انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 7 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ حۋبەيدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن، قوعامدىق قىزمەت جونىندەگى ماڭىزدى نۇسقاۋىنىڭ رۋحىن جانە ورتالىقتىڭ قوعامدىق قىزمەت ءماجىلىسىنىڭ ورنالاستىرۋىن ۇيرەندى، دايەكتىلەندىردى، ورتالىقتىڭ ونەركاسىپ جۇمىسشىلارى قوسىن قۇرىلىسى رەفورماسىن تەرەڭدەتۋ جونىندەگى ورنالاستىرۋلارىن، تالاپتارىن دايەكتىلەندىردى، تياناقتاندىردى، قوعام ورنىقتىلىعىن قورعاۋ جانە پارتيا ءتارتىبىن ۇيرەنۋ تاربيەسىن ۇدايىلاندىرۋدى، ۇزاق ءونىمدى ەتۋدى ىلگەرىلەتۋگە قاتىستى قىزمەتتەردى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى باسا دارىپتەدى: شينجياڭنىڭ دامۋ، رەفورما امالياتىمەن ۇشتاستىرىپ، باس شۋجي شي جينپيڭنىڭ حۋبەيدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن مۇقيات ۇيرەنۋ، دايەكتىلەندىرۋ كەرەك. استىق ءونىمىن ءۇرتىس ورنىقتىرۋدى، ارتتىرۋدى جانە ماڭىزدى اۋىل شارۋاشىلىق ونىمدەرىمەن ورنىقتى قامداۋدى كۇش سالا ويداعىداي يگەرىپ، كەلەر جىلعى اۋىل شارۋاشىلىق ءوندىرىس جوباسىن عىلمي تۇردە ويداعىداي جاساپ، شارۋالاردىڭ كىرىسىن ارتتىرۋدى وزەكتى مىندەت ەتىپ، اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى ويداعىداي ىستەپ، اۋىل - قىستاقتىڭ جاپپاي گۇلدەنۋىن ىلگەرىلەتۋ كەرەك. مۇناي - تابيعي گاز، كومىر، كەن ونىمدەرى سياقتى ءتۇيىندى سالالاردى ارقاۋ ەتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، شەشۋشى، وزەكتى تەحنيكالاردان قامال الۋ جانە عىلىم - تەحنيكا جەتىستىكتەرىن كادەگە جاراتۋ تەبىنىن ارتتىرۋ كەرەك. جوعارى دەڭگەيدە سىرتقا ەسىك اشۋدى جەدەلدەتىپ، يمپورت - ەكسپورت ساۋداسىن كەڭەيتىپ، ”ءبىر بەلدەۋ، ءبىر جولدى“ بىرگە قۇراتىن ەلدەرمەن، اسىرەسە، ورتا ازياداعى 5 ەلمەن ناقتى سەلبەستىكتىڭ ساپاسىن جوعارىلاتىپ، دارەجەسىن ءوسىرۋدى ىلگەرىلەتۋ كەرەك. شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، شينجياڭنىڭ ءتۇرلى تاريحي مادەنيەت بايلىعىنان جانە مادەنيەت كورمە ورىندارىنان ويداعىداي پايدالانىپ، تاريحي مادەنيەت مۇرالارىن قورعاۋدى، وعان مۇراگەرلىك ەتۋدى جانە ونى جاندى پايدالانۋدى جۇيەلى ىلگەرىلەتىپ، مادەنيەت - ساياحات كاسىپ سالاسىن جۇڭحۋا ۇلتى ورتاق تۇلعا تانىمىن بەكەمدەۋدىڭ ماڭىزدى دانەكەرىنە اينالدىرۋ كەرەك. جەر - جەر، تاراۋلار جاۋاپكەرشىلىكتى شىنايى ارقالاپ، پارتيا ورتالىق كوميتەتىنىڭ ءتۇرلى بار ساياساتتارىن جانە تىڭنان قوسىلعان ساياساتتارىن قاز - قالپىندا تياناقتاندىرىپ،ءتورتىنشى ماۋسىمداعى ەكونوميكالىق قىزمەتتى بار كۇشپەن ويداعىداي يگەرىپ، تۇتاس جىلداعى ەكونوميكالىق، قوعامدىق دامۋ نىسانا - مىندەتتەرىن قۇلشىنا جۇزەگە اسىرۋ كەرەك.
