قيىن ماسەلەلەردى كەڭەسىپ شەشتى

تاياۋدا، جەمەنەي اۋدانى توستى اۋىلى قويتاس قىستاعىنىڭ 55-رەتكى ”ءار ايدىڭ 10-، 20-، 30-كۇنى حالىق جاعدايى جونىندە كەزدەسۋ ءماجىلىسى“ ۋاعىندا اشىلدى. ماجىلىستە قىستاق تۇرعىندارى اقتارىلا سويلەدى، ورتاعا قويىلعان تالاپقا دەرەۋ جاۋاپ قايتارىلدى. مۇنداي بەتپە-بەت اۋىس-كۇيىس جاساۋ ءتاسىلى قىستاق تۇرعىندارىنىڭ ارمان-تىلەگىنە ءمان بەرىپ قالماستان، ولاردىڭ نەگىزگى ساتىنى جونگە سالۋعا ات سالىسۋ دەڭگەيىن دە جوعارىلاتتى.

جاقىنعى جىلداردان بەرى، جەمەنەي اۋدانى پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋدى تىڭعىلىقتى ىلگەرىلەتىپ، ”حالىق جاعدايى جونىندە كەزدەسۋ ءماجىلىسىن“، ”ازاماتتىق ىستەردى تىكە ايتۋ كۇنىن“ كىرىسۋ ءتۇيىنى ەتىپ، بۇقارانىڭ ”ماڭىزدى كىشى-گىرىم ىستەرىن“ ويداعىداي ىستەپ، ءار ۇلت بۇقاراسىنىڭ ءۇنىنىڭ دەر كەزىندە جەتكىزىلۋىنە، ۇيلەسىمدى تالاپ-تىلەگىنىڭ ءونىمدى شەشىلۋىنە شىنايى كەپىلدىك ەتتى.

قويتاس قىستاعى پارتيا ياچەيكاسىنىڭ ورىنباسار شۋجيى مۇراتبەك بىلاي دەدى: بيىل جىل باسىنان بەرى، بۇقارانىڭ قايشىلىق داۋ-شارىنان 28 ىن جينادىق، ءبىرجايلى ەتۋ مولشەرى %100كە جەتتى. جاقىنعى 3 جىلدان بەرى بۇقارا %100 رازى بولدى. بۇل ناتيجەنى ”10-، 20-، 30- كۇنگى حالىق جاعدايى جونىندە كەزدەسۋ ءماجىلىسى“ قيمىلىنىڭ ءونىمدى جۇرگىزىلۋىنەن بولە قاراۋعا بولمايدى.

توستى اۋىلى توستى قىستاعىنىڭ تۇرعىنى داۋلەت مۇرات ۇلى بيىل ءشوپ شابۋ ءۇشىن الاڭدامايتىن بولدى. بۇرىن وسى قىستاقتىڭ 430 مۋ جەرىندە ”ءبىر جەردە كوپ كۋالىك بولۋ“ ماسەلەسى ساقتالىپ، قىستاق تۇرعىندارىن 21 جىلدان استام ۋاقىت مازالاعان ەدى. بيىل 5-ايدا قىستاق تۇرعىندارى بۇل جاعدايدى ”10-، 20-، 30-كۇنگى حالىق جاعدايى جونىندە كەزدەسۋ ماجىلىسىندە“ اڭىس ەتىپ، اۋىلدىق پارتكوم مەن ۇكىمەتتىڭ سايكەستىرىپ ءبىر جاقتى ەتۋى ارقىلى 38 ەگىنشى-مالشى وتباسىنا ساياتىن جايلىم داۋ-شارى ماسەلەسى ءساتتى شەشىم تاپتى.

توستى اۋىلى بۇقارانىڭ شۇعىل، قيىن، ۋايىمداعان، ءزارۋ ماسەلەسىن ارقاۋ ەتىپ، ءادىس-امالداردى ۇزدىكسىز قاراستىرىپ، نەگىزگى ساتىنىڭ جونگە سالۋ ونىمدىلىگىن ارتتىرىپ، بۇقاراعا قىزمەت وتەۋدىڭ ”سوڭعى ءبىر شاقىرىمىن“ تۇتاستىردى. 2021-جىلدان بەرى بۇل اۋىل ارىز-ارمان قابىلداۋ، تومەنگە بارىپ ارىز-ارمان جيناۋ قيمىلىن 55 رەت وتكىزىپ، حالىق رايىنان 326 سىن جينادى. مۇنىڭ ىشىندە 229 ىنا سول مايداندا جاۋاپ قايتارىلدى، اۋىل دارەجەلى ورىندار 35 ىن ءبىرجاقتى ەتتى، قىستاق دارەجەلى ورىندار 62 سىن ءبىر جاقتى ەتتى، بۇعان قاتىناسقان بۇقارا 1900 ادام (رەتتەن) استى.

