1
قانىپ ۇيىقتاعانىڭىز ءوزىڭىزدى سۇيگەندىگىڭىز
سىزدە دە مىناداي كەزدەر بولىپ پا ەدى؟ ءتۇن ورتاسى اۋسا دا، كورپەڭىزگە ورانىپ الىپ قول تەلەفونىڭىزدى شۇقىلاۋمەن بولاسىز، ەرتەرەك ۇيىقتايىنشى دەپ الاسىز دا، قالاي ءتۇن اسىرعانىڭىزدى بىلمەي قالاسىز. كۇندىز ريتىمى تەز قىزمەتپەن جانتالاساسىز دا، ءتۇن بولعاندا، تۇرمىستا جولىققان كەلەڭسىزدىكتەردى ويلاپ كىرپىك ايقاستىرا المايسىز.
ءبىراق مۇنداي جاعداي ۇزاققا جالعاسسا، ءتۇن اسىرۋمەن ماسەلەنى شەشە الماعانىمىزبەن قويماي، كەرىسىنشە رۋحاني كۇيىمىزگە اقاۋ جەتكەندىگىن بايقايمىز.
ءار كۇنى ەرتە تۇرساڭىز، دەنە شىنىقتىرۋعا ۋاقىت تاباسىز، تۇرمىسىڭىزعا كەڭ تىنىس ۇستەي الاسىز. قانىپ ۇيىقتاعانىڭىز ءوزىڭىزدى سۇيگەندىگىڭىز، ءوزىڭىزدى ايالاعانىڭىز، سولاي بولعاندا تاسقىنداعان سۇيىسپەنشىلىكپەن اڭساعان ارمانىڭىزعا تالپىنا الاسىز.
2
ەرتە جاتىپ ەرتە تۇرساڭىز، تۇرمىسىڭىز ىرقىڭىزدا بولادى
ءبىر كۇندىك جوسپار تاڭەرتەڭ جاسالادى. ءتۇنى بويى جايلى ۇيىقتاپ دەم العان بولساڭىز، ەرتەسى تاڭەرتەڭ ميىڭىز سەرگەك، وي ءورىسىڭىز اشىق بولىپ وياناسىز، نازارىڭىزدى شوعىرلاندىرۋ ارقىلى ىستەلەتىن ىستەرىڭىزدى وڭاي ورىنداي الاتىن ءارى پاراساتتى شەشىم قابىلدايتىن بولاسىز.
ءوزىڭىز ءۇشىن تاماشا تۇرمىس ءتارتىبىن ورناتىپ، تاباندىلىقپەن اتقارا بىلسەڭىز، تۇرمىسىڭىزدى ەركىن مەڭگەرە الاسىز. ادام ءوزىن دە، تۇرمىسىن دا مەڭگەرە بىلگەن كەزىندە ەركىن، جايلى ءومىر سۇرە الادى، مۇندايدا سىرتقى ورتانىڭ ىقپالىنان اداسىپ جۇرمەيدى، مىنە بۇل ناعىز باقىتتى تۇرمىسقا اپاراتىن كىلت.
ەرتە جاتىپ ەرتە تۇرىپ، ۋاقىتتان ۇتىمدى پايدالانا بىلسەڭىز، تۇرمىسىڭىز ءوز ىرقىڭىزدا بولسا، ومىرلىك نىساناڭىز دا ورىندالاتىن بولادى.
3
ءدال ۋاعىندا دەمالساڭىز، سايىستا بار كۇشىڭىزدى سالا الاسىز
زەيىن-زەردەڭىز بەن ۋاقىتىڭىزدى دۇرىس باسقارىپ، ءدال ۋاعىندا دەمالۋدىڭ ءوزى پاراساتتىلىق.
ءبىر ءىستى ويداعىداي ىستەۋ ءۇشىن، رۋحاني كۇشىڭىز تاسقىنداپ تۇرۋى قاجەت. ال جان-ءتانىڭىز شارشاپ-شالدىعىپ تۇرعاندا، ەڭ جاقسىسى، جۇمىستارىڭىزدى ءبىر جاققا قايىرا تۇرىپ، ازىراق دەمالىپ، رۋحاني كۇيىڭىز قالپىنا كەلگەن سوڭ بارىپ جالعاستىرعانىڭىز ءجون. قانىپ ۇيىقتاساڭىز، ومىرشەڭدىك كۇشىڭىز تاسقىنداپ تۇرادى، جەتكىلىكتى دەمالۋ ءوزىڭىزدى رەتكە تۇسىرۋگە ءتيىمدى.
ءدال ۋاعىندا دەمالعاندا، جەتكىلىكتى دەمالعاندا عانا، سايىسقا تۇسكەن كەزدە بار كۇشىڭىزدى سالا الاسىز. جول ۇزاق بولعان سايىن، ناقتى قۋاتتى ساقتاۋعا تۋرا كەلەدى. وسى ماقالانى وقىعاننان كەيىن جاقسىلاپ قانىپ ۇيىقتاپ الىڭىز، دەمالىسىڭىز جاقسى بولسا، تۇرمىسىڭىز دا ويىڭىزداعىداي بولادى.
来源：经济参考报
翻译，主播：乔丽盼·哈再孜
责编：库娜依·胡阿泰
监制：叶尔兰·努哈
بالالىق كوڭىلدى جوعالتپاي، ماڭگى رياسىز پەيىلمەن جاساڭىز
جاقسى كوڭىل كۇي بارلىق سىرقاتتان ايىقتىراتىن تاماشا ءدارى
اۋتيزم الەمىنە ءۇڭىلىپ كورىڭىز
عۇمىردا ەڭ جاقسى جاس كەزەڭى بولا ما
ءوزىڭىزدى ءوزىڭىز ساۋىقتىرا بىلەسىز بە
ءوزىڭدى، ءومىردى ءسۇيۋ ءتاتتى ۇيقىدان باستالادى
اقاۋسىز دەنساۋلىق مىناداي 5 ءتۇرلى تۇرمىس تاسىلىنەن كەلەدى
قارىم-قاتىناستا ەستە بولار ەكى-ءۇش اۋىز ءسوز
كوڭىل كۇيدى قۇرىقتاۋدىڭ ءۇش كىلتى
ءوزىن مەڭگەرە بىلەتىندەردىڭ ەكى جاقسى ادەتى بولادى
كوڭىل كۇيدىڭ قۇنى ادامنىڭ وزىنە بايلانىستى
سوزبۇيدالىققا سالىنا بەرسەڭ، جاقسى كۇندەر كۇتەدى دەپ دامەلەنبە
مىنا ءۇش اۋىز ءسوز جاڭا جىلداعى وزىمىزگە ارنالادى
وزىڭىزگە ەڭ ۇيلەسىمدى تۇرمىس قانا ەڭ جاقسى تۇرمىس
مىنا ءۇش اۋىز ءسوز جاڭا جىلداعى وزىمىزگە ارنالادى
جاڭا ءبىر جىلدا ءسىزدى باقىتقا جەتەلەيتىن بەس ءادىس
ماسەلەنى شەشۋدىڭ ەڭ ۇتىمدى ءادىسى نە
ۋاقىت شىعارىپ ءوزىڭىزدى سومداي ءبىلىڭىز
