شينحۋا اگەنتتىنىڭ 11 - ايدىڭ 7 - كۇنى بەيجيڭنەن بەرگەن حابارى. 11 - ايدىڭ 6 - كۇنى مەملەكەت ءتوراعاسى شي جينپيڭ مايا ساندۋعا تەلەگرامما جولداپ، ونىڭ مولدوۆا رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن مولدوۆا ءداستۇرلى دوس سەرىكتەر. تاياۋ جىلداردان بەرى، ەكى ەلدىڭ قارىم - قاتىناسى ورنىقتى دامۋدى ساقتاپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگى ءساتتى ىلگەرىلەدى. مەن جۇڭگو − مولدوۆا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ حانىممەن بىرگە قۇلشىنىپ ەكى ەل قارىم - قاتىناسىنىڭ نىق قاداممەن الىسقا جەتۋىنە باستاماشىلدىق ەتۋدى قالايمىن.
