习近平同秘鲁总统博鲁阿尔特以视频方式共同出席钱凯港开港仪式
شي جينپيڭ پەرۋ زۇڭتۇڭى بولۋارتپەن چيانكاي پورتىنىڭ اشىلۋ سالتىنا بەينەبايلانىس تاسىلىمەن بىرگە قاتىناستى
جەرگىلىكتى ۋاقىت 11 - ايدىڭ 14 - كۇنى كەشتە مەملەكەت ءتوراعاسى شي جينپيڭ پەرۋ زۇڭتۇڭى بولۋارتپەن ليماداعى زۇڭتۇڭ سارايىندا چيانكاي پورتىنىڭ اشىلۋ سالتىنا بەينەبايلانىس تاسىلىمەن بىرگە قاتىناستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 14 - كۇنى ليمادان بەرگەن حابارى (تىلشىلەر حان مو، حان لياڭ). جەرگىلىكتى ۋاقىت 11 - ايدىڭ 14 - كۇنى كەشتە مەملەكەت ءتوراعاسى شي جينپيڭ پەرۋ زۇڭتۇڭى بولۋارتپەن ليماداعى زۇڭتۇڭ سارايىندا چيانكاي پورتىنىڭ اشىلۋ سالتىنا بەينەبايلانىس تاسىلىمەن بىرگە قاتىناستى.
شي جينپيڭ مەن بولۋارت ەكى ەلدىڭ قاتىناس - تاسىمال تاراۋلارىنداعى جاۋاپتىلار جەكە - جەكە جاساعان جاعداي جونىندەگى مالىمەتتى تىڭداپ، چيانكاي پورتى نىسانىنىڭ بەينەجازباسىن بىرگە كوردى. نىسان جۇمىس باسىندا جۇڭگو، پەرۋ ەكى جاقتىڭ ۋاكىلدەرى ەكى ەل باسشىسىنان پورتتى اشىپ جۇمىس جۇرگىزۋ جونىندە نۇسقاۋ سۇرادى.
ەكى ەلدىڭ مەملەكەت باسشىلارى بۇيرىق بەرىپ، ”پورت اشىلسىن!“ دەپ جاريالادى.
چيانكاي پورتىندا جۇڭيۋان ”پەرۋ كەمەسى“، ”جاڭا شاڭحاي كەمەسى“ جەكە - جەكە جۇك ءتۇسىرۋ - تيەۋ جۇمىسىن باستادى، ”تىڭفي كەمەسى“ گۋدوك شالىپ الىس ساپارعا اتتاندى، جۇرگىزۋشىسىز كونتەينەر جۇك كولىكتەرى ارلى - بەرلى قايشالىستى.
مايداندا دۋ قول شاپالاق ءۇنى كوتەرىلدى.
ەكى ەلدىڭ مەملەكەت باسشىلارى جەكە - جەكە ءسوز سويلەدى.
شي جينپيڭ چيانكاي پورتىنىڭ ءساتتى اشىلعاندىعىن قۇتتىقتاپ، ەكى ەل قۇرىلىسشىلارىنىڭ ىندەت قيىنشىلىعىن جەڭىپ، ءبىر نيەتپەن سەلبەسىپ، ءتۇرلى مىندەتتەردى ساپاسىنا، سانىنا كەپىلدىك ەتە وتىرىپ ورىنداعاندىعىنا قۇرمەت ءبىلدىردى. شي جينپيڭ بىلاي دەپ اتاپ كورسەتتى: قىسقا عانا بىرنەشە جىلدا، وسىزاماندانعان ءبىر پورت ەڭسە كوتەردى، بۇل جۇرتتى جەلپىندىردى جانە جىگەرلەندىردى. چيانكاي پورتى تەرەڭ سۋلى تاماشا پورت عانا ەمەس، سونداي - اق وڭتۇستىك امەريكاداعى تۇڭعىش زەردەلى كەمەجاي جانە جاسىل كەمەجاي، سالىنىپ بولعاننان كەيىن پەرۋگە مول پايدا جەتكىزىپ، قىرۋار جۇمىستانۋ ورايىن جاراتىپ، پەرۋدىڭ قۇرلىق پەن تەڭىزدى تۇتاستىرعان، ازيا مەن لاتىن امەريكاسىن ۇلاستىرعان - تۇتاستىرعان قاقپا ورنىن پارمەندى بەكەمدەيدى. 2000 نەشە جىلدىڭ الدىندا، جۇڭحۋا ۇلتىنىڭ اتا - بابالارى جەلكەن جايىپ الىسقا ساپار شەگىپ، اساۋ تولقىنداردى جارىپ، شىعىس پەن باتىستى جالعاعان تەڭىزدەگى جىبەك جولىن اشتى. 500 نەشە جىلدىڭ الدىندا پەرۋدەگى ەجەلگى ينكالار حاۋىپ - قاتەردەن قورىقپاي، اسقار تاۋلاردان اسىپ، انديس تاۋ سىلەمىنىڭ وڭتۇستىگىنەن سولتۇستىگىنە ەندەي وتكەن ينكا بايىرعى جولىن سالعان. قازىرگى چيانكاي پورتى ”جاڭا داۋىردەگى ينكا بايىرعى جولىنىڭ“ جاڭا باستاماسىنا اينالۋدا. ”چيانكايدان شاڭحايعا دەيىن“ ءبىز قازىر ”ءبىر بەلدەۋ، ءبىر جولدى“بىرگە قۇرۋ باستاماسىنىڭ پەرۋدە تامىر تارتىپ، گۇل اشۋىنا عانا ەمەس، جاڭا داۋىردەگى ازيا مەن لاتىن امەريكاسى قۇرلىق - تەڭىز جاڭا ارناسىنىڭ دۇنيەگە كەلۋىنە دە كۋا بولىپ وتىرمىز.
