”قازىر جاڭا ەسىرتكىنى سۋسىن شاي، تياۋتياۋتاڭ، گودوڭ، كارتوچكا قاتارلى زات تۇرىندە وزگەرتىپ جاساۋدا، بۇل زاتتىڭ قوراپتالۋى ادەمى، رەڭى قانىق بولىپ، الجاستىرۋ سيپاتىنا يە بولعاندىقتان، زالالى ايرىقشا زور بولۋدا“... جۋىقتا، ايماقتىق ەسىرتكىگە تيىم سالۋ كەڭسەسىنىڭ قىزمەتكەرلەرى التاي قالاسىنىڭ تاجىريبە باستاۋىش مەكتەبىنە بارىپ، ”جاس وسپىرىمدەردىڭ ءدارى-دارمەكتى بەتالدى پايدالانۋىنان ساقتانۋدى“ نەگىزگى تاقىرىپ ەتكەن ەسىرتكىگە تيىم سالۋدى مەكتەپ اۋلاسىندا ۇگىتتەۋ قيمىلىن وتكىزدى.
قيمىل الاڭىندا قىزمەتكەرلەر ۇقساتپالى ەسىرتكى مودەلىنەن پايدالانىپ، وقۋشىلارعا جاڭا ەسىرتكىنىڭ وزگەرگەن ءتۇرىن كورسەتىپ، ونىڭ ءتۇرى، زيانى جانە ەسىرتكى تانۋ، ەسىرتكىدەن باس تارتۋ، ەسىرتكىدەن ساقتانۋ ادىستەرى قاتارلى بىلىمدەردى ەگجەي-تەگجەيلى ءتۇسىندىردى. سونىمەن بىرگە، ناقتى مىسالدارمەن ۇشتاستىرىپ، ەسىرتكىنىڭ جەكە ادامعا، وتباسىنا جانە قوعامعا تۋدىرعان وراسان زور زيانىنا ىشكەرىلەي تالداۋ جاسادى.
وقۋشىلار ءبىر اۋىزدان بىلاي دەدى: ەسىرتكىگە تيىم سالۋ ۇگىتىنە بەلسەنە ات سالىسىپ، ەسىرتكىگە تيىم سالۋ بىلىمدەرىن وتباسىمىزعا جانە دوستارىمىزعا ىرىقتىلىقپەن جەتكىزىپ، ”ەسىرتكىسىز مەكتەپ اۋلاسىن“ قۇرۋعا، ”ەسىرتكىگە تيىم سالۋدان ۇلگى كورسەتەتىن مەملەكەتتىك قالا“ قۇرۋعا بىرگە ۇلەس قوسامىز.
ايماقتىق ەسىرتكىگە تيىم سالۋ كەڭسەسىنىڭ قاتىستى جاۋاپتىسى بىلاي دەدى: ءبىز بۇدان بىلاي مەكتەپ اۋلاسىنداعى ەسىرتكىگە تيىم سالۋ ۇگىت-تاربيە قىزمەتىن ۇزدىكسىز كۇشەيتىپ، ءتۇرلى فورمالار ارقىلى مەكتەپتەگى وقۋشىلاردىڭ ەسىرتكىگە تيىم سالۋ تانىمى مەن زاڭدىق تانىمىن ۇزدىكسىز كۇشەيتىپ، جاس وسپىرىمدەردىڭ اقاۋسىز ەسەيىپ-ەرجەتۋىنە تاماشا قوعامدىق ورتا ازىرلەيمىز.
来源：雪都嘟/阿勒泰地区融媒体中心
记者：古扎丽·阿布都热西提 通讯员：曹旭
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
