习近平同秘鲁总统博鲁阿尔特举行会谈
شي جينپيڭ پەرۋ زۇڭتۇڭى بولۋارتپەن كەڭەس وتكىزدى
جەرگىلىكتى ۋاقىت 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ليماداعى زۇڭتۇڭ سارايىندا پەرۋ زۇڭتۇڭى بولۋارتپەن كەڭەس وتكىزدى. بولۋارت زۇڭتۇڭ سارايىنىڭ الدىنداعى الاڭدا شي جينپيڭگە ارناپ ايبىندى دا سالتاناتتى قارسى الۋ سالتىن وتكىزدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 14 - كۇنى ليمادان بەرگەن حابارى (تىلشىلەر ني سى - ي، حاۋ ۋيۋي). جەرگىلىكتى ۋاقىت 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ليماداعى زۇڭتۇڭ سارايىندا پەرۋ زۇڭتۇڭى بولۋارتپەن كەڭەس وتكىزدى.
جاز باسىنداعى ليمادا كۇن شۇلەن شۋاعىن شاشىپ، الۋان گۇلدەر جايقالىپ تۇر.
پەرۋ سيلى قوناقتاردى قارسى الۋ اتتى اترەتىنىڭ قورعاۋىندا شي جينپيڭ اۆتوكولىكپەن زۇڭتۇڭ سارايىنا جەتكەندە، بولۋارت زۇڭتۇڭ ىستىق ىقىلاسپەن قارسى الدى.
بولۋارت زۇڭتۇڭ سارايىنىڭ الدىنداعى الاڭدا شي جينپيڭگە ارناپ ايبىندى دا سالتاناتتى قارسى الۋ سالتىن وتكىزدى.
ەكى ەلدىڭ مەملەكەت باسشىلارى قارسى جاقتىڭ سەرىك بولىپ كەلگەن ادامدارىمەن جەكە - جەكە قول الىسىپ، قۇرمەت ءبىلدىردى. شي جينپيڭ بولۋارتتىڭ سەرىك بولۋىندا قۇرمەت قاراۋىلىن كوزدەن كەشىردى، اسكەري وركەستر جۇڭگو، پەرۋ ەكى ەلدىڭ مەملەكەت ءانىن ورىندادى.
قارسى الۋ سالتىنان كەيىن ەكى ەلدىڭ مەملەكەت باسشىلارى كەڭەس وتكىزدى.
شي جينپيڭ بىلاي دەپ اتاپ كورسەتتى: بۇل مەنىڭ پەرۋدە 3 - رەت ساپاردا بولۋىم ءارى ءبىر جىل ىشىندە زۇڭتۇڭ حانىممەن 3 - رەت ديدارلاسۋىم. كوپتەگەن پەرۋ حالىق جۇرتشىلىعى وزدىكتەرىنەن جولدىڭ ەكى جاعىندا توپتاسىپ، قول بۇلعاپ سالەم بەرىپ، قارسى الاتىندىقتارىن ءبىلدىردى، بۇل ماعان پەرۋ حالقىنىڭ جۇڭگو حالقىنا دەگەن دوستىق سۇيىسپەنشىلىگىن تەرەڭ سەزىندىردى. جۇڭگو مەن پەرۋ −− وركەنيەتتى بايىرعى ەلدەر. بايىرعى وركەنيەتتىڭ مايەكتى قورى جۇڭگو مەن پەرۋ ەكى ەلگە اقىل - پاراسات جانە دارقاندىق سيلاپ، ءبىزدىڭ تاريحتىڭ العا باسۋ بەتالىسىن ايقىن كورىپ، ءداۋىردىڭ دامۋ اۋقىمىنا ۇيلەسىپ، تەڭ تۇرعىدا مامىلە جاساۋعا، ءوزارا قۇرمەت ەتۋگە، ءوزارا سەنىم ارتۋعا، ءوزارا ۇيرەنىپ، ءوزارا ۇلگى الۋعا باستان - اياق تاباندى بولىپ، تۇرلىشە كولەمدەگى، تۇرلىشە تۇزىمدەگى، تۇرلىشە مادەنيەتتەگى ەلدەردىڭ ىنتىماقتاسۋىنىڭ، سەلبەستىك جاساسۋىنىڭ ۇلگىسىنە اينالۋىمىزعا مۇمكىندىك جاسادى. ديپلوماتيالىق قارىم - قاتىناس ورناتقان 53 جىلدان بەرى، اسىرەسە، مەن 2016 - جىلى پەرۋدە تۇڭعىش رەت مەملەكەتتىك ساپاردا بولعاننان بەرى، ەكى جاقتىڭ بىرگە قۇلشىنۋىندا، جۇڭگو مەن پەرۋدىڭ ساۋدا، قارجى قوسۋ سەلبەستىگى جىلدام ارتىپ، ەكى ەل حالقىن ناقتى پايداعا كەنەلتتى. ەكى جاق تاجىريبەلەردى قورىتىندىلاپ، ەكى ەلدىڭ ناقتى ىستەر سەلبەستىگىنىڭ ساپاسىن جوعارىلاتىپ، دارەجەسىن ارتتىرۋدى جەبەپ، جۇڭگو مەن پەرۋ جالپى بەتتىك ستراتەگيالىق سەرىكتەستىك قارىم - قاتىناسىن ۇزدىكسىز تىڭ ساتىعا كوتەرىپ، ەكى ەل حالقىن اناعۇرلىم ويداعىداي باقىتقا كەنەلتۋى كەرەك.
