جۇڭگو ۇكىمەت سايتىنىڭ حابارىنا قاراعاندا، 2025-جىلى جاڭا جىل، كوكتەم مەرەكەسى، چيڭميڭ مەرەكەسى، ەڭبەكشىلەر مەرەكەسى، دۋان-ۋ مەرەكەسى، جۇڭچيۋ مەرەكەسى جانە مەملەكەت مەرەكەسى بايلانىسىمەن بەرىلەتىن ناقتى دەمالىس ۋاقىتى تومەندەگىدەي ورنالاستىرىلعان: (كوكتەم مەرەكەسى مەن ەڭبەكشىلەر مەرەكەسىنىڭ ءارقايسىسىنا ءبىر كۇن قوسىلادى! 2025-جىلعى دەمالىس ورنالاستىرۋ ۇقتىرۋى جاريالاندى)
جاڭا جىل: 1-ايدىڭ 1-كۇنى (سارسەنبى) ءبىر كۇن دەمالىس بەرىلەدى، دەمالىس رەتتەلمەيدى.
كوكتەم مەرەكەسى: 1-ايدىڭ 28-كۇنىنەن (ەگىنشىلىك كالەندارى بويىنشا ەسكى جىلدىڭ سوڭعى كۇنى، سەيسەنبى) 2-ايدىڭ 4-كۇنىنە دەيىن (ەگىنشىلىك كالەندارى بويىنشا 1-ايدىڭ 7-كۇنى، سەيسەنبى) دەمالىس كۇندەرى رەتتەلىپ، جيىنى 8 كۇن دەمالىس بەرىلەدى. 1-ايدىڭ 26-كۇنى (جەكسەنبى)، 2-ايدىڭ 8-كۇنى (سەنبى) قىزمەت كۇنى.
چيڭميڭ مەرەكەسى: 4-ايدىڭ 4-كۇنىنەن (جۇما) 6-كۇنىنە دەيىن (جەكسەنبى) جيىنى 3 كۇن دەمالىس بەرىلەدى.
ەڭبەكشىلەر مەرەكەسى: 5-ايدىڭ 1-كۇنىنەن (بەيسەنبى) 5-كۇنىنە دەيىن (دۇيسەنبى) دەمالىس كۇندەرى رەتتەلىپ، جيىنى 5 كۇن دەمالىس بەرىلەدى. 4-ايدىڭ 27-كۇنى (جەكسەنبى) قىزمەت كۇنى.
دۋان-ۋ مەرەكەسى: 5-ايدىڭ 31-كۇنىنەن (سەنبى) 6-ايدىڭ 2-كۇنىنە دەيىن (دۇيسەنبى) جيىنى 3 كۇن دەمالىس بەرىلەدى.
مەملەكەت مەرەكەسى، جۇڭچيۋ مەرەكەسى: 10-ايدىڭ 1-كۇنىنەن (سارسەنبى) 8-كۇنىنە دەيىن (سارسەنبى) دەمالىس كۇندەرى رەتتەلىپ، جيىنى 8 كۇن دەمالىس بەرىلەدى. 9-ايدىڭ 28-كۇنى (جەكسەنبى)، 10-ايدىڭ 11-كۇنى (سەنبى) قىزمەت كۇنى.
