن تۇگەل قامتۋىنا مۇمكىندىك جاساپ، دۇنيە ءجۇزى وركەنيەتىنىڭ گۇلزار باقشاسىن ۇزدىكسىز بايىتۋى كەرەك.
ءبىز جۇڭگو مەن برازيليانىڭ ىنتىماقتى، ءوزارا كومەكتەسەتىن ءىرى ەل جاۋاپكەرشىلىگىن ايگىلەۋىمىز كەرەك. قازىر ”جەر شارىنىڭ وڭتۇستىگى“ توپتىق ەڭسە كوتەردى، الايدا ونىڭ ءۇنى مەن تالاپ - تىلەگى قازىرگى حالىقارالىق باسقارۋ جۇيەسىندە ءالى تولىق بەينەلەنگەنى جوق. دۇنيە جۇزىندەگى باستى وركەندەپ كەلە جاتقان ءىرى ەل رەتىندە، ءبىز تاريح جۇكتەگەن جاۋاپكەرشىلىكتى جانە جاۋاپكەرشىلىك ارقالاۋدى مىندەتكە الۋىمىز كەرەك، ”جەر شارىنىڭ وڭتۇستىگىندەگى“ ەلدەرمەن بىرگە وركەندەپ كەلە جاتقان ەلدەردىڭ ورتاق مۇددەسىن باتىل قورعاپ، الەمدىك سايىستارعا سەلبەسە توتەپ بەرىپ، الەمدىك باسقارۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا جانە بىرگە دامۋىنا جۇڭگو مەن برازيليانىڭ ۇلەسىن قوسۋىمىز كەرەك.
مەنىڭ بۇل جولى برازيلياعا ساپارلاي كەلۋدەگى تاعى ءبىر ماڭىزدى ماقساتىم 20 ەل توبى باسشىلار ماجىلىسىنە قاتىناسۋ. 20 ەل توبى − حالىقارالىق ەكونوميكالىق سەلبەستىكتىڭ ماڭىزدى تۇعىرى. برازيليا ءتوراعا ەل بولعاننان كەيىن، ”ادىلەتتى دۇنيە جانە باياندى پلانەتا قۇرۋ“ نەگىزگى تاقىرىبىن تۇراقتاندىرىپ، 20 ەل توبىنىڭ ءارقايسى سالاداعى سەلبەستىگىن بەلسەنە ىلگەرىلەتىپ، ريو - دە - جانەيرو باسشىلار كەڭەسىن ءساتتى وتكىزۋگە تاماشا نەگىز قالادى. لۋلا زۇڭتۇڭ ”اشارشىلىق پەن كەدەيلىككە قارسى اتتانۋدى“ ريو - دە - جانەيرو باسشىلار كەڭەسىنىڭ باستى تاقىرىبى ەتىپ، ”اشارشىلىق پەن كەدەيلىككە قارسى اتتانۋ الەمدىك وداعىن“ قۇرۋدى دارىپتەدى، جۇڭگو جاق مۇنى ايرىقشا القايدى ءارى بەلسەنە قولدايدى.