شي جينپيڭ بىلاي دەپ اتاپ كورسەتتى: ەكى جاق دامۋ ستراتەگيالارىن ءتۇيىلىستىرىپ، سەلبەستىك جاساسۋ كومەسكى كۇشىن تەرەڭ اشىپ، ناقتى ىستەر سەلبەستىگىنىڭ جاڭا ارناسىن اشىپ، ساۋدا جانە قارجى قوسۋ ”قوس تەگەرشىگىن“كۇشەيتىپ، ءداستۇرلى كاسىپ سالاسى مەن جاڭادان گۇلدەنگەن كاسىپ سالاسىنىڭ ”قاتار قانات قاعۋىن“ جەبەپ، كاسىپ سالاسى تىزبەگى مەن قامداۋ تىزبەگى سىندى ”ەكى تىزبەكتىڭ توعىسۋىن“ جەبەۋى كەرەك. جۇڭگو جاق پەرۋدىڭ ەرەكشە، ساپالى اۋىل شارۋاشىلىق ونىمدەرىن يمپورت ەتۋدى ۇزدىكسىز زورايتىپ، ناقتى قۋاتى بار جۇڭگو كاسىپورىندارىن پەرۋگە بارىپ قارجى قوسۋعا، شارۋاشىلىقتى گۇلدەندىرۋگە شابىتتاندىرىپ، جەرگىلىكتى ورىننىڭ دامۋىنا وزىندىك ۇلەس قوسۋدى قالايدى. ەكى جاق كەن ونىمدەرى، ەنەرگيا، نەگىزدىك قۇرىلعى، قاتىناس، حابارلاسۋ سياقتى ءداستۇرلى سالالارداعى سەلبەستىكتى ءبىر تۇتاس جوسپارلاپ ىلگەرىلەتىپ، سيفرلى ەكونوميكا، جاساندى زەردە، جاسىل تەڭىز تاسىمالى، ەلەكترلى اۆتوكولىك، فوتوۆولت كاسىپ سالاسى سياقتى جاڭادان گۇلدەنگەن سالالارداعى سەلبەستىكتى كەڭەيتۋى كەرەك. جۇڭگو جاق جۇڭگو كاسىپورىندارىن پەرۋدىڭ نەگىزدىك قۇرىلعى قۇرىلىسى ”قاتتى بولشەكتەرىن تۇتاستىرۋىنا“ ات سالىسۋعا شابىتتاندىرىپ، زەردەلى كەدەن ”جۇمساق بولشەكتەرىن تۇتاستىرۋدى“ جەبەۋدى قالايدى. جۇڭگو كاسىپورىندارىنىڭ قيىنشىلىقتى جەڭىپ چيانكاي پورتى نىسانى 1 - مەرزىمدىك ينجەنەرياسىن ۋاعىندا ءبىتىرۋى جۇڭگو جاقتىڭ پەرۋ جاقپەن ۇزاق ۋاقىتتىق ستراتەگيالىق سەلبەستىك ورىستەتۋ بەكىمىن تولىق بەينەلەدى. جۇڭگو جاق پەرۋ جاقپەن بىرگە چيانكاي پورتىنىڭ وڭىرلىك ورىن باسىمدىعىن تولىق ساۋلەلەندىرىپ، چيانكاي پورتىن باستاما ەتكەن جۇڭگو − لاتىن امەريكاسى قۇرلىق، تەڭىز جاڭا ارناسىن تۇلعالاپ، تەڭىز بويىنان ىشكى قۇرلىققا دەيىن، پەرۋدەن لاتىن امەريكاسىنداعى وزگە ەلدەرگە دەيىن ستەرەولدى، كوپ نەگىزدى، جوعارى ءونىمدى ءوزارا ۇلاستىرۋ - تۇتاستىرۋ ارناسىن قالىپتاستىرۋ جونىندە ىزدەنىس جاساپ، لاتىن امەريكاسى جانە كارايب ءوڭىرىنىڭ تۇتاس تۇلعالىق دامۋىنا جانە ءبىر تۇلعالاندىرۋ قۇرىلىسىنا دەم بەرۋدى قالايدى. جۇڭگو جاق سۋجوۋ قالاسىنىڭ چيانكاي قالاسىمەن دوس قالا قارىم - قاتىناسىن ورناتۋىنا قولداۋ كورسەتەدى، پەرۋ جاقپەن ونەركاسىپ باقشا رايونى قۇرىلىسى تاجىريبەلەرى جونىندە اۋىس - كۇيىس جاساسىپ، شەكارا اتتاعان قىزمەت وتەۋ ساۋداسى، ەلەكتروندى ساۋدا سياقتى سالالارداعى سەلبەستىكتى كەڭەيتىپ، شوعىر اسەرىن جانە بىرلەسىپ قيمىلداۋ اسەرىن ساۋلەلەندىرىپ، اناعۇرلىم كوپ ناقتى جەتىستىكتەر ارقىلى جۇڭگو مەن پەرۋدىڭ ۇزاق ۋاقىتتىق دوستىعىنىڭ، ءوزارا پايدا جەتكىزۋ سەلبەستىگىنىڭ سەنىمىن بەكەمدەۋدى قالايدى. جۇڭگو جاق تاعى پەرۋ جاقتىڭ دامۋ قاجەتىمەن ۇشتاستىرىپ، جاقىن ماڭدا لۋبان شەبەرحاناسىن، جۇڭگو تىلىندەگى شەبەرحانا قۇرىپ، كاسىپتىك وقۋ - اعارتۋ سەلبەستىگىن ورىستەتىپ، پەرۋ جاقتى جەرگىلىكتى دارىندىلارمەن جانە اقىل - پاراسات، تەحنيكا تىرەگىمەن قامداۋدى قالايدى.
شي جينپيڭ بىلاي دەپ باسا دارىپتەدى: ەكى جاق ەل باسقارۋ تاجىريبەلەرى جونىندەگى اۋىس - كۇيىستى كۇشەيتىپ، ستراتەگيالىق ءوزارا سەنىمدىلىكتى نىعايتىپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان ىستەرىندە ءوزارا باتىل قولداۋ كورسەتىپ، شىرىكتەسۋگە قارسى تۇرۋ، زاڭسىز بالىق اۋلاۋعا سوققى بەرۋ سياقتى سالالارداعى سەلبەستىكتى كۇشەيتۋى كەرەك. وركەنيەتتەردىڭ ءوزارا ۇلگى الۋىنىڭ ءداۋىر جاۋاپكەرشىلىگىن ارقالاپ، حالىقارالىق وركەنيەتتەر تىلدەسۋىن كۇشەيتۋدى دارىپتەپ، الەمدىك وركەنيەتتەر تىلدەسۋى سەلبەستىك تورىن قۇرۋدى تالقىلاۋ كەرەك. مادەنيەتتى، ساياسيدى ءتۇيىلىستىرۋدى كۇشەيتىپ، مادەنيەت، كوركەمونەر، وقۋ - اعارتۋ، مادەنيەت مۇرالارىن قورعاۋ سياقتى سالالارداعى اۋىس - كۇيىستى، سەلبەستىكتى تەرەڭدەتۋ كەرەك. جۇڭگو جاق پەرۋگە باعىتتالعان وقۋ سيلىق قاراجاتى سانىن كوبەيتۋدى قالايدى. ەكى ەل جاستارىنىڭ، ورەندەرىنىڭ ءوزارا تانىسىپ، ءوزارا ەتەنە بولىپ، جۇڭگو مەن پەرۋدىڭ دوستىعىن ۇرپاقتان - ۇرپاققا ۇزبەي جالعاستىرۋىن ءۇمىت ەتەدى.