ءماجىلىس مىنالاردى باسا دارىپتەدى: ورتالىق كوميتەت تۇڭعىش رەت قوعامدىق قىزمەت ءماجىلىسىن اشتى، باس شۋجي شي جينپيڭ قوعامدىق قىزمەت جونىندە ماڭىزدى نۇسقاۋ بەرىپ، جاڭا داۋىردەگى قوعامدىق قىزمەتتى ويداعىداي ىستەۋگە ايقىن باعدار كورسەتتى. باس شۋجيدىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعامدىق قىزمەتتى ويداعىداي ىستەۋدىڭ كەلەلى ءمانىن تەرەڭ يگەرىپ، رەفورما جاساۋ، جاڭالىق اشۋ رۋحىن كۇشەيتىپ، شينجياڭنىڭ قوعامدىق قىزمەتىن جۇيەلى جوبالاۋ، ىلگەرىلەتۋ كەرەك. جاڭا داۋىردەگى قوعامدىق قىزمەتتىڭ جالپى تۇلعالىق تالابىن ولشەم ەتىپ، جاڭا داۋىردەگى پارتيانىڭ بۇقارالىق لۋشيانىن ىشكەرىلەي امالياتتا ايگىلەپ، جاڭادان گۇلدەنگەن سالالارداعى پارتيا قۇرىلىسىن كورنەكتى تۇردە ويداعىداي يگەرىپ، پارتيا قۇرىلىسى ارقىلى نەگىزگى ساتىنى باسقارۋ مەن نەگىزگى ساتى بيلىك قۇرىلىسىنا جەتەكشىلىك ەتۋدى نىعايتىپ، بۇقارانى ۇيىستىرۋ، بۇقاراعا قىزمەت وتەۋ قىزمەتىن تىڭعىلىقتى، ويداعىداي ىستەپ، جوعارى ساپالى قوعامدىق قىزمەت ارقىلى جۇرت تىلەگىن ۇيىستىرۋعا، ىنتىماقتى كۇشەيتۋگە دەم بەرىپ، شينجياڭ قوعامىنىڭ جاراسىمدىلىعىنا، ورنىقتىلىعىنا جانە ەكونوميكانىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك. قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋ، ۇدايىلاندىرۋ باسشىلىق جۇيەسىن، ۇيىمدىق جۇيەسىن ۇزدىكسىز اقاۋسىزداندىرىپ، ىلگەرىلەتىپ، ءار جاقتاعى جاۋاپكەرشىلىكتىڭ قىزمەت ورنىنا دەيىن تياناقتانۋىن، ادامعا دەيىن تياناقتانۋىن ىلگەرىلەتىپ، شارالاردى ناقتى تياناقتاندىرىپ، ەگجەي - تەگجەيلى تياناقتاندىرىپ، تۋ باستان جونگە سالۋدى كۇشەيتىپ، شەكارا قورعانىس شەبىن بەكەمدەپ، سىرتتان كىرۋ حاۋىپ - قاتەرىنەن دالمە - ءدال ساقتانىپ، مەملەكەتتىڭ ساياسي حاۋىپسىزدىگى مەن شينجياڭنىڭ قوعامدىق جالپى جاعدايىنىڭ ورنىقتىلىعىن باتىل قورعاۋ كەرەك.