ادىلەتتى دۇنيە قۇرۋ 20 ەل توبىنىڭ ءوزارا قۇرمەت ەتۋ، تەڭ تۇرعىدا سەلبەسۋ، ءوزارا پايدا جەتكىزىپ تەڭ يگىلىككە كەنەلۋ پرينسيبى بويىنشا، ”جەر شارىنىڭ وڭتۇستىگىندەگى“ ەلدەردىڭ اناعۇرلىم زور دامۋدى جۇزەگە اسىرۋىن قولداۋىن قاجەت ەتەدى. دامۋدى 20 ەل توبى سەلبەستىگىنىڭ وزەكتى ورنىنا قويىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن جۇزەگە اسىرۋدى ماڭداي الدى قىزمەت ەتىپ، الەمدىك باياندى دامۋ سەرىكتەستىك قارىم - قاتىناسىن ورناتىپ، اناعۇرلىم سيىسىمدى، اناعۇرلىم جالپىعا ءتيىمدى، اناعۇرلىم سەرپىمدى الەمدىك دامۋدى جۇزەگە اسىرۋدى ىلگەرىلەتۋ كەرەك. حالىقارالىق اقشا قور ۇيىمى، دۇنيە بانكەسى، دۇنيە جۇزىلىك ساۋدا ۇيىمى رەفورماسىن بەلسەنە ىلگەرىلەتىپ، ”جەر شارىنىڭ وڭتۇستىگىنىڭ“ ۋاكىلدىك سيپاتى مەن ءسوز سويلەۋ ۇقىعىن جوعارىلاتۋ كەرەك. ماكرولىق ەكونوميكالىق ساياساتتى سايكەستىرۋدى كۇشەيتىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، اشىق، سيىسىمدى، كەمسىتپەيتىن حالىقارالىق ەكونوميكالىق سەلبەستىك ورتاسىن قالىپتاستىرۋ كەرەك.
باياندى پلانەتا قۇرۋ 20 ەل توبىنىڭ باياندى ءوندىرىس ءتاسىلىن، تۇرمىس ءتاسىلىن دارىپتەپ، ادام مەن تابيعاتتىڭ جاراسىمدى قاتار ءومىر ءسۇرۋىن جۇزەگە اسىرۋىن قاجەت ەتەدى. جاسىل، تومەن كومىر قىشقىل گازدى، قورشاعان ورتانى قورعاۋ، ەنەرگيادا تيپ جاڭالاۋ، كليمات وزگەرىسىنە توتەپ بەرۋ سياقتى سالالارداعى حالىقارالىق سەلبەستىكتى ىشكەرىلەي ىلگەرىلەتىپ، ورتاق، ءبىراق پارىقتى بولۋداي جاۋاپكەرشىلىك پرينسيبىن ۇستانىپ، قارجى، تەحنيكا، قابىلەت قۇرىلىسى سياقتى جاقتاردا ”جەر شارىنىڭ وڭتۇستىگىندەگى“ ەلدەرگە اناعۇرلىم كوپ قولداۋ كورسەتۋ كەرەك. 32 جىلدىڭ الدىندا بىرلەسكەن مەملەكەتتەر ۇيىمى قورشاعان ورتا جانە دامۋ جينالىسى ريو - دە - جانەيرودا وتكىزىلىپ، «21 - عاسىر كەڭەستىك ءتارتىبى» سياقتى ماڭىزدى تابىستارعا قول جەتكىزدى. 20 ەل توبى باسشىلارىنىڭ ريو - دە - جانەيرودا باس قوسۋىنداعى ماڭىزدى كەڭەستىك ءتارتىبى الەمنىڭ جاسىل، تومەن كومىر قىشقىل گازدى دامۋىن تالقىلاۋ. ريو - دە - جانەيرو باسشىلار كەڭەسىنىڭ دۇنيە ءجۇزىنىڭ باياندى دامۋىنا اناعۇرلىم زور قوزعالىس قۋاتىن جانە اناعۇرلىم كۇشتى سەنىم قوسۋىن ءۇمىت ەتەمىن.
مەن 20 ەل توبى باسشىلارىنىڭ ريو - دە - جانەيرو باسشىلار كەڭەسىنىڭ، ءسوز جوق، سۇبەلى تابىستارعا قول جەتكىزىپ، 20 ەل توبى تاريحي ۇردىسىندە ايقىن «برازيليا ءىزىن» قالدىراتىندىعىنا سەنەمىن. مەن تاعى لۋلا زۇڭتۇڭمەن بىرگە قۇلشىنىپ، جۇڭگو − برازيليا قارىم - قاتىناسىنىڭ جاڭا «التىن 50 جىلعا» قادام تاستاۋىنا جەتەكشىلىك ەتىپ، اناعۇرلىم ءادىل جانە اناعۇرلىم باياندى تاعدىرلاس ورتاق تۇلعا قۇرۋدى ءۇمىت ەتەمىن.