شي جينپيڭ بىلاي دەپ اتاپ كورسەتتى: ازيا − تىنىق مۇحيت ءوڭىرى ەلدەرىنىڭ ەكونوميكاسى تەرەڭ توعىسقان، ىنتىماقتى، سەلبەستىكتى كۇشەيتۋ، ءوڭىردىڭ ورنىقتىلىعىن، گۇلدەنۋىن قورعاۋ ازيا − تىنىق مۇحيت ۇلكەن وتباسىنىڭ جانە جەر شارى وڭتۇستىگىنىڭ ورتاق مۇددەسىنە ۇيلەسەدى. جۇڭگو مەن پەرۋ كوپ جاقتىلىقتى دارىپتەيدى، قورعامپازدىققا قارسى تۇرادى. جۇڭگو جاق پەرۋدىڭ وتاعاسىلىق قىزمەتىن بار كۇشپەن قولدايدى، ءارقايسى جاقپەن بىرگە قۇلشىنىپ، وسى رەتكى ازيا − تىنىق مۇحيت ەكونوميكالىق سەلبەستىك ۇيىمى باسىشىلارىنىڭ بەيرەسمي ءماجىلىسىنىڭ تابىستى بولۋىن جەبەپ، ازيا − تىنىق مۇحيت ءوڭىرى تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. جۇڭگو جاق تاعى پەرۋ جاقپەن جۇڭگو − لاتىن امەريكاسى تالقى مىنبەرى اياسىنداعى بايلانىستى، سەلبەسۋدى ۇزدىكسىز كۇشەيتىپ، جۇڭگو − لاتىن امەريكاسى قارىم - قاتىناسىنىڭ دامۋىن جەبەۋگە بەلسەندى ۇلەس قوسۋدى قالايدى.
بولۋارت ءتوراعا شي جينپيڭنىڭ ساپارلاي كەلگەندىگىن قىزۋ قارسى الىپ، مىنالاردى ءبىلدىردى: پەرۋ مەن جۇڭگو ەكى ۇلكەن وركەنيەتتى بايىرعى ەل، تاريحتا قىرۋار جۇڭگولىق پەرۋدىڭ مەملەكەت قۇرىلىسىنا بەلسەندى ۇلەس قوسقان، ەكى ەل حالقىنىڭ دوستىق سۇيىسپەنشىلىگى تەرەڭ، تاتۋ باۋىرلاس جانە دوس. جۇڭگو ۇزاق ۋاقىتتان بەرى پەرۋدىڭ ەڭ ماڭىزدى ساۋدا سەرىگى بولىپ كەلەدى، اسىرەسە، ەكى جاق ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ورىستەتكەننەن بەرى ءار سالاداعى سەلبەستىكتە سۇبەلى جەتىستىكتەرگە قول جەتكىزدى، بۇل ەكى ەلدىڭ ءوزارا پايدا جەتكىزۋ سەلبەستىگىنە جانە بىرگە دامۋعا تالپىنۋداعى اينىماس ۋادەسىن تولىق بەينەلەدى. ءتوراعا شي جينپيڭ ساپاردا بولعان كەزدە ەكى جاق ەركىن ساۋدا كەلىسىمىنىڭ دارەجەسىن جوعارىلاتۋ كەلسىمى سياقتىلاردى قامتىعان كوپ ءتۇرلى ماڭىزدى سەلبەستىك كەلىسىمىنە قول قويىسىپ، ەكى جاقتىڭ ەكونوميكا - ساۋدا قارىم - قاتىناسىنىڭ جانە ءار سالاداعى سەلبەستىگىنىڭ ونان ارى دامۋىن پارمەندى جەبەيدى. اسىرەسە، چيانكاي پورتىنىڭ اشىلۋى ”چيانكايدان شاڭحايعا دەيىندى“ جۇزەگە اسىرىپ، لاتىن امەريكاسى مەن ازيا اراسىنداعى ماڭىزدى كوپىرگە جانە پەرۋ ەكونوميكاسىنىڭ ارتۋىنداعى ماڭىزدى قوزعالتقىشقا اينالىپ، پەرۋ مەن لاتىن امەريكاسى وڭىرىندەگى وزگە ەلدەردىڭ، سونداي - اق جۇڭگومەن، اۋەلى، ازيامەن اراداعى اناعۇرلىم جوعارى ءونىمدى، قولايلى تۇتاستىرۋدى جانە ساۋدانى پارمەندى جەبەپ، ەكى ەلدىڭ جانە وڭىردەگى ەلدەردىڭ باياندى دامۋىنا دەم بەرەدى. پەرۋ جاق جۇڭگو