2024-جىلى 11-ايدا وزگەرىس ەنگىزىلگەن «بۇكىل ەل بويىنشا جىلدىق مەرەكە جانە ەسكە ءتۇسىرۋ كۇندەرىنە وراي دەمالىس بەرۋ ءادىسى»
بارلىق ازاماتتارعا بەرىلەتىن دەمالىس كۇندەرى:
1. جاڭا جىلدا ءبىر كۇن دەمالىس بەرىلەدى (1-ايدىڭ 1-كۇنى) 2. كوكتەم مەرەكەسىندە 4 كۇن دەمالىس بەرىلەدى (ەگىنشىلىك كالەندارى بويىنشا ەسكى جىلدىڭ سوڭعى كۇنى، 1-ايدىڭ 1-كۇنىنەن 3-كۇنىنە دەيىن)؛ 3. چيڭميڭ مەرەكەسىندە ءبىر كۇن دەمالىس بەرىلەدى (ەگىنشىلىك كالەندارى بويىنشا چيڭميڭ كۇنى)؛ 4. ەڭبەكشىلەر مەرەكەسىندە 2 كۇن دەمالىس بەرىلەدى (5-ايدىڭ 1-، 2-كۇندەرى)؛ 5. دۋان-ۋ مەرەكەسىندە ءبىر كۇن دەمالىس بەرىلەدى (ەگىنشىلىك كالەندارى بويىنشا دۋان-ۋ كۇنى)؛ 6. جۇڭچيۋ مەرەكەسىندە ءبىر كۇن دەمالىس بەرىلەدى (ەگىنشىلىك كالەندارى بويىنشا جۇڭچيۋ كۇنى)؛ 7. مەملەكەت مەرەكەسىندە 3 كۇن دەمالىس بەرىلەدى (10-ايدىڭ 1-كۇنىنەن 3-كۇنىنە دەيىن)؛ ءىشىنارا ازاماتتارعا دەمالىس بەرىلەتىن مەرەكە جانە ەسكە ءتۇسىرۋ كۇنى: 1. ايەلدەر مەرەكەسى (3-ايدىڭ 8-كۇنى)، ايەلدەرگە جارتى كۇن دەمالىس بەرىلەدى؛ 2. جاستار مەرەكەسى (5-ايدىڭ 4-كۇنى)، 14 جاستان اسقان جاستارعا جارتى كۇن دەمالىس بەرىلەدى؛ 3. بالالار مەرەكەسى (6-ايدىڭ 1-كۇنى)، 14 جاسقا تولماعان ءوسپىرىم بالالارعا ءبىر كۇن دەمالىس بەرىلەدى؛ 4. جۇڭگو حالىق ازاتتىق ارمياسىنىڭ قۇرىلعاندىعىن ەسكە ءتۇسىرۋ كۇنى (8-ايدىڭ 1-كۇنى)، مىندەت وتەپ جاتقان اسكەرلەرگە جارتى كۇن دەمالىس بەرىلەدى. از ۇلتتاردىڭ سالت-سانا مەرەكەسى، از ساندى ۇلتتار شوعىرلى قونىستانعان وڭىرلەردەگى جەرگىلىكتى حالىق ۇكىمەتى سول ۇلتتىڭ سالت-ساناسىنا قاراي دەمالىس ۋاقىتىن بەلگىلەيدى. 7-اقپان ەسكە ءتۇسىرۋ كۇنى، 30-مامىر ەسكە ءتۇسىرۋ كۇنى، 7-شىلدە جاپون شاپقىنشىلارىنا قارسى سوعىستى ەسكە ءتۇسىرۋ كۇنى، 3-قىركۇيەك جاپون شاپقىنشىلارىنا قارسى سوعىستىڭ جەڭىسكە جەتكەندىگىن ەسكە ءتۇسىرۋ كۇنى، 18-قىركۇيەك ەسكە ءتۇسىرۋ كۇنى، وقىتۋشىلار مەرەكەسى، سەسترالار مەرەكەسى، تىلشىلەر مەرەكەسى، اعاش ەگۋ مەرەكەسى سياقتى باسقادا مەرەكە-مەيرام، ەسكە ءتۇسىرۋ كۇندەرىندە دەمالىس بەرىلمەيدى. بارلىق ازاماتتارعا دەمالىس بەرىلەتىن دەمالىس كۇندەرى ەگەر سەنبى، جەكسەنبى كۇندەرىنە تۋرا كەلسە، قىزمەت كۇندەرىندە تولىقتاپ دەمالۋ ءتيىس. ءىشىنارا ازاماتتارعا دەمالىس بەرىلەتىن دەمالىس كۇندەرى سەنبى، جەكسەنبى كۇندەرىنە تۋرا كەلسە، دەمالىس تولىقتاپ بەرىلمەيدى. بارلىق ازاماتتارعا دەمالىس بەرىلەتىن دەمالىس كۇندەرىندە ءبىر تۇتاس دەمالىس بەرۋدى، دەمالىستى رەتتەۋدى ۇيلەسىمدى ورنالاستىرىپ، ەڭبەكاقىلى جىلدىق دەمالىس سياقتى تۇزىمدەردى تياناقتاندىرۋمەن ۇشتاستىرىپ، ءبىرشاما ۇزاق دەمالىس ۋاقىتىن ناقتى قالىپتاستىرۋعا بولادى. ءبىرلى-جارىم ەرەكشە ءبىر جاعدايدان سىرت، زاڭدا بەلگىلەنگەن مەرەكە، دەمالىس كۇندەرىندەگى دەمالىس ۋاقىتىنىڭ الدى-ارتىنداعى جالعاستىرىپ قىزمەت ىستەۋ ۋاقىتى ادەتتە 6 كۇننەن اسپايدى.
来源：新疆日报公众号
编辑：阿莱·赫亚克巴依
责编：叶克奋·沙布尔
监制：叶尔兰·努哈
