习近平对广东珠海市驾车冲撞行人案件作出重要指示强调
全力救治伤员 依法严惩凶手
加强风险源头防控 严防发生极端案件
李强作出批示
شي جينپيڭ گۋاڭدۇڭنىڭ جۋحاي قالاسىنداعى اۆتوكولىكپەن جۇرگىنشىلەردى سوعۋ دەلوسى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
جارالانعانداردى بار كۇشپەن قۇتقارىپ ەمدەۋ، قاندى قولدى زاڭ بويىنشا قاتاڭ جازالاۋ، حاۋىپ - قاتەردەن
تۋ باستان ساقتانۋ - تىزگىندەۋدى كۇشەيتىپ، ۇشقارى دەلولاردىڭ تۋىلۋىنان قاتاڭ ساقتانۋ كەرەك
لي چياڭ بەكىتۋ جازدى
شينحۋا اگەنتتىگىنىڭ 11 - ايدىڭ 12 - كۇنى بەيجيڭنەن بەرگەن حابارى. 11 - ايدىڭ 11 - كۇنى كەشتە گۋاڭدۇڭنىڭ جۋحاي قالاسى شياڭجوۋ رايونى دەنە تاربيە ورتالىعىندا اۆتوكولىكپەن جۇرگىنشىلەردى سوعۋ دەلوسى تۋىلدى، قازىرگە دەيىن 35 ادام ءولىپ، 43 ادام اۋىر جارالاندى.
دەلو تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا نازار اۋداردى ءارى ماڭىزدى نۇسقاۋ بەرىپ، بىلاي دەپ اتاپ كورسەتتى: گۋاڭدۇڭنىڭ جۋحاي قالاسى شياڭجوۋ رايونى دەنە تاربيە ورتالىعىندا اۆتوكولىكپەن جۇرگىنشىلەردى سوعۋ دەلوسى تۋىلىپ، اۋىر ءولىم - ءجىتىم بولدى، سيپاتى توتەنشە جيرەنىشتى. جارالانعانداردى بار كۇشپەن قۇتقارىپ ەمدەۋ، جارالانعاندارعا، ولگەندەرگە جانە ولاردىڭ وتباسىنداعىلارعا قاتىستى جۇباتۋ، سوڭعى جۇمىستارىن ىڭعايلاۋ قىزمەتتەرىن دەن قويا جاقسى ىستەۋ كەرەك. قاندى قولدى زاڭ بويىنشا قاتاڭ جازالاۋ كەرەك. وڭىرلەر جانە قاتىستى تاراۋلار تەرەڭ ساباق الىپ، بىرەۋى ارقىلى وزگەسىن تۇسپالداپ، حاۋىپ - قاتەردەن تۋ باستان ساقتانۋدى، تىزگىندەۋدى كۇشەيتىپ، قايشىلىقتار مەن داۋ - شارلاردى دەر كەزىندە جويىپ، ۇشقارى دەلولاردىڭ تۋىلۋىنان قاتاڭ ساقتانىپ، حالىق بۇقاراسىنىڭ ءومىرىنىڭ حاۋىپسىزدىگىن جانە قوعامنىڭ ورنىقتىلىعىن بار كۇشپەن قامتاماسىز ەتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى اتاپ كورسەتتى: جارالانعانداردى بار كۇشپەن قۇتقارىپ، سوڭعى جۇمىستاردى ۇيلەسىمدى ورنالاستىرىپ، دەلونىڭ ءمان - جايىن تەز ارادا انىقتاۋ ءارى قاندى قولدى زاڭ بويىنشا قاتاڭ جازالاۋ كەرەك. ساقتانۋ مەن تىزگىندەۋدى ۇشتاستىرىپ، حاۋىپ - قاتەرلەردى، كومەسكى قاتەرلەردى جانە قوعامدىق قايشىلىقتاردى ءبىر - بىردەن تەكسەرىپ جويۋدى شىنايى ويداعىداي ىستەپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك.
شي جينپيڭنىڭ ماڭىزدى نۇسقاۋىنا ساي، ورتالىق سول جەرگە قىزمەت گرۋپپاسىن جىبەرىپ، ءبىر جاقتى ەتۋ قىزمەتىنە جەتەكشىلىك ەتتى، گۋاڭدۇڭ ولكەسى جانە جۋحاي قالاسى جارالانعانداردى قۇتقارىپ ەمدەۋ، دەلونى بارلاۋ - تەكسەرۋ، قوعامدىق ساقتانۋ - تىزگىندەۋ سياقتى قىزمەتتەردى بار كۇشپەن ويداعىداي ىستەۋدە. قازىر ءتۇرلى قىزمەتتەر ورىستەتىلۋ ۇستىندە.
