از ۇلتتاردىڭ مەملەكەتتىك 12-كەزەكتى ءداستۇرلى سپورت جارىسىندا التايدىڭ سپورتشىسى قۇندىزقان دۇكەي قىزىنىڭ ناتيجەسى كورنەكتى بولىپ، ايەلدەردىڭ (55 كيلوگرامدىق سالماقتاعى) جەكە ادامدىق التىباقان تەۋىپ، قوڭىراۋ سوعۋدا 3-دارەجەلى سيلىققا جانە ايەلدەردىڭ (55 كيلوگرامدىق سالماقتاعى) ەكى ادامدىق التىباقان تەۋىپ، قوڭىراۋ سوعۋدا 3-دارەجەلى سيلىققا يە بولىپ، اۋىلىنا داڭق اپەردى.
بيىل 43 جاستاعى قۇندىزقان شي-ان دەنەتاربيە شۋەيۋانىنىڭ دەنەتاربيە جاتتىقتىرۋ كاسىبىنەن وقۋ تاۋىسقان. قازىر التاي ايماقتىق 1-تولىق ورتا مەكتەپتىڭ دەنەتاربيە وقىتۋشىسى، التىباقان، دالالىق قار شاڭعى جانە جەڭىل اتلەتيكا سپورت ءتۇرىنىڭ جاتتىقتىرۋشىسى مىندەتىن قوسىمشا وتەيدى، دالالىق قار شاڭعى سپورتىنىڭ مەملەكەتتىك 1-دارەجەلى تورەشىسى تولىمدىلىعىنا يە بولعان.
قۇندىزقان تىلشىگە: شينجياڭ قۇراماسى اتىنان وسىنداي كولەمدى دەنەتاربيە سالتاناتىنا 4 رەت قاتىناسۋىم مەن ءۇشىن شەكسىز داڭق جانە ماقتانىش. ءار جولى جارىس الاڭىندا اۋىلداستارىمنىڭ كۇتكەن زور ءۇمىتىن سەزىنە الامىن. مۇنداي كۇش مەنى سايىس الدىندا ءتىپتى دە جىگەرلەندىرە ءتۇسىپ، قارا ءۇزىپ العا شىعۋعا تالپىنۋ جولىندا ماڭگى جەڭىلمەۋىمە مۇمكىندىك بەردى،-دەدى.
قۇندىزقاننىڭ كاسىپتىك ءومىرى شۇعىلالى جانە داڭققا تولى. 2006- جىلى شينجياڭ ۇيعۇر اۆتونوميالى رايوندىق 6-كەزەكتى از ۇلتتاردىڭ ءداستۇرلى دەنەتاربيە جارىسىندا 55 كيلوگرامنان جوعارى دارەجەدەگىلەردىڭ ەكى ادامدىق التىباقان تەۋىپ، قوڭىراۋ سوعۋ جارىسىندا اعا جۇلدەگەر بولعاننان باستاپ ول ءار رەتكى كولەمدى جارىستاردا كورنەكتى ناتيجە جاراتىپ كەلەدى.
بولاشاققا كوز جىبەرسەك، قۇندىزقان ۇمىتكە تولى سەنىممەن تىلشىگە: ۇزدىكسىز قۇلشىنىپ، ءوزىمنىڭ باسەكەلىك ورەم مەن جالپىلىق ساپامدى ۇزدىكسىز جوعارىلاتىپ، از ۇلتتاردىڭ تاعى ءبىر كەزەكتى ءداستۇرلى سپورت جارىسىنا قاتىناسۋعا قۇلشىنامىن. اۋىلداستاردىڭ كوڭىل ءبولۋى مەن قولداۋىندا، بولاشاقتاعى جارىس الاڭىندا، ءسوزسىز، تاعى دا تاماشا ناتيجە جاراتىپ، اۋىلىما ءتىپتى دە كوپ داڭق اپەرەتىنىمە سەنەمىن،-دەدى.
来源：雪都嘟/阿勒泰地区融媒体中心
记者：董世菊 通讯员 吾兰·哈地肯
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
