ءۇي مۇلكى جايشىلىقتا ءبىر وتباسىنىڭ ءىرى سوماداعى مال-مۇلكى بولىپ قانا قالماي، اجىراسۋ مەزگىلىندەگى داۋ-شاردىڭ وزەگىنە دە اينالعان. ماسەلەن، اجىراسقاننان كەيىن، ءۇي مۇلكى باسقالاي دەلو جاعىنان پەشەتتەلگەن بولىپ، ەرلى-زايىپتىلاردىڭ ءبىرى ءۇيدى بولىسكە سالۋ جونىندە تاباندى تۇرىپ السا، وندا سوت مەكەمەسى قالاي ءبىر جاقتى ەتپەك؟
2016-جىلى كورلا قالاسىندا تۇراتىن گۋ x پەن ا x ۇيلەنەدى، ەكەۋى ۇيلەنگەننەن كەيىن ۇنەمى شارماياقتاسىپ ارالارىندا كيكىلجىڭ تۋا بەرەدى. 2019-جىلى ەكەۋى كەلىسىم بويىنشا اجىراسادى، ۇيلەنگەننەن كەيىن ساتىپ العان ءبىر ۇيلەرى گۋ xكە تاۋەلدى بولادى دەپ كەلىسكەن بولادى، وسىدان كەيىن ا x گۋ xتىڭ ءۇيدى وتكىزىپ بەرۋ راسمياتىن ءبىتىرۋ ىسىنە سايكەسپەي قويادى.
بيىل گۋ x كورلا قالالىق تەمىر جول تاسىمالى حالىق سوتى مەكەمەسىنە ا xتىڭ ۇستىنەن ارىز بەرىپ، ا xتىڭ ءۇيدى وتكىزىپ بەرۋ راسمياتىن ءبىتىرۋ ىسىنە سايكەسۋىن تالاپ ەتەدى.
سوت مەكەمەسى تەكسەرۋ ارقىلى بۇل دەلونىڭ ۇستىنەن ارىز-شاعىم بەرۋدەن بۇرىن گۋ x پەن ا xتىڭ اتىنداعى دەلوعا شاتىلعان وسى ءۇي مۇلكىنىڭ ا x ايىپكەر بولعان، حالىق اراسىنداعى قارىز الىم-بەرىم داۋ-شارى دەلوسىندا باسقا حالىق سوتى مەكەمەسى جاعىنان پەشەتتەلگەنىن، ول دەلونىڭ قازىر تەكسەرىلىپ جاتقاندىعىن انىقتايدى.
سوت مەكەمەسى تەكسەرۋ ارقىلى بىلاي دەپ قارايدى: دەلوعا شاتىلعان ءۇي مۇلكى گۋ x پەن ا xتىڭ ورتاق مال-مۇلكى بولىپ سانالىپ، اجىراسقان كەزىندە بولىسكە سالۋعا بولادى، الايدا ەكى جاق اجىراسقان كەزدەرىندە وسى ءۇي مۇلكىن زاڭ ارقىلى بولىسكە سالماعان، قازىر بۇل ءۇي باسقا دەلو جاعىنان پەشەتتەلگەن. «ەڭ جوعارى حالىق سوتى مەكەمەسىنىڭ حالىق سوتى مەكەمەسىنىڭ دەلو تۇرعىزۋ، تەرگەۋ جانە اتقارۋ قىزمەتىنە سايكەسىپ قىزمەت جۇرگىزۋىنە قاتىستى ۇسىنىسىنىڭ» 8-تارماعىندا بىلاي دەپ بەلگىلەنگەن: تەرگەۋ ءبولىمىنىڭ ۇقىعىن ايقىنداۋ ارىز-شاعىمىن قاراۋ مەزگىلىندە ۇقىعىن ايقىندايتىن مال-مۇلىك ۇقىعىنىڭ تاۋەلدىلىك جاعدايىن تەكسەرۋ قاجەت. ۇقىعىن ايقىنداۋ قاجەت بولعان مال-مۇلىك حالىق سوتى مەكەمەسى جاعىنان پەشەتتەلگەن، ۇستاپ الىنعان، مۇزداتىلعان بولسا، ارىز-شاعىمدى تويتارىپ تاستاۋ ۇكىمىن شىعارۋ كەرەك ءارى داۋگەرگە ازاماتتىق زاڭنامانىڭ 227-تارماعىنداعى بەلگىلەمەلەر بويىنشا ءوز ۇقىعىن دارىپتەۋگە بولاتىندىعىن ءبىلدىرۋ كەرەك. بۇدان ەگەر ءدال وسى ساتتە دەلوعا شاتىلعان ءۇي ءبىر جاقتى ەتىلسە، قالايدا 3-ادامنىڭ مۇددەسىنە ساياتىندىعىن كورۋگە بولادى.
سۋديانىڭ ەسكەرتۋى:
اجىراسۋ دەلوسى كۇردەلى ارىز-شاعىم رەتىندە جەكە سالاۋاتتىق قاتىناسقا، سونداي-اق مال-مۇلىك قاتىناسىنا بارىپ تىرەلەدى. ۇيلەنۋ قاتىناسى ساقتالعان مەزگىلدە ەرلى-زايىپتىلار اراسىندا كوپ، نە از بولسىن، ورتاق مال-مۇلىك بولادى، ادەتتەگى جاعدايدا ەرلى-زايىپتىلار اجىراسقان كەزدە ورتاق مال-مۇلىكتەرىن دەر كەزىندە بولىسكە سالۋدى ۇسىنىس ەتەمىز.
来源：新疆法治报
编辑：阿莱·赫亚克巴依
责编：库娜依·胡阿泰
监制：叶尔兰·努哈
