جۋىردا ءتىلشىنىڭ ۇعىسۋىنشا، بيىل 9-ايدا جۇڭگو وڭتۇستىك اۆياتسيا توبى شەكتى سەرىكتەستىگى (تومەندە قىسقارتىلىپ وڭتۇستىك اۆياتسيا توبى دەلىنەدى) جەمەنەي اۋدانى بەستەرەك اۋىلى جالعىزقاراعاي قىستاعىنا 200 مىڭ يۋان جىلۋ اتاپ، وسى قىستاقتاعى قيىنشىلىعى بار 45 وتباسىنىڭ ءۇيىن جوندەۋگە ارناۋلى جۇمسادى.
ۇعىسۋعا قاراعاندا، جالعىز قاراعاي قىستاعىنىڭ جاعراپيالىق ورنى شالعاي، قىستاقتاعى كوپ ءبولىم ۇيلەر 10 نەشە جىلدىڭ الدىندا سالىنعان، ۇزاق جىلدار بويى جوندەلمەگەندىكتەن، ءۇيدىڭ سۋ وتكىزبەيتىن قاباتى كونەرىپ، جارىلىپ، قىستاق تۇرعىندارىنىڭ تۇرمىسىنا ۇقساماعان دارەجەدە ىقپال جاساعان. بيىل، ايماقتىق دامۋ-رەفورما كوميتەتى، ايماقتىق قامداۋ-ساتۋ سەلبەستىك كووپەراتيۆىنىڭ جالعىز قاراعاي قىستاعىندا تۇراتىن قىزمەت اترەتى وتباسىلارىن ارالاپ جاعداي ۇعىسقاندا وسى ىستەن حابار تاۋىپ، دەرەۋ وڭتۇستىك اۆياتسيا توبىمەن حابارلاسقان ءارى ءۇيدىڭ ءبۇلىنۋ دارەجەسىنە قاراي، وڭتۇسىك اۆياتسيا توبىمەن بىرلەسىپ قيىنشىلىعى بار 45 وتباسىنىڭ ءۇيىن جوندەتىپ بەرىپ، ءىس-جۇزىندىك ارەكەتتەرى ارقىلى قىستاق تۇرعىندارىنىڭ قونىستانۋ حاۋىپسىزدىگىنە كەپىلدىك ەتتى.
ءۇيى جوندەلگەن قىستاق تۇرعىندارى ەرەكشە اسەرلەنىپ، وڭتۇستىك اۆياتسيا توبىنا ”وڭتۇستىك اۆياتسيا توبى شىنايى سۇيىسپەنشىلىكپەن جىلۋ اتاپ، سان مىڭداعان وتباسىنا مەيىر سيلادى“ دەپ جازىلعان العىس تۋىن ۇسىندى.
ءتىلشىنىڭ ۇعىسۋىنشا، بۇل رەتكى جىلۋ اتاۋ وڭتۇستىك اۆياتسيا توبىنىڭ تۇڭعىش رەت كومەك كورسەتۋى ەمەس. 2021-جىلى وڭتۇستىك اۆياتسيا توبى التاي قالاسى ءابيتان قالاشىعى قاراتەرەك قىستاعىنا 200 مىڭ يۋان جىلۋ اتاپ، 60 كۇن ەنەرگيالى جول شىراعىن ورناتىپ بەرىپ، جەرگىلىكتى ورىننىڭ جارىقتاندىرۋ شارت-جاعدايىن زور دارەجەدە جاقسارتقان. 2023-جىلى، وڭتۇستىك اۆياتسيا توبى تاعى دا قاراتەرەك قىستاعىنا قۇنى 200 مىڭ يۋان كەلەتىن ءۇي جوندەۋ ماتەريالدارىن جىلۋعا اتاپ، جەرگىلىكتى ورىننىڭ نەگىزدىك قۇرىلعى قۇرىلىسىنا جالعاستى دەم بەرگەن.
来源：雪都嘟/阿勒泰地区融媒体中心
记者：杨玮璇
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
