جۋىردا، شينجياڭ يۇنتاي ورتانى قورعاۋعا قارجى قوسۋ شەكتى سەرىكتەستىگىنىڭ بۋرىلتوعاي اۋداندىق لاس سۋدى ءبىر جاقتى ەتۋ زاۆودىندا قىزمەتكەرلەر لاس سۋدى ءبىرجاقتى ەتۋ جۇمىسىن تارتىپپەن جۇرگىزىپ، الدىن الا ءبىرجاقتى ەتۋ، بيولوگيالىق جولمەن ءبىرجاقتى ەتۋ، ىشكەرىلەي ءبىرجاقتى ەتۋ قاتارلى ءبىر قىدىرۋ جۇمىس ءتارتىبى ارقىلى قىرۋار تۇرمىستىق لاس سۋ مەن ونەركاسىپ جاراقسىز سۋىن ءونىمدى تازارتتى.
قالا مەن اۋىلداعى لاس سۋدى ءبىر جاقتى ەتۋ — ماڭىزدى حالىق تۇرمىسى ينجەنەرياسى ءارى قالا مەن اۋىلدىڭ ”نەگىزگى“ ينجەنەرياسى. بيىل جىل باسىنان بەرى، بۋرىلتوعاي اۋدانى سۋدىڭ لاستانۋىن تۋ باستان جونگە سالۋدى ۇزدىكسىز ىلگەرىلەتىپ، قالا-قالاشىقتارداعى تۇرمىستىق لاس سۋدى ءبىر جاقتى ەتۋ قۋاتى قۇرىلىسىن ۇزدىكسىز كۇشەيتىپ، عىلمي، دالمە-ءدال، جۇيەلى جونگە سالۋدى كورنەكتىلەندىرىپ، ەكولوگيالىق ورتانى جونگە سالۋ قابىلەتى مەن وسىزاماندانعان جونگە سالۋ دەڭگەيىن ۇزدىكسىز جوعارىلاتىپ، ”سۋ ىستەرىن“ جاسامپازدىقپەن ويداعىداي ىستەپ، جاسىل ەكولوگيالىق قالتقىنى باتىل بەكەمدەپ، لاس سۋدى ”تازا سۋعا“ اينالدىرىپ، قالانى ءتىپتى دە كورىكتەندىرىپ، بۇقارانى ءتىپتى دە الاڭسىز تۇرمىسقا كەنەلتتى.
”لاس سۋدى ءبىرجاقتى ەتۋدىڭ ءاربىر بۋىنىن دالمە-ءدال مەڭگەرۋ قاجەت، تيتتەي دە شالاعايلىق ىستەۋگە بولمايدى. ءبىز وسكەلەڭ قىراعىلىقتى باستان-اياق ساقتاپ، باقىلاۋ-باسقارۋدى كۇشەيتىپ، لاس سۋدى ولشەمگە جەتكىزىپ ءبىر جاقتى ەتۋگە بارىنشا كۇش سالىپ، ورتا حاۋىپسىزدىگىن قورعايمىز“،-دەدى شينجياڭ يۇنتاي ورتانى قورعاۋعا قارجى قوسۋ شەكتى سەرىكتەستىگىنىڭ بۋرىلتوعاي اۋدانى لاس سۋدى ءبىرجاقتى ەتۋ زاۆودىنىڭ تەحنيگى فان زۇڭتاڭ.
قازىرگە دەيىن بۇل زاۆود جيىنى 2 ميلليون 372 مىڭ 500 تەكشەمەتر لاس سۋدى ءبىرجاقتى ەتىپ، سۋ ساپاسىنىڭ ولشەمگە جەتۋ مولشەرىن %98 كە، كۇندىك ەڭ جوعارى ءبىرجاقتى ەتۋ مولشەرىن 6500 تەكشەمەترگە جەتكىزىپ، سۋ شىعارۋدا «قالا-قالاشىق لاس سۋدى ءبىرجاقتى ەتۋ زاۆودىنىڭ لاس زاتتاردى شىعارۋ ولشەمىندەگى» (2002- GB18918) 1-دارەجەلى A تۇردەگى ولشەمگە جەتكىزدى.
来源：雪都嘟/阿勒泰地区融媒体中心
通讯员：米立克 朱丽得孜
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
