习近平抵达利马
出席亚太经合组织第三十一次领导人非正式会议并对秘鲁进行国事访问
شي جينپيڭ ليماعا جەتتى
ازيا - تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ماجىلىسىنە قاتىناسادى ءارى پەرۋدە مەملەكەتتىك ساپاردا بولادى
شينحۋا اگەنتتىگىنىڭ 11 - ايدىڭ 14 - كۇنى ليمادان بەرگەن حابارى (تىلشىلەر جاڭ يۋان، حاۋ يۇنپۋ). جەرگىلىكتى ۋاقىت 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ پەرۋ رەسپۋبليكاسى زۇڭتۇڭى بولۋارتتىڭ ۇسىنىسىمەن ازيا − تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ماجىلىسىنە قاتىناسۋ ءارى پەرۋدە مەملەكەتتىك ساپاردا بولۋ ءۇشىن ارناۋلى ۇشاقپەن ليماعا جەتتى.
شي جينپيڭ ارناۋلى ۇشاقپەن ليما كاللاۋ اۋە ارمياسى بازاسىنا جەتكەندە، پەرۋ مينيسترلەر كەڭەسىنىڭ ءتوراعاسى ادريانسون قاتارلى جوعارى دارەجەلى ءمانساپتىلار ىستىق ىقىلاسپەن كۇتىپ الدى. جەرگىلىكتى ورىنداعى وقۋشىلار شي جينپيڭگە گۇل ۇسىنىپ، جۇڭگو تىلىندە شي جينپيڭنىڭ ساپارلاي كەلگەندىگىن قىزۋ قارسى الاتىندىعىن ءبىلدىردى. قۇرمەت قاراۋىلى قىزىل كىلەمنىڭ ەكى جاعىندا قاتار تۇزەپ قۇرمەت ءبىلدىردى.
شي جينپيڭ اۋەجايدا جازباشا ءسوز سويلەپ، پەرۋ ۇكىمەتى مەن پەرۋ حالقىنا شىنايى سالەم جولدادى جانە ىزگى تىلەك ءبىلدىردى.
شي جينپيڭ بىلاي دەپ اتاپ كورسەتتى: جۇڭگو مەن پەرۋ دوستىعى ۇزاقتان جالعاسقان، دوستىقتارى جۇرت جۇرەگىنە تەرەڭ ۇيالاعان. پەرۋ جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان لاتىن امەريكاسى ەلدەرىنىڭ ءبىرى. سوڭعى جىلدارى جۇڭگو مەن پەرۋ قارىم - قاتىناسى ۇزدىكسىز تەرەڭ دامىدى. ەكى جاقتىڭ ساياسي ءوزارا سەنىمدىلىگى كۇن سايىن بەكەمدەلىپ، كەلەلى سەلبەستىك نىساندارى ورنىقتى ىلگەرىلەتىلىپ، ەكى ەل حالقىنا ناقتى يگىلىك اكەلدى. ەكى جاقتىڭ بىرگە قۇلشىنۋىندا وسى رەتكى ساپاردىڭ جۇڭگو − پەرۋ جالپى بەتتىك ستراتەگيالىق سەرىكتەستىك قارىم - قاتىناسىن تاعى دا تىڭ ساتىعا كوتەرۋگە جەتەكشىلىك ەتىپ، ەكى ەلدىڭ ءار سالاداعى ناقتى ىستەر سەلبەستىگىندە اناعۇرلىم كوپ جاڭا جەتىستىكتەرگە قول جەتكىزۋىن جەبەيتىندىگىنە سەنەمىن. مەن تاعى ازيا − تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ماجىلىسىنە قاتىناسىپ، ءارقايسى جاقپەن بىرگە اشىق ازيا − تىنىق مۇحيت ەكونوميكاسىن قۇرۋعا، دۇنيە ءجۇزىنىڭ ەكونوميكالىق ارتۋىن جەبەۋگە، ازيا − تىنىق مۇحيت تاعدىرلاس ورتاق تۇلعاسىن قۇرۋعا تىڭ ۇلەس قوسۋدى ءۇمىت ەتەمىن.
ساي چي، ۋاڭ ي قاتارلى سەرىك بولىپ بارعاندار وسى ۇشاقپەن بىرگە باردى.
الدىن الا بارعان شياڭگاڭ ەرەكشە اكىمشىلىك رايونىنىڭ اكىمى لي جياچاۋ، جۇڭگونىڭ پەرۋدە تۇراتىن باس ەلشىسى سۇڭ ياڭ دا اۋەجايعا بارىپ قارسى الدى.
شي جينپيڭ كولىككە وتىرىپ اۋەجايدان شىعىپ ءوزى تۇسەتىن قوناقجايعا بارا جاتقان جولدا حۋاچياۋلاردىڭ، حۋارىنداردىڭ جانە جۇڭگو قارجىلاندىرعان قۇرىلىمداردىڭ، شەتەلدە وقىپ جاتقان وقۋشىلاردىڭ ۋاكىلدەرى جانە جەرگىلىكتى ورىنداعى حالىق جولدىڭ ەكى جاعىندا تۇرىپ قارسى الىپ، جۇڭگو مەن پەرۋ ەكى ەلدىڭ مەملەكەت تۋىن بۇلعاپ، ”ءتوراعا شي جينپيڭنىڭ پەرۋدەگى ساپارىنىڭ تولىق تابىستى بولۋىن تىلەيمىز!“، ”جۇڭگو − پەرۋ دوستىعى جاساسىن!“ دەگەن سياقتى قىزىل كەرمە تۋلاردى بيىك ۇستاپ، بارابان سوعىپ، ايداعار، ارىستان ءبيىن بيلەپ، شي جينپيڭنىڭ ساپارلاي كەلگەندىگىن قىزۋ قارسى الدى.
بەيجيڭنەن ليماعا بارا جاتقان جولدا شي جينپيڭ وتىرعان ارناۋلى ۇشاق يسپانيا گران كاناريا ارالىندا تەحنيكالىق ايالدادى، يسپانيا ورتالىق ۇكىمەتىنىڭ گران كاناريا اۆتونوميالى رايونىندا تۇراتىن تولىق ۇقىقتى ۋاكىلى جانە جەرگىلىكتى ورىنداعى جوعارى دارەجەلى ءمانساپتىلار اۋەجايعا بارىپ قارسى الىپ اتتاندىردى.
来源：新疆日报
编辑：热依扎·卡玛力别克
责编：库娜依·胡阿泰
监制：叶尔兰·努哈
