大油头怎么办
شاش اسىرە مايلاسسا قايتۋ كەرەك
مىنا ءبىر ءجايت كوپتەگەن ادامداردى مازالايدى: كەشە عانا شاشىمدى جۋىپ ەدىم، نەلىكتەن بۇگىن قايتادان جالپايىپ، ءپىشىنسىز بولىپ، سونشاما مايلاسىپ كەتكەن؟ بۇل ”شاشتىڭ اسىرە مايلاسۋىنىڭ“ كەسىرىنەن بولعان. ەندەشە، شاشتىڭ اسىرە مايلاسۋىن قايتسەك بولار ەكەن؟
شاشتىڭ اسىرە مايلاسۋىنىڭ سەبەبىن تاۋىپ، قالىپتاسۋ سەبەبىنە قاراي ءادىس قاراستىرايىق. ۋاعىندا قىزمەت ىستەۋ، دەمالۋ، شاشتى عىلمي جۋۋ شاشتىڭ مايلاسۋىن ازايتا الادى.
شاشتىڭ اسىرە مايلاسۋى قالاي پايدا بولادى؟
شاشتىڭ اسىرە مايلاسۋىنىڭ ”پالە باسى“ تەرى مايى. تەرى مايى دەگەنىمىز ماي بەزىنىڭ تەرى بەتىندە ءبولىپ شىعارعان مايلى ءسولى. تەرى مايىنىڭ ءبولىنۋ مولشەرى ماي بەزىنىڭ ۇلكەن - كىشىلىگىنە، سانىنا جانە نەرۆ ىشكى سەكراتسيا جۇيەسىنىڭ ورتاق رەتتەۋىنە بايلانىستى. بەز ۇلكەن، سانى كوپ بولعان سايىن، ۇقساس ۋاقىتتا ءبولىپ شىعاراتىن تەرى مايى دا سونشاما كوپ بولادى. سوندىقتان مايلى تەرىدە ماي، ءتىپتى، وڭاي پايدا بولادى. ەندى ءبىر جاعىنان ايتار بولساق، ءتۇرلى گورموندار ماي بەزىنىڭ ءبولىنۋىن كۇشەيتە تۇسەدى، مىسالى، ءبىز جاقسى بىلەتىن بۇيرەك بەزى گورمونى، ءوسۋ گورمونى، قالقانشا بەز گورمونى، اتالىق گورمون قاتارلىلار. تاڭ اتىرۋ، سەمىزدىك، قاعيداسىز تاماقتانۋ، قىسىم تىم ارتىپ كەتۋ قاتارلى سەبەپتەردەن ىشكى سەكراتسيا بۇزىلعاندا، تەرىدەگى ماي بەزى قالىپتان تىس ماي ءبولىپ شىعاردى. سودان ”شاشتىڭ اسىرە مايلاسۋ“ اۋرۋ بەلگىسى پايدا بولادى.
شاش مايلاسقاندا قايتۋ كەرەك؟
فيزيولوگيالىق مايلى تەرىنىڭ بەي كاسىبي ەمدەۋ ادىستەرى ارقىلى جاقسارۋى وتە قيىن، الايدا تىتىركەنۋدەن پايدا بولعان شاشتىڭ اسىرە مايلاسۋىن جاقسارتا الادى. اۋەلى، ۋاعىندا قىزمەت ىستەپ، ۋاعىندا دەمالۋىمىز، سول ارقىلى دەنەمىزدى ءبىرشاما تۇراقتى كۇيدە ۇستاۋىمىز كەرەك. سونان سوڭ، شاشىمىزدى عىلمي جۋۋىمىز كەرەك: سۋ تەمپەراتۋراسى لايىقتى بولۋى، وتە ىستىق نەمەسە وتە سۋىق بولۋىنا بولمايدى؛ شاش سابىنىن تاڭداعاندا قۇرامىندا پيروكتونە ولانە (吡罗克酮乙醇胺)، ساليتسيل قىشقىلى (水杨酸)، تاس كومىر مايى (煤焦油)، شاي اعاشى ەفير مايى (茶树精油)، كۇكىرت قىشقىل سەلەن (硫化硒) قاتارلىلار بار شاش سابىنىن الۋ كەرەك. مۇنداي شاش سابىندارى مايدى تەجەپ قايىزعاقتى كەتىرە الادى، 3 كۇندە ءبىر رەت ىستەتىپ تۇرعان ءجون. ەگەر شاشتى كۇن سايىن جۋماقشى بولساڭىز، وندا قۇرامىندا زالالسىز تازارتقىش (مىسالى امين قىشقىلدى بەتتىك اكتيۆتەندىرگىش ‹氨基酸表面活性剂› نەمەسە قوس قاسيەتتى بەتتىك اكتيۆتەندىرگىش ‹两性表面活性剂› قاتارلىلار) بار شاش سابىنىن تاڭداپ، شاش سابىنىنىڭ باس تەرىسىن تىتىركەندىرۋ اسەرىن ازايتۋ كەرەك.
كەيبىر فيزيكالىق ءسىمىرۋ ونىمدەرى شاشتاعى ارتىق مايدى لەزدە ءسىمىرىپ العانىمەن، مۇنداي ونىمدەردى ىستەتكەندە باس تەرىسىنىڭ ءىشىنارالىق قابىنۋى ونان ارى اسقىنۋى، سونداي-اق ”ىستەتكەن سايىن مايلاسۋى“ مۇمكىن، سوندىقتان شۇعىل جاعدايدا ۋاقىتشا ىستەتۋگە عانا بولادى. ىستەتىپ بولعان سوڭ كۇنبە-كۇن دەر كەزىندە جۋىپ تاستاۋ كەرەك. ايتپەسە ۇزاق ۋاقىت ىستەتكەندە باس تەرىسىن وڭاي زاقىمدايدى.
سىرتتان ىستەتىلەتىن ونىمدەردەن تىس، ”شاشى مايلاسقىشتار“ ءدارى ءىشۋ ارقىلى دا مايدى جانامالاي تەجەۋىنە بولادى. مىسالى، لايىقتى مولشەردە مىرىش تولىقتاۋ، B توپتاعى ۆيتاميندەردى تولىقتاۋ، ت.ب.
باس تەرىسى ۇزاق ۋاقىت مايدىڭ قاۋىرت ءبولىنۋى كۇيىندە تۇرسا، مالاسسەزيا باكتەرياسىمەن (马拉色菌) وڭاي جۇعىمدالادى دا، ماي شىعۋ سيپاتتى تەرى قابىنۋى (脂溢性皮炎) پايدا بولادى. مۇنىڭ اۋرۋ بەلگىلەرى: شاش مايلاسادى، باستىڭ قىشۋى اۋىرلاي تۇسەدى، قايىزعاق كوبەيەدى، باس تەرىسىندە قىزىل بورتكەن نەمەسە تەڭبىل، مايلى قايىزعاق (上覆油腻性鳞屑) پايدا بولادى. ەگەر جوعارىداعى اۋرۋ بەلگىلەرى بايقالسا، شيپاحانانىڭ تەرى اۋرۋلارى بولىمىنە بارىپ كورىنۋ كەرەك.