توستى اۋىلدىق پارتكومنىڭ ورىنباسار شۋجيى، اۋىل باستىعى ەرلىك تالعات ۇلى بىلاي دەدى: جوعارىعا ارىزدانۋدى ارىز ايتۋعا ىرىقتىلىقپەن ۋادەلەسۋ جانە تومەنگە بارىپ ارىز جاعدايىن ۇعىسۋ فورماسىنا وزگەرتۋ ارقىلى ”كىشى-گىرىم ءىستى قىستاقتا، ءىرى ءىستى اۋىلدا ءبىتىرۋدى“ جۇزەگە اسىردىق. ءبىز الداعى جەردە نەگىزگى ساتىنى جونگە سالۋ ونىمدىلىگىن ۇزدىكسىز ارتتىرىپ، بۇقارانى رازى قىلامىز.

توپتەرەك قالاشىعى پارتيا قۇرىلىسىنىڭ جەتەكشىلىگىندە نەگىزگى ساتىنى جونگە سالۋدىڭ جاڭا جولىن بەلسەنە قاراستىردى. ءار ايدىڭ 10-كۇنى وتكىزىلەتىن ”ازاماتتىق ىستەردى تىكە ايتۋ كۇنى“ قيمىلىندا، وسى قالاشىق قوجالىقتاعى كۇردەلى ماسەلەلەردى شوعىرلى شەشۋ قيمىلىن وتكىزىپ، الەۋمەتتىك اۋماق تۇرعىندارىن مازالاعان ىستەردى ءونىمدى شەشتى. پوچتا شاعىن رايونىن مىسالعا الساق، تاريحي سەبەپتەن شاعىن رايون جولىن قاتتىلاندىرۋ ماسەلەسى شەشىلمەي كەلگەن بولاتىن. بيىل قىس كىرۋدەن بۇرىن بۇل ماسەلە ٴبىرجاقتى ەتىلىپ، 297 وتباسىنداعى 481 ادامنىڭ ءجۇرىس-تۇرىس قيىنشىلىعى شەشىلدى.

”بۇرىن اۋلامىز لايساڭ بولىپ جاتاتىن. جول قاتتىلاندىرعاننان كەيىن تۇرعىنداردىڭ ءجۇرىس-تۇرىسىنا قولايلى بولدى“،-دەدى شاعىن رايوننىڭ تۇرعىنى گاۋ حىچاڭ تەبىرەنە.

بيىل جىل باسىنان بەرى توپتەرەك قالاشىعى بۇقارانىڭ شۇعىل، قيىن، ۋايىمداعان، ءزارۋ ماسەلەسىن دەن قويا، سۇيىسپەنشىلىكپەن كۇش سالا شەشتى. ازاماتتىق ىستەردى تىكە ايتۋ، وتباسىلارىن ارالاپ جاعداي ۇعىسۋ قاتارلى تاسىلدەر ارقىلى بۇقارانىڭ شۇعىل، قيىن، ۋايىمداعان، ءزارۋ ماسەلەسىنەن 30 ىن جينادى، بۇل 1708 وتباسىنداعى 5356 ادامعا سايدى. بۇدان سىرت، 2 ميلليون 293 مىڭ 520 يۋان قارجى قوسىپ، شاعىن رايون تۇرعىندارىن مازالاعان قوجالىقتاعى 410 ءتۇرلى قيىن ماسەلەنى شوعىرلى شەشتى، نەگىزگى ساتىداعى ءبىرقىدىرۋ قايشىلىق ۋشىقپاي تۇرعاندا شەشىلدى.

جەمەنەي اۋدانى ”ءتورتتى نەگىزگى ساتىعا جەتكىزۋ“ تالابىمەن ۇشتاستىرىپ، نەگىزگى ساتى پارتيا قۇرىلىسىن جەتەكشى ەتىپ، پارتيانىڭ باسشىلىعىن، قىستاق تۇرعىندارىنىڭ ءوزىن-ءوزى باسقارۋىن جانە بۇقارانىڭ ات سالىسۋىن ورگانيكالى ۇشتاستىرىپ، نەگىزگى ساتى قوعامى بىرگە قۇرىپ، بىرگە جونگە سالىپ، بىرگە يگىلىكتەنەتىن جونگە سالۋدىڭ جاڭا جاعدايىن قالىپتاستىردى. الداعى جەردە جەمەنەي اۋدانى ماسەلەنى نىشان ەتۋدەن جازباي، نازاردى ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەسىنە شوعىرلاندىرىپ، كەڭەسۋ تۇعىرى دانەكەرىنەن ويداعىداي پايدالانىپ، كوپ نەگىزدى جاۋاپكەرشىلىك تۇلعالارىنىڭ الدىڭعى تەكشەگە شىعۋىن ىلگەرىلەتەدى، بۇقارانىڭ ارمان-تىلەگىنە قۇلاق اسىپ، ماسەلەلەردى ناق مايداندا سايكەسە بىرلەسىپ ءبىرجاقتى ەتىپ، ماسەلەنى شەشۋدى جەبەپ، نەگىزگى ساتىنىڭ جونگە سالۋ ونىمدىلىگىن اناعۇرلىم ارتتىرادى.