ءماجىلىس مىنالاردى باسا دارىپتەدى: پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رەفورما ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، ونەركاسىپ جۇمىسشىلارى قوسىنىنىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى ماڭىزدى رولىن ستراتەگيالىق تۇرعىدان ايقىن تانىپ، جاڭا داۋىردەگى شينجياڭنىڭ دامۋ قاجەتىنە ۇيلەسىپ، ونەركاسىپ جۇمىسشىلارى قوسىن قۇرىلىسى رەفورماسىنا ايرىقشا ءمان بەرۋ، ۇزدىكسىز تەرەڭدەتۋ كەرەك. شينجياڭنىڭ ءتۇيىندى كاسىپ سالاسى شوعىرى قۇرىلىسىن دامىتۋدى نەگىزگى ارنا ەتۋگە تاباندى بولىپ، بىرەگەي كاسىپورىنداردى جەتىلدىرۋ، ابزال كاسىپتەردى زورايتۋ ارقىلى وسى زامانعى ونەركاسىپ جۇمىسشىلارى قوسىن قۇرىلىسىن جەتەكتەۋ كەرەك. كاسىپتىك وقۋ - اعارتۋ، جوعارى دارەجەلى وقۋ - اعارتۋ سياقتىلاردىڭ جەدەل دامۋىن باعىتتامالى تۇردە ىلگەرىلەتىپ، ءتىپتى دە كوپ ءىرى ەل ۇستالارى مەن جوعارى تەحنيكالىق قابىلەتكە يە دارىندىلاردى باۋلۋ، جەتىلدىرۋ قاجەت. كاسىپ سالاسى جۇمىسشىلارىنىڭ تەحنيكالىق قابىلەتىن قالىپتاستىرۋ جانە دەڭگەيىن ءوسىرۋ ارناسىن ۇزدىكسىز كەڭەيتىپ، ەگىنشى - مالشىلاردى شەبەرلىككە باۋلۋ سەرپىنىن ارتتىرىپ، شينجياڭنىڭ كاسىپ سالاسىنىڭ دامۋى مەن وسىزامانداندىرۋ قۇرىلىسىنىڭ جاعدايىنا، تالابىنا ۇيلەسەتىن كاسىپ سالاسى جۇمىسشىلارى قوسىنىن ۇزدىكسىز زورايتىپ، كورىكتى شينجياڭ قۇرۋدى دارىندىلار جاعىنان پارمەندى قامتاماسىز ەتۋ جانە وعان تەحنيكالىق تىرەك ازىرلەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭ جانە پارتيا ورتالىق كوميتەتى پارتيا ءتارتىبىن ۇيرەنۋ تاربيەسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ جونىندە جۇيەلى ورنالاستىرۋ جاساپ، ايقىن تالاپ قويدى، ءبىز مۇقيات دايەكتىلەندىرىپ، تياناقتاندىرىپ، ۇدايىلانعان، ۇزاق ءونىمدى مەحانيزم ورناتۋدى، كەمەلدەندىرۋدى جەدەلدەتىپ، پارتيا ءتارتىبىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەۋىمىز، تەرەڭدەتۋىمىز كەرەك. پارتيانىڭ جاسامپاز نازارياسىن تاباندىلىقپەن ۇيرەنىپ، ءتۇسىنىپ، پارتيا ۋستاۆىن، پارتيا قاعيداسىن، پارتيا ءتارتىبىن جانە باس شۋجي شي جينپيڭنىڭ پارتيانىڭ ءتارتىپ قۇرىلىسىن جاپپاي كۇشەيتۋ جونىندەگى ماڭىزدى بايىمداۋلارىن ۇيرەنۋدى كۇندەلىكتى قىزمەتكە ءسىڭىرىپ، قالىڭ پارتيا مۇشەلەرىن، كادرلاردى ءتارتىپتى ۇيرەنۋدى، ءتارتىپتى ءبىلۋدى، ءتارتىپتى ايقىنداۋدى، تارتىپكە بويسۇنۋدى ۇدايىلاندىرۋعا جەتەكتەپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدان جازباي، ءتارتىپ پەن قاعيدانى ساياسي سانالىلىققا، يدەيالىق سانالىلىققا، ارەكەت سانالىلىعىنا شىنايى اينالدىرىپ، ءتارتىپتى دالمە - ءدال، جۇيەلى اتقارۋ ارقىلى ءار دارەجەلى تاراۋلاردىڭ اناعۇرلىم ويداعىداي ءىس تىندىرىپ، شارۋاشىلىق قۇرۋىن، جاۋاپكەرشىلىك ارقالاپ، ىسكەرلىك كورسەتۋىن ىلگەرىلەتۋ كەرەك.
