ايماق التىنتاۋ ساباقحاناسى ارناۋلى تاقىرىپتىق لەكسياسىن وتكىزدى

11-ايدىڭ 28-كۇنى ”التىنتاۋ ساباقحاناسى“ ايماقتىق پارتكومنىڭ پارتيا مەكتەبىندە لەكسيا وتكىزدى. وسى رەتكى لەكسيانىڭ ماقساتى ايماقتاعى پارتيا، ۇكىمەت باسشى كادرلارىنىڭ سيفرلى قابىلەت دەڭگەيىن ونان ارى جوعارىلاتىپ، ايماقتىڭ سيفرلى ەكونوميكاسىنىڭ جوعارى ساپالى دامۋىن ىلگەرىلەتۋ.

شينجياڭ داشۋەسىنىڭ پروفەسسورى، شينجياڭ سيفرلى ەكونوميكانى زەرتتەۋ ورنىنىڭ ورىنباسار باستىعى چىن بيڭدى لەكسيا جاساۋعا ۇسىنىس ەتتى. چىن بيڭ پروفەسسور سيفرلى ەكونوميكا، سيفرلى اۋىل-قىستاق، سيفرلى جىبەك جولى سياقتى سالادا كوپ جىل زەرتتەۋ جۇرگىزىپ، شينجياڭنىڭ ەلەكتروندىق ساۋدا ىستەرىنىڭ ”12-بەسجىلدىق“، ”13-بەسجىلدىق“، ”14-بەسجىلدىق“ دامۋ جوباسى سياقتى كەلەلى جوبانى جاساۋعا جەتەكشى بولىپ قاتىسقان.

لەكسيادا چىن بيڭ پروفەسسور ”شينجياڭنىڭ سيفرلى ەكونوميكاسىنىڭ دامۋىنا تالداۋ جاساۋدى“ تاقىرىپ ەتىپ، ءوزىنىڭ عىلمي زەرتتەۋ جەتىستىگىمەن ۇشتاستىرىپ، سيفرلى ەكونوميكانىڭ دامۋ استارى، شينجياڭنىڭ سيفرلى ەكونوميكاسىن باعالاۋ، تالداۋ، شينجياڭنىڭ سيفرلانۋىنا تالداۋ جاساۋ، شينجياڭنىڭ سيفرلانۋ كورىنىسى، شينجياڭنىڭ سيفرلانۋىنا وي جۇگىرتۋ سياقتى 5 جاقتان تەرەڭ ءتۇسىندىردى جانە تالداۋ جاسادى. لەكسيانىڭ مازمۇنى نازاريالىق بيىكتىككە دە، امالياتتىق تەرەڭدىككە دە يە، مازمۇنى باي، كوزقاراسى ەگجەي-تەگجەيلى بولىپ، ءار دارەجەلى باسشى كادرلاردىڭ پارتيا ورتالىق كوميتەتىنىڭ، اۆتونوميالى رايوندىق پارتكومنىڭ سيفرلى ەكونوميكانى دامىتۋ جونىندەگى ورنالاستىرۋلارىن، تالاپتارىن اناعۇرلىم جاقسى تۇسىنۋىنە، سيفرلى ەكونوميكانىڭ ماندىك مازمۇنى مەن اينالىم زاڭدىلىعىن يگەرۋىنە، سيفرلى ەكونوميكانىڭ جوعارى ساپالى دامۋىن ىلگەرىلەتۋىنە شابىت بەرىپ، وي جەلىسىن كەڭەيتتى.

كوپشىلىك جابال بىلاي دەدى: مامانداردىڭ ساباق ءوتۋ مازمۇنىمەن ۇشتاستىرىپ، سيفرلاندىرىپ دامىتۋدى جەدەلدەتۋدىڭ كەلەلى ستراتەگيالىق ءمانى مەن سيفرلى ۇكىمەت قۇرىلىسىن جەدەل ىلگەرىلەتۋدىڭ ءىس جۇزىندىك ءمانىن تەرەڭ تانىپ، سيفرلى ۇكىمەت قۇرىلىسىن، ەكونوميكانى دامىتۋدى ارقاۋ ەتىپ، الدىمەن جۇرگىزىپ، الدىمەن سىناق ەتىپ، ىزدەنىس جاساپ، جاڭالىق اشامىز. بۇقارا مەن كاسىپورىنداردىڭ شۇعىل، قيىن، ۋايىمداعان، ءزارۋ ماسەلەسىن شەشۋدى شىعار ءتۇيىن ەتىپ، كەزەكتەگى سيفرلى ەكونوميكانىڭ دامۋىنا تۇساۋ بولىپ وتىرعان قيىن، بوگەتتىك ماسەلەگە ىشكەرىلەي زەرتتەۋ جۇرگىزىپ، تالداۋ جاسايمىز. سيفرلى كورىنىس قۇرىلىسىن كۇشەيتىپ، سيفرلى ساياحات، سيفرلى قاتىناس، سيفرلى ەمدەۋ سياقتى الۋان ءتۇرلى تۇرمىس كورىنىسى جونىندە بەلسەنە ىزدەنىس جاساپ، ۇكىمەت فۋنكتسياسىندا بۇرىلىس جاساۋدى جەبەپ، ۇكىمەتتىڭ قىزمەت وتەۋ ونىمدىلىگىن ارتتىرىپ، ساۋدا ورتاسىنىڭ ساپالىلانۋىنا دەم بەرىپ، ءار ۇلت بۇقاراسىنا وزگەرىستى شىنايى كورسەتىپ، تيىمدىلىكتەن شىنايى يگىلىكتەندىرەمىز.

گاۋ جىگو، سەرىك قابىكەن ۇلى، ۋاڭ يۇن قاتارلى ايماقتىق ءتورت باسشىلىق القاسىنىڭ باسشىلارى، باس حاتشى، ورىنباسار باس حاتشىلارى؛ ايماقتىق ورتا دارەجەلى حالىق سوت مەكەمەسىنىڭ، پروكۋراتۋرانىڭ بولىمشە نەگىزگى جاۋاپتى جولداستار؛ ايماققا توتە قاراستى تاراۋلارداعى (ورىندارداعى) نەگىزگى جاۋاپتى جولداستار؛ سيفرلاندىرۋعا قاتىستى كاسىپورىنداردىڭ جاۋاپتىلارى نەگىزگى ءماجىلىس الاڭىندا لەكسياعا قاتىناستى. ارناۋلى تاقىرىپتىق لەكسيا بەينە ەكران ءماجىلىسى فورماسىندا اۋداندارعا (قالاعا) دەيىن اشىلدى، ايماق بويىنشا 1100 دەن استام ادام لەكسيانى تىڭدادى.