جاقىنعى كۇندەردەن بەرى، التاي قالاسىنا شاڭعى تەبۋگە كەلگەن قار شاڭعى اۋەسكەرلەرى ءبىر اۋىزدان: التايدىڭ ساياحاتقا قىزمەت وتەۋى جان-جاقتىلى ەكەن،-دەستى. جۋىردا ءتىلشى وسى قالانىڭ 1-جول، 101-جول، 2-جول، 5-جول الەۋمەتتىك اۆتوبۋزدارىنىڭ ارت جاعىنا ”قار شاڭعى تاقتايشاسىن سالۋ ساندىعى“ ورناتىلعاندىعىن بايقادى.
بۇل قار شاڭعى تاقتايشاسىن سالۋ ساندىعى كوك ءتۇستى، ۇزىندىعى 1.8 مەتر، كەڭدىگى 35 سانتيمەتر، بيىكتىگى 40 سانتيمەتر، ساندىققا ”قار شاڭعى تاقتايشاسىن سالۋ ورنى“ دەپ انىق جازىلعان، ساندىق ادەمى جاسالعان ءارى وڭاي پارىقتالادى. قار شاڭعى اۋەسكەرلەرى الەۋمەتتىك اۆتوبۋزعا وتىرعاندا، قار شاڭعى تاقتايشاسىن ساندىققا سالادى، بۇل ولاردىڭ قار شاڭعىنى الىپ ءجۇرۋ ماسەلەسىن شەشىپ، قار شاڭعى الاڭىنا بارۋىنا كوپتەگەن قولايلىلىق اكەلدى.
جىجياڭنان كەلگەن قار شاڭعى اۋەسكەرى ۋاڭ بو ءۇرتىس 3 جىل التايدا شاڭعى تەپتى، ول التايدىڭ ءتۇرلى مەيىرىمدى قىزمەت وتەۋىن اۋىز جاپپاي القادى: ءار جولى التايعا كەلىپ شاڭعى تەپكەندە، جەرگىلىكتى ورىننىڭ ءتۇرلى مەيىرىمدى قىزمەت وتەۋى مەنى اسەرلەندىرەدى. قالا رايونىنان قار شاڭعى الاڭىنا باراتىن قاتىناس وتە قولايلى، ونىڭ ۇستىنە الەۋمەتتىك اۆتوبۋزعا قار شاڭعى تاقتايشاسىن سالاتىن ورىن ورنالاستىرىلعان، بۇل ءبىزدىڭ ءجۇرىس-تۇرىسىمىزعا اسا زور قولايلىلىق تۋدىردى. التايدىڭ ساياحات، مادەنيەتىنە ماداق ايتامىز!
جاقىنعى جىلداردان بەرى، التاي قالاسى وزگەشە قار-مۇز بايلىعىنا سۇيەنىپ، قار-مۇز ەكونوميكاسىن زور كۇشپەن دامىتىپ، ”قار-مۇز ساياحاتى، قار-مۇز سپورتى، قار-مۇز مادەنيەتىن“ وزەك ەتكەن قار-مۇز كاسىبىن دامىتۋ جۇيەسىن بەلسەنە ورناتىپ، قار-مۇز ساياحات كاسىبىندە قارىشتاپ دامۋ جاعدايى جارىققا شىقتى.
جاڭا قار ماۋسىمىنىڭ كەلۋىنە بايلانىستى، التاي قالاسى ليجۇڭ الەۋمەتتىك قاتىناس شەكتى سەرىكتەستىگى الەۋمەتتىك قاتىناس قىزمەت وتەۋىنىڭ قولايلى بولۋ دارەجەسى مەن جانعا جايلى بولۋ دارەجەسىن ۇزدىكسىز جوعارىلاتىپ، جاڭالىق اشۋ شارالارى ارقىلى قار شاڭعى اۋەسكەرلەرىنە اناعۇرلىم جان-جاقتى قىزمەت وتەدى. بۇل سەرىكتەستىك التاي قالاسىنىڭ الەۋمەتتىك قاتىناس جول كارتاسىن قايتادان جاساپ قالماستان، تۇرلىشە تۇسپەن ءارقايسى لەنيالاردى پارىقتاپ، ساياحاتشىلاردىڭ قوناقجايدان ءارقايسى جەرلەرگە باراتىن الەۋمەتتىك قاتىناس لەنيالارىن تۇسىنۋىنە قولايلىلىق تۋدىرىپ، ەكىلىك ءنومىرىن جاساپ، ساياحاتشىلاردىڭ ەكىلىك ءنومىردى جايمالاپ تەكسەرىپ كورۋىنە قولايلىلىق جاراتتى. بۇدان سىرت، سەرىكتەستىك ساياحاتشى مولشەرىنە نەگىزدەلىپ، قالا رايونىنان قار شاڭعى الاڭىنا دەيىنگى الەۋمەتتىك قاتىناس سانىن يكەمدى رەتتەپ، قار شاڭعى اۋەسكەرلەرىنىڭ قار شاڭعى الاڭى مەن قالا رايونى اراسىنا بارىپ – كەلۋىنە قولايلىلىق جاراتتى.
التاي
قالاسى ليجۇڭ الەۋمەتتىك قاتىناس شەكتى سەرىكتەستىگى پارتيا ياچەيكاسىنىڭ شۋجيى حوۋ
يانپيڭ بىلاي دەدى: كەلەسى قادامدا، الەۋمەتتىك قاتىناس قىزمەت وتەۋىنىڭ قولايلى
بولۋ دارەجەسى مەن جانعا جايلى بولۋ دارەجەسىن ۇزدىكسىز جوعارىلاتىپ،
ساياحاتشىلاردىڭ قاجەتىن جان-جاقتى، كوپ تۇرعىدان قاناعاتتاندىرىپ، الەۋمەتتىك
قاتىناسقا قىزمەت وتەۋدى اناعۇرلىم قولايلى، اناعۇرلىم جايلى ەتۋگە قۇلشىنىپ،
التايدىڭ ساياحات كاسىبىنىڭ گۇلدەنۋىنە، دامۋىنا ۇلەس قوسامىز.
来源：雪都嘟/阿勒泰地区融媒体中心
记者：古扎丽·阿布都热西提 阿丽娜·阿依登
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