كاسىپورىندارىنىڭ پەرۋگە كەلىپ قارجى قوسىپ، شارۋاشىلىقتى گۇلدەندىرىپ، نەگىزدىك قۇرىلعى، بايلىق، ەنەرگيا، قاتىناس سياقتى ماڭىزدى سالالارداعى سەلبەستىك نىساندارىنا ات سالىسۋىن قارسى الادى. مەن پەرۋ جاقتىڭ ءبىر جۇڭگو ساياساتىنا تاباندىلىقپەن بويسۇناتىندىعىن قايتالاي دارىپتەگىم كەلەدى. پەرۋ جاق جۇڭگو جاقپەن وركەنيەتتەر اۋىس - كۇيىسىن، ءوزارا ۇلگى الۋىن جانە گۋمانيتارلىق اۋىس - كۇيىستى، سەلبەستىكتى كۇشەيتىپ، جاستاردىڭ جانە ادامداردىڭ بارىس - كەلىسىن جيىلەتۋدى قالايدى. جۇڭگو جاقتىڭ پەرۋدىڭ وسى رەتكى ازيا − تىنىق مۇحيت ەكونوميكالىق سەلبەستىك ۇيىمى باسىشىلارىنىڭ بەيرەسمي ءماجىلىسىن ۇيىمداستىرىپ وتكىزۋىنە ماڭىزدى، قۇندى قولداۋ كورسەتكەندىگىنە العىس ايتامىن. پەرۋ جاق كوپ جاقتىلىققا تاباندى بولادى، جۇڭگو جاقپەن ازيا − تىنىق مۇحيت ەكونوميكالىق سەلبەستىك ۇيىمى سياقتى جۇلگەلەردەگى بايلانىستى، سايكەسۋدى كۇشەيتىپ، ازيا − تىنىق مۇحيت ءوڭىرىنىڭ ۇزاق ۋاقىتتىق بەيبىتشىلىگىن، ورنىقتىلىعىن جانە دامۋىن، گۇلدەنۋىن جۇزەگە اسىرۋدى جەبەۋگە ۇلەس قوسۋدى ءۇمىت ەتەدى. ءتوراعا شي جينپيڭنىڭ وسى رەتكى ساپارى، ءسوز جوق، ەكى ەل قارىم - قاتىناسىنداعى ماڭىزدى بەلەسكە اينالىپ، پەرۋ مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ جاڭا تاراۋىن اشىپ، ەكى ەل حالقىنىڭ اناعۇرلىم باياندى جانە گۇلدەنگەن بولاشاقتى بىرگە قۇرۋىنا، ودان بىرگە يگىلىكتەنۋىنە مۇمكىندىك جاساپ، پەرۋ مەن جۇڭگونىڭ تاعدىرلاس ورتاق تۇلعاسىن قۇرۋىن جەبەيدى.
كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى ۇكىمەتى مەن پەرۋ رەسپۋبليكاسى ۇكىمەتىنىڭ ”ءبىر بەلدەۋ، ءبىر جولدى“ بىرگە قۇرۋ جونىندەگى سەلبەستىك جوباسىنا»، «جۇڭحۋا حالىق رەسپۋبليكاسى ۇكىمەتى مەن پەرۋ رەسپۋبليكاسى ۇكىمەتىنىڭ ەركىن ساۋدا كەلىسىمىنىڭ دارەجەسىن جوعارىلاتۋ كەلىسىمىنە» قول قويىلۋىنا بىرگە كۋا بولدى ءارى ەكونوميكا - ساۋدا، كاسىپ سالاسىنا قارجى قوسۋ، ونەركاسىپ باقشا رايونى، وقۋ - اعارتۋ، جاسىل دامۋ سياقتى سالالارداعى كوپ جاقتى، ەكى جاقتى سەلبەستىك حۇجاتتارىنىڭ اۋىستىرىلۋىنا كۋا بولدى.
ەكى جاق «جۇڭحۋا حالىق رەسپۋبليكاسى مەن پەرۋ رەسپۋبليكاسىنىڭ جالپى بەتتىك ستراتەگيالىق سەرىكتەستىك قارىم - قاتىناستى تەرەڭدەتۋ جونىندەگى بىرلەسكەن مالىمدەمەسىن» جاريالادى.
سول كۇنى كەشتە شي جينپيڭ بولۋارت زۇڭتۇڭ وتكىزگەن قارسى الۋ قوناعاسىنا قاتىناستى.
ساي چي، ۋاڭ ي قاتارلىلار جوعارىداعى قيمىلدارعا قاتىناستى.
来源：新疆日报
编辑：热依扎·卡玛力别克
责编：库娜依·胡阿泰
监制：叶尔兰·努哈
