11-ايدىڭ 26-كۇنى ءتىلشىنىڭ التاي كەدەنىنەن ۇعىسۋىنشا، بيىل 1-ايدان 10-ايعا دەيىن التاي كەدەنىنىڭ تايكەشكەن وتكەلىنەن شەكارادان كىرىپ-شىققاندار 147 مىڭ ادامعا (رەتكە) جەتىپ، سايكەس مەزگىلدەگىدەن %50.5 ارتقان؛ مۇنىڭ ىشىندە شەكارادان كىرگەندەر 72 مىڭ ادام (رەت) بولىپ، سايكەس مەزگىلدەگىدەن %56.5 ارتسا؛ شەكارادان شىققاندار 75 مىڭ ادام (رەت) بولىپ، سايكەس مەزگىلدەگىدەن %45.2 ارتقان.
شەكارادان كىرىپ-شىعاتىن ادام سانىنىڭ قاۋىرت ارتۋ جاعدايىنا ساي، التاي كەدەنى كەدەننەن ءوتۋ مولشەرى مەن قاۋىرت مەزگىلدى دالمە-ءدال مەجەلەپ، تۇتاس وتكەلدەگى ادام كۇشى بايلىعىن ءبىر تۇتاس جوسپارلاپ، كەدەننەن وتۋگە قىزمەت وتەۋدى ساپالىلاندىردى. كەدەننەن ءوتۋ الاڭىندا كەدەن قىزمەتكەرلەرى جولاۋشىلارعا شەكارادان كىرىپ-شىعۋ ساياساتى مەن كەدەننەن ءوتۋ بارىسىن ەگجەي-تەگجەيلى ءتۇسىندىرىپ، جولاۋشىلارعا مەيىرلى، تەز قىزمەت وتەدى.
تايكەشكەن وتكەلى شەكارا تۇرعىندارى بازارىنداعى بەلگىلى ساۋدا دۇكەنىنىڭ جاۋاپتىسى شان شۋەحۋا بىلاي دەدى: بۇرىنعى جىلدارمەن سالىستىرعاندا، بيىل موڭعۇليادان زات ساتىپ الۋعا كەلگەن جولاۋشىلار سانى ىركەس-تىركەس ارتتى. ءبىزدىڭ ساۋدامىز دا كۇسەت بولدى.
جۇڭگو مەن موڭعۇليا اراسىنداعى ماڭىزدى ساۋدا ارناسى بولعاندىقتان، التاي كەدەنى تايكەشكەن وتكەلىندەگى قاتتى بولشەك قۇرىلعىلارىن ۇزدىكسىز كەمەلدەندىرىپ، X ساۋلەلى اپپاراتى، CT اپپاراتى سياقتى جابدىقتاردىڭ قولدانىلۋىن كۇشەيتىپ، جولاۋشىلاردىڭ كەدەننەن تەز ءوتۋىن جۇزەگە اسىردى. ساناققا قاراعاندا، جولاۋشىلاردىڭ جالپى كەدەننەن ءوتۋ ۋاقىتى %30 قىسقارىپ، كەدەننەن ءوتۋ ونىمدىلىگى بارىنشا جوعارىلاعان.
التاي كەدەنىنىڭ تايكەشكەندە تۇراتىن ءىس باسقارماسى باقىلاۋ-باسقارۋ ءبولىمىنىڭ ورىنباسار باستىعى سۇي شياۋحۇي بىلاي دەدى: جىل باسىنان بەرى، ءبىز ساياحات بارىسىندا ناق مايداندا باقىلاۋ-باسقارۋعا جانە قىزمەت وتەۋ ونىمدىلىگىن جوعارىلاتۋعا كۇش سالىپ، زەردەلى ەسىكتەن تولىق پايدالانىپ، دەنساۋلىق ساقتاۋ، كارەنتيندەۋدى زەردەلى باقىلاۋ-باسقارۋدى جۇزەگە اسىرىپ، شەكارادان كىرىپ-شىققان جولاۋشىلاردىڭ كەدەننەن اناعۇرلىم جوعارى ءونىمدى، قولايلى وتۋىنە مۇمكىندىك جاسادىق. كەلەسى قادامدا، ”ساياحات بارىسىن زەردەلى تەكسەرۋ“ قۇرىلىسىن ۇزدىكسىز ىلگەرىلەتىپ، كەدەننەن وتۋگە قىزمەت وتەۋ ءتارتىبىن ساپالىلاندىرىپ، كەدەننىڭ مەملەكەت قاقپاسىن كۇزەتۋ، دامۋدى جەبەۋ قىزمەت جاۋاپكەرشىلىگىن، بورىشىن اناعۇرلىم ويداعىداي اتقارامىز.
来源：雪都嘟/阿勒泰地区融媒体中心
记者：古丽娜 张福新 通讯员 沙娅·解恩斯
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