شي جينپيڭ بىلاي دەپ باسا دارىپتەدى: ءبىز چيانكاي پورتىن بىرگە ويداعىداي قۇرۋ، ويداعىداي باسقارۋ، ويداعىداي جۇرگىزۋ جولىندا بىرگە قۇلشىنىپ، تاسىمال قۋاتىن، تاسىمال كۇشىن، جالپىلىق قىزمەت وتەۋ دەڭگەيىن ۇزدىكسىز جوعارىلاتۋىمىز كەرەك. ارنا ارقىلى زات اينالىمىن جەبەۋ، زات اينالىمى ارقىلى ەكونوميكا - ساۋدانى جەبەۋ، ەكونوميكا - ساۋدا ارقىلى كاسىپ سالاسىن جەبەۋ جاعىندا بەلسەنە ىزدەنىس جاساپ، بىرگە اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولىپ، جۇڭگو، پەرۋ ەكى ەلدى قامتىعان تىنىق مۇحيت جاعالاۋىنداعى ەكونوميكالىق تۇلعالاردىڭ بىرگە دامۋىنا قۋات ۇستەپ، ونى پەرۋدىڭ، ءتىپتى، لاتىن امەريكاسى مەن كارايب ەلدەرىنىڭ گۇلدەنىپ - كوركەيۋ، باقىت جولىنا شىنايى اينالدىرىپ، اناعۇرلىم كەڭ ورىستە ءوزارا پايدا جەتكىزىپ تەڭ يگىلىككە كەنەلۋدى جۇزەگە اسىرىپ، ءار ەل حالقىن اناعۇرلىم كوپ ناقتى تابىس سەزىمىنە، ريزالىق سەزىمىنە بولەۋىمىز كەرەك.
بولۋارت بىلاي دەدى: چيانكاي پورتىنىڭ اشىلۋى بارلىق پەرۋ حالقى ماقتانىش ەتەتىن تاريحي ءسات. پەرۋ مەن جۇڭگونىڭ ”ءبىر بەلدەۋ، ءبىر جولدى“ بىرگە قۇرۋداعى وسى ايبىندى ينجەنەرياسى پەرۋدىڭ حالىقارالىق تەڭىز تاسىمالى مەن ساۋدا ورتالىعىن تۇلعالاۋ نىساناسىنا قاراي شەشۋشى قادام تاستاعاندىعىنىڭ بەلگىسى، بۇل پەرۋدىڭ لاتىن امەريكاسى مەن ازيانى بايلانىستىراتىن ماڭىزدى قاقپاعا اينالۋىنا دەم بەرەدى، سونداي - اق لاتىن امەريكاسىنىڭ ءبىر تۇلعالانۋىن جانە گۇلدەنىپ - كوركەيۋىن، دامۋىن پارمەندى جەبەيدى. پورت پەرۋدىڭ ەكونوميكالىق دامۋىنىڭ جاڭا پاراعىن اشىپ، پەرۋدىڭ باسەكەلىك قۋاتىن ونان ارى جوعارىلاتىپ، بارلىق پەرۋ حالقىنا ءتىپتى دە كوپ ىرىس - قۇت جاراتادى. جۇڭگونىڭ پەرۋگە سەنىم ارتقانىنا جانە قولداۋ كورسەتكەنىنە العىس ايتامىن! ”چيانكايدان شاڭحايعا دەيىن“ وسى ءبىر ”جاڭا داۋىردەگى ينكا بايىرعى جولى“ ەكى ءىرى وركەنيەتتى بايىرعى ەلدىڭ توعىسقان كوپىرىن، دوستاسقان ەكى ۇلتتىڭ دوستىقتى تەرەڭدەتۋ كوپىرىن سالادى. جۇڭگو جاساسىن! پەرۋ مەن جۇڭگونىڭ دوستىعى جاساسىن!
چيانكاي پورتى پەرۋدىڭ استاناسى ليمانىڭ سولتۇستىگىنەن 80 كيلومەتر قاشىقتىقتا، جۇڭگو مەن پەرۋدىڭ ”ءبىر بەلدەۋ، ءبىر جولدى“ بىرگە قۇرۋداعى ءتۇيىندى نىسانى. پورت اشىلعاننان كەيىن، جۇڭگودان پەرۋگە باراتىن تەڭىز تاسىمالى ۋاقىتىن 23 كۇنگە قىسقارتىپ، زات اينالىمىنىڭ وزىنىك قۇنىن ％20تەن استام ۇنەمدەپ، ءار جىلى پەرۋگە 8000نان استام تىكەلەي جۇمىستانۋ ورايىن جاراتادى.
ساي چي، ۋاڭ ي قاتارلىلار قيمىلعا قاتىناستى.
来源：新疆日报
编辑：热依扎·卡玛力别克
责编：库娜依·胡阿泰
监制：叶尔兰·努哈
